thinlung thar ka serpiak law ,Zumhtlak a simi ruahnak chungah ka chia ko ===========================

thinlung thar ka serpiak law ,Zumhtlak a simi ruahnak chungah ka chia ko

=====================================

Minung sinak Kan thinlung in cun zeitik hmanah Pathian he aa hmuh kho ding Kan si lo , zeicahtiah minung thinlung cu zei bantuk dah a si tiah ahcun thatnak le dinfel nak Kan tuah deuh poah a sualmi le a dinfel lomi khi a zoh hman Kan zoh duh hna lo,rum deuh poah ah sifak deuh hna khi bomh cu chim lo zoh le chonh hman duh lo,mah le mah miding,mifel I chia ngaingai,Biakinn lei Kal I felt deuh poah ah Biakinn a phan lomi khi mi sual ngaingai chia hei ti bantuk,pawngkam ah a harsa ngai mi le ei awk ngei lomi hna bawmh duh ttun lo min that conak dingah a TomTom in Pekchanh,pawngkam ah ei awk ngei lo a harsa ngai mi hmuh ko buin a fel lo cu a si ko Lai to men I mi chan duh lo,Nun in tuah lo le chim lo cu ka ngai huam lo ti I,mi nun va tah lengmang I mah le mah cu khoika dah ka um timi hngal lo a Tam u cu Lai mi khrihfa nun ah a Tam tuk.dinfel,Biakinn Kal fel deuh le pekchannak to khawh deuh poah ah a dinfel lomi Biakinn a phan lomi le a Pekchanh khawh lomi hna kha laimi khrihfa Tam pi Buu nih tawon hman an la duh hna lo,cu vialte cu zumh lo tu zong nih an tuah kho ko.A tu Lio laimi zumhning le Kal ning cu a cunglei ka tial mi a si a si,cucu Pathian Bia biak si loin mah duhning in Pathian biak a si,Pathian Kan biak tikah Kan mah duhning in maw Kan biak Lai Pathian nih a kan chim ning in maw Kan biak Lai timi hi kan mah le pumpak cio ah Kan I tuak a herh,midang ca'h Kan VA tuak Len hlanah ka biak ning hi a hmanmi biak ning a si maw timi Kan nun ah Kan I tuaktan a herh bik mi a si.

Cucaah David Siangpahrang pa nih thla a cam mi cu ka Chung ahhin thinlung thar ka serpiak law ,Zumhtlak a simi ruahnak chungah ka chia ko a ti.Kan mah thinlung hi nitin tein Kan I tuaktan I Kan thinlung hi Pathian Bia in Kan I check Peng a herh.kan Chung ahhin Pathian serpiak mi thinlung le Zumhtlak a simi ruahnak ka chungah a um maw um lo timi kha

Kanmah tein Kan thinlung Kan sit Peng a herh.A cunglei lungput mah duh ningin Pathian a bia mi ka si maw si lo,Pathian serpiak mi thinlung le rauhnak Zumhtlak ka si maw si lo timi khi midang nun va tahnak le va sit lengmang si loin mah le mah tu Pathian Bia in I sit deuhnak thinlung kha a herh bik mi a si,midang na sual e,na dinfel lo e,na Pekchanh khawh lo ee timi kha a herh lo,keimah lungput hi zeitindah a si midang ka mithmuhnak lungput hi zeidah a si timi ,mah nun tu zoh thiamnak hi toidornak lungthin le Pathian duhmi zumhawk tlak ruahnak cu a si deuh.

(Salm 51:10 )Maw Pathian, ka chungah hin

lungthin thar ka serpiak law a thar le zumhtlak a simi ruahnak ka chungah chia ko.

Nu paw Chung Kan I sem in misual cia cu Kan si dih ko caah vawlei ah hrinmi fa poahpoah cu Kan sual dih cio ko caah Kan dihlak Pakhat hman bau loin in Kan sualnak merh tak I ngaihthiam Kan si khawhnak hnga,Jesuh khrih min in tipil ing timi hi Jesuh khrih chungah le min I phumh dih,Jesuh khrih min le Jesuh khrih kha Pathian le minung 100% a si I ,a min zong Pathian min timi I phum dih Bak I,zakhat ah zakhat Jesuh khrih zumh kha a si,Jesuh khrih min zumh lo le Jesuh khrih zumh lo tehna hi thiang thlarau laksawng hmuh lonak a si,Jesuh khrih min tipilnak cu Jesuh khrih min le Jesuh khrih kha na zeizong yeah 100% in na zumh na cohlang I naa phum a si ahcun thiang thlarau na hmuh lai,.a cohlang khi lomi cu thiang thlarau Co lomi an si ve.(Lamkaltu 2:38 )Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

Jesuh khrih min le Jesuh khrih kha Kan kaa hrimhrim in Bawipa a si tiah Kan zumh I mithi hna sinin thawhter a si timi hi kan lung in zumh I kaa hrimhrim chim/phuan hnu ah khamh Kan si lai.Jesuh khrih hi ka Bawipa le mithi hna sinah thawhter mi le a min na cohlang lo ahcun khamh na si Lai lo.Jesuh khrih mi le Jesuh khrih cu Bawipa thawhter a si mi Pathian zong a si I,fapa zong a si ka zeizong te Jesuh a si tiah kaa hrimhrim in chim/phuannak ah khamhnak a um.Khamh mi minung na si le si lo cu Jesuh khrih min le Jesuh khrih kha na kaa in ka Bawipa ,thawhter mi Pathian na kaa in na chim/phuan lawngah khamh na si Lai.(Rom 10:9 )Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai.

David Siangpahrang pa nih a ngeimi mithawng,le suingun chawva zeizong te a ngei dih ko nain Hit mi Uriah Nupi le a chit tikah Pathian a thinhunnak a sin a phan I, prophet Nathan kha David Siangpahrang sinah a thlah Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah,mirum caw run tampi na ngei ko buin misifakpa tuufate tu cu a lak i a khualpa cu a thah,” tiah a ti.

Mah nih ngei lengluang ko buin midang Pakhat te a ngeimi a mit a VA thitmi Kan um hoi,cucu Pathian nih a duh lo taktak mi a si,David Siangpahrang pa nih a ngei lengluang ko buin midang Uriah ngeimi Nupi a mit a VA thit I,a nu pi a chut hlei ah Uriah zong a tuah chih,nain Pathian nih a ngeihthiam ko nain a taksa in a thumi cu a zun ve thiamthiam,a fanu le Fapa in siseh,a fa le Lila kha ral ah aa cang timi Kan hmuh bantuk in nihin nangmah le keimah zong Kan pumsa that lonak Kan tuah mi cu Kan pumsa nih a zun ve thiamthiam ko timi Kan hmuh.David Siangpahrang pa cu a tharau cu Pathian nih a ngaihthiam ko,nain a taksa nih a thuhmi cu a zun ve thiamthiam.(2samuel 23:8 )Mah hna hi David nih a ngeihmi mithawng hna min cu an si: Takhemon mi Josheb-basshebeth amah cu pathum hna lak i haotu bik a si; amah nih tum khat ah minung 800 kha a fei in a thah hna. 39 Hit mi Uriah: an dihlak ah 37 an si.

(2samuel 12:1-9)

Nathan Nih David Kha A Sik

121 Cun Bawipa nih Nathan kha David sinah a hei thlah. Amah sinah cun a ra i, “Khua pakhat ah hin mi pahnih an um i pakhat cu a rummi a si i pakhat cu sifakmi a si. 2 Mirumpa nih cun tuurun le cawrun tam ngaingai a ngeih hna i 3 sihmanhsehlaw misifakpa nih cun a cawkmi tuu a nute pakhat lawng khi a ngeih. Cun amah nih cun a cawm i a fale hna he cun an thang ti, a kheng le a hrai kha aa hrawm ve tawn i a tang chungah a pom tawn, amah cu a caah fanu bantuk a si ko.4 Voi khat cu, mirumpa cu khualtlung pakhat a ngei i amah tuurun chungin siseh, cawrun chungin siseh, sa cu thah duh riangmang loin, misifakpa tuufate tu cu a lak i a khualpa cu a thah,” tiah a ti.

5 Cun mipa cungah cun David thinhunnak cu a alh ciammam i Nathan sinah cun, “Bawipa nih a nun bangin, mah thil a tuahtu hi thih awk a tlak; 6 hi thil a tuah caah le zaangfahnak a ngeih lo caah a tuufate kha let li in a cham awk a si,” tiah a ti.7 Cun Nathan nih David cu a thawh i, “Mipa cu nangmah hi na si. Hi bangin Bawipa, Israel Pathian nih, ‘Nangmah cu Israel mi siangpahrang ah chiti kan thuh i Saul kut chungin kan chuah; 8 cun na bawipa inn cu kan pek i na bawipa nupi hna cu nangmah tang chungah kan pek hna, cun Israel mi chungkhar hna le Judah mi chungkhar hna cu kan pek hna; cun mah hihi a tlawm tuk ahcun, cu zat cu kan chap rih lai. 9 Zeicahdah ka mithmuh i that lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

David Siangpahrang pa a thinlung cu Pathian he aa hmuh mi a si I,Pathian nih a dirhpi pengmi Siangpahrang a si I,thangthat nak in nun kha Pathian sinah rawithainak a pekmi a si,chun,zan nikhat Chung suimilam 24 a ummi Chung ningin a nun kha Pathian thangthatnak a pek caah Pathian nih a duhmi nun a si I Pathian thinlung he aa hmuhmi a sinak a si.

David Siangpahrang pa Pathian sinah ngeihchi in thla a cam a sualnak ngaihthiam a Hal I,ka lungchung ah thinlung thar ka serpiak law ruahnak thar le zumh awktlak ruahnak chungah ka chia ko,na umnak hmun in ka thawl hlah law na thiang thlarau ka lakpiak/lakkanh hlah,Na khamhnak chungin a chuakmi lawmhnak kha ka pe than law ka lungthin hi nanmah nawl zulh duhnak ah ka ser ko tiah a ti.Nanmah le keimah nih cu bantuk nun cu Pathian nih a kan halmi nun a si cucu nikhat chungah suimilam 24 chungah Pathian thangthat duhnak le thangthatnak pek I,minit,second,suimilam caan paoh ah Pathian chung/mithmai chungin a chuakmi lawmhnak chung I aa lawmh pengmi David Siangpahrang pa nun thangthat nun kha Pathian nih nanmah le keimah nun in a herh ve.

Mi cheukhat cu vawlei sualpalhnak ah Kan tluk tikah Kan sualnak hi Pathian nih ngaithiam khi to lomi bantuk in Kan ruat tikah Pathian lei karhlang khi to loin vawlei sualnak ah pil cang ko lawlaw ning an ti cucu Pathian nih a duhmi a si lo.David Siangpahrang pa nih Lai a nawng hlei ah mi Nupi a chut tikah a sualnak kha aa theih tikah Pathian sinah thla a cam nak a si : Bawipa na umnak hmun in ka chuah hlah,na thiang thlarau ka lakkanh hlah,Na khamhnak chungin a chuakmi lawmhnak kha ka pe than law ka lungthin hi nanmah nawl zulh duhnak thinlung ah ka ser ko tiah a ti bantuk sualnak chungah pil lawlaw ko ning ti loin ,David bantuk in ngaithiam Hal in ,Kan sualnak ruangah Pathian sinin a chuakmi lawmhnak ah Kan I lawmh kho ti lomi kha ,Pathian sinahkan hal than ahcun ,Kan sungh cia mi vialte kha a let sarih in pek than Kan si Lai.ka sual cang le sual lawlaw ko ning timi thinlung ngei hrimhrim hlah u sih,Kan sining te tuin Pathian tu duh panh deuh u sihlaw ,Pathian sinah ngaithiamnak Hal than u sihlaw thinlung thar kha Pathian Hal hna u sih.(Salm 51:10-12)10 Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.11 Na umnak hmun khan ka ̣thawl hlah,na Thiang Thlarau kha ka lakkanh hlah.12 Na khamhnak chungin a chuakmi lawmhnak kha ka pe ̣than law ka lungthin cu nangmah nawl zulh a duhmi ah ser ko.

Van le vawlei le Kan nunnak Kan pumsa Kan zeizong ahhin Pathian tthawnnak aa chawk I Pathian cu merh Tak awk a tha lo I,Pathian he ralchan in Kan nun hi caan hmang ngam ding Kan si lo.(Genesis 1:1-3)

Sernak Kong

11 A hramthawk ah, Pathian nih van le vawlei a ser hna tikah,a 2 vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian thawnnak cu aa chawk. 3 Cun Pathian nih, “Ceunak um seh,” tiah a ti i ceunak cu a hung um.

David Siangpahrang pa nih Bawipa sinah thla a cam mi cu ka sualnak le ka that lonak cu nanmah cung hrimhrim ah a si ,Bia na ka ceih tikah a hman ko,sual na ka phawt tikah a ding ko,ka sualnak cu ka hnawhpiak law

ka thiang lai,ka ̣tawl law hawhra nakin ka rang deuh lai,Lunglawmhnak le thanuamnak aw

thawng cu ka theihter law na ka khiah i na ka hrilh cang nain ka lung aa lawm ̣than lai,ka

chungah hin lungthin thar ka serpiak law a thar le zumhtlak a simi ruahnak ka chungah chia ko Na umnak hmun khan ka ̣thawl hlah,na Thiang Thlarau kha ka lakkanh hlah,Na khamhnak chungin a chuakmi lawmhnak kha ka pe ̣than law ka lungthin cu nangmah nawl zulh a duhmi ah ser ko a ti bantuk Kan sualnak kha Pathian sinah phuan in ngaithiam Hal le a mah thangthatnak pek kha Kan Rian a si I,cucu Pathian nih a kan serhnawh chan cu a mah thangthatnak petu dingah vawlei minung le sermi vialte hi ser Kan sinak a si..(Salm 51:4) Ka sualnak cu, nangmah cungah,nangmah cung hrimhrim ah a si i a ̣thalo ah na ruahmi kha ka tuah.Cucaah cun bia na ka ceih tikah na hmaan ko i sual na ka phawt tikah na ding ko.7 Ka sualnak cu ka hnawhpiak law ka thiang lai,ka ̣tawl law hawhra nakin ka rang deuh lai.8 Lunglawmhnak le thanuamnak aw thawng cu ka theihter law na ka khiah i na ka hrilh cang nain ka lung aa lawm ̣than lai.10 Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.11 Na umnak hmun khan ka ̣hawl hlah,na Thiang Thlarau kha ka lakkanh hlah.12 Na khamhnak chungin a chuakmi lawmhnak kha ka pe ̣than law ka lungthin cu nangmah nawl zulh a duhmi ah ser ko.

(Rom 8:29) Pathian nih a thim ciami hna cu a Fapa bantuk kha an si naklai, a dang tein a thleidan hna, cucu unau rual tampi lakah a Fapa cu an upa bik a si nakhnga caah a si.

David Siangpahrang thlacamnak bantuk in nitin kan nun ah Pathian sinah Kan sualnak ngaihthiam nak hal in thla Kan cam Peng awk a si.(salm51:1-4).

Ngaihthiamnak Thlacam

(2Sam 12.1-15)

1 Pathian, a fekmi na dawtnak ruangah ka cungah zaangfahnak ngei ko;na zaangfahnak a ngan caah ka sualnak cu ka thianhpiak

ko hna.2 Ka ̣that lonak cu ka ̣tawlpiak

hna law ka sualnak cu ka thianhpiak ko hna.3 Ka palhnak cu kaa hngal i ka sualnak cu kaa thei zungzal ko.4 Ka sualnak cu, nangmah cungah,nangmah cung hrimhrim ah a si i

a ̣thalo ah na ruahmi kha ka tuah.Cucaah cun bia na ka ceih tikah na hmaan ko i sual na ka phawt tikah na ding ko.7 Ka sualnak cu ka hnawhpiak law ka thiang lai,ka ̣tawl law hawhra nakin ka rang deuh lai.8 Lunglawmhnak le thanuamnak aw thawng cu ka theihter law

na ka khiah i na ka hrilh cang nain ka lung aa lawm ̣than lai.9 Ka sualnak cu na mit chinhkanh ko hna law ka ̣hat lonak vialte cu ka hnawhpiak dih ko hna.10 Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.11 Na umnak hmun khan ka ̣thawl hlah,na Thiang Thlarau kha ka lakkanh hlah.12 Na khamhnak chungin a chuakmi lawmhnak kha ka pe ̣han law ka lungthin cu nangmah nawl zulh a duhmi ah ser ko.

David Siangpahrang pa a unau lakah santlaihlo bik sihmanhsehlaw Pathian nih a timh , zeicahtiah Pathian cu cunglei zohin mi a zoh hna lo chunglei zoh in timhtu a si.David nun Kan zoh tikah a mah cu Ram lakah tuu cawnghtu a si I,tuu a cawnghnak in Pathian a thangthat Peng mi a si.ram lak a um zongah Pathian a thangthat mi a si caah Pathian thinlung he aa hmuhmi Pathian duhmi nun in Pathian thangthatnak petu a si.Nitin Kan nun ah a harsa bik mi ram lakah Kan um Lio zong hi Pathian nih a kan cawnpiak mi nun in zumh tlak a herh fawn.

Lamkaltu 13:22 Amah cu a phuah hnuah Pathian nih cun David kha an siangpahrang ah a ser. Amah kongah Pathian nih a chimmi cu, ‘Jesse fapa David hi ka duhmi phun a si, amah hi tuah tiah ka fialmi a tuah duh dingmi a si,’ ti hi a rak si.

Nitin kan nunnak ah miding,mifel,timi lenglei nun in a nung ding Kan si lo ,Pathian nih Kan chunglei in akan zoh I,minung nih kan lenglei in a kan zoh ,nitin tein Pathian Kan biaknak ah Minung duhning in maw Kan nung Lai ,Pathian duh ning in lenglei in maw Kan nung Lai,chunglei in mah duhning le minung duh ning in Pathian a bia mi Kan si awk a si lo,Amah Pathian duhning tuin Kan biak awk a si.Minung duhnak thinlung nakin Pathian duhnak thinlung hi kawl deuh I,thing deuh ding Kan si.kan nun ah a ho duhning in dah Pathian ka biak I ,Pathian duhning a si maw timi tuaktan I Kan nun le Kan biakning hi Pathian duhmi David nih nih a pekmi Pathian biakning kha Pathian duhmi Pathian Biak cu a si.Amen.lungthin thar ka serpiak law a thar le zumhtlak a simi ruahnak ka chungah chia ko.