Request Nan um caah ka rak tialmi a si. Aa Thuhmi PaThian ==================

Request Nan um caah ka rak tialmi a si.

Anna Suihlei Sung

Aa Thuhmi PaThian

==================

Aa Thuhmi Pathian cu a hodah a si timi van zoh than u sih a tawinak in:

#Bible ah chan a um lo a timi hna Nan um rih fiang tein rak rel uh.

Pathian cu thlarau a si I,cu thlarau cu khrih a si,Bible dihlak ah tial mi cu khrih Kong kha a si.Cu Pathian cu thlarau in kan bia awk a si.cu Pathian cu hmuh khawh a rak si lo caah hlan pipu chan ah profet hmangin Pathian cu theih a rak si I,a tu chan ahcun fapa in biachim a si.Pathian nih a thuhmi sunparnak cu Jesuh khrih kha pek a si cang, Siangpahrang hna sunparnak cu Jesuh khrih pumpak I,fiangternak hi a si,cu Siangpahrang cu Pathian cu a si,cucu pa,fapa,thiang thlarau in fiangter a si I,cucu van le vawlei Siangpahrang, Siangpahrang vialte lakah cungnung Bik Siangpahrang a si ,(Phungthlukbia 25:2)Pathian nih thil a thuh hi a sunparnak a si;Sihmanhsehlaw siangpahrang hna sunparnak tu cu thil fianter hi a si.

Pathian nih hnulei chan chung vialte kha a biathli a rak thuh cucu Biakam hlun chan lio kha a chim duhmi a si.Biakam hlun chang chungah Pathian cu thuhmi Pathian a si I a tu chan Biakam thar chan chung ahcun Pathian nih a Lamkaltu mithiang le profet mithiang hna sinah a phuan cang.(Efesa 3:5) Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

9. Pathian nih a thli tein khua a rak khanmi ah khan zeitindah rian a ṭuan ti kha, mi vialte hngalhternak rian cu Pathian nih a ka fial. Zeizong vialte Sertu Pathian nih cun kan hnulei chan chung vialte kha a biathli cu a rak thuh,

Pathian ka zumh Pathian chungah ka um a timi paoh cu Jesuh khrih nun kha Kan I Lak awk a si.Jesuh cu khrih a si lo a titi cu milihchimpa khrih ral Nan si I Jesuh hlawt cu pa hlawt a si.khrih timi cu chitithuhmi tinak a si I Bible a dihlak tialmi cu khrih Kong a si a si I,cu khrih cu Pathian cu a si ko.cu khrih hlei a dang Pathian an um lo.Jesuh kha fapa lawngin a si khrih(Pathian) a si lo a titu Jesuh kha fapa lawng a si i , khrih(Pathian)sinak cu a ngeih lo a titu pa cu milihchimpa,khrih ral Nan si tinak a si ko bible ah fiang tein Kan hmuh.Jesuh khrih a cohlang lomi cu pa cohlang lomi Nan si.Jesuh khrih pehtlaih cu pa he pehtlaih a si,Jesuh khrih Kan biak cu pa Pathian Kan biak a si.cucu khrih hrimhrim nih Kan pek hna lai tiah Biakam zungzal nunnak cu a si.thlarau touch mi poah cu Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

.(1John 2:6.) Pathian chungah kan um, a timi paoh nih cun Jesuh Khrih bantukin kan um awk a si.22. A si ahcun, aho cu dah lihchimpa cu a si kun? Jesuh cu Khrih a si lo, a titu kha a si. Hi pa hi Khrih Ral cu a si i Pa he Fapa he a hlawt hna.23. Fapa a hlawmi nih cun Pa zong kha an hlawt, Fapa a cohlangmi nih cun Pa zong kha an cohlan.24. Cucaah a hramthawk tein nan theihmi bia kha nan lung chungah i cinken u. A hramthawk tein nan theihmi bia kha nan lung chungah nan i cinken ahcun, Fapa le Pa he i pehtlai in nan nung zungzal lai.25. Cun cucu Khrih hrimhrim nih kan pek hna lai tiah bia a kan kammi kha a si § zungzal nunnak cu.

26. Nanmah hlen an zuammi hna kong hi kan chimh hna.27. Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

Profet hna nih an rak tialmi aa thuhmi Pathian Kong cu Jesuh khrih Kong kha a si I Jesuh khrih nih a mah pum hrimhrim phuan a si cang I mi vialte an zumh I a nawl an ngaih nakhnga Miphun dihlak sinah a mah Jesuh khrih hrimhrim nih a chim cang.(Rom 16:26). Atu cu kha biatak kha profet hna ṭial bang khan phuan a si cang i zungzal hmunmi Pathian nawl bangin, mi vialte nih an zumh i a nawl cu an ngaih nakhnga, miphun dihlak sinah chim a si cang.

Paul nih korin khrihfa Buu ca a kuatmi hna a si,nan sin I Pathian biathli chim awk i ka rat ah khan, biathluan sausau le cathiam sang pawl nih an hmanmi bia kha ka hmang hna lo.

Adang Kong zeihman chim ding a um lo Jesuh khrih Kong tidah lo ahcun tiah ca a kuat hna I,Jesuh khrih Kong le Jesuh khrih a thih hnu a thiang thlarau in zumhtu mi toih I cu a thiang thlarau nih a cawnpiak hna I midang cawnpiak hau loin thiang thiang tharau nih fimnak hngalhnak a pek hna nak Kong a chim.cucu Bible biathli le Pathian biathli,aa thuhmi Pathian cu Jesuh khrih pumpak hrimhrim in phuan a si I Jesuh khrih kha a si ko I a thiang thlarau a si fawn ko I Biakam hlun chan aa thuhmi Pathian cu Biakam thar kan hmuhmi Jesuh khrih a si I,a thihnu a thothan mi Thiang thlarau a si fawn ko cucu aa thuhmi pathian,Pathian biathli cu a si ko.

1 KORIN 2

Vailam Cung Thahmi Khrih Kong

1. Ka u le ka nau hna, nan sin i Pathian biathli chim awk i ka rat ah khan, biathluan sausau le cathiam sang pawl nih an hmanmi bia kha ka hmang hna lo.2. Zeicahtiah nan sin i ka um lioah khan Jesuh Khrih le vailam i an thahnak kong dah ti lo cu a dang zeihmanh ruah le khah kaa timhmi a um lo.3. Cucaah nan sin i ka rat ah khan tla hnimhniamte le therphang lengmang in ka um i 4. kan cawnpiaknak hna le ka phungchimmi ah khan nan lung an pemtu hna cu minung fimthiamnak holh dawhdawh kha si loin Pathian Thlarau ṭhawnnak tu kha a si deuh.5. Cucaah cun nan zumhnak cu minung fimnak ah aa bunhmi si loin Pathian ṭhawnnak i aa bunhmi tu a si deuh.

Pathian Fimnak

6. Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;

7. ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si.

8. Hi vawlei a uktu hna nih hin, cu fimnak cu an rak hngal lo. Rak hngal hna seh law cu, sunparnak Bawi kha vailam ah an rak khenh hnga lo.9. Sihmanhsehlaw Cathiang nih,

“Ahohmanh nih an hmuh bal lomi le an theih bal lomi,A si kho lai, tiah ahohmanh nih

a ruah in an ruah bal lomi,Kha thengte kha Pathian nih amah a dawtu hna ca i

a timhmi cu a si,”a ti bang khan a si taktak.

10. Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

11. Minung cu a chung i a ummi amah a thlarau nih khan a konglam cu a dihumnak in a hngalh; cu bantukin Pathian zong cu Pathian Thlarau lawnglawng nih a konglam kha a dihumnak in a hngalh ve.12. Kannih kan hmuhmi thlarau cu hi vawlei thlarau hi a si lo, Pathian nih a kan pekmi vialte cu kan hngalh khawh nakhnga, Pathian nih a run thlahmi Thlarau cu kan hmuh cang.13. Cucaah Thlarau a ngeimi hna sinah thlarau lei biatak kha a sullam kan chim tikah minung cawnpiakmi bia kha hmang loin Thlarau cawnpiakmi bia tu kha kan hman.14. Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.15. Thlarau a ngeimi nih cun zeizong vialte kha an ṭhat an chiat an khing an thlai khawh, sihmanhsehlaw anmah tu cu ahohmanh nih sual an phaw kho hna lo.16. Cathiang nih,“Bawipa cu aho nih dah a lungthin an hngalh?Amah cu aho nih dah

ruahnak an cheuh khawh?”a ti bangin a si taktak. Sihmanhsehlaw kannih cu Khrih lungthin a ngeimi kan si.

#Pathian cu Biakam Hlun ah aa thuhmi Pathian a si I hmuh khawh lomi Pathian a si,a sunparnak a rak thuh ISrael mi pawl kha Lianngannak in lam a rak hruaih hna,Pathian nih aa timhmi kha a sal profet hna theihter hmasa loin zeihman a tuah lo.Moses siseh Profet pawl vialte kha a theihter hmasa hnu ah rian a rak tuan bangin Biakam Hlun aa thuhmi Pathian,a sunparnak aa rak thuhmi kha Biakam thar ah A mah Pathian pumpak a si mi Jesuh khrih,a sunparnak he hrimhrim in a rak phuan lainak Kong kha A sal profet hna hmangin Biakam Hlun chungah a rak chimmi Kong kha Jesuh khrih,sunparnak Kong a si.(Amos 3:7) Bawipa Pathian nih aa tinhmi kha,a sal profet hna theihter hmasa loin zeihmanh a tuah bal lo.

Cucu Biathli cu thlarau kha a si fawn.Jesuh khrih thihnu thiang thlarau kha a si,cucu Pa le fapa le thiang thlarau cu khrih kha a si,Bible Biakam Hlun Biakam thar dongh tiang kha khrih Kong a si.(1corin 2:10) Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

Pathian nih a thuhmi sunparnak cu Jesuh khrih kha pek a si cang, Siangpahrang hna sunparnak cu Jesuh khrih pumpak I, fiangternak hi a si,cu Siangpahrang cu Pathian cu a si,cucu pa,fapa,thiang thlarau in fiangter a si I,cucu van le vawlei Siangpahrang, Siangpahrang vialte lakah cungnung Bik Siangpahrang a si (Phungthlukbia 25:2)Pathian nih thil a thuh hi a sunparnak a si;Sihmanhsehlaw siangpahrang hna sunparnak tu cu thil fianter hi a si.

Thuhmi cu Pathian cu Jesuh khrih in a langh I,thuhmi biathli cu thiang thlarau in a langh fawn,Mihring sinak sualnak chungin a kan chanchuak tu ceunak a kan pek tu zumhtu mihna caah a si fawn.(Luke 8:17 )Zeicahtiah thuhmi kha a lang lo dingmi zeihmanh a um lo i biathli zong hngalh lo dingmi le ceunak ah chuahpi lo dingmi zeihmanh a um lo.

Profet pawl nih an rak chim,tial mi vialte kha minung duhnak menmen in a chuak mi a si lo,Pathian sinin a rami a si I,thiang thlarau nih a fial hna caah a si.(2peter 1:21) Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

Hmailei caan ah annih he ka tuah laimi

biakamnak cu hihi a si:An lung chungah ka nawlbia kha ka chiah hna lai i

An ruahnak chungah ka ṭial hna lai,kan sualnak le an ṭhat lonak kha kaa cinken ti lai lo,”ngaihthiam kan si hnuah cun an sualnak thianhnak ding ca i raithawinak kha a herh ti lo.

Hebrew 10:15-20

15. Cun Thiang Thlarau zong nih tehte a khaannak kha a kan hngalhter. A hmasa bik ah,

16. “Hmailei caan ah annih he ka tuah laimi

biakamnak cu hihi a si:An lung chungah ka nawlbia kha ka chiah hna lai i

An ruahnak chungah ka ṭial hna lai,” a ti.

17. Cun aa thawh ṭhan i, “An sualnak le an ṭhat lonak kha kaa cinken ti lai lo,” a ti fawn.

18. Cucaah annih cu ngaihthiam an si hnuah cun an sualnak thianhnak ding ca i raithawinak kha a herh ti lo.

Pathian Cu Naih U Sih

19. Cucaah ka u le ka nau hna, Jesuh thihnak thawngin Hmun Thiang Bik chungah khan luhnak nawl kan ngei cang.

20. Cu luhnak ah cun puanzar kha a thleh i lam thar nunnak lam kha a kan hunpiak § puanzar cu a pum kha a si.

Jesuh khrih hi nunnak lam thar a si.thleidannak um loin misual miding thlaidan nak um loin Jesuh khrih pumpak in rawithawi a si cang caah nangmah miding nanmah misual timi um ti loin Jesuh khrih a zumh mi poah nih khamhnak hmuh a si.

Rom 16:24-27

24. Kan Bawipa Jesuh vel cu nan dihlak sinah um ko seh.

Donghnak Thlacam le Thangṭhatnak

25. Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

26. Atu cu kha biatak kha profet hna ṭial bang khan phuan a si cang i zungzal hmunmi Pathian nawl bangin, mi vialte nih an zumh i a nawl cu an ngaih nakhnga, miphun dihlak sinah chim a si cang.

27. Amah lawnglawng Pathian a si i Amah lawnglawng zeizong vialte a hngal dihtu a simi cu, Jesuh Khrih thawngin zungzal in zungzal tiang thangṭhat si ko seh. Amen.

Pathian nih fapa in bia a chim,Jesuh khrih Kong vialte theih khi Pathian Bia theih a si ko.Pathian nih hlan pipu sinah bia a chim tikah profet a hman hna I profet pawl nih an chimmi kha a cheuchum te lawng an rak chim nain a tu chan chan hmanung Bik ahcun fapa in bia a chim Amah thawngin van le vawlei ser a si,zeizong vialte uktu dingah thimmi a si.pathian sunparnak aa rak thuhmi zong kha Jesuh khrih ah a ceu i,tthawnak a ngeimi bia van le vawlei a domtlaih hna minung sualnak a tjianhpiak hna vancung ahkhin liannganbik Pathian orhlei kam ah a thu cucu a liannganbik Pathian thil tikhawhnak tthawnnak ah a thu tinak a si ko.

Hebrew 1:1-14

Pathian Nih A Fapa In Bia A Chim

1. Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.2. Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

3. Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

Fapa Cu Vancungmi Hna Nakin A Ngan

4. Pathian nih a Fapa cu vancungmi hna a pekmi nakin a ngan deuhmi min a pek bantukin, vancungmi hna nak ngan deuh ah a ser.5. Pathian nih a vancungmi pawl cu ahohmanh,“Nangmah cu ka Fapa na si,

nihin ah na Pa ah ka cang,”a ti bal hna lo.

Cu hleiah,“Keimah cu a Pa ka si lai i

amah cu ka Fapa a si lai,”ti zongah a ti bal fawn hna lo.6. Pathian nih a fater cu vawlei cung i a thlah tikah,“Pathian vancungmi vialte nih

amah cu an biak awk a si,” a ti.7. Cun Pathian nih vancungmi pawl kong ah cun,“Pathian nih a vancungmi hna cu thlitu ah a ser hna i a rianṭuantu hna cu meizik ah a ser hna,” tiah a chim.8. Sihmanhsehlaw a Fapa tu cu,“Maw Pathian, na bawiṭhutdan cu zungzal in zungzal tiang a hmun lai:Na pennak cu dinnak in na uk.

9. Ahmaanmi thil cu na duh i ahmaan lomi thil cu na huat;Cucaah cun Pathian,na Pathian nih cun an thim i,Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,”tiah a ti.

10. Cun, “Bawipa, nangmah nih vawlei cu ser hram na thawk i van khi nangmah kut nih

a sermi an si.11. Annih cu an lo dih lai, sihmanhsehlaw nang cu na hmun lai;puan bangin an hnawh dih lai.12. Angki bangin na bil hna lai i puan bangin an i thleng dih lai.

Sihmanhsehlaw nang cu a zungzal in nangmah ningte na si ko i na tar bal lo,”tiah a ti rih fawn.

13. Pathian nih a vancungmi kha,“Na ral cu na ke tangah ka chiah hna hlan tiang,Ka orhlei kamah hin ṭhu tuah,”tiah ahohmanh a ti bal hna lo.14. A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

Vancung ah a um lo:Jesuh kha nangmah cu fapa na si lai I,Pa kha nangmah cu Pathian na si lai ,thiang thlarau kha nanmah cu thlarau na si lai timi a um lo bible ah fiang tein a kan hmuhsak.Pathian nih a thuhmi sunparnak cu Jesuh khrih kha pek a si cang, Siangpahrang hna sunparnak cu Jesuh khrih pumpak I, fiangternak hi a si,cu Siangpahrang cu Pathian cu a si,cucu pa,fapa,thiang thlarau in fiangter a si I,cucu van le vawlei Siangpahrang, Siangpahrang vialte lakah cungnung Bik Siangpahrang a si ,cu Pathian nih cun van le vawlei kha dinnak in a uk lai.bawiṭhutdan cu zungzal in zungzal tiang a hmun lai,A pennak cu dinnak in na uk.

Pathian nih a fater cu vawlei cung i a thlah tikah,“Pathian vancungmi vialte nih amah cu an biak awk a si,”

(Phungthlukbia 25:2)Pathian nih thil a thuh hi a sunparnak a si;Sihmanhsehlaw siangpahrang hna sunparnak tu cu thil fianter hi a si.