Vancung Pennak a kharkanhtu minung nunzia le lungput hna============================Vancung pennak

Vancung Pennak a kharkanhtu minung nunzia le lungput hna ============================ Vancung pennak innka a kharhkhantu nun ziaza le lungput cu a tanglei bantuk a si ko.khrihfa buu thennak le dam lonak le pumpak tiang hrawhral nak tiang a chuahtertu pawl cu a tanglei bantuk an si. A tanglei ahhin i zoh cio hna u sihlaw zei bantuk nun ziaza le lungput kan ngeih cio i,hnachuahnak in na khat sual maw?mi kong chiatnak ceihin aa huphenhmi na si sual maw?midang nih thangthat upat duh ruangah riantuan mi na si sual maw?chungthuh lengnal na si sual maw? Farasi le phungchimthiam cawnpiaktu saya ,lamhruiatu mitcaw ,midepde na si sual maw? Vancung pennak a kharhkhanhtu minung pumpak le khrihfa buu chungah nunzia le lungput cu zeidah a si timi hi zoh than tuah hna u sih.Jesuh nih sual a phawt mi hna cu zei bantuk nunzia le lungput dah a si timi zoh than tuah hna u sih; midepde ,phungbia cawnpiaktu saya,farasi,Lamhruaitu mitcaw hna hi an si. An Depdetnak Kha Jesuh Nih Sual A Phawt (Mar 12.40; Luk 11.39-42, 44, 52; 20.47) 13 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna. Vancung Pennak cu mi kha nan kharkanh hna, asinain nanmah cu nan lut duh tung lo i luh a duhmi zong kha nan awnh fawn tung hna lo.14 (Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Nuhmei kha nan hlen nan hlen hna i an inn kha nan chuh hna, cun zapi hmuh awkah thla kha sau pipi in nan i camter. Hi caah hin pei nan dantatnak kha a fah chinchin lai cu!)15 Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Lungthleng pakhat umter awkah rili kip kha nan tan i ram kip ah nan kal i lungthleng pakhat nan umter tikah cu pa cu, nanmah hell fa nan simi a let hnih ah nan canter. Midepde hna riantuannak cu hi bantuk hi a si.vancung pennak ah anmah le lut duh lo,midang vancung pennak lut dingah lam an kharkhanh hna cu bantuk cu mi zeidah an si tiah cun Phungbia cawnpiaktu saya hna le Farasi mi hna an si.Nuhmei hna kha an hlen hna i,an inn an chuh hna an thilri an chuh hna i,zapi hmuhnak ah cun thla sau pipi an cam piak hna.Midang lungthlennak dingah tiah ramkip le rili kip ah an kal nain anmah hell fa nan simi a let hnih ah nan canter.Midang kha kan chimhrin hna an ti i,hrawhral nak ah an kal pi lehlam hna.cu vialte cu anmah miaknak caah midang kha an chimhrin hna.mahmiak nak le thangthat nak lawng a kawl mi an si.Hawi hlei cuangcuanh a duhmi pawl midang nih thangthat a duhmi pawl cu mithmaitha a kawl mi an si. Lamhruaitu mitcaw hna ==================== Lamhruaitu mitcaw timi cu church Buu ah Pathian nih chihti thu lomi hna cheukhat khrihfa upa nih Buu church an hruai hna i,an duh poah in Pastor rian an phuah hna ,an duhduh in khua an khangh i,Pastor pathian chihti thuhmi nih nih hruaihlo mi khrihfa buu cu a ngan a dam kho lo i,buaihbaihnak a tam an kuaih i,pumpak tiang dam lonak hrawhral nak a chuah pi,cucu khrihfa buu a dam lo i,lamhruaitu mitcaw nih in a ra mi a si. Lamhruaitu micaw nih Biakinn ah duh poah in rian an tuan tikah an duh lomi pastor hna kha an duhduh in an phuah hna i chukcho ah an merh hna i,Pathian nih chihti thuh lomi khrihfa upa cheukhat pawl nih an duh poah in rian an tuan caah Biakinn chiat an ser i,anmah thinlung duh ning lawngin rian an tuan caah khrihfa buu ngan a dam kho lo i,khrihfa buu a kuai i,pumpak tiang hrawhhral nak a phan,cucu lamhruaitu mitcaw hna pawl rian tuannak thawngin a chuak mi a si. Lamhruaitu mitcaw hna nih Biakinn chiat an ser i,Biakinn chawva cu anmah sunpernak le minthatnak le midang nih thangthat nak ca'h lawnglawng hman an duh i,Pathian ah buaih ti loin Biakinn chawva tu ah an buaih cang,cucaah Pathian muihmai a cuang kho lo i,lamhruaitu mitcaw pawl nih cun vancung pennak innkaa an kharhkhan hna mi zapi anmah zong vancung pennak ah an luh lo i, midang vancung pennak luh nak lam zong an phit/kharhkhan hna tikah khrihfa buu a dam kho lo i,Buu buaihnak a chuak i buu thennak tiang an phannak cu a si. Lamhruaitu mitcaw pawl nih cun Biakinn chiat an ser ,Pathian le Bawithutdan chiat an ser,cucaah Pathian hmunhma a ngei lo,Pathian sunpernak a langh kho lo nak cu lamhruaitu mitcaw hna ruangah a si. Matt 23:16 “Lamhruaitu mitcaw hna, nan caah ngaihchia a va si dah! Nan i thawh i, ‘Mi nih Biakinn in chiat a ser ahcun a chiatsernak nih khan a tlai lo, sihmanhsehlaw Biakinn chung i a ummi sui khan chiat a ser ahcun a chiatsernak nih khan a tlaih,’ tiah nan cawnpiak hna.17 Mitcaw mihrut hna. A zei cu dah a biapi deuh? Sui cu maw asiloah sui a thiantertu Biakinn cu dah?18 Nan i thawh hoi i, ‘Mi nih biaktheng in chiat a ser ahcun a chiatsernak nih khan a tlai lo, sihmanhsehlaw biaktheng cung laksawng khan a ser ahcun a tlaih,’ nan ti.19 Nan mit a va caw hringhran dah! A zei cu dah a biapi deuh? Laksawng cu maw, asiloah laksawng a thiantertu biaktheng cu dah?20 Cucaah cun mi nih biaktheng in chiat an ser tikah biaktheng cu le a cung i a ummi thil vialte in chiat an ser a si; 21 cun Biakinn in chiat an ser tikah Biakinn cu le a chung i a ummi Pathian in chiat an ser a si. 22 Cun vancung in chiat an ser tikah Pathian bawithutdan le a cung i a thumi in chiat an ser a si. Phungbia cawnpiaktu saya hna le Farasi mi hna,lenglei in A phunphun in an tamhnak arim thawhthawh an tamh,an ziaza thilpuan tehna,hmurka le chimholh rel tehna lenglei in an tamh i dawh taktak in,cheu hra cheu khat tehna pek le bang cu minthatnak ah an hman hnasihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah an rel tung lo;Si rang an thuhmi thlan bantuk an si.Lenglei cun aa dawh ko,sihmanhsehlaw a chung cu mithi ruh le a thumi pei a khat cu. Cu bantuk cu nan si, a lenglei cun mi tha ko nan lo, sihmanhsehlaw nan chung cu lih le sualnak in a khat. Khrihfa zumhtu aa timi Biaknak lei ah aa zuam ngai mi cheukhat cu lenglei in cun dawh taktak in hmurkaa biachim rel le thilthuam lenglei in aadawh ngai in chunglei lih le sualnak le hnachuahnak le mah thinlung le thluak a thurhnawm in a khat mi khrifa kan nun nih khan vancung pennak lam a kharhkhan hna a si. Matt 23:23 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Tihang tamhnak putinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel tung lo; hi hna hi pei nan tuah awk a si cu, a dang zong kha daithlanh hlei loin. 24 Lam hruaitu mitcaw hna. Fikfa kha kan i din chih sual lai tiah, heh tiah nan zet, asinain kalauk kha nan lemh tung!25 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna. Nan hrai le nan kheng cu a lenglei kha thiang hirhiar tein nan tawl hna, asinain a chung cu nan firmi thil le mah karkalak huih lungthin he mi nan va chuhmi hna thil in a khat tung. 26 Farasi mi mitcaw hna. Hrai chung i a ummi thil cu thianh hmasa hna u law, cucun pei a lenglei zong cu a thian ve lai cu!27 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna. Si rang an thuhmi thlan bantuk nan si. Lenglei cun aa dawh ko,sihmanhsehlaw a chung cu mithi ruh le a thumi pei a khat cu. 28 Cu bantuk cu nan si, a lenglei cun mi tha ko nan lo, sihmanhsehlaw nan chung cu lih le sualnak in a khat. Mark 12:40 Phungbia Saya Hi I Ralring Hna U (Mat 23.1-36; Luk 20.45-47) Mizapi nih cun Jesuh bia cu lunglawm ngaiin an ngaih. 38 A cawnpiak lio hna ah cun, “Phungbia cawnpiaktu saya pawl hi i ralring hna u. Annih cu an puan fual pipi he i chawh i chawdawr tlang ah mi nih upatnak in kan biachawn hna seh, ti a duhmi an si. 39 Pumhnak ah thutdan a tha khunmi i thut kha an duh i zapi rawl danghnak ah upatnak hmun i thut kha an duh. 40 Nuhmei kha an ei an hmuar hna i an inn an lo kha an chuh hna. Cun zapi nih kan hmu hna seh tiin thla kha sau pipi in an cam. Hi hna hi cu an dantatnak kha a fak chinchin men ko lai,” tiah a ti. Phungbia cawnpiaktu saya pawl lungput le ziaza cu anmah hawi hlei i a sannak hawi cungah thut an duh i,nuhmei kha an hlen hna i ei an hmuar hna,an zawnruat ngai bantuk in thla sau pipi an cam piak hna,lenglei hmuh nakin an chunglei in cun ei hmuarnak le nuhmei ta chut lawnglawng kha an tuah fawn.kan nun hi i check ve tuah u sih hawi dang cungah thut duhnak lungthin le nuhmei ei hmuarnak kan ngei maw,cheukhat cu midang phaisa zeitin ka ei kho lai ti rumro in a kawl mi tampi an um.cu bantuk lungthin na ngeih ah cun kaltak i zuam law Pathian sinah thlacam a herh. Luke 20:45-47) Phungbia Cawnpiaktu Saya A Sik Hna (Mat 23.1-36; Mar 12.38-40) 45 Mizapi nih cun an dihlak in an ngaih ko lioah khan Jesuh nih a zultu kha a thawh hna i, 46 “Phungbia cawnpiaktu saya pawl kha i ralring hna u; annih cu angkifual pipi i hruk in chawh a duhmi, chawdawrnak hmun ah mi nih hmaizahnak in ka chawnbia hna seh ti a duhmi, pumhnak i thutnak tha aa cuhmi, puai i hmun tha aa hammi an si; 47 mi nih ka hmu hna seh ti duh ah thla sau pipi in an cam, sihmanhsehlaw nuhmei kha an thilri le an inn tiangin an chuh tung hna. Dantatnak an hmuh ding cu a fak chinchinmi a si ko lai,” tiah a ti. Phungbia cawnpiaktu saya nih an duh mi cu midang nih hmaizah in ka chawnbiak hna seh,mi nih ka hmuh hna seh,midang nih mifel mitha ka ti hna seh,midang phalh in an sualnak i huphenh le maihmil hna i,Jesuh khrih nih ralring a rak pek nak le sual a rak phawtnak hna an si,cu bantuk minung cu dantatnak a fak lai.cu bantuk nun kan ngei ahcun kaltak i zuam hna u sih. Luke 11:39-42) Jesuh Nih Farasi Mi le Phungbia Cawnpiaktu Hna Kha Sual A Phawt Hna (Mat 23.1-36; Mar 12.38-40) 37 Bia a chim dih tikah Jesuh cu Farasi mi pakhat nih rawl hrawn a sawm; cucaah a va kal i rawl ei awkah khan a thu. 38 Jesuh nih rawl ei hlanah a kut aa tawl lo kha Farasi mi nih cun a hmuh tikah a khuaruah a har. 39 Cucaah Bawipa nih cun amah cu a thawh i, “Nannih Farasi mi nih kheng le hrai kha a lenglei cu nan tawl tawn hna, sihmanhsehlaw a chunglei ah cun hakkauhnak le that lonak in nan khat. 40 Mihrut hna! A lenglei a sertu Pathian nih khan a chunglei zong cu a ser lo maw? 41 Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai. 42 “Farasi mi hna, nan caah tihnung a va si dah! Pathian sinah, tihang tamhnak putinan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu. 43 “Farasi mi hna, nan caah tihnung a va si dah! Pumhnak i thutdan a dang tein chiahpiakmi i thut cu nan duh i chawdawrnak hmun i upatnak in kuttlaih cu nan tlaihchan. 44 Nan caah tihnung a va si dah. Nannih cu hmelchunhnak tuah lomi thlan, a cung i mi nih hngalh loin an kal tawnnak bantuk cu nan si,” a ti. 45 Phungbia cawnpiaktu saya pakhat nih a hun thawh i, “Saya, hi bantukin na chim tikah hin kannih zong na kan thangchiat a si ve,” tiah a ti. 46 Jesuh nih cun a leh i, “Nannih Phungbia cawnpiaktu saya hna zong, nan caah tihnung a va si dah! Nanmah nih nan kutdong hmanh in nan tawngh duh tung lomi thilrit kha mi nan khinh hna. 47 Nan caah tihnung a va si dah. Profet hna caah khan thlan thatha nan ser hna, cu profet hna cu nan pu le nan pa hna nih an rak nawnmi hna kha an si. 48 Cucaah nanmah hrimhrim nih nan pupa hna nih an rak tuahmi nan hnatlakpi hnanak kha nan langhter; annih nih profet kha an nawn hna i nannih nih an thlan kha nan ser hna. 49 Hi ruangah hin pei Pathian Fimnak nih, ‘Annih cu profet le lamkaltu kha ka thlahhnawh hna lai, a cheu an thah hna lai i a cheu an hrem hna lai’ a ti cu. 50 Cucaah tuchan mi hna hi vawlei ser hramthawknak in profet an thahmi vialte hna ruangah khan dantat an si lai, 51 Abel an nawnnak thawk in biaktheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai. Farasi mi pakhat nih Jesuh kha rawl hrawn a kawh, Jesuh zong rawl hrawn a kal lio ah kut ttawl loin rawl a ei nakah a thu tikah farasi mi cu an khuaruah a har ngaingai i,cu lio ah Jesuh nih a chimmi bia cu kheng le hrai kha a lenglei cu nan tawl tawn hna, sihmanhsehlaw a chunglei ah cun hakkauhnak le that lonak in nan khat.Mihrut hna! A lenglei a sertu Pathian nih khan a chunglei zong cu a ser lo maw? Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.cucu a chim duhmi cu thinlung le nunzia kha a si ko. Leinglei viar ah a thianh i,midang mithmai ah a thianghlim ngai le dinfelnak le lenglei lawnglawn i ttamh dawhnak lenglei lawnglawng thianghlim bantuk in um i,chunglei a thuhmi chungthuh lengnal pawl kha a chim duhmi cu a si ko.lenglei in dawh ngai le dinfel bantuk in i ttamh ttung i,chunglei thinlung ah mi tlinh lonak hmuh le hnachuahnak in khat,hmurka in le midang kong lawnglawng ceih,thluak in tuak mi le midang ei hmuarnak le hlennak lawnglawng kawl i,lenglei in dawh ngaiin ttamhnak bantuk cu chungthu lengnal Pathian nih a fihmi nunzia le lungput a si. Matt 23:52 “Nannih Phungbia cawnpiaktu saya hna, nan caah tihnung a va si dah.Hngalhnak innka hunnak tawh kha nannih nih nan ken, nanmah cu nan lut duh tung lo i luh aa zuammi hna zong kha nan dawnh fawn tung hna,” tiah a ti.53 Cuka hmun in a chuah tikah Phungbia cawnpiaktu saya hna le Farasi mi hna nih khan zeimaw ti tal in kan tlai kho hnga maw tiah thil tampi kongah biarap an chiah i tha tein an bawh; 54 zei maw ti tal in bia a chim sualmi a um kho in a chim sualmi lila ah cun kan tlai kho hnga maw tiin thil tampi kong ah bia an hal lengmang. Cawnpiaktu cheukhat nih vancung pennak cu an pomhlo i an zumh duhlo tikah zumh a duhmi vialte zumhnak le hngalhnak innka an kharhkhan hna tikah anmah zong zumh duhlo,zumh a duhmi zong an luhter kho hna lo i,Hngalnak innka cu an kharhkhan ko hna.cu hna cu phungbia cawnpiaktu le farasi an si. Hngalhnak innka hunnak tawh kha anmah nih an ken, anmah cu nan lut duh tung lo i luh aa zuammi hna zong kha nan dawnh fawn tung hna, Phungthiam le Farasi Mi Hna I Ralring Hna U (Mar 12.38-39; Luk 11.43, 46; 20.45-46) 23:1 Cun Jesuh nih mizapi hna le a zultu hna kha a thawh hna i, 2 “Phungbia cawnpiaktu saya hna hi le Farasi mi hna hi, Moses Nawlbia hi a sullam cucu a si, tiah a ti tu an si.3 Cucaah an in chimhmi hna paoh cu nan ngaih le nan zulh a herh. Asinain anmah nawl bel i cawn hlah u, zeicahtiah an chimmi kha an tuah lo.4 Thil kha ritpi in an tom i mi keng cungah an chuan, sihmanhsehlaw annih vial nih cun an kutdong par hmanh in an tawng duh lo.5 Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!6 Rawl danghnak hmun ah upatnak hmun i thut kha an duh i pumhnak inn ah thutnak hampiak kha an ngen.7 Zatlang lam ah mi nih upatnak kan pe hna seh ti kha an duh i, “Saya, saya,” ti kha an tlaihchan.8 Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.9 Cun vawlei cungah hin ahohmanh, “Ka Pa,” tiah va ti hna hlah u, zeicahtiah Pa cu pakhat lawnglawng nan ngei i amah cu vancung khua i a ummi a si. 10 “Hruaitu” ti zong duh hlah u, zeicahtiah Messiah lawnglawng hi nan hruaitu cu a si ko. 11 Nan lak i a ngan bik cu nan sal a si awk a si.12 Mah le mah aa ngantermi cu thumh an si lai i mi toiah aa dormi cu mi ngan ah ser an si lai,” tiah a ti. Mi cheukhat mi nawlbia ee ,remnak an ti mi le mi karah remnak le duhdimnak kan tuah an ti nain midang inncia le ngeicia hna ah an duhduh in khua an va khang i nawl an va ngei hna thil tikhawh ngai bangin nain anmah pumpak tuahtu le a chimtu hrimhrim nih an tuah kho lo mi khi midang an va khin hna i,tuah ding an va fial hna.zei paohpaoh kha mi hmuh remnak menmen ah an tuah. Minthatnak kha i put ruangmang in hawi hlei cuanh le thutdan sang thut le upat pek an duh i,midang nih thangthat an duh an khuakhang lai relnak vialte cu anmah pumpak hrimhrim nih an kutdongh hman nih a tong lo i,an tuah duh fawn lomi khi midang caah fawi tein chimrel khuakhang lai relnak i,cawnpiaknak pawl cu pathian nih a fihmi nunzia le lungput a si. Dantatnak Hmuh Ding A Chim (Luk 11.47-51) 29 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Profet kha thlan thatha nan serpiak hna i mithiang mi hna lungphun kha nan tamh,30 cun nan i thawh i, ‘Kannih cu kan pupa hna chan ah hin rak um u si law, annih tuahmi hi cu kan tuah hnga lo i profet hna hi cu kan that hna hnga lo,’ nan ti.31 Cucaah nanmah hrimhrim nih profet a rak thattu hna tefa nan si kha nan fianter.32 i nan pupa hna nih an rak thawkmi cu lim lawlaw ko uh.33 Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?34 Hihi kan chimh hna: Profet hna le mifim hna le cawnpiaktu hna kha kan pek hna lai; a cheu cu nan rak thah hna lai, a cheu cu vailam ah thir in nan rak khenh chih hna lai, a cheu cu nan pumhnak inn ah fung in nan tuk hna lai i khua khat hnu khua khat nan dawi hna lai.35 Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biaktheng karlak ah nan thahmi Zekhariah, Berekhiah fapa, tiang khan.36 Hihi kan chimh hna: hi mi vialte hna ruang i dantatnak cu tu chan mi cungah hin a tlung lai. Farasi le phungbia cawnpiaktu hna nih profet a rak thattu hna tefa an si kha an fianter. Profet mi hna le Pathian mi fa a thattu hi cawnpiaktu cheukhat le farasi mi hna lungput nunzia pawl an si. A cunglei in aa telmi vialte chungah phungbia cawnpiaktu saya le farasi le lamhruaitu mitcaw le midepde hna nunzia lungput ka van tialmi chungah khan kan nun in i tah cio i zoh than tuah hna u sih,zei bantuk lungput le nun ziaza dah ka ngei timi i zoh tuah u sih,pathian nih dantat ding le a fihmi nun ziaza lungput a si ti kan thei ah cun Pathian sinah ngaithiamnak hal u sih.midang sualnak nun ziaza le lungput chiakha va thianh lengmang nakin le midang lungput thalo le hnachuaknak le na thluak in midang ei hmuar duhnak vialte kha nangmah le nangmah kha va thianh deuh law cucu Pathian he tonnak lam a si,cu vialte cu na kaltak na thianh ta lo cun Pathian he naa hmuh ton kho lai lo.cu vialta va thianh timi cu nangmah le nangmah na tlinhlo nak le na chiakha nak hmuh thiam in Pathian sinah na sining tein va naih i panh ngaithiamnak hal kha a si ko.cucu pathian he tonnak lam cu a si.