Pathian Orhlei kam thut timi sullam ============================= Bawipa le A Thimmi Siangpahrang (M

Pathian Orhlei kam thut timi sullam

=============================

Bawipa le A Thimmi Siangpahrang

(Mat 22.44)David Hla

Salm 110:1 Bawipa nih siangpahrang ka

Bawipa cu a thawh i,“Na ral cu na ke tangah

ka chiah hna hlan tiang,ka orhlei kamah hin ̣thu tuah,”tiah a ti.

David sinagpahrang cu Pathian thimmi sinagpahrang a si,ral ram pi a ngeih nain a ral vialte kha Pathian tthawnnak thil tikhawhnak in a ke tangah a chiah piak dih,cucu a ral a hohman nih David Siangpahrang pa cu an teih khawh lo tinak a si.cucu Pathian tthawnnak thil tikhawhnak ah a thug caah a si.

Matt 22:41_46)Messiah Kong(Mar 12.35-37; Luk 20.41-44)41 Farasi mi hna cu hmunkhat i an i pumh tikah khan Jesuh nih a thawh hna i, 42 Messiah kong hi zeitindah nan ruah? Aho hrinsor dah a si? tiah a hal hna. Annih nih David hrinsor a si, tiah an leh. 43 Cu tikah Jesuh nih cun,A si ahcun, zeicahdah Thlarau nih David cu, Messiah cu ka Bawipa a si, tiah na ti lai, tiah a ti kun? David nih cun pei:44 Bawipa nih ka Bawipa cu a thawh i,Na ral hna cu na ke tangah ka chiah hna hlantiang Ka orhlei kamah hin thu tuah, tiah a ti, a ti cu. 45 David nih Messiah cu Bawipa, tiah a ti ahcun zeitindah amah cu David hrinsor cu a si khawh lai? tiah a ti hna. 46 Jesuh cu ahohmanh nih bia kaa khat hmanh an let kho lo i cu ni thawk cun ahohmanh nih bia an hal ngam ti lo.

Pathian Orhlei kam

--------------------------------

Exodus 15:6 Bawipa, na orhlei kut a thawngmi cu khuaruahhar a si;ral pawl kha a den cikcek hna.

Israel mi IZipt in an rak chuak tikah harnak le ral vialte kha Pathian kutcak tthawnnak in a teihpiak dih hna.Israel mi kanaan ram an Kal Lio ah harsatnak chungin Pathian kutcak tthawnnak in luatnak an hmuh,cucu Pathian orhlei lam cu a si.

Matt 26:64 Jesuh nih cun, Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cungnung Bik orhlei i a thut le khuadawm cungin a rat kha nan hmuh lai, tiah a leh hna.

Jesuh nih nih Zulhtu hna kha Atu ri hin cun Mi Fapa hi, Cungnung Bik orhlei i a thut le khuadawm cungin a rat kha nan hmuh lai timi a chim duh mi cu pathian sinak kha Jesuh khrih pek a si Lai timi,Biakam hlun Pathian khuadawm in a rat bantuk in Jesuh zong khuadawm in a rat be Lai,cucu Pathian sinak cungah a thu,Pathian orhlei kam thut timi Pathian sinak ah a thutnak kha a chim duhmi a si,Jesuh khrih cu Pathian sinak a thut zongah fapa minung sining zong kha a mah ning thiamthiam (Hebrew 13:8)aa thleng bal lo I Jesuh khrih mipum cu aa thleng bal lo.vancung ah fapa sinak he Pathian sinak he a thu lai,cucu Pathian sinak thutdan kha Pathian tthawnnak thil tikhawhnak cu Pathian orhlei kam thut cu a si ko.Jesuh khrih cu Pathian sinak ah thutter a si lai, I Jesuh khrih fapa minung sinak zong kha aa thleng hlei Lai lo,Jesuh khrih mipum hrimhrim kha Kan hmuh Lai.(Luke 22:69) Sihmanhsehlaw atu hin cun Mi Fapa hi Lianngan Bik Pathian orhlei kamah thutter ka si cang lai,” tiah a ti.

Pathian nih khrih cungah tthawnnak le tuahkhawhnak a chiah

Efesa 1:20-21)

20 thihnak in Khrih a thawhtertu le vancung khua i Pathian orhlei kamah a thuttertu Pathian thawnnak he khan aa khatmi a si. 21 Khika ah khan vancung uktu vialte hna le nawlngeitu vialte hna le thawnnak vialte hna le bawi vialte hna cungah Khrih cu uktu a si; hi vawlei le hmailei vawlei zongah khin Khrih cu thawnnak a ngeimi bawi vialte cung bawi a si.

Thihnak in thawhtertu le Pathian orhlei kam ah thuttertu Pathian tthawnnak he a khatmi vancung uktu vialte hna le nawlngeitu vialte hna le thawnnak vialte hna le bawi vialte hna cungah Khrih cu uktu a si; vawlei le hmailei vawlei zongah khin Khrih cu thawnnak a ngeimi bawi vialte cung bawi a si.Jesuh khrih cu van le vawlei he vawlei Siangpahrang Bawi cungnungbik bawi a si bantuk in Pathian sinak thutter ah thutter a si Lai,van Siangpahrang cungnungbik a si thiamthiam Lai.Jesuh khrih cu Pathian sinak he minung sinak he vancungah a thu Lai.

(Hebrew 1:3-4)Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

Fapa Cu Vancungmi Hna Nakin A Ngan

4 Pathian nih a Fapa cu vancungmi hna a pekmi nakin a ngan deuhmi min a pek bantukin, vancungmi hna nak ngan deuh ah a ser.

Jesuh khrih nih kan sualnak a kan thianhpiak ,Pathian sinak a thu Lai i,cu minung fapa Jesuh khrih cu Vancungmi nakin a ngan deuh mi a si fawn Lai,hihi a chim duh mi cu Jesuh khrih cu minung fapa vancungah a si thiamthiam Lai fawn Lai,Pathian sinak thutter a si fawn Lai,fapa minung Jesuh khrih sinak he Pathian sinak Bawithutdan cungah thutter a si fawn Lai timi kha a si,Pathian sinak he minung sinak he Rian a tuan thiamthiam Lai vancung ah fapa nih kan sualnak a kan thianhpiak Lai i, cucu Minung Jesuh khrih Rian I Pathian sinak in Kan mitthli a kan hnawhpiak dihtu cu Pathian sinak kha a si Lai.(Matt 22:44) Bawipa nih ka Bawipa cu a thawh i,Na ral hna cu na ke tangah ka chiah hna hlantiang Ka orhlei kamah hin thu tuah, tiah a ti, a ti cu.

David cu Pathian tthawnnak in thuam a si tikah a ral nih an teih kho lo bantuk zumhtu mi fa zong Pathian tthawnnak in thuam Kan si tikah kanmah nih raldoh hau loin Pathian nih a tthawnnak a langhter nak cu a si cucu Pathian orhlei kam thut cu a si.(Luke 20:43-44)

43 Na ral vialte hna cu na ke tang i kelamh ah

ka chiah hna hlantiang Ka orhlei kamah hin thu tuah,’tiah Salm cauk chungah a ti cu. 44 David nih khan ‘Bawipa’ tiah a ti tung ahcun, zeitindah Messiah cu David fapa cu a si khawh lai?” tiah a ti.(Mark 12:36) Thiang Thlarau nih pei

David cu:Bawipa nih ka Bawipa cu,Na ral hna kha na ke tangah ka chiah hna hlan tiang ka orhlei kamah hin thu ko,

Jesuh khrih Pathian orhleikam a thu

Salm 110:1,2,5)

Bawipa nih siangpahrang ka

Bawipa cu a thawh i,“Na ral cu na ke tangah ka chiah hna hlan tiang,ka orhlei kamah hin ̣hu tuah,”tiah a ti.2 Zion in a rami Bawipa nih,uknak nawl cu an pek tikah,“Na ral cu uk hna,” an ti lai i na nawl ngeihnak cu hmun dang tiangin a karh lai.5 Bawipa cu na orhlei kamah a um ko;a thin a hun ni ah siangpahrang kha a tei hna lai.(matt 22:45).

Math 28:18 Jesuh nih cun a hun naih hna i, Vancung le vawlei cung i a ummi nawl ngeihnak vialte cu pek ka si cang.

Jesuh khrih cu van le vawlei nawlngeihnak vialte pek a si cang,Matt 22:43-45; Maka12:36; Luke 20:42-44. “pathian orhlei kam thut timi a sullam cu Pathian tthawnnak thil tikhawhnak kha a si ko,Pathian sinak minung sinak tthawnnak thil tikhawhnak cu a si.

John 1:1-5,8,14,18 Pathian cu Bia a si ,,Bia cu minung he khua a rak sa cucu Pathian a si.

John 10:10 Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si tung lo, ka chung i a ummi ka Pa riantuannak pei an si cu.

Cucaah pa le Fapa cu then thiam a si lo,fapa cu Pathian chungah a um I Pathian cu fapa chungah a umnak cu a si I,Fapa Jesuh zumh lo le theih lo cu Pathian zumhlo le theih lo cu a si ko.Math 28:18 Jesuh nih cun a hun naih hna i, Vancung le vawlei cung i a ummi nawl ngeihnak vialte cu pek ka si cang.Jesuh khrih van le vawlei nawlngeihnak cu pek a si ko.