Thlacam in pathian he pehtlaihnak

Thlacam in Pathian he pehtlaihnak ====================== Bible chungah kan hmu Zeitindah Pathian thlacam nakin kan pehtlaih lai tiah ahcun kanmah minung cu Pathian sermi kan si caah kan pa thian cu kan pa,sertu,kan cungah nawlngeinak vialte a ngei dih caah thlacam in Pathian thinhun nak le kan sualnak cinken piak lo ding in pathian sinah zangfah kan hal peng awk a si. Isaiah 64:8-9) 8 Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser, 9 cucaah cun kan cungah fak tuk in na thinhung hlah, kan sualnak zong zungzal in i cinken sawh hlah. Kannih cu na mi kan si, kan zaangfah ko sawh. Minung hi zeitindah ser kan si leidip men in sermi kan si i,minung nunnak hi ram bantuk men le pangpar bantuk men a si.pangpar cu a par i a uaih than ram a khoh i a car than bantuk in minung kan nunnak hi a si ve.dam lio ko buin zong in i hngilh lanhin kan thi i,ruah lo piin kan nunnak a liam.cu caah kan nun lio thawh kan chuah lio min,second,suimilam caan poah ahhin thlacam nakin Pathian kan pehtlaih awk a si.leidip ram ,pangpar men bantuk kan si hi philh loin pathian he thlacam nakin pehtlaih zungzal ding kan si. Salm 103:14-15) 14 Zei in dah ser kan si kha a hngalh i leidip men kan si kha a philh lo.15 Minung cu a nunnak hi ram bantuk men a si ko;a hung ̣hang i ramlak pangpar bangin a hung par. Minung hi kan nu le kan pa le unau rual nakin zohkhenhtu tha le umpitha bik le kan himnak taktak Pathian lawnglawng hi a rak si deuh ti hi fiang tein ka theih caah minung nakin Pathian hi ka bochan deuh i, minung hi bochan ding an thalo cu fiang tein ka theih i,minung cu leidip men ram men pangpar men kan caah bochan tlak an si lo. Ka bochan mi pathian nih ka caah zumhtlak in a ka um pi zungzal i khoika hmun le hma ka phan hmanah a ka dirh pi peng i mi vanhaih loin a ka um pi peng ti kha fiang tein ka theih rih.thla ka cam mi zawng Ka himnak le ka zeizong cu nangmah kut ah a si ko tiah thla ka cam zungzal i,ral phunzakip chung le ttihphannak phunzakip chungah na kutzapaih in na ka khamh kho i na ka huphenh kho caah Bawipa nangmah cu ka himnak ka zeizong na si tiah thla ka cam tikah himnak le zeizong vialte he a ka um pi hrimhrim ve caah kan himnak le kan zeizong hi Pathian a si ti theih in Bawmtu dingah Pathian pehtlaih in thlacam awk hrim asi. Isaiah 63:16 Nangmah cu kan Pa na si. A kan hringsortu Abraham le Jakob hmanh nih an kan bawm kho lo,sihmanhsehlaw Bawipa,nangmah cu kan Pa na si. Nangmah cu a kan chuahtu zungzal na si. Vancung khua a um mi kan pa ngaihthiamnak kan herh bantuk midang sualnak ngaithiam nun ngei hi a herh mi a si i,midang sualnak kan ngaithiam lo cun Pathian nih kan sualnak a kan ngaithiam ve lo caah pathian ngaithiamnak a herh mi poah nih midang ngaithiam khawhnak kan ngei nakhnga caah Pathian sinah thla kan cam awk hrim a si.vancung pennak Pathian duh nak tuah a si bang vawleicung ah kan tuah ve awk a si.thangthanak le laam upatnak sungernak vialte kha vancung ah kan tuah te ding a si bantuk vawlei hrimhrim ah kan tuah awk a si. Matt 6:9-13) 9 Cucaah hi bantuk hin thla nan cam awk a si:‘Vancung khua i a um kan Pa,Na min thiang cu upat si ko seh;10 Na pennak cu rung tlung ko seh,Vancung ah na duhnak an tuah bangin Vawlei cungah hin tuah si ve ko seh.11 Ni fate kan herhmi rawl cu nihin zongah hin kan pe ko sawh.12 Mi nih kan cungah that lonak an tuahmi kan ngaihthiam hna bangin Kan that lonak cu kan ngaithiam ve ko.13 A harmi hneksaknak chungah kan phakter sawh hlah,Mithalopa sin khan him tein kan khamh ko sawh.b Luke 11:2-4) 2 Jesuh nih cun, “Hitihin thla cu nan cam awk a si lai:‘Kan Pa, Na min thiang cu upat si ko seh, Na Pennak cu tlung ko seh.3 Kan herhmi rawl ni fate in kan pe ko. 4 Kan cung i a sualmi hna kha kan ngaihthiam hna caah Kan sualnak kha kan ngaithiam.Cun a harmi hneksaknak kan phakter sawh hlah,’ nan ti lai,” a ti. 9 Cucaah hihi kan chimh hna: Hal u law pek nan si lai; kawl u law nan hmuh lai; king u law innka cu hunpiak nan si lai. 10 Zeicahtiah a halmi paoh cu pek an si lai i a kawlmi paoh nih an hmuh lai, a kingmi paoh cu innkhar kha hunpiak an si lai. 11 Nannih hringtu pa hna lakah, nan fale nih nga an in hal hna ah, rul a pemi nan um hnga maw? 12 Arti an in hal hna ah tah tlangngaikuang nan pe hna hnga maw? 13 Hi tluk i nan òhalo ko na hin nan fale kha thil òha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai,” tiah a ti. Matt 6:6 Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u. Cun a thli tein nan tuahmi a hmutu nan Pa nih khan laksawng an pek hna lai. matt 7:7-11) Mi Va Soi Hlah U (Luk 6.37-38, 41-42) 1 “Pathian nih an soi nakhnga lo, mi va soi hna hlah —2 midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.3 Na mit chung i a ummi thingtan kha ruat tung loin zeicahdah na unau mit chung i a ummi mithnawmte kha na zoh?4 Na mit chung i thingtan a um ko buin zeitindah na unau cu, ‘Na mit hnawm cu in coihpiak ning,’ na ti ngam?5 Midepdepa, na mit chung i thingtan kha chuah hmasa law pei, na unau mithnawm cu fiang tein na hmuh lai i na coihpiak khawh lai cu!6 “A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai. Hal, Kawl, Kingh (Luk 11.9-13) 7 “Hal u law an in pek hna lai, kawl u law nan hmuh lai, king u law innka cu an in hunpiak hna lai 8 Zeicahtiah a halmi paoh cu pek an si lai i a kawlmi paoh nih cun an hmuh lai i a kingtu paoh cu innka kha hunpiak an si lai.9 Nan fale nih changreu an in hal hna tikah lung a pemi nan um hnga maw?10 Nga in hal hna seh law, rul nan pe hna hnga maw?11 Hi tlukin nan òhalo ko nain, nanmah hmanh nih nan fale kha thil òha pek nan hngalh ahcun, vancung i a ummi nan Pa chinchin nih cun zeitluk in dah thil òha cu a halmi kha a pek chinchin hna lai! Rom 8:15 Pathian nih an pekmi hna Thlarau cu sal i an canter òhantu hna ding thlarau a si lo, ther lengmang le phang lengmang i nan rak nunning ah an kalpi òhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh. Galati 4:6 Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au. Mark 14:6 “Ka Pa, ka Pa, nangmah nih cun zeizong vialte na tuah khawh dih ko. Hi hrai hi ka lakpiak ko. Sihmanhsehlaw keimah duhnak bantuk cun si hlah seh, nangmah duhnak bantukin si ko seh,” tiah a ti. Matt 26:39 Hmailei ah khin tlawmpal a va kal i vawlei ah a bawk i, �Ka Pa, a si khawh ahcun hi hrai hi ka òhialpiak ko. Sihmanhsehlaw keimah duhmi cu si hlah seh, nangmah duhmi tu si ko seh,� tiah thla a cam. 42 Cun Jesuh cu a va kal òhan i, �Ka Pa, hi hrai hi din loin hrial khawh a si lo ahcun, nangmah duhnak bangin si ko seh,� tiah thla a cam. Luke 22:42 “Ka Pa, na hna a tlak ahcun hi hrai hi ka òhialpiak ko. Sihmanhsehlaw keimah nawl si loin nangmah nawl si ko seh,” tiah a ti. Hebrew 10:19-22) Pathian Cu Naih U Sih 19 Cucaah ka u le ka nau hna, Jesuh thihnak thawngin Hmun Thiang Bik chungah khan luhnak nawl kan ngei cang. 20 Cu luhnak ah cun puanzar kha a thleh i lam thar nunnak lam kha a kan hunpiak — puanzar cu a pum kha a si. 21 Cuhleiah Pathian inn a zohkhenhtu Tlangbawi Ngan kha kan ngei fawn. 22 Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih. Hebrew 7:15-19) Tlangbawi Dang Melkhizedek Bantuk 15 Hi kong cu a fiang chin lengmang; tlangbawi phun dang, Melkhizedek bantuk kha a hung chuak.16 Amah cu minung sermi phung le lam in tlangbawi cangmi a si lo, hrawh khawh lomi nunnak òhawnnak thawngin tlangbawi a cangmi a si.17 Cathiang nih, “Melkhizedek tlangbawi sining zulh in nang cu tlangbawi na si zungzal lai,” a ti.18 Cucaah phung hlun cu san a tlai lo i thil ti khawhnak a ngeih lo caah hlawt a si;19 Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak òha deuh kha a hung phan i cu thawng cun Pathian kha kan naih khawh cang. EFeSa 3:12 Amah he kan i pehtlaih caah le amah kan zumhnak thawngin Pathian umnak chungah òih lo tein luh ngamnak luatnak kan ngei. salm 42:1-2) Sal I A Tangmi Thlacamnak 42:1 Sazuk nih rial tidai a ngaih bantukin Maw Pathian nangmah cu kan ngai.2 Maw a nungmi Pathian,nangmah cu tihal in kan hal;zeitik ah dah na umnak ah ka hun khawh lai i kan biak khawh lai? Jerimiah 29:12-13) 12 Nan ka hal i ka sinah thla nan cam ahcun nan bia kan ngaihpiak hna lai. 13 Nan ka kawl tikah nan ka hmuh lai; nannih nih nan lung dihlak in nan ka kawl tikah Salm 130 :5-6) 5 Bawipa bawmhnak cu i hngahhlang ngaiin ka hngak ko, a bia cu kaa bochan.6 Ralvengtu pawl nih khuadei lai an i ngaih nak hmanh khin Bawipa hon lai cu kaa ngaih deuh. Salm 145:18-19) 18 A autu vialte hna cu an pawng khin an umhnawh hna,lungtak in a autu vialte hna cu.19 Amah a ̣ihmi paoh cu an herhmi vialte kha a pek hna i an aunak kha a theih i a khamh hna. Phungthlukbia 8:17 A ka dawmi cu ka dawt hna i fel tein a ka kawlmi nih cun an ka hmuh. Isaiah 26:9 Zan ah nangmah kha kan ngai;vawlei le a cung i a ummi kha an bia na ceih tikah dinnak hi zeidah a si ti kha an hngalh lai. Isaiah 33:2 Bawipa, kan zaangfah ko sawh. Kan i bochanmi cu nangmah na si. Ni khat hnu ni khat kan huppheng ko law harnak caan ah kan khamh tuah. Ttahnak hla 3:25 Bawipa cu amah aa bochanmi hna vialte cungah a tha. Johan 17:1-26) Jesuh Nih A Zultu Hna Caah Thla A Cam 171 Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko. 2 Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang. 3 Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si. 4 Vawlei cungah na sunparnak cu ka langhter cang; na ka fialmi rian cu ka lim cang. 5 Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah. 6 “Hi vawlei chungin na kawh hna i na ka pekmi hna sinah hin, na min cu ka langhter cang; nangmah ta an si i annih cu nangmah nih keimah na ka pekmi an si. Na bia kha an ngaih i 7 atu cu na ka pekmi laksawng paohpaoh hi nangmah sin chuakmi a si ti kha an hngalh. 8 Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh. 9 “Annih caah thla ka cam. Vawlei caah cun ka cam lo; na ka pekmi hna cu nangmah mi an si caah an caah ka cam. 10 Ka ngeihmi vialte hi nangmah ta an si dih, na ngeihmi vialte hi keimah ta an si dih, ka sunparnak a langhnak cu anmah thawng hin a si. 11 Atu cu kei cu na sinah ka ra cang lai; vawlei ah hin ka um ti lai lo; sihmanhsehlaw annih cu an um rih lai. A Thiangmi ka Pa, nangmah le keimah cu pakhat kan si bantuk hin pakhat an si khawh ve nakhnga, na ka pekmi hna cu na min òhawnnak in huppheng ko hna. 12 Annih sin i ka um lioah hin cun, na ka pekmi hna cu na min òhawnnak in ka huhphenh hna i him tein ka chiah hna. A tlau ding a rak si hrimmi kha dah ti lo cu pakhat hmanh an tlau lo — kha zong kha Cathiang a tlin nakhnga caah a si ko. 13 Atu cu kei cu nangmah sinah ka ra lai; sihmanhsehlaw hi vawlei cung i ka um lioah hi bia ka chimnak cu ka lunglawmhnak kha an lung chungah tlamtling tein an ngeih nakhnga caah a si. 14 Kei cu hi vawlei ta ka si lo bantukin annih zong hi vawlei ta an si lo caah na bia kha ka chimh hna i vawlei nih cun a huat hna. 15 Vawlei cung hin la hna tiah kan nawl a si lo, sihmanhsehlaw Mi Òhalopa sin khan him tein chia ko hna ti kha kan nawl. 16 Vawlei ta ka si lo bantuk hin annih zong vawlei ta an si ve lo. 17 Annih cu biatak khan thianter hna: biatak cu nangmah bia kha a si. 18 Vawlei ah na ka thlah bantukin kei zong nih vawlei ah ka thlah ve hna. 19 Annih zong kha na biatak in thianh an si nakhnga kei zong hi anmah ruangah kaa thianh ve. 20 “Anmah ca lawngah hin thla ka cam lo, an chimmi bia thawngin a ka zum laimi hna ca zongah ka cam. 21 An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh. 22 Nangmah le keimah cu pakhat kan si bantuk hin pakhat an si khawh ve nakhnga, sunparnak na ka pekmi kha ka pek hna. 23 Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai. 24 “Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh. 25 A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh. 26 Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter òhan lengmang ko hna lai,” tiah a ti.