Zeizong vialte cungah Jesuh khrih hi a laifang a si. ======================{{==============

Zeizong vialte cungah Jesuh khrih hi a laifang a si.

======================{{==============

Bible ningin : Zeizong vialte sertu cu Jesuh khrih a si

(Kolose 1:16) Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le thawnnak thlarau hna zong kha amah thawng cun a ser hna. Pathian nih van le vawlei hi a dihlak in Khrih thawng cun a ser hna i Khrih caah cun a ser hna.

Jesuh khrih thawngin zeizong vialte kha khrih thawngin ser a si,Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le thawnnak thlarau hna zong kha amah thawng cun a ser hna,van le vawlei dihlak hi khrih thawngin ser a si dih,cucu zeizong vialte cungah a look a laifang(centered) a si.minung sualnak thianhpiak khawhnak zong khrih thiamthiam nih a Serh.Jesuh khrih zeizong vialte a domhtlaih dih caah a laifang centered cu a si.(Hebrew 1:3) Amah cu Pathian sunparnak in a ceu i Pathian he aa lo taktakmi kha a si; cun van le vawlei kha,thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

Jesuh cu tuanbia laifang a si

Biathlam 21:4 An mitthli vialte kha a hnawh dih hna lai. Thihnak a um ti lai lo, ngaihchiatnak le tahnak le fahnak zong a um ti lai lo. Thil hlun vialte cu an lo dih cang,” a ti.

Mitthli hnawhpiak tu ,thihnak,ngeihchiatnak,fahnak le tuahnak um ti lo vawlei pumsa harsatnak vialte a dih Lai.Jesuh khrih nih misual mi hna vawlei sualnak in a kan khamhnak cu vancung ah Kan hmuh te Lai ding a si, vawleicung ka nunnak le Jesuh khrih tuahnak vialte kha tuanbia an cang te Lai.

Jesuh khrih cu bible laifang a si

(Luke 24:27) Cun Jesuh nih Cathiang chungah, Moses cauk hna thawk in profet hna tialmi cauk hna tiang, amah kong aa tialmi vialte kha fiang tein a chimh hna.

Amah Jesuh khrih nih cathiang bible chungah Moses cauk hna thawk in profet hna tialmi cauk hna tiang ,a mah Jesuh khrih Kong an tialmi vialte kha fiang tein a chim.Hi bible hrimhrim nih a chimmi hi kan hmuh ko Jesuh khrih a thla tu hi a mah Jesuh khrih hrimhrim kha a si,a mah le a mah vawlei ah aa thla nak a si,Moses sinah keimah a simi keimah nih Nan sinah keimah kha ka thlah tiah Va chimh hna a tinak le Luke 24:27 hrimhrim ah Kan hmuh Moses cauk thawkin prophet tialmi cauk tiang an rak tialmi ca cu A mah Jesuh khrih hrimhrim nih a mah Kong a sinak kha fiang tein a chim ko.cucaah Jesuh khrih cu bible a laifang a si.

Jesuh khrih vailam tahnak nun a laifang a si

Matt 8:31-33

31 Khuachia nih cun Jesuh cu, Kannih cu na kan chuah ding a si ahcun, vok chung tal ah khin kan luhter, tiah an nawl. 32 Jesuh nih cun, Va kal u, tiah a ti hna i cucaah an chuak i vok chungah cun an lut. Vok cu an run ningpi in lungpang cun an zuang ciammam i rili chungah cun an tla i an thi dih.

33 Vok zohkhenhtu hna cu khulrang in khua ah cun an va le i cu kong cu le khuachia nih a tuahmi hna kong kha an va chimh hna.

Jesuh khrih vailam tahnak nun a thihnak cu khuachia hna ttawlnak le teinak dingah vailam thihnak a hua kha a si,cucaah khuachia kha umnak an ngei to lo caah vok chungah um ding ah an hal.Mipa Pakhat chungah khuachia a lut caah Jesuh khrih nih a tthawl I umnak ding vok Chung um dingah an hal I vok Chung ah an lut I Rili ah an tla dih.Jesuh khrih vailam tahnak thihnak kha khuachia riantuannak teihnak ding caah a si,cucu vailam tahnak nun laifang a si.(Lamklatu 8:26-35)

Filip le Ethiopia Bawi Kong

26 Bawipa vancungmi pakhat nih Filip cu a thawh i, “I tim law thlanglei ah vung kal law Jerusalem in Gaza ah a kalmi lam ah khan vung kal tuah,” a ti (Cu lam cu an hmang ti lo). 27-28 Cucaah Filip cu aa tim i a kal. Cu lioah cun Ethiopia mi tilditmi pakhat an khua lei i a tlungmi a rak um. Cu pa cu bawi upa pakhat a si i Kandeis ti zongah ti a simi Ethiopia siangpahrangnu tangka bawi kha a si. Amah cu Pathian biak awkah khan Jerusalem khua ah a va kal i a rangleng in a tlun lei a si. Rangleng aa citpah cun Isaiah cauk kha a rel. 29 Thiang Thlarau nih Filip cu a thawh i, “Va kal law khi rangleng khi va naih tuah,” tiah a ti. 30 Filip cu a va tli i a relmi cu Isaiah cauk chung bia a si kha a theih i, “Na relmi cu a sullam na hngal maw?” tiah a hal. 31 Cu bawi nih cun a thawh i, “Aho tal nih a sullam chimh lo cun zeitindah ka hngalh khawh hnga,” tiah a ti. Cun Filip kha rangleng cungah hin hung kai law ka sinah òhu tuah, tiah a sawm. 32 A rak rel lengmangmi caang cu hihi a si:“Amah cu thah awkah hruaimi tuu bantuk a si,amah cu a hmul an meh tikah a awn-au lomi tuufa bantuk a si;

bia kaa khat hmanh chim lo tein a um ko.

33 Ningzahnak kha a in,chanhtu ahohmanh a ngei lo.Hi vawlei cung a nunnak cu a dongh cang caah a tefa hna kong kha ahohmanh nih an chim kho lai lo.”34 Kha bawi nih khan Filip cu a thawh i, “Profet nih hin aho kong dah a chim, ka chim tuah; amah kong maw aa chim, midang kong dah a chim?” tiah a ti. 35 Filip nih cun a vun i thawh i, hi Baibal cang hin i thawk in Jesuh kong Thawngtha kha a chimh.

Hebrew 1:5-9

Pathian nih a vancungmi pawl cu ahohmanh,

“Nangmah cu ka Fapa na si,nihin ah na Pa ah ka cang,”a ti bal hna lo.Cu hleiah,“Keimah cu a Pa ka si lai i amah cu ka Fapa a si lai,”ti zongah a ti bal fawn hna lo.6 Pathian nih a fater cu

vawlei cung i a thlah tikah,“Pathian vancungmi vialte nih amah cu an biak awk a si,” a ti.7 Cun Pathian nih vancungmi pawl kong ah cun,“Pathian nih a vancungmi hna cu thlitu ah a ser hna i a riantuantu hna cu meizik ah

a ser hna,” tiah a chim.8 Sihmanhsehlaw a Fapa tu cu,“Maw Pathian, na bawithutdan cu

zungzal in zungzal tiang a hmun lai:Na pennak cu dinnak in na uk.9 Ahmaanmi thil cu na duh i

ahmaan lomi thil cu na huat;Cucaah cun Pathian,na Pathian nih cun an thim i,Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

Pathian nih a vancungmi pawl cu ahohmanh,“Nangmah cu ka Fapa na si,nihin ah na Pa ah ka cang,”a ti bal hna lo.Cu hleiah,“Keimah cu a Pa ka si lai i amah cu ka Fapa a si lai,”ti zongah a ti bal fawn hna lo timi hi zoh ta u sih pahnih an si lonak a langhter mi a si,minung pahnih an si lonak a langhter duhmi a si hihi fa a um ahcun fapa a um ve awk a si nain Pathian nih Jesuh khrih kha ka fa a si Lai a ti lo ,Jesuh khrih nih Pathian kha a pa a si Lai a ti ve lonak cu then awk an tha lo caah a si,pa le fa in then awk an tha lo caah a si,pa le fa cu pumsa pahnih an si cang nain Pathian sinak i,pa le Fapa cu pumsa in pahnih si loin pumsa Pakhat a si I,minung sinak le Pathian sinak kha a chim duh mi a si.Pathian Pakhat a simi minung Fapa Jesuh khrih le Pathian a simi Pa Pathian Jesuh khrih cu Pakhat a si I cu Pathian cu zeizong vialte nawlngeihnak,bawithutdan cu zungzal in zungzal tiang a hmun lai:a pennak cu dinnak in na uk.Ahmaanmi thil cu a duh i ahmaan lomi thil cu a huat;Cucaah cun Pathian nih cun a thim i, a hawile hna nih an hmuhmi nakin a ngan deuh suaumaumi upatnak lunglawmhnak kha aan pek.cucu Jesuh khrih Pathian kha Pathian sinak tling khitkhet tein a ngeihnak cu a si.(kolose 2:9Zeicahtiah Pathian sining cu tling khitkhet tein Khrih a minung sinak ah khan a um i .

Pathian hngalh fiang lo hi zungzal nunnak co lonak a si.Jesuh khrih zumhlo,hngalhlo, hi Pathian zumhlo ,hngalhlo a si.Jesuh khrih fiang tein na theih I na hngalh I na zumhmi I na zumh ngam mi cu pathian theih,hngalh,zumh,zumh ngam cu a si ko.Pathian hngalh le zumh cu Jesuh khrih hngalh le zumh a si.cucaah Pa Pathian le Jesuh khrih cu Pakhat an sinak a si.

Lam hnih in Jesuh khrih laifang a si.(Luke 24:27) Cun Jesuh nih Cathiang chungah, Moses cauk hna thawk in profet hna Zeicahtiah Pathian sining cu tling khitkhet tein Khrih a minung sinak ah khan a um i hi pei an si cu: Moses Phungbia chung le profet hna nih an tialmi chung le Salm chungah keimah kong an rak tialmi vialte cu a tlin dih awk a si,” tiah a ti.

(John 5:46)Moses kha rak zum taktak u law cu, keimah hi nan ka zumh ko hnga, zeicahtiah amah nih keimah kong hi pei a rak tial cu.

Jesuh khrih nih Zulhtu hna sinah a chimmi Moses nih a rak chimmi cu keimah Kong hi pei a si cuh,Pathian sinah a langhmi Pathian kha rak zumh u law keimah hi Nan ka zumh ko hnga tiah Jesuh khrih nih Zulhtu a ti hna.Moses sinah a rak langhmi Pathian kha mit hmuhkhawh lomi a si I an rak zumh khi lo caah Jesuh khrih nih Moses Pathian kha zumh u law Nan ka zumh ko Lai a tinak a si.moses sinah a langhmi Pathian kha Jesuh khrih a si.Jesuh khrih na zumh lo cu Moses sinah a langhmi Pathian na zumh lo ca'h tu kha a si bible ah fiang tein kan hmuh I,Jesuh khrih hrimhrim nih Zulhtu hna kha a chimmi Bia a si,Keimah Pathian ka si cu direct in a chim lo nain Pathian a sinak kha indirect tu in a chim lengmang timi Kan hmuh.Jesuh khrih hi Bible a laifang a si.

UNAU Pathian zumh timi hi I palh hrimhrim hlah u sih ,Buu cu khoika poah ah um ding a si ko nain zumhnak a hmanmi taktak hi kawl hna u sih ,cucu ruahnak le mah Buu ,le group, fellowship, Kal ning in kawl loin Bible chungah Biakam hlun ah an chimmi Bia kha Biakam thar ah fiangternak a tuah ,a si lo ah bible cacang dang le verses dang Tete in fiang ternak a um lengmang caah bible tam piin rel a herh nak a si.mi cheukhat Dr.le Degree sangsang le cathiam hna nih an fianh tawn lonak cu bible kha bible in a fiangternak a tuah lengmang mi kha bible. An rel mi a tlom tuk caah le khalei le kha lei an zoh ttih thiam lo caah an fiang kho lonak a si..zumhnak hmanmi kawl hna u sih .Jesuh khrih hi zeizong vialte a laifang a si ..Rel tu vialte Pathian nih an fiangter hrimhrim hna Lai tiah zumhnak ka. Ngei.