Ngeihchiat lomhlonak le tihphannak afiang huaha lo mi nun(Despression & Anxeity) *******************

Ngeihchiat lomhlonak le tihphannak afiang huaha lo mi nun(Despression & Anxeity)

***************************

Vulei mi vialte nih kan duh lo ning in kan cungah thil atlun tikah le harsat vansang muinak horkuang kan ton caan ah hnabeih dongh vansang le vulei nun santlaihnak hman theih ti loin mah le mah nunnak la tiang hi achuak tawn cucu zeiruangah asi ti ah cun vulei harsat nak ruangah le Vulei muinak ah kan tlau ruangah le vulei kan teihlo caah asi.

Pathian aabochan mi minung bel te cu vulei harnak chungah nun zia an thiam harsatnak an tong ve thiam ko nain hi vulei hi kan mah ta asi lo kan duh ning in asi kho lo ti an theih fiang tuk i Pathian khuakhang lai rel cung ah lomhnak le hnangam daihnak an kawl i,Jesuh pathian inntuarnak kha an i hrom i an zulh bible kha fimchimtu sayatha bik ah an i ser.

Prophet Isaiah hi hremnak arak tuar lio ah Pathian nih ahnem nak na thinphang hlah tih hlah kan thawnter lai kan bawm lai kan huphenh lai i,kan khamh lai na sin ah kaum ko tiah Pathian nih ati.amah ahremtu siangpahrang kha midang siangpahrang minung hmang in hrem asi ve.Pathian aabochan mi fa cu kan lei ah Pathian attanh zungzal cucu kan mah thatnak ruangah si loin Pathian kan i bochannak le avel thawngin asi.

Isaiah 41:10 Na thin phang hlah — na sinah ka um ko,Keimah cu na Pathian ka si —zeihmanh tih hlah.

Kan thawnter lai i kan bawmh lai;

kan huhphenh lai i kan khamh lai.

Zeithil kong hmanah lungreitheih ding asi lo.kan herh mi poah kha Pathian kan hal i kan chim ahau,kan caah atha mi kha akan pek lai.amah Jesuh Pathian hnu zulh kha nitin tein kan kawl awk rian asi.

Filipi 4:6-7

6 Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u. 7 Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

Kanmah fimthiamnak le thil tikhawhnak kha bochan loin kan kalnak kip le kan thinlung dihlak in Pathian kha hngalh i Jesuh tuahsernak le bible zohchih in hmai kan kal asi ah cun amah nih lam akan hmuhsak lai i kan lam atluang lai.

Phungthlukbia 3:5-6

5 Bawipa kha na lung chung dihlak in i bochan law Nangmah fimnak kha i rinh hlah.6 Na kalnak lam kip ah amah kha hngal law Amah nih na lam kha a tluanter hna lai.

John 14:27

27 “Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

2Samuel 22:29

an cungah na mit a um.

29 Asi, nangmah cu ka meiinn na si, maw Bawipa,Cun ka Pathian nih ka muihnak kha a ceuter.

Vulei harsatnak le muinak horkuang kan ton tikah lam hmuhsak tu le syatha bik kan herh cucu zeidah asi ti ah cun kan biak Pathian thiangthlarau Jesuh tuahserhnak hnu zulh le lungput le bible cathiang chung bia cawnpiaknak hi kan lamhmuh sak tuk saya atha bik mi van le vulei cung ah asi.cucu zungzal nunnak le dindaihnak lamhmuhsak tu asi.

Na theih ve cang maw na thei rih lo ah cun cu lam cu kawl ve cang tuah.

Vulei muinak le beidong lungzawtnak le vulei lungfak dam lo nak hna na ngeih maw na umnak hmun le na dirnak hmun cu ceunak maw asi muinak i check ve cang tuah muinak chungah na um lio asi ah cun ceunak lam kawl ve cang.

Cu lam cu Thiangthlarau Pathian Jesuh tuahserhnak le lungput hnu zulh lam le bible cathiang chung bia kha rel theih kha saya tha bik cawnpiaktu tha bik asi.cucu zungzal nunnak lam asi fawn.

1. Isaiah 41:10

"So do not fear, for I am with you; do not be dismayed, for I am your God. I will strengthen you and help you; I will uphold you with my righteous right hand."

2. Philippians 4:6-7

“I sought the Lord, and He heard me, and delivered me from all my fears.”

3. Proverbs 3:5-6

"Trust in the Lord with all your heart, and do not lean on your own understanding. In all your ways acknowledge him, and he will make straight your paths."

4. John 14:27

"Peace I leave with you; my peace I give you. I do not give to you as the world gives. Do not let your hearts be troubled and do not be afraid."

5. Samuel 22:29

"You, Lord, are my lamp;

the Lord turns my darkness into light.