Thangthatnak le lam kong ==============/======== 2samuel 6:20-23) Thangthatnak le lam kong tlompal

Thangthatnak le lam kong

==============/========

2samuel 6:20-23)

Thangthatnak le lam kong tlompal in ka van langhter duh mi cu

David siangpahrang pa kha athinlung chungah lawmnak in akhat tikah mihmai ah Pathian athangtha i,lawmnak in akhat tikah siangpahrang asinak hman theihti loin Pathian sinah athinlung dihlak in athangthat caah asining le vulei thil hman philh in zohchia le chialo hmantuak loin Pathian hmaikaa ah alamh i,lawmnak alanghter.

Cu ve bantuk in lamh timi hi chunglei in aakhat cangah cun lamh loin kan um kho tawn lo cu i lamhnak nih achuahpi mi cu ralthatnak le ttihphannak le vulei hremnak cikcin vialte acatter khawh dih.vulei ruahnak le thinlung le thluak thatlo vialte kha kaltak in Pathian lianngannak kha nunnak dihlak in pek asi tikah midang nih an nihsawh le soisel mi nakin Pathian kha lianngannak le sunpernak pek kha an duh deuh caah asi.azohchia le that kha an caah abia pi mi si loin Pathian tu an i thim deuh asi caah asi.

David siangpahrang pa cu ticun alamh tikah Saul siangpahrang afapi nu mikhal nih asoisel i,anihsawh Caah Fa angeih kho lo i,acing anunchung.Cu caah Pathian athangthat mi soisel khi soiseltu caah thatlonak chuahpi tu asi.Saul fanu cu fa ngeihsehlaw alianngan mi teihnak hmuhtu asi lai.siangpahrang miphun asi caah teihnak nganpi hmuhtu ding kha fa angeihkho lo tikah asung dih cikcek.Midang Pathian an thangthat mi soisel khi aliannganmi teihnak sunghtertu asi ti hi kan theihfianh awkah ka van langhter mi asi.

David nih akan cawnpiaknak kong

****(*************************

1.2samuel 6:14 Cun David cu Bawipa hmaiah a thazang dihlak in a lam; David cu la hmangthia tlangbawi angki aa hruk.

2.worship that draws scorns(Biaknak kha anihsawh/zeirello)

2samuel6:20 Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

3.worship that God-centrered(Biaknak alaifang/abiapi bik)

2samuel 6:21)21 Cun David nih Mikhal cu, “Na pa le a innchungkhar vialte nakin keimah kha a ka thim i Israel mi cung i bawi a ka cantertu Bawipa hmaiah pei a si tiah — Bawipa hmaiah cun thanuamnak ka tuah ko lai.

4.worship always grawing deeper(Biaknak ah thukdeuh chinchin in athangzungzal)

2samuel 6: 22 Hi nak i nihsawh awktlak deuh hmanh ah kaa ser ko lai i keimah mit hmanh ah zahpi awktlak ka si ko lai, sihmanhsehlaw na chimmi sinum ngaknu pawl hna thawng khan pei upat ka si lai tiah,” tiah a ti.

5.Sual afanu Mikhal cu fa angeih kho lo( Acing)

Saul siangpahrang fanu mikhal cu anungchung fa angeih kho lo

2samuel 6:23 Cun Saul fanu Mikhal kha a thih ni tiangin fa a ngei lo.

7.Pathian thangthat i lam le Pathian nih chihti athuh mi hna cu Hngachia ti um loin ahmang hna..

Exodus 15:20 Profetnu Miriam, Aaron far nih khan khuangte aa lak i nu vialte nih khan a hnu in an zulh i khuangte tum pah cun an laam.

21 Miriam nih cun hla a sakpi hna i,

Bawipa nih lianhngannak in a tei caah Bawipa cu hla in thangthat u;

rangtum hna le a cung i aa citmi hna kha rili chungah a paih hna,” a ti.

Exodus 19:6 Nannih cu tlangbawi bantukin ka rian a tuanmi miphun nan si lai i keimah sin i pekchanhmi nan si lai,’ a ti, tiah chim hna. Cucu Israel mi cu na chimh hrimhrim hna lai,” a ti.

1samuel 2:18 Asinain Samuel cu ngakchia si hmanh seh law Bawipa hmaiah la hmangthia tlangbawi angki i aih in rian a tuan.

28 Cun amah cu ka biaktheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.

2samuel 6:15 Cucaah David le Israel innchungkhar vialte nih aupah le muko tumpah in Bawipa kuang cu an hunpi.20 Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

Biaceihtu 11:34

Jefthah Fanu

34 Cun Jefthah cu Mizpah i a inn ah a tlung i zohhmanh, a fanu nih amah kha don awkah khuangte le laam he a hung chuak; amah lawnglawng cu fa a ngeih; amah hleiah fapa siseh, fanu siseh a ngei ti hna lo.

Biaceihtu 21:21 Cun Shiloh khua ngaknu hna nih lamnak chung i i tel ve awkah an ra chuah tikah, mitsur dum chung cun ra chuak u law, Shiloh ngaknu hna cu pakhat nih pakhat cio nupi ah i tlaih hna u law, Benjamin ram ah kal tuah u.

1chanrelnak 15:27 David cu lahmangthia angki fual in aa thuam, kuang a zawntu Levi mi vialte hna le hlasatu hna le hlasatu hna i an hla a hruaitu Khenaniah zong kha cu bantuk cun an i thuam ve; cun David cu laa in tahmi tlangbawi angki aa hruk.

Salm 87:7 Milam mi pawl le hlasa mi pawl nih,“Kan thluachuah vialte i hrampi cu Zion chungah hin a um,”

tiah an sak lai.

Psalm 149:3 Nan lamnak ah khan a min cu thangthat u,amah cu khuang le tingtang in thangthat u.

Ezekiel 46:10 Uktu bawi cu an sinah cun a um lai i an luh ah a lut ve lai i an chuah ah a chuak ve lai.

Exodus 15:20 Profetnu Miriam, Aaron far nih khan khuangte aa lak i nu vialte nih khan a hnu in an zulh i khuangte tum pah cun an laam.

Deutro 6: 5 Bawipa na Pathian cu na lungthin dihlak le na ruahnak dihlak le na thawnnak dihlak in na dawt lai.

Phungchimtu 9: 10 Na tuahmi cu a that khawh chungin tuah, zeicahtiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

Kolose 3:23 Zei thil nan tuah paoh ah, minung caah si loin Bawipa caah ka tuan ti lungput ngei in, nan lungthin dihlak in tuan u.

Girded(Thuamh/Taisawm)

1samuel 2:18 Asinain Samuel cu ngakchia si hmanh seh law Bawipa hmaiah la hmangthia tlangbawi angki i aih in rian a tuan.

28 Cun amah cu ka biaktheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.

1samuel 22:. 18 Cu tikah siangpahrang nih Doeg kha, “Nangmah kha i mer law, tlangbawi kha that hna,” tiah a ti. Cun Edom mi Doeg cu aa mer i tlangbawi kha a thah hna; cun khi ni ah lahmangthia tlangbawi angki aa hrukmi 85 a thah hna.

1chanrelnak 22:27 David cu lahmangthia angki fual in aa thuam, kuang a zawntu Levi mi vialte hna le hlasatu hna le hlasatu hna i an hla a hruaitu Khenaniah zong kha cu bantuk cun an i thuam ve; cun David cu laa in tahmi tlangbawi angki aa hruk.