Thiang thlarau(Holy spirit) *************************** Bible tuanbia Israel tuanbia kan

Thiang thlarau(Holy spirit)

***************************

Bible tuanbia Israel tuanbia kan zoh a si ah cun minung an nunnak le an kal nak ah Pathian lo in a si kho hrim lo ti kan hmuh.Israel mi hman kha Pathian bia ngai duh loin an um pathian mithmai ah sualnak an tuah caah Pathian nih bia a ceih hna. Pathian nih a doh hna i zumhtu hman kha Pathian an ttih zah duh lo i zei an rel lo a si ah cun zumhlo tu kha an mah doh awkah a thawnhter ko hna.moab siangpahrang Eglon cu Israel mi doh awkah a thawnhter.Ammon mi le Amalek mi hna apumh hna i Israel mi kha an doh i an teih hna i ; Israel mi nih moab siangpahrang Eglon kha kum hlei riat an rianh.

Cu caah kan mah zumhtu mi zong hi Pathian kan ttihzah lo ,kan upat lo,zei rel loin Kan nun ah cun Pathian nih kan mah doh awkah mi a thawnhter hna i , Kan nun kha teihnak kan hmuh kho lo i satan sal ah kan tang ti kha fiang tein kan hmuh.Cu satan sal in kan luat khawh nak hnga caah Pathian kha ka auh lai i kan au nak a kan let lai.bible i ,Israel tuan bia chungah Pathian mithmai ah thil thalo an tuah ah cun an mah doh awkah zumhlo tu athla piak hna nain an sual nak an i ngeihchih le mitthli he an au ah cun Pathian nih an au nak a let hna i, a khamh hna an mah lei ah a ttang.Pathian nih a dirh pi hna ah cun a hohman nih an teih kho fawn hna lo i,teihnak an hmuh peng thiamthiam ti zong kan hmuh chih.

Nitin kan nun ah Pathian zei kan rel lo kan ttih zah lo cun ,kan mah doh awkah zumhlo tu arak thla hna i kan sual nak kan i ngeihchih ah cun le Mitthli he Pathian kan au ah cun Pathian nih kan au nak a kan theih piak.Kan nun ah teihnak he lam a kan hruai.Cu ti cun thiangthlarau in minung sinah a cawlhcang peng ve i Pathian thiangthlarau hi Minung he aa then bal lo i a mi Israel mi sinah alangh peng ve bantuk in Kan nun ah hin nitin tein Pathian a langh peng ve.

Midang hrawh awkah mirum le milianngan pawl nih thatlo nak tuah kha an khang lengmangMi liannganpa, zeicahdah that lonak na tuahmi cu naa porhlawt?Pathian dawtnak cu a fek ko. Midang hrawhnak ding caah ,khua na khang lengmang,na lei cu a harmi nam bantuk a si,lih lawng kha na chim tualmal ko.that lonak kha thatnak nakin na duh deuh i biatak chim nakin lih chim kha na duh.cu bantuk minung pawl kha Pathian nih amah doh tu ding ah zumhlo tu ral athawnhter hna ti hi fiang tuk in kan hmuh.Nitin kan nun ah hin thil thalo khua kan khaang lengmang mi le lih chim lengmang i aa phorhlawt mi kan si ah cun Pathian nih kan mah doh tu ding saltan ral athawhter khawh ti cu fiang tein kan hmuh.

BIACEIHTU 3:10-14)10 Bawipa thlarau cu a cungah a tlung i Israel cu bia a ceih hna; raldoh awkah khan aa thawh i Mesopotamia siangpahrang Kushan-rishathaim kha Bawipa nih a kut chungah a pek; Kushan-rishathaim kha a tei. 11 Cucaah ram cu kum 40 aa din. Cun Kenaz fapa Othniel cu a thi.

Edud Nih Moab Mi Kut Chungin A Luatter Hna .12 Cun Israel mi nih Bawipa mithmuh i thil thalo cu an tuah than; cun Bawipa nih Moab siangpahrang Eglon cu Israel mi doh awkah a thawnter, zeicahtiah Bawipa mithmuh i thil thalo kha an tuah. 13 Ammon mi hna le Amalek mi hna kha a pumh hna i a kal i Israel kha a tei; cun ungkung khua kha an lak. 14 Cun Israel mi nih Moab siangpahrang Eglon cu kum hlei riat an rianh.

Matt 12:31-33)31 Cucaah hihi kan chimh hna: minung hi sualnak zeipaoh an tuahmi le thil thalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia thalo a chimmi cu tu chan ah siseh, hmailei chan ah siseh, ngaihthiam khawh an si lai lo. 32 Mi Fapa ralchanh in bia thalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia thalo a chimmi cu tu chan ah siseh, hmailei chan ah siseh, ngaihthiam khawh an si lai lo.

Thingkung le A Theitlai

(Luk 6.43-45)33 “Thingkung cu a kung na thatter ahcun a thei a tha, a kung na chiatter ahcun a thei a chia. Thingkung cu a tlai in hngalh khawh a si.

Luke 24:45-49)45 Cun an lungthin kha a hun pemh hna i Cathiang sullam kha an hun hngalh.46 Annih cu a thawh hna i, “ ‘Messiah nih cun sifahnak kha a in lai i ni thumnak ni ah thihnak in a tho than lai,47 cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa tial.48 Cun nannih cu hi thil vialte a hngaltu tehte nan si.

49 Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in thawnnak kha nan cung i a tlun hlantiang khuapi chung hin hngak ko u,” tiah a ti hna.

John 3:6-8)6 Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si. 7 ‘Hrin than nan si hrimhrim awk a si,’ ka ti tikah na khuaruahhar hlah. 8 Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.

Rom 8:2_6)2 Zeicahtiah Khrih Jesuh he aa pehtlaimi nunnak a kan petu Thlarau phung nih cun sualnak le thihnak phung chung khan a ka luatter cang. 3 Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra. 4 Pathian nih hihi zeicahdah a tuah ti ahcun, minung kan sining zulh in si loin Thlarau hruainak zulh in a nungmi kan nunning ah hin Nawlbia cu tuah u, tiah a timi vialte ah khan a lung awih a si nakhnga caah a si. 5 An minung sining nih tuah u a ti hna ning paoh in a nungmi cu minung sining nih a duhmi nih khan an lungthin cu a uk hna. Thlarau nih a chimh hna ningin a nungmi cu Thlarau nih a duhmi nih khan an lungthin cu a uk hna. 6 Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si.

1korin 5:16-18)16 Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo. 17 Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang. 18 Hi thil vialte a tuahtu cu Pathian a si i Pathian nih cun Khrih thawngin kannih a ral a simi cu a hawi ah a kan thlen i midang zong a hawi i ser ve awk rian cu a kan pek.

1chanrelnak 12:18-20)18 Khi tikah Sawm Thum hna lak i haotu bik Amasai cungah khan Thlarau a tlung i amah nih cun hi bangin a ti:

“Kannih cu nangmah ta kan si,

maw David;Maw Jesse fapa, nangmah sin tel kan si;Daihnak, daihnak cu na sinah um ko seh,

Daihnak cu nangmah an bawmtu hna cungah um ko seh!Zeitintiah na Pathian nih an bawmh.”Khi tikah David nih a cohlan hna i a ralkap hna haotu bawi ah khan a ser hna.

19 David cu Saul doh awkah Filistin mi hna he an rat tikah, Manasseh mi cheukhat cu a sinah khan an zam. A ngaingai ti ahcun, Filistin mi kha a bawm hna lo, zeicahtiah Filistin siangpahrang hna nih khan hmasa a bawipa Saul sinah khan a kan lei sual lai ti an phang i Ziklag ah an kirter. 20 Anih cu Ziklag i a kal ah khan hi Manasseh mi hna hi a sin i an zam cu a si: Cu hna cu Adnah, Jozabad, Jediael, Michael, Jozabad, Elihu le Zillethai, Manasseh chung i a thong pawl haotu bik hna kha an si.

Psalm 52:1-3)Pathian Biaceihnak le Velngeihnak

(1Sam 22.9-10)

52:1 Mi liannganpa, zeicahdah

that lonak na tuahmi cu naa porhlawt?Pathian dawtnak cu a fek ko.2 Midang hrawhnak ding caah

khua na khang lengmang,na lei cu a harmi nam bantuk a si,lih lawng kha na chim tualmal ko.3 that lonak kha thatnak nakin na duh deuh i biatak chim nakin lih chim kha na duh deuh. Selah

Mikah 3:8-10)8 Sihmanhsehlaw kei tu cu Bawipa thlarau nih thawnnak le bia khiah thiamnak le ral thatnak in a ka khahter i Israel mi hna cu an sualnak kha zeidah a si tiah ka chimh hna.9 Israel uktu hna, ka bia ngai tuah u,nannih dinnak kha a hua i thatnak kha palhnak i a mertu hna, ngai tuah u.10 Pathian khualipi Jerusalem cu lainawnnak le dinlonak in nan sak.

Lamkaltu 2:1-5)Thiang Thlarau A Rung tum

21 Pentekos ni kha a phak tikah zumtu vialte cu hmunkhat ah an i pum. 2 Chikkhatte ah khin van in aw pakhat a rung i a thawng cu thlitu fak piin a hrangmi thawng bantuk a si i an thutnak inn kha a khat dih. 3 Cun meizik he aa lomi leite an hung chuah kha an hmuh hna i cuka i a ummi hna an dihlak cungah khan lei cu pakhat cio ah an i fu. 4 Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.5 Cun Jerusalem khua chungah vawleicung khuazakip in a rami Judah mi an um liote kha a si; cu hna cu biaknak lei i aa zuam ngaingaimi pawl kha an si.

1John 2:19-27)19 Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

20 Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh. 21 Cucaah nan sin i ca ka tial hi biatak kha nan hngalh lo caah si loin biatak kha nan hngalh ca le biatak chungin lih bia a chuah bal lo ca tu ah khan a si.22 A si ahcun, aho cu dah lihchimpa cu a si kun? Jesuh cu Khrih a si lo, a titu kha a si. Hi pa hi Khrih Ral cu a si — Pa he Fapa he a hlawt hna. 23 Fapa a hlawmi nih cun Pa zong kha an hlawt, Fapa a cohlangmi nih cun Pa zong kha an cohlan.24 Cucaah a hramthawk tein nan theihmi bia kha nan lung chungah i cinken u. A hramthawk tein nan theihmi bia kha nan lung chungah nan i cinken ahcun, Fapa le Pa he i pehtlai in nan nung zungzal lai. 25 Cun cucu Khrih hrimhrim nih kan pek hna lai tiah bia a kan kammi kha a si — zungzal nunnak cu.26 Nanmah hlen an zuammi hna kong hi kan chimh hna. 27 Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo.Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

1. Thiang thlarau konglam

====================

Thiangthlarau konglam le kan nun le kan sinah riantuan ning hna le a cawlhcangh khawh ning pawl a tang lei ah ka van langhter hna.

Sernak kong

*************

1) Pathian nih vawlei a serh tikah Pathian thawnnak in a cawk.Judah mi kan si ah Jentail/ U.p.c kan si ah A.B.M kan si ah kan dih lak in pum pakhat chungah

Pathian thiang thlarau pakhat tipil pakhat din awkah a kan pek mi kan si.cucu khamhnak phorhtu khrih thawntha biatak ka theih tikah kan chungah khrih cu ka caah a si ti kan theih i; Pathian ta ka sinak ca'h i hmelchunnak cu Biakamnak aamahkhan cu a thiangthlarau a ka pek hi a si.Pathian ta ka si caah luatnak tling zong ka hngalhtertu zong a si caah Pathian sunpernak cu lawmh loin ka um kho lo i ,cucu lam le thlacam le Holh theihlo le thawngtha hla bia a phunphun bible le a mah Pathian sin ah caan ka lak caan poah hi vawlei kan nunnak nuamhnak duhtlinnak he ka khat lio caan a si tawn.cu caah kei ka caah cun vancung bantuk in vawlei cung zawnah a tlung ve thiam ko.cucu vawlei suingun chawva in a si lo in dinnak le daihnak lunglawmhnK tling kha vawlei ah ka hmuh ve thiamthiam ko.khoika ka um poah ah lunglawmhnak in ka khat peng thiamthiam i vawlei buaihnak le vawlei rumnak chawva thilri le vawlei nuamhnak nih cu hmunhma cu a thleng kho lo ka nun ah cu caah vawlei zongah Pathian he 100% in kan duh a tling kho thiamthiam.vancung bantuk in vawlei zongah kan thangthat kho thiamthiam nak a si.vancung ka phak tik zongah vawlei ka um lio Pathian ka thangthat i Ka lam ka tuah mi vialte hi vancung zongah ka va tuah te ding a si thiamthiam ko tianh fiangtein bible nih a kan cawnpiak nak a si.Amen!Halleluijah.

Gen 1:1-2)Sernak Kong

1:1 A hramthawk ah, Pathian nih van le vawlei a ser hna tikah,a 2 vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian thawnnakb cu aa chawk.

1korin 12: 13 Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

Efesa 1:13-14)13 Nannih zong cuticun nan si ve: khamhnak an phorhtu hna Thawngtha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si. 14 Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangthat ko u sih.

2) Bawmhtu

Bawmhtu thiang thlarau hi Pathian nih a ka pek ti ka hngalhnak cu keimah nih ka theih khawh lo mi ka hngalhkhawh lo mi harnak le ttih a nung mi chungin aka khamh mi hi a taktak bak in fiang tein ka nun ah ka hmuh tikah ka khuaruah a har keimah mi zeihman ka si lo mi Bawmhtu thiangthlarau a ka thla piak ka ti lunglawmhnK mithli a luang i a ka zape cung tein a ka huphennak ka hmuh tikah Pathian cu thangthat lo le lam le holh theihlo phun tling in thangthat loin ka um kho nak a si ;ka lam tikah a zoh a chia le a tha zong tuak kho lo in ka lam caah zeitin ka um le zeitin ka lamnak zong ka theih lo a zoh chia le tha ka theih kho lo nak asi.

Bawmhtu

John 14:15-17)

Thiang Thlarau Nan Hmuh Lai

15 “Nan ka dawt ahcun ka nawlbia kha nan zulh hna lai 16 Ka Pa kha ka hal lai i Bawmtu a dang, an pek hna lai i a zungzal in an umpi hna lai.17 Amah cu biatak phuangtu Thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw a mah cu nan sinah a um i nan chung i a nun caah nannih nih cun nan hngalh.

26 sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

Rom 8:26 Cu bantuk thiamthiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

3)Thiangthlarau fimnak

Thiangthlarau fimnak

Isaiah 11:2 A mi kha a uk khawh hna nakhnga Bawipa thawnnak nih amah cu fimnak le hngalhnak le thiamnak a pek lai.Bawipa duhnak kha zeidah a si ti a hngalh lai i

Bawipa cu a tih lai.

Pathian nih fimnak a ka pek tikah midang chimnak le cawnpiaknak nakin thliang thlarau kha ka sawm deuh tawn tikah ka tuah ding vialte Pathian nih fiang tein a ka chim khawh ve.Pathian thiang thlarau a co tu a fa le nih amah Pathian aw kha kan theihthiam kho ve.cu caah minun cawnpiaknak nakin thiang thlarau cawnpiaknak hi a zulh deuh tawn mi ka si.

4)thlarau kong hngalhter nak a kan pek

Thlarau kong kha hngalhter nak a kan pek i Pathian theihlo in lawki bantuk siasel nih a uk tikah ping le pang ah kan kal i, Jesuh hman kha Pathian a si lo an ti kho lo kha ; thiang thlarau nih a uk lo mi lawki mi an si caah asi.na nun ah jesuh Pathian a si lo na ti ko ah cun thiang thlarau na co rih lo ti nak a si.lawki mi nih cun Jesuh kha Pathian a si an ti kho lo.na nun ag Jesuh kha pathian a si na ti kho ve lo ah cun lawki mi na si ti nak a si cathiang nih fiang tein a kan cawnpiak mi a si.

Thiang thlarau laksawng a hmuh mi cu a phunphun in a um khuaruahar thawnhnak :, Dawmter khawh thawnnak,Biathli thuk chim fiang khawh nak thawngtha chim thiam nak ,Holh theihlo holh khawh nak laksawng phung dang in pek le hngalh khawh nak kan ngeih.

1korin 12:1-11)

Thiang Thlarau Laksawng

121 Thiang Thlarau sinin kan hmuhmi laksawng kong ah hngalhter kan duhmi hna a um. 2 Nannih cu lawkihmi nan si lioah khan nunnak a ngei lomi siasal nih a rak in uk hna kha nan hngalh i cu siasal nih cun a ping ah an hruai zungzal hna. 3 Cucaah cun Pathian Thlarau i a hruaimi hna nih cun, “Jesuh cu chiat ko seh,” an ti kho bal lo i, Thiang Thlarau i a hruai hna dah ti lo ahcun, “Jesuh cu Bawipa a si,” an ti kho bal pek lo.

4 Thlarau laksawng hi a phunphun in a um, sihmanhsehlaw cu laksawng vialte a petu hna cu Thlarau thiamthiam kha a si. 5 Rian tuan hi a ning tampi a um, sihmanhsehlaw a rian kan tuanmi cu Bawipa thiamthiam kha a si ko. 6 Rian tuan khawhnak hi a phunphun in a um, sihmanhsehlaw cu bantuk tuan khawhnak a petu hna cu Pathian thiamthiam kha a si ko. 7 Thlarau kan chung i a um kha phun khatkhat in a lang cio i cucu kan dihlak ca i thatnak ding caah khan a si. 8 Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek. 9 Cu Thlarau thiamthiam nih cun pakhat cu zumhnak a pek i pakhat cu damter khawhnak thawnnak a pek. 10 Pakhat cu khuaruahhar tuah khawhnak a pek; cun pakhat cu Pathian bia chim thiamnak a pek i pakhat cu Thlarau sinin a rami laksawng a si maw si lo ti thleidan khawhnak a pek. Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek. 11 Hi thil vialte a tuahtu hi Thlarau pakhat a si, a duhning bantukin mi kha laksawng phun dangdang cio a pek hna.

5) lam hruaihnak/lam hmuhsaknak

lam hruaih /lam hmuhsak tu

Thiang thlarau nih a hruai mi hna cu Pathian fa le kan si caah nawlbia uknak tangah kan um ti lo,zeicahtiah nawlbia in chim le theih si ti loin ,thiang thlarau nih lam a kan hmuhsak cang i kan tuah ding mi zong kha fiang tein a kan chim cang caah nawlbia in theih tangah kan um ti lo nak a si.cu caah thiang thlarau a co mi fa le caah cun nawlbia tangah um a si ti lo nak kha a si.

Lam hruaihtu /lamhmuhsak

Rom 8: 14 Pathian Thlarau nih a hruaimi hna cu Pathian fale an si.

Galati 5:. 18 Thlarau nih an hruai a si ahcun Nawlbia tangah na um lo.

6) zumhtu hna he Thiang thlarau cu khua a rak sa i a rak nung

Kan nun hi Pathian nih a fuh kho mi Biakinn si a herh.

Thiang thlarau cu kan mah he khua a rak sa i kan mah he a nung ttih caah thil thalo ka tuah a si cun thiang thlarau a ngeih a chiat caah kan nun ah lawmhnak a um kho lo.ka nun buin a thi mi bantuk ka si zeiruangah tiah cun ka nun ah thiang thlarau a ngeihchiat i aa lawmh kho lo tikah keimah zong ka lawmh khawh ve lo nak a si i ;Pathian sinah kaa merh i thla ka cawm tawn Bawipa Pathian thiang thlarau ngeih kan chiatter mi hi ka ngaihthiam tiah ngaihthiam nak ka hal zungzal.thiang thlarau ka chung / ka nun ah khua a rak sa hnu cun thiang thlarau lung ka lawmhter ah cun lunglawmhnak in 100% in ka khat ve i ,thiang thlarau ngeih ka chiater ah cun ka nun ahhin mithi bantuk in lunglawmhnak a um kho ve lo ti ka theih tikah ka nun hi ka bia chim ka nun in thiang thlarau ngeih ka chiatter mi kha ka man caan poah ah ngaihthiam nak ka hal peng nak a si.pathian ta kan si cang caah Pathian kha ka nun ah aa lawmh maw lawmh lo ti kha nitin tein kan mah tein theih nak zong kha thiang thlarau nih a kan pek thiamthiam nak a si.

Zumhtu hna he a nung/khua a rak sa

1korin 3:16-17)16 Pathian biakinn nan si kha nan hngalh i Pathian Thlarau nan chung i a um zong kha nan hngalh. 17 Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.

1korin 6:19 Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si .

7) Cathiang nih a kan hmuhsak thiang thlarau cu Pathian a si

Peter nih Aninas kha zeiruangah satan kha na lung na uk ter a ti.Thiang thlarau sin ah lih na chimh tiah a sawhchih kan hmuh.lih kan chim mi khi thiang thlarau nih a kan theih dih ko i thiang thlarau hmai ah lih chim khawh a si lo nak kha a kan hmuh sak.thiang thlarau um pi nak poah ah luatnak kan hmuh i,Pathian thiang thlarau sinin hmai khuhnak puan kan ngeih lo caah Pathian sunpernak hmai ah cun thlalang bantuk in kan langh dih i lih chim kho a si lo caah ,Pathian sunpernak thlalang chung ah kan langh peng ko caah kan sualnak sen duk bang a sen mi le lih khuh in kan nun vialte kha kan sining tein ngaihthiam kan hal a si ah cun lih lo tein a kan ngaihthiam khawh i Pathian sunpernak chungah um zia kan thiam lai.na sining kha lih bia in kan kuh peng a si ah cun Pathian sunpernak chungah hmunhma ka ngeih lai lo kan um thiam lai lo.cu caah kan sining tein a chiat ah siseh a that ah siseh Pathian sin ah chuak cio hna u sih.

Cathiang nih a kan hmuhsak thiangthlarau cu Pathian asi

Lamkaltu 5:3-5) 3 Peter nih anih cu a rak thawh i, “Ananias, zeicahdah Satan cu na lung kha na ukter i na lo man in na hmuhmi tangka a cheu kha naa chiah i Thiang Thlarau sinah lih na chim? 4 Na thil cu na zuar hlanah khan nangmah ta a si, cun na zuar hnu zongah khan a man cu nangmah ta a si thiamthiam ko. A si kun ahcun, zeicahdah cu bantuk thil tuah awkah cun na lung chungin na rak ruah? Minung sinah lih na chim a si tung lo, Pathian sinah pei lih na chim a si cu,” tiah a ti. 5 Cu bia cu Ananias nih a theih tikah aa teng bak ko i cu thawng a theimi paoh cu tihnak in an khat dih.

2korin 3:17-18) 17 Hi zawn i “Bawipa,” a timi hi Thlarau a si i Bawipa Thlarau a umnak hmun paoh ah luatnak a um. 18 Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa riantuannak cu a si.

7) Thiang thlarau nih a hngalhter khawh vawlei uktupa bia ceihnak a palh

Jesuh Pathian kha a pa sin ah a kal caah bawmhtu thiang thlara a kan thla piak nak a si.amah kal hlah sehlaw bawmhtu hi kan hmuh kho hnga lo.pathian nih bia a kan ceih te lai tiah ruahnak kan ngei mi le kan ruahning in bia ceih nak kong kan palhnak vialte zong kha amah thiang thlarau nih hngalhthiam nak a kan pek lai.vawlei ah pakhat le pakhat kan ruahning cia in bia kan ceih mi hna palhnak vialte zong kha thiang thlarau nih hngalhthiam nak a kan pek lai.

Thiangthlarau nih vawlei uktupa biaceih

John 16:7-11)7 Sihmanhsehlaw biatak kan chimh hna: ka kal hi nan caah a tha deuh, zeicahtiah keimah ka kal lo ahcun Bawmtu kha nan sinah a ra kho lai lo. Ka kal ahcun amah cu nan sinah ka ratter lai. 8 A rat tikah vawleicung mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiang tein a hngalhter hna lai. 9 Keimah an ka zumh lo caah hin sualnak kong ah an palh; 10 cun kei cu ka Pa sinah ka kal lai i nan ka hmuh ti lai lo caah hin, zeidah a ding timi kong ah an palh; 11 cun hi vawlei uktupa hi a bia ceih a si cang caah hin biaceihnak kong ah an palh.

9) Thiang thlarau nih harnak a kan pek khawh

Thiang tharau kha a ngeihchiatter lo ding kha cathiang nih tam pi a kan cawnpiak,thiang thlarau a ngeih kan chiatter a si ah cun kan nun kha a mah thiang thlarau nih harsat nak a kan pek khawh.Thiang thlarau pek kan si cu Pathian ni ah Pathian ta kan si nak hmelchunnak aamahkhan caah thlarau pek kan si nak a si.

Thiangthlarau nih harhsatnak a pek khawh

Efesa 4:30)30 Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

10) Thiang thlarau nih thlarau ram a ceuter khawh

Thlarau ram ah Thiang thlarau nih biathli fimnak le minung nih hngalh lomi kha hngalnak in a ceuter khawh, fimnak biathli Bawipa sunpernak kha uktu bawi le cathiam sang nih rak hngalh hna sehlaw Jesuh cu vailam khenh a si hnga lo ; Biathli cu Pathian nih thlarau in Thiang thlarau a toih mi mifa hna sinah a phuang nak a si.Thlarau nih zeizong vialte kha a dah i a hriah dih ; Pathian thlarau nih a tinh i a hmang mi cu a thukmi hman kha a coih dih hna.Minung nih amah thinlung chungin a um mi kha a dihumnak in a theihdih khawh.cu bantukin Pathian konglam cu thiang thlarau nih a dihumnak in a hngalh dih ve, thiang thlarau kan chungah kan um ah cun cu thlarau nih a kan hngalh ter dih.

Thiangthlarau nih thlarau ram a cerhter khawh

1korin2:7-11)7 ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si. 8 Hi vawlei a uktu hna nih hin, cu fimnak cu an rak hngal lo. Rak hngal hna seh law cu, sunparnak Bawi kha vailam ah an rak khenh hnga lo. 9 Sihmanhsehlaw Cathiang nih,

“Ahohmanh nih an hmuh bal lomi

le an theih bal lomi,A si kho lai, tiah ahohmanh nih a ruah in an ruah bal lomi,Kha thengte kha Pathian nih

amah a dawtu hna ca i a timhmi cu a si,”a ti bang khan a si taktak. 10 Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna. 11 Minung cu a chung i a ummi amah a thlarau nih khan a konglam cu a dihumnak in a hngalh; cu bantukin Pathian zong cu Pathian Thlarau lawnglawng nih a konglam kha a dihumnak in a hngalh ve.

11) Thiang thlarau nih a kan dawt

Lamkaltu Paul nih Rom khua tlawn nak aa timh lio ah zumhtu mi hna sinah bia a cah mi hna cun Thiang thlarau nih a kan dawt bantuk tein keimah caah Pathian sinah dawtnak he thla rak ka cawm piak u law tiah bia a cah hna.pakhat le pakhat kha kan ngeih mi thilri kha kan i hrawm ve hna awk a si.cucu thiang thlarau nih a kan dawt nak bantuk in midang cungah dawtnak kan ngeih ve awk hna asi.

Thiangthlarau nih a kan dawt

Rom 15:30 Kan Bawipa Jesuh Khrih le Thiang Thlarau pekmi dawtnak in kan nawl hna: keimah caah Pathian sinah thla rak cam lengmang ve u.

12) An Pathum in riantuannak/cawlhcang khawh

Pa le fapa le thiang thlarau chungah i phumh i ,pa ,fapa ,thiang thlarau kong lam vialte le riantuannak/cawlhcanghnak le an lannghning vialte kha miphunzakip ah va chim hna i, zulhtu ah va serh ding kha a kan fial mi a si.Jesuh khrih le vel le thiang thlarau hawikomhnak he khuazakip ah au pi ding kha kan rian a si.

An pathum in rian an ttuan/cawlhcang khawh

Matt 28:19 Cucaah khuazakip ah va kal u law miphun vialte kha a ka zultu ah va ser hna u; Pa le Fapa le Thiang Thlarau min in tipilnak va pe hna u law,

2korin 13:13 Bawipa Jesuh Khrih vel le Pathian dawtnak le Thiang Thlarau he i hawikomhnak cu nan dihlak sinah um ko seh.

II. Kan nun ah Thiangthlarau riantuan thawng in Fapa bantuk in co hlang kan si

============================

Thiangthlarau nih cun thatnak le remhdaihnak , mah le mah teih khawhnak ,thiangthlarau nih hruai mi hna cu nawlbia a herh lo ;zeiruangah tiah cun thiangthlarau nih a theih dih cang caah kan tuah ding mi le kan chim ding mi le kan um nak ding hmunhma cu a kan chim dih cang caah asi.

Galati 5:22-23)22 Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, thatnak, zumhawktlakmi sinak, 23 toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

1 )Thiangthlarau chihtithuhnak a thuk deuh

Thiangthlarau sinin khoika hman kan zam kho lo mui nak le sualnak le vancung mithi khua ah le nichuak nithlak khoika hmun poah in a kan hmuh dih kan zam kho lo caah ;thiangthlarau hmaiah cun thup nak hmun a um lo caah ka sining tein tu in ngaihthiam hal khawhnak/toidor nun tu in kan fuh a si ah cun ton khawhnak kan caantha kan hmuh a si.

Psalm 139:7-11)7 Na thlarau sin hin khuazei ah dah ka zam khawh lai?

Na hmaika hin khuazei ah dah

kaa thuh khawh lai?8 Vancung ah khin hung kai ning tiah,cuka ah cun na rak um ko lai,mithi khua ah khin vung it ning tiah,cuka zongah cun na rak um thiamthiam ko lai.9 Nichuahlei ah khin lo diam in hei zuang hnik ning law,asiloah nitlaklei a hlatnak bik hmun zongah khin

hei um hnik ning law,10 cuka zongah cun a ka hruaitu dingah nangmah na rak um thiamthiam ko lai,a ka bawmtu dingah na rak um

thiamthiam ko lai.11 Muihnak kha ka thup tuah,ka hei ti ko hnga, asiloah ka velchum i ceunak kha

zan ah cang, ka hei ti ko hnga,

2)Thiangthlarau hruai nak telh loin

Thiangthlarau hruaihnak telh loin khrih ta kan si kho lo.thiangthlarau a ngeih lo mi nih thiangthlarau lasawng an co kho lo.thiangthlarau co lo mi nih cun thiangthlarau sining an hngalh kho lo caah cu thiang thlarau lasawng cu thiang thlarau a co lo mi caah pakpalawng menmen a si ko.

Rom 8:9 Sihmanhsehlaw nannih cu cuticun nan nung lo; Thlarau hruaining tu in nan nung deuh Pathian Thlarau a ngei lomi cu Khrih ta an si lo.

1korin 2:14 Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sinning kha thlarau lei lawngin hngalh khawh a si caah annih caah cun pakpalawng men a si ko.

3) Theihternak

Pathian pek mi thiang thlarau lasawng cu ei le din nak menmen caah a si lo ;thiang thlarau pek mi dinnak le daihnak le lunglawmhnak tu hi a si deuh.cucu ah khoika hmun poah ka phak le ka um zawnah keimah pakhat te lawnglawng in ka um lio ko zongah hin hnangamhnak tling le lunglawmhnak tling he ka dirh kho peng nak a si.khoika hmun poah ah hlawnh zongah ka dirh kho peng nak le ka sin a pi ah siseh a pi lo ah siseh lunglawmhnak he ka khat kho peng i keimah nih ka saya tha bik ah ka serh mi saya cu a thiang bik mi thiang thlarau le a fim bik mi thiang thlarau a si caah zei bantuk thlichiat le tilet nih a ka hrawh kho lo i thlichia le tilet a rat caan poah ah thiang thlarau nih a ka chim cia i a si lai ding zong ka hngalh cia i zeitindah ka doh lai i ka teih lai ti zong 100% chungah 100% in ka theih cia caah thlichiat le tilet nih a ka hrawh kho lo nak a si.teihnak he ka dirh kho peng nak a si.

Mi zeihman nih an ka doh zawnah ka thluk kho lo nak a si.cucu Asang bik mi fimchimhtu le cawnpiaktu saya bik thiang thlarau ka ngeih caah a si ; Halleluijah !Amen.

Rom 14: 17 Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

4) Thiangthlarau nih thawnhnak a kan chap.

Thiang thlarau kan cungah a tlun tikah cun thawnhnak in kan khat i ;kan mah caah si kan pawngkam le Buu in le miphun le ram khuazakip ah kan chung i thianh thlarau thawnhnak a um mi kha tehte kan si lai , kan chim lai i ;thazang a der mi kha thazang kan pek hna lai bawmh a herh mi kha kan bawm hna lai i an mah le an herhnak cio ah kan bawm kho hna lai i, thazang kan pek kho hna lai.cucu thiang thlarau tehte cu a si.

Lamkaltu 1:8 Asinain Thiang Thlarau nan cung i a tlun tikah cun, thawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.