Pathian orhlei kamah thut sullam ======================== Jesuh cu Pathian Orhlei kamah a thu ti cu

Pathian orhlei kamah thut sullam

========================

Jesuh cu Pathian Orhlei kamah a thu ti cu kan theih dih nain,orhlei kam thut timi sermon/sullam

A theih lo mi kan tam pi caah tlompal in van langhter.

Buu caah ka tial mi a si lo.khrihfa a si mi poah pathian a zumh mi poah caah a si.

Pathian orhlei kamah timi sullam

========/==================

Pathian orhlei kam ah (Right hand of God)A dang holh in

Pathian Orhlei kam timi sullam cu( latin) holh in metaphor for the omnipotence of God and as a motif in art.Bible nih a tu le tu Pathian orhlei kamah timi hi a langhter lengmang.

Bible chungah orhlei timi cu upat nak hmunhma a thabik/a sang bik tinak a Si.Tuu le meheh tthen an si lai i,tuu kha Pathian orhlei kam ah,Meheh kha kehlei.

_metaphor timi sullam cu A mighty fortress is our God.”

_Omnipotence timi sullam cu unlimited or very great power.

Motif timi sullam cu design decoration.

__Art timi sullam cu creative activity.

Pathian orhlei kamah timi a sullam cu holh dang le latin) metaphor for the omnipotence of God and as a motif in art timi sullam cu A tthawngbik mi kan Pathian lianngannak le donghnak a ngeih lo mi thil serning cawlh canghning tinak kha a si.

Biakam thar ah Jesuh khrih a kan theihter bantuk in Vancung ah Pathian upat pek nak kong kha a si.

Jesuh Pathian fapa Pathian orhlei kamah a thu timi cu Pathian A tthawngbik mi kan Pathian lianngannak le donghnak a ngeih lo mi thil serning cawlh canghning tinak kha a si.

Mark 16:19 Jesuh nih bia a ruah dih hna cun vancung ah a kai i Pathian orhlei kamah khan a hung tthu.

Amah Pathian a si mi thawnnak lianngannak upat nak le nawlngeinak vialte donghni ngeilo Pathian thutdan a thutnak le Pathian lianngannak thawnnak vialte in cawih a sinak kha a chimh duh mi a si

Luke 22:69 Sihmanhsehlaw atu hin cun Mi Fapa hi Lianngan Bik Pathian orhlei kamah thutter ka si cang lai,” tiah a ti.

Jesuh cu Pathian sinak vialte van le vawlei cungin cawisan a si cang caah vulei hi a ke chianak a ral umnak a si i,vancung khi a bawithutdan a si.van le vulei cungah Minung tling le Pathian tling sinak kha a thling khihkhet cang caah Pathian thawnnak lianngannak in cawisan le upat a si i,van le vawlei a um mi vialte lakah siangpahrang cungnungbik Pathian a si.sermi thil vialte nih amah cu an thangthat i an upat i an hlorh,thangthatnal le upatnak le liannangannak Pathian min cu hlorh a si.

Matt 22:44 Bawipa nih ka Bawipa cu a thawh i,Na ral hna cu na ke tangah ka chiah hna hlantiang

Ka orhlei kamah hin thu tuah, tiah a ti, a ti cu.

Matt 26:64 Jesuh nih cun, �Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cungnung Bik orhlei i a thut le khuadawm cungin a rat kha nan hmuh lai,� tiah a leh hna.

Lamkaltu 2:34 Zeicah kan ti ahcun amah David cu vancung ah a kai tung lo, aa thawh i pei:

‘Bawipa nih ka Bawipa cu,

“Ka orhlei kamah hin thu tuah,

Lamkaltu 7:55 Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh.

1peter 3:22 amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le thawnnak vialte kha a uk dih hna.

Psalm 63:8 Nangmah kha kan tlaihchan i na kut nih him tein an ka umter.

Minung sinak(anthropomorphic phrasin=human being.)

Psalm 110:1 Bawipa nih siangpahrang ka Bawipa cu a thawh i,“Na ral cu na ke tangah

ka chiah hna hlan tiang,ka orhlei kamah hin ̣thu tuah,”tiah a ti

Pathian orhlei kam ah

==================

Pathian cu fapa ai awh/muisam in vawlei ah hmunhma a rak lak i,vancung ah Pa pathian orhlei kam ah a thu timi cu Pathian tthawnnak le nawlngeinak thuam a sinak kha a langhter duh mi a si.Pathian cu thlarau a si caah thlarau in rian a tuan mi a si.

Pathian orhlei kam ah timi cu (Power and Outhority ) pathian tthawnnak le lianngannak tinak a si. nawlngeinak hmelchunnak kha a si.

Pathian lianngannak le tthawnnak cu zeihman he tahchun awk a tha lo tiah a ti.

(Psalm 110,matt 22:44) Paul nih Pathian cu zeihman he tahchun awk a tha lo mi liannganmi tthawnnak a si tiah a ti.(incomparably great power”, ).Pathian tthawnnak cu thihnak in a tho than.Pathian nih a tuah mi cu tthawnnak le nawlngeinak a si.(1:19-21).

Jesuh cu cawnpiaktu a si hlan ah sianghngakchia bantuk a si lo,nain cawnpiaktu le thawnnak le upatnak le nawlngeinak a ngei, Jesuh cu in position of( supreme honour and authority)a ngan bik upat tlak le nawlngeinak ah a thu kho.

Pa pathian nih van le vawlei a ser i,vancung tiang a uk , a sermi thil vialte nih khupbil in a mah cu an biak.A tu tiang hi Pathian cu pakhat lawnglawng a rak si i,hmailei ,a tu caan tiang a si ko.Jesuh nih pa Pathian le keimah cu Pakhat kan si a ti.Pa pathian le Jesuh cu Pathian Pakhat an si ko.

Pa pathian orhlei kamah sunpernak le lianngan upatnak cohlang/ a hrawm. (Father’s right hand, the glory and honour of the Godhead).Jesuh khrih Pathian orhlei kamah a thu Pathian bantuk in,sunpernak le lianngan upatnak kha a cheu ve.Pathian kha minung in a ra i,cu caah minung kha Pathian ah a si than kho ve(God became man, so that man might become God”).kan mah zumhtu mi zong kha Cu jesuh khrih kan zumhnak thawngin roco tu kan si ve i,a sunpernak zong kan i hrawm ve.

Through Christ, (Rom 8:17 Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai.

Zeidah a si Pathian orhlei kam liannangnak a zaa ko tinak cuh

==========/==============

Hlan lio pipu chan ah cun mi lian sang deuh pawl cu siangpahrang orhlei kam ah an um,tuchan ah cun hruaitu tiah kan auh hna.cucu minung le minung orhlei kam um ti cu a si nain Pathian orhlei kam a ti mi cu bible nih khakha a si lo,bible nih pathian orhlei kamah a timi cu Pathian tthawnnak lianngannak le sunpernak upatnak pek kha a si.

Orhlei um cu upatnak le nawlngeinak thluahchuah kga a si.

Genesis 48:13-14)

13 Josef nih an pahnih in an kut in a tlaih hna. Efraim kha a orhlei kut in a tlaih, zeicahtiah Israel kehlei ah um seh ti a duh, Manasseh kha a kehlei kut in a tlaih, zeicahtiah Israel orhlei ah um seh ti a duh, cuticun Israel sinah cun a hei kalpi hna.

14 Sihmanhsehlaw Israel nih khan a kut cu a rak kalhkeh hna i a orhlei kut cu ngakchia deuh a simi Efraim lu cungah khan a chiah i a kehlei kut cu upa deuh a simi Manasseh lu cungah khan a chiah.

Jocob thluahchuah kha a orhlei kut kha a ngan deuh caah a si.cu ve bantuk in orhlei kut timi cu upatnak nawlngeihnak in cawisannak thluahchuah kha a si.

Pa pathian cu minung orhlei pumsa kut an hman mi bantuk a si lo,Pathian cu thlarau( formless spirit ) muisam a ngei lo i ,Pathian cu thlarau a si.Cathiang chungah kan hmuh mi cu Pathian cu lianngannak in rili sen an tan pi hna i,Pa pathian lianngannak le thil tikhawhnak in a langh,Bia in zeizong vialte a ser i,fapa in minung ah a ra i,cu minung fapa cu Pathian a si than ve i,cu pathian cu zeizong te uktu van le vawlei siangpahrang a si.pathian velngeihnak le lianngannak cu kan caah a zaa ko tiah Kan hmuh peng.Biakam hlun nih a langhter peng mi cu (coming messiah)messiah a chuak lai nak kong/a ratnak kong kha a si.Bawipa nih a thimmi siangpahrang cu messiah kha a si.Messiah Jesuh cu vawlei nih mi nih ral ah an chiah caah vailam ah an thah i,cu vawlei cu a ke chiahnak a si.

(psalm 110:1)Bawipa le A Thimmi Siangpahrang

(Mat 22.44)

David Hla

110:1 Bawipa nih siangpahrang ka

Bawipa cu a thawh i,“Na ral cu na ke tangah ka chiah hna hlan tiang,

ka orhlei kamah hin ̣hu tuah,”tiah a ti.

Matt 22:44

44 Bawipa nih ka Bawipa cu a thawh i,Na ral hna cu na ke tangah ka chiah hna hlantiang Ka orhlei kamah hin thu tuah, tiah a ti, a ti cu.

Pathian tthawnnak in raltuknak hmun ah teinak a pek hna israel tuan bia chungah Pathian kutcak tthawnnak in le thil tikhawhnak in an ral an teih peng hna.

Psalm 118:16 a tthawnnak nih teinak a kan pek,atthawnnak a liannganmi nih raltuknak hmun ah teinak a kan pek!” an ti.

( The right hand)orhlei kut timi cu Pathian nih a cawisan hna tthawnnak le ralthatnak tuah khawhnak/phihsin khawhnak a pek hna.

Biakam thar ah kan hmuh mi cu Jesuh khrih in a chuak mi a si.Jesuh khrih a thawhtertu le pathian orhlei kamah a thuttertu Pathian tthawnnak he aa khat mi a si,Pathian cu Pakhat lawnglawng a si. Khika ah khan vancung uktu vialte hna le nawlngeitu vialte hna le thawnnak vialte hna le bawi vialte hna cungah Khrih cu uktu a si; hi vawlei le hmailei vawlei zongah khin Khrih cu thawnnak a ngeimi bawi vialte cung bawi a si.

Ephesa 1:20-21)

20 thihnak in Khrih a thawhtertu le vancung khua i Pathian orhlei kamah a thuttertu Pathian thawnnak he khan aa khatmi a si.

21 Khika ah khan vancung uktu vialte hna le nawlngeitu vialte hna le thawnnak vialte hna le bawi vialte hna cungah Khrih cu uktu a si; hi vawlei le hmailei vawlei zongah khin Khrih cu thawnnak a ngeimi bawi vialte cung bawi a si.

Rom 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.a hodah orhlei kut cu a si.

Pathian orhlei kut ah timi hi Biakam thar nih tam pi a langhter mi a um.steven nih Pathian orhlri kamah a hmuh mi cu Pathian sunpernak upat lianngannak pek mi kha a si ko,kan mah zumhtu khrihfa cu Jesuh khrih sinah nunnak ah thawh kan si cang. Cucaah Pathian orhlei kam i Khrih nih a bawi thutdan cung i a thutnak vancung khua chung i a ummi thil tu kha kan lung in i seh chih hna i,kan thinlung chungah kan chia peng kha adi ve.

mark 16:19 Jesuh nih bia a ruah dih hna cun vancung ah a kai i Pathian orhlei kamah khan a hung thu.

Lamkaltu 2:33 Pathian orhlei kamah khan thutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

Lamkaltu 7:55 Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh.

Kolose 3:1 Nannih cu Khrih sinah nunnak ah thawh nan si cang. Cucaah Pathian orhlei kam i Khrih nih a bawi thutdan cung i a thutnak vancung khua chung i a ummi thil tu kha nan lung in i seh chih hna u.

Hebrew 10:12-13)

12 Asinain Khrih nih cun raithawinak kha sualnak caah voi khat a ser i cucu zungzal ca in a za ko, cu hnuah Pathian orhlei kamah khan a thu. 13 Cuka ah cun Pathian nih a ral kha a kelamh i a ser hna ding caan kha a hngak.

Jesuh khrih kan sual raithawinak a thi mi cu voikhat ah zungzal ca in a za ko.tipil innak cu pumhrawm kholh a si lo,chiatha thleidannak thiang nih Pathian sin i biakamnak a tuahmi tu hi a si.

1peter 3:21-22

21 cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiatha thleidannak thiang nih Pathian sin i biakamnak a tuahmi tu hi a si.Tipil innak nih cun Jesuh Khrih thihnak in a thawh thannak thawngin an khamh hna i

22 amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le thawnnak vialte kha a uk dih hna.

Pathian Orhlei kut a timi cu Pa Pathian le umnak hmun poah in nawlngeinak le a dang vialte cungah nawlngeinak tthawnnak kha a si.Jesuh messiah orhlei kut in a chuak tuchan ah,tling tein Pa pathian he thiang thlarau hmunkhat te ah tthawnnak he an uk.Efesa 1:21 Khika ah khan vancung uktu vialte hna le nawlngeitu vialte hna le thawnnak vialte hna le bawi vialte hna cungah Khrih cu uktu a si; hi vawlei le hmailei vawlei zongah khin Khrih cu thawnnak a ngeimi bawi vialte cung bawi a si.

Pathian orhlei kamah(1270 RIGHT HAND OF GOD)

===========================

Pathian Orhlei kam ah ti cu a biafang chimnak in cun Pathian tthawnnak le nawlngei a donghnak khi a si,Jesuh khrih cu Pathian tthawnnak nawlngeinak a donghnak a sang bik hmun ah cawi a sinak kha a chim duh mi a si.

1 . Pathian orhlei kut cu a tthawnnak i langhter nak a si(The right hand of God as a symbol

A symbol of power )

Pathian cu zeitluk in dah a lianngan i a tthawn timi kha a si,Pathian kut cak tthawnnak kha a langhter duh mi a si.

salm 89:13

13 Zeitluk in dah na lianhngan!

Zeitluk in dah na ̣tthawn!

2. pathian hupphenhnak (A symbol of protection) Ps 16:8See also Ps 63:8; Ps 139:10; Isa 41:13; La 2:3

Pathian cu kan sinah a um cu kan hngalh zungzal ko,pathian cu kanmah he naihte ah a um i,zeihman nih a kan hnin kho lo.kan caah zohkhenhtu tha bik cu pathian lawnglawng kha a si.

Salm 16:8 Bawipa ka sinah a um cu

ka hngalh zungzal,amah cu keimah he naihte ah a um i zeihmanh nih an ka hnin kho lo.

Pathian kha kan tlaihchan i a kut chungah him tein akan um ter,ral ttihnung vialte chungin pathian kut cak tthawnnak in him tein a kan kilveng kho tu a si.

Salm 63:8 Nangmah kha kan tlaihchan i na kut nih him tein an ka umter.

Khoika kan umnak poahah Pathian cu a um mi a si,harnak le van sannak kan phan caan ah le lungdongh sivang kan um lio i,lam a kan hmuhsaktu hruaitu le bawmtu cu pathian thiamthiam kha a si ko.

Salm 139:10 cuka zongah cun a ka hruaitu dingah nangmah na rak um

ṭhiaṃthiam ko lai,a ka bawmtu dingah na rak uṃ thiaṃthiam ko lai.

Pathian cu tthawnnak a kan pe kho tu le hnangam ter kho tu a si thiamthiam.

Isaiah 41:13 Keimah cu Bawipa nan Pathian ka si i thawnnak kan pek hna;Nan thinphang hlah u, kan bawmh hna lai,’ tiah keimah nih ka ti,”a ti.

Ttahnak hla 2:3 A thinhun in Israel sunparnak ki cu a tan i Ral an rat cuahmah lioah khan a bawmhnak kut cu a zuhkanh hna;Jakob chungah cun meizik bangin

a alh i a pawngkam vialte kha

a kangh dih.

3. Pathian hmuhsak langhter nak(A symbol of God’s presence) Ps 16:11 See also Ps 48:10; Ps 73:23;

Isa 62:8

Pathian nih nunnak lei kalnak lam cu a kan hmuhsak i,kan sinah Pathian a um caah nuamhnak ka hmuh zungzal nak a si.

Salm 16:11 Nunnak lei kalnak lam cu na ka hmuhsak lai;ka sinah na um caah lawmhnak in ka khat i na ka bawmh caah nuamhnak ka hmu zungzal.

Salm 48:10 Khuazakip ah nangmah cu an in thang̣hat i na minthannak nih vawleicung kha a cul dih.Dinnak in na uk hna;

Salm 73:23 Asinain nangmah sin ̣thiaṃthiam ah khan ka um i ka kut in na ka hruai.

Isaiah 62:8 Bawipa nih biatak tein bia aa kam,a biakam cu a lianhngannak in a tlinter lai.Cu a biakam cu hihi a si:“Nan tirawl cu nan ral hna caah rawl a si ti lai lo i

ramdangmi nih nan mitsur hang cu

an in dinkanh ti hna lai lo.

4. Pathian khamhnak i,tthawnnak lianngannak(A symbol of God’s saving power)Ps 60:5 pp Ps 108:6 See also Ps 17:7; Ps 20:6; Ps 80:15; Ps 98:1; Ps 138:7

Salm 60:5 Na ̣hawnnak in kan khamh tuah;kan thlacamnak kha kan let tuah,cuticun na dawtmi hna hi kan luat kho lai.

Salm 108:6 Na ̣hawnnak in kan khamh tuah;kan thlacamnak kha kan let tuah,cuticun na dawtmi hi

kan luat kho lai.

Salm 17:7 Maw Khamhtu Bawi, na dawtnak khuaruahhar cu langhter ko;na kiang kan um ahcun kan ral hna kut chungin kan him.

Salm 20:6 Atu cu Bawipa nih a thimmi siangpahrang kha teinak

a pek ti ka hngalh cang;a thiangmi a vancung khin a run leh i a ̣hawngmi a lianhngannak in teinak kha a pek.

Salm 80:15 Nangmah hrimhrim nih na cinmi mitsur ruang hi ra khamh tuah;hi tluk ̣tthawng in na ̣thantermi

mitsur ruang no hi ra khamh tuah!

Salm 98:1 Bawipa cu hla thar in thang̣hat tuah u,khuaruahharmi thil kha a tuah hna!A ̣tthawnnak le a thiangmi a thazang in ral kha a tei hna.

Salm 138:7 Harnak nih a kulh in a ka kulh hmanh ah,him tein na ka umter ko,a thin a linh in a linmi ka ral kha na doh hna i na ̣tthawnnak in na ka khamh.

5. Pathian cu teihnak(A symbol of victory )Ps 18:35; Ps

44:3; Ps 78:54; Isa 41:10

Salm 18:35 Bawipa, nangmah nih na ka huhphenh i, na ka khamh;

na ka zohkhenhnak nih mingan ah

a ka ser i na dawtnak nih him tein a ka umter.

Salm 44:3 Hi ram cu na mi nih an nam in an teimi a si lo,anmah ̣hawnnak in an teimi zong a si lo;

nangmah lianhngannak le ̣hawnnak in a si i nangmah nih na dawt hna

langhternak caah an sin i na umhnawh hnanak tu nih khan hi ram cu a tei.

Salm 78:54 A ram thiang chungah cun a luhpi hna,amah hrimhrim nih a teimi tlang ah cun a phakpi hna.

Isaiah 41:10 Na thin phang hlah — na sinah ka um ko,Keimah cu na Pathian ka si —zeihmanh tih hlah.

Kan tthawnter lai i kan bawmh lai;

kan huhphenh lai i kan khamh lai.

6. Pathian nih kan ral hna kut in a kan him ter(A symbol of the defeat of God’s enemies) Ex 15:6 See also Ex 15:12; Ps 21:8; Ps 74:11

Exodus 15:6 Bawipa, na orhlei kut a tthawngmi cu khuaruahhar a si;

ral pawl kha a den cikcek hna.

12 Na orhlei kut kha na samh i

vawlei nih a dolh hna.

Salm 21:8 Siangpahrang nih a ral kha a tlaih dih hna lai i a huatu vialte kha a tlaih dih hna lai.

Salm 74:11 Zeicahdah bawmh na kan duh lo?Zeicahdah na kut cu na hnulei ah na chiah hna?

7.Pathian nih a tthawng lianngannak in rian a tuan(A symbol of God’s mighty works)Ps 45:4 See also Ps 77:10; Ps 118:15-16; Isa 48:13

Salm 45:4 Biatak le biading kha

hmunhter awkah na tei tiang lianhngannak in hmailei ah kal tuah.

Na ̣tthawnnak nih teinak ngan pipi

an hmuhpiak lai.

Salm 77:10 Cun kaa thawh i,

“Ka lungfah bikmi cu — Pathian cu

zeizong vialte tuah khotu a si ti lo,” ti hi a si, ka ti.

Salm 118:15-16)

15 Pathian mi hna thlam chung i

ral teinak au thawng cu ngai hmanh:Bawipa ̣hawnnak a liannganmi nih kan ral cu a tei hna,

16 a ̣hawnnak nih teinak a kan pek,

a ̣hawnnak a liannganmi nih raltuknak hmun ah teinak a kan pek!” an ti.

Isaiah 48:13 Ka kut in vawlei hram kha ka ser hna i van kha ka samh hna.Van le vawlei kha ka auh hna tikah,khulrang tein an ra chuak.

8.Pathian cu Biaceihtu(A symbol of judgment) La 2:4; Hab 2:16

Pathian lawnglawng biaceihtu a si i,minung le minung kar lak ah a tthawnnak in le thil tikhawhnak in Bia a kan ceih tawn.

Tahnak hla 2:4 Ral bantukin a li kha aa koih;Ral bantukin a dir i a rak lawmh tawnmi vialte hna kha

A ban tthawng in a thah hna;A thinhunnak cu mei bangin Zion fanu thlam cungah a bungh dih.

Habaku 2:16 Upatnak si loin ningzahnak in khuh nan si ve lai,

nanmah zong cu zuri sawn in

nan sawn ve lai.Bawipa nih nan dantatnak hrai kha an dinter hna lai i nan thangthat upatnak kha

ningzahnak ah a cang lai.

9.(Jesus Christ at God’s right hand

Jesus Christ is exalted to God’s right hand )Heb 1:13 Comparison between Jesus Christ and the angels confirms Christ’s absolute supremacy.See also Ps 110:1; Mt 22:44 pp Mk 12:36 pp Lk 20:42; Lk 22:69; Ac 2:34; Ac 7:55-56; Col 3:1; Heb 1:3; Heb 12:2

Salm 110:1 Bawipa nih siangpahrang ka Bawipa cu a thawh i,“Na ral cu na ke tangah

ka chiah hna hlan tiang,ka orhlei kamah hin ̣hu tuah,”tiah a ti.

Matt 22:44 Bawipa nih ka Bawipa cu a thawh i,Na ral hna cu na ke tangah ka chiah hna hlantiang

Ka orhlei kamah hin thu tuah, tiah a ti, a ti cu.

Mark 12:36 Thiang Thlarau nih pei

David cu:Bawipa nih ka Bawipa cu,

Na ral hna kha na ke tangah

ka chiah hna hlan tiang ka orhlei kamah hin thu ko,

Luke 20:42 Zeicahtiah David hrimhrim nih pei,‘Bawipa nih ka Bawipa cu,

Luke 22:69 Sihmanhsehlaw atu hin cun Mi Fapa hi Lianngan Bik Pathian orhlei kamah thutter ka si cang lai,” tiah a ti.

Lamkaltu 2:34 Zeicah kan ti ahcun amah David cu vancung ah a kai tung lo, aa thawh i pei:‘Bawipa nih ka Bawipa cu,“Ka orhlei kamah hin thu tuah,

Lamkaltu 7:55-56)

55 Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh.

56 Aa thawh i, “Zohhmanh u, vancung aa hun i Pathian orhlei kamah Mi Fapa a dir kha ka hmuh,” tiah a ti.

Hebrew 1: 3 Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

Hebrew 12:2 Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawithutdan orhlei kamah khan a hung thu cang.

10.Jesuh khrih nih a uk lai nawlngeinak vialte Pathian orhlei kamah a thil tikhawh tthawnnak lianngannak(Jesus Christ rules every authority at God’s right hand) 1Pe 3:22 See also Eph 1:20-21

Jesuh khrih nih vancung khua ah a um mi vialte a uk dih hna le nawlngeinak he vancungmi vialte le vancung nawl ngeihnak vialte le thawnnak vialte kha a uk dih hna.Khika ah khan vancung uktu vialte hna le nawlngeitu vialte hna le thawnnak vialte hna le bawi vialte hna cungah Khrih cu uktu a si; hi vawlei le hmailei vawlei zongah khin Khrih cu thawnnak a ngeimi bawi vialte cung bawi a si.

1peter 3:22 amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le thawnnak vialte kha a uk dih hna.

Efesa 1:20-21)

20 thihnak in Khrih a thawhtertu le vancung khua i Pathian orhlei kamah a thuttertu Pathian thawnnak he khan aa khatmi a si. 21 Khika ah khan vancung uktu vialte hna le nawlngeitu vialte hna le thawnnak vialte hna le bawi vialte hna cungah Khrih cu uktu a si; hi vawlei le hmailei vawlei zongah khin Khrih cu thawnnak a ngeimi bawi vialte cung bawi a si.

11.Jesuh khrih nih a rian kha a pehzulh rih lai pathian orhlei kamah cawisan a si hnu ah(Jesus Christ continues his work at God’s right hand )Ro 8:34 See also Ac 2:33; Ac 5:31; Heb 4:14-16; Heb 8:1

Jesuh thawhter a si i a ka pa a ti mi,Pa pathian ti mi le nawlpiaktu cu a mah Jesuh khrih thiamthiam kha a si.thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

Rom 8: 34 Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

Lamkaltu 2: 33 Pathian orhlei kamah khan thutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

Lamkaltu 5:31 Israel mi kha i ngaihchihnak caan tha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a thutter cang.

Hebrew 4:14-16)

Jesuh Tlangbawi Ngan

14 Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si. 15 Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si. 16 Cucaah cun raltha in hmaiah fong u sih law, vel a umnak Pathian bawithutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

Jesuh khrih kan fuh a si ah cun pathian zangfahnak kan hmuh lai.

Hebrew 8:1

Jesuh Kan Tlangbawi Ngan

8:1 Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a thumi a si.

12.Jesuh a ra than lai a tthawnnak lianngannak he (Pathian orhlei kamah)(Jesus Christ will return at God’s right hand) Mt 26:64 pp Mk 14:62

Jesuh cu a ra than lai lianngannak tthawnnak le khuadawm he a ra lai.

Mark 14: 62 Jesuh nih, “Ka si. Cun Mi Fapa cu A Liannganmi Pathian orhlei kamah ka thut i vancung khuadawm he ka rat kha na ka hmuh te lai,” tiah a ti.

13.Cazual le Tuufa,tuufa cu Jesuh khrih

(Jesus Christ takes a scroll from God’s right hand )Rev 5:1-7 The scroll probably refers to God’s decrees for the destiny of the world.

Biathlam 5:1-7)

Cazual le Tuufa

5:1 Bawithutdan cung i a thumi nih cun cazual pakhat a orhlei kut in aa put kha ka hmuh i cu cazual cu a chunglei he a lenglei he aa tial dih i cakhenh pasarih in an khenh chih.

2 Cun vancungmi pakhat a thawng ngaimi kha ka hmuh i cu vancungmi nih cun, “Ahodah cakhenhnak phoih awk le cazual samh awkah aa tlak hnga,” tiah fak piin a ti.3 Sihmanhsehlaw cu cazual a phoih i a chung a zoh khotu cu vancung ah siseh, vawleicung ah siseh, vawlei toiah siseh, ahohmanh an hmu kho hna lo.

4 Cu cazual cu phoih i a chung kha a zoh khotu dingah aa tlakmi ahohmanh an hmuh khawh hna lo caah fak piin ka tap.

5 Cu tikah upa pakhat nih khan a hun ka chawnh i, “tap hlah! Zohhmanh, Judah phun chungin a chuakmi Chiandeih, David tefa milianngan nih khan, teinak a hmuh cang i cakhenhnak pasarih kha a phoih khawh hna i cazual kha a kau khawh,” tiah a ti.

6 Cun Tuufa pakhat, bawithutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

7 Tuufa cu a va kal i bawithutdan cung i a thumi orhlei kut i cazual kha a va lak.

Thlarau lei in orhlei kamah

===================

Pathian Orhlei kam ah timi cu bible (common speaks ) a tu le tu in pathian cu pumcheu le adangdang a mit ,a hnar in a orhlei kut in kan chuah ter,nain bible chungah pa Pathian hi

Minung muisam pungsan in a um bal lo,a orhlei kam thut dingah.

Bible chungah orhlei kut ?commonly assoiciated with power) timi a tu le tu in lianngan tthawnnak he pehtlaing a langhter mi a tam pi.

Exodus 15:6 Bawipa, na orhlei kut a thawngmi cu khuaruahhar a si;

ral pawl kha a den cikcek hna.

Matt 26:64 Jesuh nih cun, “Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cungnung Bik orhlei i a thut le khuadawm cungin a rat kha nan hmuh lai,” tiah a leh hna.

Luke 22:69 Sihmanhsehlaw atu hin cun Mi Fapa hi Lianngan Bik Pathian orhlei kamah thutter ka si cang lai,” tiah a ti.

Efesa 1:20-21)

Hebrew 1:3-4)

3 Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

Fapa Cu Vancungmi Hna Nakin A Ngan

4 Pathian nih a Fapa cu vancungmi hna a pekmi nakin a ngan deuhmi min a pek bantukin, vancungmi hna nak ngan deuh ah a ser.

The right hand of God,not as a literal right hand,But rather As God omnipotent power

Psalm 110

Bawipa le A Thimmi Siangpahrang

(Mat 22.44)

David Hla

110:1 Bawipa nih siangpahrang ka

Bawipa cu a thawh i,“Na ral cu na ke tangah ka chiah hna hlan tiang,

ka orhlei kamah hin ̣hu tuah,”tiah a ti.2 Zion in a rami Bawipa nih,uknak nawl cu an pek tikah,“Na ral cu uk hna,” an ti lai i na nawl ngeihnak cu hmun dang tiangin a karh lai.

3 Na ral kha na tuk hna ni ah,na mi nih anmah lungtho tein an in chuahhnawh lai.Na tlangval hna cu zinglei dap bantukin,na sinah tlang thiang ah khan an ra chuak lai 4 Bawipa nih a fekmi biakamnak

a tuah i a let ̣han lai lo,“Nang cu zungzal in tlangbawi na si lai,

Melkhizedek tlangbawi a sining in

na si lai,” a ti.5 Bawipa cu na orhlei kamah a um ko;a thin a hun ni ah siangpahrang kha a tei hna lai.

6 Miphun kha an bia a ceih hna lai i

raltuknak hmun kha miruak in

a khahter lai;vawlei cung dihlak ah

siangpahrang kha a tei hna lai.

7 Lam pawng i a luangmi tiva kha

siangpahrang nih cun a din lai,a tha aa hrim lai i teitu a si lai.

Luke 20:42-43)

42 Zeicahtiah David hrimhrim nih pei,‘Bawipa nih ka Bawipa cu,

43 Na ral vialte hna cu na ke tang i kelamh ah ka chiah hna hlantiang

Ka orhlei kamah hin òhu tuah,’

tiah Salm cauk chungah a ti cu.

Mark 12:36 Thiang Thlarau nih pei

David cu:Bawipa nih ka Bawipa cu,

Na ral hna kha na ke tangah

ka chiah hna hlan tiang ka orhlei kamah hin thu ko,

Matt 22:44 Bawipa nih ka Bawipa cu a thawh i,Na ral hna cu na ke tangah ka chiah hna hlantiang

Ka orhlei kamah hin thu tuah, tiah a ti, a ti cu.

Mitam pi nih Jehovah orhlei kam ah Jesuh a thu lai an ti a si lo,bible nih a langhter duh mi sullam cu (almighty power)tthawnnak thil tikhawhnak lianngannak kha a si.(sitting the right hand namely God's almighty power, sitting the right hand of

Pathian tthawnnak orhlei kamah(power' at the right hand of power of God).

John 1-5)

Nunnak Bia

(Gen 1.1—2.4a)

11 Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si. 2 A hramthawk tein Bia cu Pathian he cun an um òi. 3 Pathian nih zeizong vialte hi cu Bia thawng cun a ser hna i Bia thawng loin sermi zeihmanh an um lo. 4 Bia cu nunnak hram a si i cu nunnak nih cun minung kha ceunak a pek hna. 5 Ceunak cu mui lakah khan a ceu i muihnak nih khan .

14 Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

18 Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa tang chung i aa pommi kha a si.

John 14:10 Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si tung lo, ka chung i a ummi ka Pa riantuannak pei an si cu.

Matt 28:18 Jesuh nih cun a hun naih hna i, �Vancung le vawlei cung i a ummi nawl ngeihnak vialte cu pek ka si cang.

Jesuh nih Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si tung lo, ka chung i a ummi ka Pa riantuannak pei an si cu.Jesuh nih cun a hun naih hna i, Vancung le vawlei cung i a ummi nawl ngeihnak vialte cu pek ka si cang.Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa tang chung i aa pommi kha a si.Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.Khika ah khan vancung uktu vialte hna le nawlngeitu vialte hna le thawnnak vialte hna le bawi vialte hna cungah Khrih cu uktu a si; hi vawlei le hmailei vawlei zongah khin Khrih cu thawnnak a ngeimi bawi vialte cung bawi a si.

Pathian orhlei kamah thut sullam ======================== Jesuh cu Pathian Orhlei kamah a thu ti cu

Recent Posts

Commentaires