Thinlung Thleng (Transformation) ======================= Thleng timi hi pahnih a um a hmanmi bia "Bi

Thinlung Thleng (Transformation) ======================= Thleng timi hi pahnih a um a hmanmi bia "Bia hman" le "Bia tak " Pathian bia timi a si.Bia hman timi cu vawlei kal ning le umtuning phungpaih chungah colhcanghnak a si.Biatak timi cu Pathian bia bible umkalning in nung khawhnak a si. Bia hman le Bia tak kong tlompal in ka van langhter ADam Le EVi kha satan nih "bia hman"Gen 2:4 Rul nih cun, “Cucu ahmaan lo; nan thi lai lo. in a hlen hna. Pathian nih "Bia tak" ei hrimhrim ah cun na ei ni ah na thi lai a ti. Satan nih nan thi lai lo a ti tikah pumsa an thi lo,cucu Bia hman a si.Pathian nih nan ei ni ah nan thih hrimhrim lai a timi kha Bia tak an thlarau a ti.Nitin tein kan i zoh than peng a herh mihring sining Satan hriamnam a simi bia hmang chungah na um peng a si ah cun thlarau thihnak a si.Pathian Biatak in kawl a herh cang na thinlung,ruahnak,lungput Bia chim hna hna kha Bia hman chungah na chuak kho lo na thleng kho lo cun thlarau thihnak lam a si. Rom 8:13-14)13 Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai. Mihring sining Bia hman chung lawngah na um peng ahcun na thlarau cu a thih ko lai,sualnak na tuahmi kha thlarau in thah ding a si,sualnak cu zeitindah kan thah lai tlarau in thah cu zeidah a si,thinlung, ruahnak, lungput,hmuhnak le biachim holhrel in na thleng lai i,vawlei kalning "Bia hman"in kal ti loin pathian "Bia tak" tuin kal ding kha a si. Rom 12:2 Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a thami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si. Cucu Pathian duhmi lam cu a si. I)1. Bia hman Bia hman timi cu vawlei nih a kalpining le communitte/ fellowship Buu hna nih an tuahmi upadi zulhphung an sermi ningin kal lengmangnak chungah a ummi hna Bia hman chungah a ummi hna tinak cu a si. Bia hman chungah a nungmi cu ttihphanhnak in an khat i cu chungah ka tello ahcun tawon an ka lak lai lo timi lungput le tawon lak lo ttihin chungtelnak ah an um.minung sinak in thatnak le din felnak tuahserhnak cu an i zuam cio i chung telnak ah aa tello mi cu misual le mitlamtling lo mi chambau ah an ruat hna i aa tel kho lomi cu minung hman ah an ruat hna lo. Cu chungah rian khinhmi upa pawl nih zeitindah an tuah ve ti ahcun mifel miding le thil tikhawh ngaingai ah an i ruat i an duhduh in nawlngeihnak phunphun an hman.an duh lo le pastor te an phuah hna.Pathian nih chihti thuhlo mi nih nawlngeihnak le an duhduh riantuannak in a chuak kho mi thil cu vancung pennak innka kharhtu an si anmah zong an lut kho lo midang lut a duh mi hna zong lut khawhlo dingin innka an kharpiak hna.cheukhat cu tawon laklo ttihruangah an i tel hna. Buu le fellowship le commitee rian an tuan i cu chiatthat buu le fellowship committee buu hna i lungput cu Communitee chungah riantuan tu pawl cu vanmi le bawi siangpahrang bantuk in nawlngeihnak an hman, an duhduh in nawlngeihnak an chuah i an duhduh mi an hruaih hna pathian chihti thuhlo minih an duhpoah in fellowship/communitee Khribuu pawl cu an hruai hna pastor zong kha an duhduh in an puah hna an duduh in nawl ngeihnak an hman caah khrihfa buu adam kho lo i pumpak tiang damkhawh tilo zawtnak a chuah i mah le mah i thahnak dirhmun tiang kan phannak a si. 2. Fellowship buu le khrifa buu communittee buu in an dirh khrihfa an i ti le miding mitha mifel mi piangthar tuk ah an i ruat nain anmah buu cio ah a pehtlaih lo poahpoah cu kan theih hna lo an ti tawon an lak duh lo zumhlo tu pawl khi vok le ar bangin an vai an ti hna nain zumhlo tu tuahserhnak hman khi kan tluk rih lo.zumhlo tunih miharsa pawl hna dawtnak in phaisa dihin an zohkhen hna nain kan laimi zumhtu tha ngaingai miding mifel/mifim thil tikhawhnak ka ngei keimah aa timi pawl nih cun an tuah duh lo/cu bantuk cu an tuah kho lo zumhlotu he tahchun ngam ding kan si maw? Kanmah a kan dawttu le a kan pehtlaihtu cu kan dawt ve hna nian kan i pehtlaihlo micu kan dawt kho hna lo zumhlo tu pawl zong nih an tuah kho ve mi dawtnak lawnglawng ah hram kan bunh laimi zumhtu thinlung put thlengh a hau cang lo maw?cu level tiang lawngah kan um ahcun Biaknak/fellowship/communittee/khrifa kan si rih, thiang thlarau belte cu hmunhma angeihlo.Buu le fellowship communittee a biak i a riantuan lawng kan si i cucu Bia hman chungah a nungmi an si.Buu le communittee fellowship nih zulhphung upadi chung le vawlei umkalning in kan um i kan cawlhcangh rih cu vialte tuahserhnak cu Pathian biatak a si rih lo,Khrihfa Buu/Communitee/fellowship/chiatthat Buu nih an tuahmi phungphaih zulh lawng a si rih i,CuCu Bia hman chungah a um mi hna lawng an si.Cunak in a miak deuhmi le a tha deuhmi lam hi zeidah a si i cucu Biatak lam a si. Bia hman chungah a ummi cu vawlei kalning in a kal lengmangmi hna an si rih,Bia hman lawngah a nungmi si ti loin Biatak chungah a nungmi zumhtu si hram cang hna u sih timi sawm kan duh hna. II) Biatak Biatak Chungah a ummi cu vawlei kalning nakin Pathian duhnak kha a biapi deuh ah an chia i Pathian duhnak tu kha kawl an i zuam deuh. Bible nih Thleng (Transformation) a timi sullam cu change or renewal nun thleng/serthar ti a si i:vawlei sining in kal lengmang ti loin Pathian duhnak lungput kawl in kal mi nun kha a si.Pathian nih a duh mi lungput cu zeidah a si kan ti tikah mi tampi nih kan fiang tawn lo mi a si:cucu na sualnak senduk hman sen hmansehlaw na sining tein Pathian sinah pe law pathian kha panh ko pathian nih a duhmi nunlam cu a si ko.na sual ko buin miding/mifel bantuk in naa titer lengmang nakin cun titer lo tein na nunnak dihlak kha pathian pekchanhlaw Pathian duhmi lam cu a si ko,pathian nih mi lungthiang a timi hna a sining tein Pathian a fuh peng mi an si ko.A lungthiang lo mi cu Pathian he an i hmuh kho lo, Rom 12:2 Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a thami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si. Cucu Pathian duhmi lam cu a si.(Kolose1:10)10 Cuticun Bawipa duhning in nan nung kho lai i amah duhnak kha nan tuah zungzal khawh lai. Thil tha tuahnak kip ah nan nunning cu zumh awktlak a si lai i Pathian nan hngalhnak ah khan nan thang lai. EFesa 2:13) Sihmanhsehlaw atu cu Khrih Jesuh he nan i pehtlaihnak thawngin lamhlatpi i a rak um tawnmi kha Khrih thihnak nih lamnaite ah an chiah cang hna. 2korin3:18 Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa riaṇuannak cu a si. Rom 8:9)9 Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo. Galiti 2:20 cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung. 1korin 1:18)18 Vailamtahnak i Khrih a thihnak kong hi a tlau lio lengmangmi hna caah cun pakpalawng bia a si ko, sihmanhsehlaw khamh lio lengmangmi hna kannih caah cun Pathian hmual a si. Lamkaltu 4:12 Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti. Rom 1:16-17)16 Thawngtha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si. 17 Cucu zeitindah a hung si ti ahcun, Thawngtha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dongh tiang zumhnak thawngin a si. Rom 8:13-14)13 Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai. Efesa 4:22-24). 22 Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si. 23 Nan lungthin le nan ruahnak ah ser tharmi nan si awk a si. 24 Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si. 2peter 1:3-11)Pathian Kawhnak le Thimnak 3 Pathian sunparnak le òhatnak i hrawm ve awkah a kan kotu kan hngalhnak thawngin Pathian òihzah in nun awkah kan herhmi thil vialte cu amah Pathian thawnnak lila nih cun a kan pek. 4 Cuticun a ngan ngaingaimi le a sung ngaingaimi laksawng a kan kamhmi cu a kan pek i cu laksawng a kan pekmi thawng cun a kan hrawkhral khotu vawlei pumsa duhnak chung hin nan luat kho lai i Pathian sining cu nan i hrawm kho lai. 5 Hi ruang hrimhrim ah hin, nan zumhnak i òhatnak chap kha fak piin i zuam u; cun nan thatnak ah khan hngalhnak i chap u; 6 nan hngalhnak ah khan mah le mah i uk khawhnak i chap u; mah le mah i uk khawhnak ah khan in khawhnak i chap u; in khawhnak ah khan Pathian òihzahnak i chap u; 7 Pathian ttihzahnak ah khan unau bantukin i dawtnak i chap u law unau bantukin i dawtnak ah khan zawnruahnak i chap u. 8 Hi thil hi nan herhmi an si i tam piin nan ngeih hna ahcun Bawipa Jesuh Khrih nan hngalhnak ah khan thawnnak an pek hna lai i rian tampi an tuanter khawh hna lai. 9 Sihmanhsehlaw cu thil a ngei lomi cu lamnaite lawng a hmu khomi a si i thil dang zeihmanh a hmu kho lomi bantuk a si, amah nih cun ka sualnak kha tawlpiak ka si cang, ti kha a philh. 10 Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo. 11 Cuticun kan Bawipa le kan Khamhtu Jesuh Khrih Pennak, zungzal in a hmunmi chungah khan luhnak nawl nan hmu lai. Midang zoh lem a hau lo nangmah le nangmah i zoh Bia hman chungah maw na nun hih na riahter,Bia tak chungah i zoh than ding a si cang,duh thimnak cu vawlei kan nun lio lawngah thim khawh a si.thleng timi zong thih hnuh ahcun thleng nak caan a um ti lai lo.upadi zulhphung "Bia hman" chung lawngah a tangmi si loin "Bia tak "chungah kalnak lam kawl cang u sih,Cu lam cu thinlung, ruahnak,lungput,bia chim holhrel in na thleng hmasa lai i,na pungsan vialte aa thleng dih lai.kan thlarau thihnak hmun hi zeidah a si ti kawl cang tuah u sih.kan thinlung ruahnak,lungput,kan chim rel tawnmi pawl hi zei caah a si timi i zoh than tuah hna u sih.kan thlarau thihnak hmun kawl u sih,i merh cang u sih i thleng cang u sih. Laimi khrihfa thlarau thihnak hram hi zeidah a si thleng a herh cang. Nangmah le nangmah kha i zoh law thleng na haunak na thlarau an thahnak hmun in bia tak leiah rak i thleng cang a caan um lio ah i thleng cang hna u sih.