Thlazung/Thladem in ka huppheng ===================== Kan vawlei ahhin zoh lengma

Thlazung/Thladem in ka huppheng

=====================

Kan vawlei ahhin zoh lengmang tikah minung nih himnak hmun kan kawl cio tangka inn le chawva motor a phunphun in himnak kan kawl nain himnak taktak hi a um kho lo.A tu lio virus le vawlei minung himnak duhah a phunphun in cozah le i khamhnak a um sihmansehlaw cu zong cu himnak a si hlei lo ee,vawlei ah himnak cu khoika cu dah kan kawl kun lai ?Himnak timi cu phaisa le chawva a dangdang zong a si hlei lo himnak timi cu kan Pathian thlazung/thladem tang lawngah hmuhkhawh a si.

Zeithluk indah a dawtnak a san i a lianngan mi van le vawlei siangpahrang uktu bawi Bawi vialte lakah bawibik cungnungbik Pathian thlichia le tilet vialte a daihter khotu le vawlei zawtfahnak pulrai a phunphun vialte chungin a thlazung/thladem tangah a kan huppen kho tu kan Bawipa pathian Jesuh khrih teihtu Pathian chungah ka hrambunh in Pathian huppennak tangah toidor nun in Pathian sinah i hngatchan ding pakhat lawnglawng zumhtu mi caah a um cang.

salm 36:7

Maw Pathian, zeitluk in dah na dawtnak hi a san!Na thla tangah mi nih dornak an hmuh.

Salm 57:1

Ka zaangfah ko, Maw Pathian,ka zaangfah ko,

himnak hmuh duh ah nangmah cu kan fuh.Thlichia ̣ttihnung a dih hlantiang,na thlazung in ka huppheng ko.

Isaiah 32: 2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

Isaiah 51:16

Van khi ka samh hna i vawlei hram cu ka bunh hna.

Zion cu ka thawh i,Nangmah cu ka mi na si!Keimah nih kan cawnpiak cang i ka kut in kan huhphenh,’ ka ti.”

Zumhtu mifa nih Pathian sinah kan auh a herh cang maw bawipa kan zangfah ko himnak duhah na sinah ka ra vawlei ah himnak um lo ee,himnak bawi pakhat cu nangmah lawnglawng na si na thlazung in kan huppen ko law hi vawlei minung pulrai nak chungin khamh kho tu Bawipa kan i sawm ee tiah auh caan a cuh cang.Thlichia tilet chungin a kan khamh kho tu le dornak lungpi cu Bawipa nangmah na si.

Salm 91:1-2)

Himnak hmuh duh ah Cungnung Bik kha a fuhmi le Lianngan Bik huhphenhnak

chungah aa dormi nih cun,

2 “Bawipa, nangmah cu a ka chanhtu le a ka hupphengtu na si!

Nangmah cu ka Pathian na si;

nangmah cu kan bochan,” an ti lai.

salm 46:10 “Raldohnak kha ngol u” a ti hna,“Cun keimah cu

Bawipa ka si hi hngal tuah u,

miphun vialte hna a uktu cu ka si i,vawlei pumpi ah a ngan bikmi cu ka si,” a ti.

Raldohnak kha kan hngol awk a si cucu nang teh nitin na nunah zei raldah na doh hna inn thatha,vawlei min thanhnak,Thiamco nak,Motor thatha,fimthiamnak sangsang A phunphun vawlei ah phaisa chawva ral maw doh in nitin tein na caan a liam sual maw?Vawlei kan nunnak ca!h lawngah raldo nak kha hngol cang u sihlaw Pathian sin ah i mer cang u sih nangmah teh na thinlung kha khoika ral dah a doh lio a si,cu na raldonak cu hngol cu Kut thlir in Pathian sinah i merh cang u sih.

Vawlei pi pulrai nak chungin thim in luatnak/khamh kan hmuh kho,Pathian nih chihti thuh a fial samuel kha Jesse fapa chihtithu dingah a fial i Jesse fapa dihlak kha a zoh hna i mah hi thim a si lo a ti dih hna an um ti lo maw a ti tikah ramlak ah a ummi tuukhal fahniang bik lawng a um tiah a chim i an auh tikah cu pa cu Pathian nih a thim mi a si i samuel nih chihti a thuh.

Nitin caanah vawlei pulrai nak nih luat khawhnak dingah Pathian nih thim i luatnak a kan pek lawngah luat khawh a si.

1samuel 16:10-11)

Cun Jesse nih a fapa hna chung i pasarih kha Samuel hmaiah cun a kalter hna. Cun Samuel nih Jesse sinah cun, “Bawipa nih mah hna hi cu a thim hna lo,” tiah a ti. 11 Cun Samuel nih Jesse sinah cun, “Hika ah hin na fapa an dihlak in an um maw?” tiah a ti. Cun anih nih, “A ngakchia bik a um rih, sihmanhsehlaw zohhmanh, amah cu tuu a khal,” tiah a ti. Cun Samuel nih Jesse sinah cun, “Mi hei thlah hna law, amah cu va la hna seh; zeitintiah hika a phak hlantiang kan thu lai lo,” tiah a ti.

1Samuel 13:14

Sihmanhsehlaw atu cu na pennak hi aa pehtlai lai lo; zeitintiah Bawipa nih amah duhning lungthin a pumi pakhat a kawl cang; cun nangmah nih Bawipa nih an pekmi nawlbia kha na zulh hna lo caah, a mi hna cung i bawi sinak kha Bawipa nih amah cu a pek cang,” tiah a ti.

Lamkaltu 13:22 Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

Vancung pennak/kannaan ram chungah luhnak dingah a phunphun in ttemtuarnak vawlei harnak phunphun nih a doih tikah an tuar tikah Israel mi zong kha Pathian sinah an i merh i an auh tikah ngaithiamnak an hmuh ve bantuk in vawlei harnak phunzakip le pulrai hna a tlung tikah lam a pit i vansan auh in kan um lio ahhin Pathian sin merh in kan auh a si ahcun ngaithiamnak kan hmuh ko lai caah zumhtu unau hna nan umnak cio in nan khan cio in naninn cio in a nungmi kan Pathian sinah rak auh ve cang u law Pathian i sawm hna u sihlaw.

salm 26:8 Bawipa, na umnak inn kha ka tlaihchan i na sunparnak a umnak hmun kha ka duh.

salm 27:4

Bawipa cu thil pakhat ka hal,ka duhmi thil cu pakhat

lawnglawng a si ko;cucu ka nun chung vialte Bawipa inn chung i um le a ̣thatnak kha khuaruahhar in zoh le amah kha lam ka hruai tuah tiin hal cu a si.

Vawlei kan nunnak zongah David siangpahrang pa bang kan duh bik mi cu Pathian cungah i kan nun chung vialte a mah pathian thangthat le tthatnak khuaruahnak a rel kho mi nun kha si hram u sih,cucu Pathian nih zumhtu a fa le sinah hmuh a duh bik mi a si.vawlei phaisa ,suingun chawva le inn tha lo tha ,motor thatha,fimthiamnak sangsang si loin Pathian cungah cu thachin rel i Pathian kha onghlawmh thangthat i a min thiang hlorh in

Pathian lam hruainak kha hal in a thangtha kho pengmi nun chungah kan hram bunh a herh,Cucu duh thimnak in na kal a herh.

salm 91:1 Himnak hmuh duh ah Cungnung Bik kha a fuhmi le

Lianngan Bik huhphenhnak

chungah aa dormi nih cun,

2 “Bawipa, nangmah cu

a ka chanhtu le a ka hupphengtu na si!Nangmah cu ka Pathian na si;nangmah cu kan bochan,” an ti lai.

Isaiah 49:2 Ka bia cu vainam bantukin a harter,

a kut hrimhrim in a ka huhphenh.

Cantiang bantuk ah a ka ser i

a thalbawm chungah a ka sanh.

isaiah 51:16 Van khi ka samh hna i vawlei hram cu ka bunh hna.

Zion cu ka thawh i,‘Nangmah cu ka mi na si!Keimah nih kan cawnpiak cang i ka kut in kan huhphenh,’ ka ti.”

salm 36:7

7 Maw Pathian, zeitluk in dah

na dawtnak hi a sun!

Na thla tangah mi nih dornak

an hmuh.

mark 9: 7 Minmei a hung zam i a hun zelh hna i minmei chung cun aw pakhat a hung chuak i, “Hihi ka dawtmi ka Fapa a si, a bia kha ngai u,” tiah a ti hna.

luke 9:34

34 Bia a chim lengmang lioah cun minmei a hung kai i a hun zelh hna, cun a zultu hna cu an ning a tti.

Mattew 17:5 Cu ti i bia a chim lioah cun a ceumi minmei nih a run zelh hna i minmei chung cun aw nih, Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,tiah a ti.

Hebrew 9:5 Cu kuang cungah cun Pathian sunparnak cherub kha an um i sual ngaihthiamnak hmun kha an thla an zarh. Hi thil kong hi a dihlak in chim caan atu hi a si lo.

salm 121:5 Bawipa nih an ven ko lai,nangmah huhphenh awkah

na pawngin an umhnawh ko.

6 Chun ah ni nih harnak an pe lai lo i zan ah thlapa zong nih harnak

an pe ve lai lo.

Unau hna Bawipa nih an ven i an umhnaw ko caah thinphang loin Pathian tu auh cang ko u sih.Nangmah huppen awkah na pawngah Pathian a um ko.

vawlei harnak le ttihphannak pulrai phunphun harsatnak vialte chungah huppen kho tu Pathian kan ngei ,vawlei harnak a kal pi cang misual kan ttemtuar ding vialte amah nih a in cang,ningzah mual phonak ,nehsawh entaihnak vialte a kan lak piak dih cang cu Pathia cu Jesuh khrih a si,Jesuh khrih thawngin teihtu kan si i luatnak kan hmuh cang,Jesuh cu khawmhtu tthawnnak zeizong te a si i Jesuh na ngei ahcun cu Jesuh khrih chungah damnak khamhnak huppennak, luatnak teihte luchin kan hmuh lai.unau nang na thinlung na pumsa na thlarau damnak thihnak in luatnak caah zeidah na kawl len lio a si,cu vialte damnak luatnak thihnak vialte chungin khamh kho tu cu Jesuh khrih tling khirkherh tein a um dih Jesuh na ngei cang maw hawidawt hna huppen kho tu khamh kho tu Jesuh na ngeih cang maw ,Jesuh hlei vawlei ah khamhtu an um ti lo hnu lei caan ah an rak um lo hmailei caan ah an um hlei lai lo,Jesuh pakhat lawnglawng khamhtu a si.Amen