Na lung tha tein veng tuah ====================== kan thinlung hi tha tein zohkhen thiam a

Na lung tha tein veng tuah

======================

kan thinlung hi tha tein zohkhen thiam a herh,thinlung a dam lo ahcun pum le thlarau tiang damnak a hmuh kho lo.kan thinlung hi nunnak cerhti chuahnak hrampi a si caah tha tein zohkhenh a herh.Nunnak cerhti a chuahnak kan thinlung hi a fak i a dam lo ahcun kan pum dihlak le kan thlarau tiang thihnak achuahter khawhmi a si;mi cheukhat,hnahawhnak,nehsawhnak,entaihnak,a phunphun vawlei harsatnak le buaihbaihnak ruangah lungfak i ,thinlung tha lonak a phanmi tampi zong an um.Thinlung dam lonak chungin luatnak ding le nunnak cerhti tha a chuak khawhnak ding ahcun kan thinlung tha tein kan veng a hau,bible Pathian bia nih a kan cawnpiak mi kha ka thinlung ah kan riahter i chunzan in kan ruat peng a herh.bible Pathian bia cu kan pum dihlak damnak petu cerhti a si.Cu bible bia cu kan thinlung vengtu dingah kan thinlungah kan riahter i chunzan in kan ruat a herh i,bible in kan thinlung kha kan veng a herh.

Mi hrawhrol hna lih bia cu hlaw diam ding a si ko,mi lih hrawhhrol hna bia zulh ahcun nunnak cerhti a chuak kho lo i thinlung tha lonak ah a kal pi hna.Cu caah mi lih hrokhral hna bia chungin kan thinlung kan ven thiam a hau i,ding tein hmaiah kal a herh,orhlei le kehlei lihbia Hrokhrawl ah tlu loding kan thinlung kha tha tein veng a herh.

(Phungthlukbia 4:23) Na lung kha ṭha tein veng tuah,Zeicahtiah cuka cun nunnak cerhti kha a put.

20 Ka fapa ka bia cu ngai hna law

ka chimmi cu na hna chi tuah hna.21 Na lung chungah i chiah hna law lohter hna hlah.22 Zeicahtiah aa hmuhmi caah cun nunnak an si i a pum dihlak damnak an si.23 Na lung kha ̣tha tein veng tuah,Zeicahtiah cuka cun nunnak cerhti kha a put.24 Hrokhrawl bia cu na kaa chungin chuahter hna hlah law Depdetnak bia cu hlaw diam ko hna.25 Na mit nih ding tein hmailei kha zoh ko hna seh,Na hmai i a ummi thil cu fek tein i zohchih ko.26 Na ke nih a lamhmi lam kha ṭha tein zoh law cuticun him tein na kal kho lai.27 Orhlei ah siseh, kehlei ah siseh,pial hlah;t̉hat lonak vialte kha hrial dih hna.

1.Bia chim/kaa chuakmi bia kha na thinlung a si.

Mi cheukhat a chim bia cu a kaa in chim sawhsawh an ti a lung ah a um lo an ti,Bible nih thinlung ah a ummi kha kaa in a chuak a ti.minung hi kan kaa in a chuakmi bia in hi nu le pa hi zei bantuk minung dah a si tiah theihkhawh an si,midang kong ceih le bia thalo chim le na kaa chungah bia thalo le dawh caklo bia a chuak peng ahcun na thinlung chungah cu pawl cu a um tinak a si ko,Cu bantuk mi na si ahcun Bible nih zeitin a ti timi kha zohthan i thinlung kha bible in i veng ding a si.kan chimmi bia nih midang a ngoihter i a thurter sual maw?na kaa chuak bia nih nangmah le nangmah an ngoihter i an thurter sual maw,;?.

(Mattai 15:18) Sihmanhsehlaw kaa chungin a chuakmi thil cu lung chungin a chuakmi thil an si i cu hna nih cun mi cu an thurter.

19 Zeicahtiah lai a nawntertu, nu le pa sualnak a tuahtertu, thil thalo dangdang a tuahtertu, a firtertu, lih a chimtertu, mi a congoihtertu ruahnak thalo vialte cu a lung chungin a hung chuakmi an si.

2. ruahnak thalo Zong kha thinlung in a ra mi a si

Ruahnak thalo, Bia thalo,sual duhnak ,mi thah duhnak ,fir duhnak,mi hleng duhnak,thalo nak khuakhang duhnak tehna kha lungchungin a chuak mi hna an si.zirhtiannak bia tehna ,Bia chiakha tehna,mi kong ceih lengmang nak tehna,na kaa chungah a chuakmi poah kha thinlungah a ummi a si,na thinlung bia kha na kaa chungin a chuak mi a si caah ,mitha na si le mi thalo na si cu na kaa chungin a chuakmi in khan i tah ko na kaa nih a chimmi bia kha zeidah a si timi kha i ruat law Bible in na zoh than lai zeitin a ti bible nih bible bia kha na thinlung an vengtu nunnak cerhti a si.

Marka 7:21 Zeicahtiah that lonak ziaza a tuahtertu ruahnak thalo kha chunglei in a lung chungin a chuakmi an si: nu le pa sualnak tehna, fir tehna, mi thah tehna,

3.Mitha le mi thalo timi zong thinlung in a ra mi a si.

Mitha nih thatnak a chuahter ,Mithalo nih thalonak a chahter zei ruangah thinlung chungin a ummi thalonak le thatnak kha a chungah a khat dih hnu ah a kaa in a chuakmi a si caah an kaa chuak bia in mitha le mithalo theih an si.

Luke 6: 45 Mitha nih a lung chung i thil tha a khonmi chung khan thatnak a chuahter; mithalo nih a lung chung i thil thalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

4.Mit nih a hmuhmi kha thinlung nih a cinken

Kan mit nih a hmuhmi kha kan thinlung nih a cinken caah i ralring ngai a herh,kan mit hmuhmi thalonak kan thinlung nih a cinken caah thalonak kha mit in tampi zoh ding a si lo,thanak tu tampi kan zoh ahcun thanak tampi tuah kan duh ve.kan mit zohmi Video, youtube, a phunphun ka mithmuh mi kha thanak,thangthanak hla bia tam deuh kan ngai kan zoh a si ahcun thatnak kan thinlung ah aa cinken bantuk chiatnak le buaihnak,dawhcaklo tampi kan zoh ahcun chiatnak buaihnak lawnglawng kan thinlung ah a um ve.

Deutro 4:9 “tha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u

Phungthlukbia 23:19 Ka fapa, ngai law fim tuah,

ahmaanmi lam zulh awk kha

i sehchih tuah.

2siangpahrang 10:31 Sihmanhsehlaw Jehu cu Bawipa, Israel Pathian nawlbia kha a lungthin a dihumnak in zulh awkah aa ralring lo; Jeroboam nih Israel mi a sualternak hna a sualnak kha a pialtak hna lo.

kan nunnak ah theih i thinlung chungah fim dingmi hna

Mithalo minih an zawhmi lam cu

hnahnawhnak,buaihnak,hrawhralnak,entaihnak, tbt lawng te a si.Mi caah thatnak tuah duhnak a ngeilo mi lungput hna le thalonak a duh pengmi kan thinlung put hi cu kan hrial awk a si.kan zawhmi lam zeidah a si ti thei duh ahcun kan nunah vawlei buaihnak le thalonak ka thinlung a dih um sual maw ,a um sual ahcun hrial i zuam hna u sih.

1. Phungthlukbia 22:5 Mịthalo mi hna lam ah cun hling le rap an um;aa ralringmi nih cun a hrial in

a hrial hna.

2.Nanmah le nanmah ruahnak lawng a tha bik tiah na rinh sual mi cu bible nih hruh a si tiah a ti.na ruahnak in ka hmanbik na ti chung poah cu hruh a si.

Nain mah ruahnak rinh loin bible ah a nun a zoh pengmi cu fimnak lam a zulh mi an si i cu lam cu himnak lam a si.

Phungthlukbia 28:26 Mah ruahnak i rinh cu hruh a si,

sihmanhsehlaw fimnak lam

a zulmi cu him tein a lan ko lai.

I zohkhenh thiam a herh

Bible bia kan relmi kan theihmi hi hlaw loin kan thinlung ruahnak ah kan cinken/sehchih peng ahcun Cu bilbe bia nih a kan zohkhen lai i a kan huhphenh lai hrawhralnak chungin a kan chanchuak lai.

Phungthluk 4:7 Fimnak cu hlaw hlah, amah nih cun

him tein an zohkhenh lai;

amah cu daw law an huhphenh lai;

Phungthluk 3:21 Ka fapa, fimnak ̣ha le ruahthiamnak cu i ken hna,na mit hmuhnak chungin

liamter hna hlah;

Phungthluk 11:16 Vel a thiammi nu cu hmaizahnak a hmu,sihmanhsehlaw ziaza a thiang lomi cu ningzahnak a si.Chawlehnak le chawhrawlnak ah na ral a chiat ahcun awkhlawh na si ko lai,na ral a ̣that ahcun na rum ko lai.

Mattai 12:35 Mitha nih cun thil tha aa khonmi chung khan thil tha a chuah hna i mithalo nih cun thil thalo aa khonmi chung khan thil thalo a chuah hna.

Mathai 15:19 Zeicahtiah lai a nawntertu, nu le pa sualnak a tuahtertu, thil thalo dangdang a tuahtertu, a firtertu, lih a chimtertu, mi a congoihtertu ruahnak thalo vialte cu a lung chungin a hung chuakmi an si.

Marka 7:21-23

21 Zeicahtiah that lonak ziaza a tuahtertu ruahnak thalo kha chunglei in a lung chungin a chuakmi an si: nu le pa sualnak tehna, fir tehna, mi thah tehna, 22 va cung pa duh tehna, hakkauh tehna, that lonak a phunphun tuah tehna, lihchim tehna, zuanzam tehna, mi nahchuah tehna, mi congoih tehna, lungpuam tehna, ningcang lo khuasak tehna — 23 hi thil òhalo vialte hi minung chunglei in a chuakmi an si i minung a thurtertu cu hi hna hi an si,” tiah a ti.

Zeidah na ruat

=============

Proverbs 23:7

Phungthluk 23:7 “Ei tuah hen, ding tuah hen,”an ti lai,Sihmanhsehlaw cucu a chim duh taktakmi a si lo.

mathai 15:19 Zeicahtiah lai a nawntertu, nu le pa sualnak a tuahtertu, thil thalo dangdang a tuahtertu, a firtertu, lih a chimtertu, mi a congoihtertu ruahnak thalo vialte cu a lung chungin a hung chuakmi an si.

Philipi 4:8 A donghnak ah ka u le ka nau hna, nan lungthin kha a ̣tha le thang̣hat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

Rom 12: 2 Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a thami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

Bible nih a kan cawnpiak thinlung in i seh chih ding

Kan nunnak thawh hi khrih sinah kan hmuhmi a si caah Pathian tthawnnak ah a thuhmi bawi thutdan cungah a thutnak vancung khua chungah a ummi thil tu kha nan lung in i seh chih i nitin kan nunah vawlei kha seh chih loin vancung khrih Jesuh bawi thutdan vancung thil seh chih in nun lam zawh i kan thinlung kha Jesuh khrih bawi thutdan vancung thil seh chih nun lam zawh ding kha a kan fial mi a si.

Kolose 3:1 Nannih cu Khrih sinah nunnak ah thawh nan si cang. Cucaah Pathian orhlei kam i Khrih nih a bawi thutdan cung i a thutnak vancung khua chung i a ummi thil tu kha nan lung in i seh chih hna u. 2 Hi vawlei cung thil hi si loin khika thil tu kha ruat hna u.

Kan kaa chuakmi le kan biachimmi le kan nun ziaza kan umtu hoihherh hna vialte hi kan lungchung ah a khatmi kha lenglei ah kan thinlung tehte vialte a langhter tinak a si.ka thinlung a si lo ka kaa ka chim sawhsawh timi khi lih a si,Bible ah fiang tein kan hmuh kan kaa chuak bia le kan umtu rauhnak vialte cu thinlung in ra mi a si tiah a ti.na mit hmuhnak in na cinken mi na zoh mi vialte na thinlung ah na cinken i na kaa inn a chuak than mi a si.na chimmi poah hi na thinlung a si ko caah na chimmi bia na biachuak hi zei bantuk dah a si i,a thami a sicun na thinlung a tha a chiatmi a si ahcun na thinlung cu a chiakha a si ve caah zei bantuk minung na si ti theih na duh ahcun na kaa chuak in i zoh te ko,na chungah Pathian bia a khat ahcun Pathian bia chim lawng na huam lai na chungah vawlei bia a khat ahcun vawlei bia na chungah a khat ti a si ko caah na chungah a khatmi tu kha na kaa in a chuak i, cu nihcun na thinlung an thurter i nan nun an ngoihter i na thinlung an pialter caah na thinlung cu na kaa chuak bia zongin veng a herh i,cu thinlung vengnak hrampi cu bible Jesuh khrih bia le Jesuh khrih nun kha a si i Jesuh khrih bawi thutdan vancung khua thil i sehchih kha a si.