Pa,fapa,thiang thlarau riantuan ning hna =={==={{================== Bible ah Pathian riantuannak kan

Pa,fapa,thiang thlarau riantuan ning hna

=={==={{==================

Bible ah Pathian riantuannak kan hmuh ning hna pathum:

Pathian sining pathum in a langhnak a si,Jesuh khrih cu Pathian pumsa a langhnak a sawh duhmi a si,Pa Pathian cu Pathian thinlung kha a sawh duhmi a si,thiang thlarau cu Pathian thlarau kha a sawh duhmi a si.Cu hna Pathian cu pakhat an si I,pumthum an si lo.cu hna pathum riantuannak kha then I a dang dang in zumhawk an tha lo,thinlung nih duhdawtnak,zangfahnak tbt..a ngei I,thlarau nih feeling ,lawmnak dawtnak,theihhngalhnak tbt ..a ngei duh ve ,Pumsa nih fahnak temtuarnak,thinhunnak a ngei ve bantuk in Pa,fapa,thiang thlarau nih cu vialte cu a ngei duh ve hna.pa na hmuh duh ahcun thinlung in na kawl lai,fapa ton na duh ahcun Jesuh keneh na zulh lai,thiang thlarau hmuh na duh ahcun tharau in na kawl lai,cu hna cu thinlung lawngin kawl thiam a si lo I,thlarau lawngin a tling lo I,pumsa hrimhrim a simi Jesuh khrih keneh zulh hrimhrim a herh nak a si I,cu hna cu pakhat lawnglawng a si ,(kolose 2:9)Jesuh ah tling khitkhet tein a um dih.

I. Pa Pathian nih a rak chawnhmi hna Moses,Abraham,Elizah,Isaiah :Pathian nih a chawnh hna I,a taksa pum skin,le a hmai an hmuh timi kan hmuh Bal lo.Bia le aw,Mei, meiceu,khuadawm,minmei,thawnnak thiltikhawhnak le lianngannak,velngeihnak le sunparnak in a rak langh timi kha bible ah fiang tein kan hmuh.Pa Pathian cu hmuhkhawh a si lomi Pathian a si tiah a ti bible nih a kan cawnpiak.atang Bible cacang hna:

Exodus 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ttih caah a hmai kha aa khuh.

Exodus 4:5

Bawipa nih cun, “Bawipa, an pupa hna Pathian, Abraham Pathian, Isak Pathian, Jakob Pathian na sinah ka langh kha an zumh khawh nakhnga, kha ti khan na va tuah lai,” a ti.

Exodus 15:2 Bawipa nih a tthawngmi le a liannganmi ah a ka ser,amah cu a ka khamhtu kha a si.Amah cu ka Pathian a si i ka thangthat lai,

ka pupa hna Pathian a si i

a lianhngannak cu hla in

ka sak lai.

1siangpahrang 19:13

13 Cun Elijah nih a theih tikah a puan in a hmai kha aa huh i a va chuak i lungkua luhnak ah cun a dir. Cun zohhmanh, aw pakhat kha a sinah a ra i, “Elijah, hika ah hin zeidah na tuah?” tiah a ti.

Biathlam 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

Exodus 34:5

Bawipa cu khuadawm in a rung ttum i a sinah cun a rung dir i ka min cu Bawipa a si, tiah a ti.

Exodus 33:19-23

19 Bawipa nih cun, “Kaa dawhnak vialte kha na hmai in ka lanhter duahmah hna lai i na theih hngan hrimhrim ah ka min cu Bawipa a si ti kha ka chim lai. Zaangfah ka duhmi kha ka zaangfah hna lai i vel ngeih ka duhmi kha vel ka ngeih ko hna lai,” a ti. 20 Cun Bawipa nih cun aa thawh than i, “Ka hmai cu na hmu kho lai lo, zeicahtiah ka hmai a hmumi cu ahohmanh an nung kho lo. 21 Zohhmanh, ka pawng i a ummi lungpi cungah hin na dir kho lai. 22 Ka sunparnak kha a lanh tikah lungpi chung i a kua pakhat ah kan chiah lai i keimah ka lanh dih tiang ka kut in kan huh lai. 23 Cun ka kut kha ka lak lai i ka keng kha na hmuh lai, ka hmai cu na hmu kho lai lo,” a ti.

Biathlam 22:4

Annih nih a hmai an hmuh lai i a min cu an cal ah aa tial lai. 5 Zan a um ti lai lo i meiinn siseh, ni ceunak siseh an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

Johan 14:9

Jesuh nih, “Nan sinah saupi ka um ko cang, asinain na ka hngal rih lo maw, Filip? Keimah a ka hmutu paoh nih cun ka Pa kha an hmuh ve ko, cucaah zeicahdah na Pa cu kan hmuhsak, na ka ti? 1

Moses Tlang Cungin A tum

Exodus 34:29

Moses cu Sinai Tlang cungin biakamnak lungtlap pahnih he a rung tum ah khan, Bawipa he kan i chawnh caah ka hmai cu a ceu ti kha a hngal lo. 30 Aaron le mi vialte nih khan Moses cu an rak zoh i a hmai a ceu kha an hmuh tikah an naih ngam lo.

Hebrew 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

2corin 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa riaṇuannak cu a si.

Johan 1:1-14)

10 Cu caan ah cun Bia cu vawlei ah hin a rak um ko. Amah thawngin Pathian nih vawlei hi a rak ser; sihmanhsehlaw vawlei nih khan amah cu a rak hngal lo. 11 Amah ram a simi ah khan a ra nain, amah mi ciacia nih khan an rak cohlang duh lo.

18 Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa tang chung i aa pommi kha a si.

Exodus 33:20-23)

20 Cun Bawipa nih cun aa thawh than i, “Ka hmai cu na hmu kho lai lo, zeicahtiah ka hmai a hmumi cu ahohmanh an nung kho lo. 21 Zohhmanh, ka pawng i a ummi lungpi cungah hin na dir kho lai. 22 Ka sunparnak kha a lanh tikah lungpi chung i a kua pakhat ah kan chiah lai i keimah ka lanh dih tiang ka kut in kan huh lai. 23 Cun ka kut kha ka lak lai i ka keng kha na hmuh lai, ka hmai cu na hmu kho lai lo,” a ti.

10 Thlam kaa ah mi vialte nih minmei tom cu an hmuh tikah an dir i an thlam kaa cio khan an kun. 11 Minung nih a minung hawi bia a ruah bantuk te khin Bawipa nih Moses cu hmaitonh tein bia a ruah. Cu hnuah cun Moses cu riahhmun ah khan a kir tawn. Asinain a sal Joshua, Nun fapa kha cu thlam kha a kaltak lo.

Biathlam 19:13_16

Aa aihmi puan cu thi aa neh dih. An auhnak a min cu “Pathian Bia” ti a si. 14 Vancung ralkap bu nih khan rang raang cungin an zulh i puan rang in an i thuam. 15 A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai. 16 A puan le a ke ah, “siangpahrang vialte Siangpahrang le bawi vialte Bawi,” tiin aa òial.

Biathlam 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

Isaiah 44:6

Israel mi kha a uk i

a hupphengtu hna Bawipa,

Ralkapbu Bawipa nih hitin a ti:

“Keimah cu a hmasa bik le

a hmanung bik ka si,Keimah lawnglawng hi Pathian ka si i Keimah chim lo a dang pathian zeihmanh an um lo.

II. Jesuh cu pumsa in a langhnak

Jesuh cu pumsa in a ra cu theih cio mi a si caah tlom te lawngin tial ko u sih.

Luke 24:39 Ka kut le ka ke hi zoh hna ngat u, keimah kha pei ka si ko hi. Ka tawng u law nan hngalh ko lai, mithla nih cun ruh le sa a ngeih tung lo, kei cu ka ngeih pei nan ka hmuh ko hi,” tiah a ti hna. 40 Cu bia a chim dih in a kut le a ke kha a hmuhsak hna.

1corin 15:3-6)

3 Ka rak hmuhmi kha nannih kan pek chin hna i cucu a biapi ngaingaimi a si. Cucu zeidah a si tiah, Cathiang chungah a rak i tial bang khan Khrih cu kan sualnak caah a thi; 4 cun Cathiang chung thiamthiam ah a tial rih bantukin, an vui i ni thumnak ni ah thawhter a si; 5 cun Peter sinah khan a lang i lamkaltu hleihnih an dihlak sinah khan a lang fawn, 6 cun a zultu 500 ringlo sinah khan voi khatte ah a lang i a cheu cu an thi cang nain a tam deuh cu an nung rih; 7 cun Jeim sinah khan a lang i lamkaltu dihlak sinah khan a lang.

44 Vui tikah vawlei pum a si, thawhter tikah thlarau pum a si lai.

Johan 20:27

Cun Thomas cu a thawh i, “Hika ah hin ra law ka kut hi zoh tuah hna; cun ka hnak kha ka tawng tuah. Zum loin um ti hlah, zum cang ko,” tiah a ti.

Hebrew 7:16

Amah cu minung sermi phung le lam in tlangbawi cangmi a si lo, hrawh khawh lomi nunnak thawnnak thawngin tlangbawi a cangmi a si.

III .Thiang thlarau Kong

Thiang thlarau riantuan ning cu kan nung le kan Chung,kan thinlung ruahnak in a tongh I,hngalhkhawh nak le fimnak,theihkhawh nak bia aw in a chim hna minung le minung hmangin a tuan fawn,cawlcangh ning ,holh in,Bia in,kan pum dihlak chungin,ceunak in, a kan tongh I a langh.

John 14:26;

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai. Romans 8:14; Romans 8:26

1 Corinthians 2:10–14; 1 Corinthians 12:11

Efasa 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

3 Acts 8:29; 15:28

29Thiang Thlarau nih Filip cu a thawh i, “Va kal law khi rangleng khi va naih tuah,” tiah a ti.

4 Acts 5:3, 4

3 Peter nih anih cu a rak thawh i, “Ananias, zeicahdah Satan cu na lung kha na ukter i na lo man in na hmuhmi tangka a cheu kha naa chiah i Thiang Thlarau sinah lih na chim? 4 Na thil cu na zuar hlanah khan nangmah ta a si, cun na zuar hnu zongah khan a man cu nangmah ta a si thiamthiam ko. A si kun ahcun, zeicahdah cu bantuk thil tuah awkah cun na lung chungin na rak ruah? Minung sinah lih na chim a si tung lo, Pathian sinah pei lih na chim a si cu,” tiah a ti.

5 Acts 5:1–4; Isaiah 6:8–9

Is 8 Cun Bawipa nih, “Ahodah ka fial lai? Ahodah ka lamkal a si lai?” a ti kha ka theih.

Kei nih, “Keimah ka kal lai! Ka thlah tuah,” tiah ka leh.

9 Cucaah a ka thawh i, “Va kal law hi mi hna hi hi bia hi va chim hna: ‘Ngai lengmang hmanh u law a sullam cu nan hngal bal lai lo. Zoh lengmang hmanh u law a um lio lengmangmi hi zei thil dah a si ti kha nan hngal bal lai lo,’ va ti hna,” a ti. 1 with Acts 28:25; Jeremiah 31:31–34; with Hebrews 10:15

6 1 Corinthians 3:16; 6:19;

16 Pathian biakinn nan si kha nan hngalh i Pathian Thlarau nan chung i a um zong kha nan hngalh.

Ephesians 2:22

# Jesuh khrih riantuannak: A cungah a riantuan ning pathum in kan hmuh hna tikah,pumsa in a langhmi Pathian cu Jesuh khrih cu a si,Jesuh khrih cu pumsa in a langhnak cu vawlei misual sual ngaithiam nak ding caah thisen lawnglawng in luatnak kan hmuhkhawh nak caah a minung pumsa Jesuh khrih in a alanghnak a si,(Rom 10:13) Cathiang nih, “Bawipa min a aumi paoh cu khamh an si lai,” a ti bangin a si taktak ko.(Luke 1:31) Nau na pawi lai i fapa na hrin lai i a min ah Jesuh na sak lai.(Luke 2:21)

Jesuh Cu Min An Sak

21 Cu hnu zarh khat ah, ngakchia cu cuarpartan caan a phak tikah khan, a min ah Jesuh an sak — cu min cu a nu nih a pawi hlan i vancungmi nih a rak sak cangmi kha a si.

Van le vawlei theihin Jesuh tiah min sak a si.Pathian cu minung pumsa hrimhrim in a rak langh ti bible ah fiang tein kan hmuh.cu caah Pathiankan kawl tikah Jesuh khrih nun/keneh kha kan zulh awk a si.

#Pa Pathian timi cu Pathian thinlung muru(Heart) kha a chim duhmi a si :(matthai 5:8) Lungthin a thiangmi cu

lunglawmmi nan va si dah!

Pathian kha nan hmuh lai.

Pa pathian riantuannak cu a cung bik ka tial mi chungah kan hmuh bantuk kha a si i,Pa Pathian cu hmuhkhawh a si lo caah pa Pathian na kawl duh tikah na thinlung in na kawl lai I na hmuh lai.thinlung a thiang lomi poah nih pa Pathian cu hmuhkhawh a si lo.Pa Pathian he ton a duhmi cu kan thinlung in kan kawl awk a si.

#Thiang thlarau timi cu Pathian thlarau (Soul) : (Johan 4:23-24)23 Sihmanhsehlaw Pathian a bia taktakmi nih cun thlarau le biatak in an biak caan kha a ra lio i hika hi a phan cang. Hi bantukin a biami hna hi Pa nih a duhmi cu an si. 24 Pathian cu Thlarau a si i a biatu hna nih cun thlarau le biatak in an biak awk a si,” tiah a ti.

Thiang thlarau riantuannak cu a cung I ka tial bantuk kha a si.thiang thlarau riantuannak cu kan nun/thinlung in a kan tongh, theihhngalhnak,aw,Bia,penticos holh,cawlcanghnak,lawmnak,dawtnak a phunphun tbt.. cu caah thiang thlarau he ton na duh ahcun na minung thlarau (soul) in Pathian na Biak na kawl tikah na co lai.Thlarau le biatak in kan Biak a herh.

Hi hna pathum hi aa thenthiam ding a si lo,Pathian kan Biak nakah pumsa sinak(Jesuh khrih sinak) lawngin Pathian sin kan Phan kho lai lo,pa Pathian sinak (Pathian thinlung( Heart) lawngin a tling kho ve fawn lo,Holy spirit(Pathian thlarau (Soul) lawngin a tling kho ve hlei lo caah a dihlak in an dirh ttih tikah a tlamtling kho mi a si.Pathian kan biak tikah cu pathum in kan dirh a herh.

Cucaah Pathian tling a si khawhnak ding caah cu pathum cu aa kawp a hau.kan Pathian cu cu bantuk cu a si.,Pa,Fapa,thiang thlarau pathum kawp pawngah Pathian tling a si nak cu a si I cucu pathum si loin Pakhat lawnglawng a si.kan bible nih a kan cawnpiak mi cu Pathian cu pakhat lawnglawng a si.minung pathum an si lo.Cu hna cu Jesuh khrih kha pumsa ,pa Pathian kha thinlung,thiang thlarau kha thlarau cu hna cu Jesuh pumsa chungah tling khitkhet tein a um,(kolose 2:9) Zeicahtiah Pathian sining cu tling khitkhet tein Khrih a minung sinak ah khan a um i.

Theihdiang: minung :minung sining chungah 1.pumsa ,2.thinlung ,3.thlarau kan ngei ve I,cu hna pathum cu kan minung pumsa chungah tling khitkhet tein a um dih.

Pathian sining ah Jesuh khrih kha pumsa,Pa Pathian kha thinlung,thiang thlarau kha thlarau,cu vialte cu Jesuh khrih pumsa sining chungah tling khitkhet tein a ngei.