Khamh co mi le co lomi =================== Bible nih khamhnak a co lo timi cu zei bantuk dah

Khamh co mi le co lomi

===================

Bible nih khamhnak a co lo timi cu zei bantuk dah a si,Bible nih fiang tein a chim ko Pa Pathian hi Jesuh khrih a si timi zumh lo cu khamh co lo,sualnak ah a thih mi an si tiah bible nih fiang tein a kan hmuhsak.

Kan bible chungah kan hmuh mi cu Pathian Kong a si,Pathian cu zeitin theih a si tiah cun Jesuh khrih thawngtha theihnak in a rat kha a si.Jesuh khrih thawngtha theih I zumh hi zungzal nunnak cu a si(Rom 17:3 )Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.Pathian cu a muihmuh khawh a si lo caah Pathian muihmai aiawhtu ah Jesuh khrih hi minung fapa in a ratnak a si,cucu vawlei misual mi kha thisen lawngin sual thihnak chungin tlanh khawh a si caah a bawịthutdan Kal tak in minung fapa in a rat nak a si.

1).. Pa Pathian chimmi Bia

Israel mi saltannak harsatnak chungin Pathian sinah an auhnak cu Pathian nih a theih piak hna caah Izipt Siangpahrang Faro kut in chuah pi dingah Moses kha a fial.

Exodus 3:13 Moses nih Pathian cu a thawh i, “Israel mi hna sinah ka va kal i, ‘Nan pupa hna Pathian nih nan sinah a ka thlah,’ ka va ti hna tikah, ‘Ahodah a min a si?’ tiah an rak ka hal lai, cu tikah zei a si ti ah dah ka leh hna lai?” a ti. 14 Pathian nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna

Pathian nih Moses cu Israel mi kha va chim hna a ka thlahtu min cu keimah cu keimah ka si ko,keimah a si mi keimah nih keimah Nan sinah ka rak thlah tiah Va chim hna a ti,cucaah Pathian nih a mah Pathian le minung sinak 100% veve a ngeimi Jesuh khrih kha a thla ,cucu a mah le mah aa thlah.

2). Jesuh khrih chimmi Bia

Jesuh khrih nih a chimmi Bia cu tanglei vawlei in a rami Nan si,keimah cu cunglei in a rami ka si.nan nih cu hi vawlei Nan umnak a si,kei cu hi Vawlei ka umnak a si tiah Jesuh khrih nih Judah mi Pawl kha a ti hna.

Judah mi Pawl nih Jesuh khrih kha Pathian a si timi an zumh lo caah Pa Pathian (Jehovah) nih keimah cu keimah a si ko a timi kha Rom 8:24 chungah Jesuh khrih nih Judah mi Pawl kha a chim hna keimah cu keimah ka si ko timi kha ka si,cu keimah cu keimah ka si ka timi Nan zumh lo ahcun sualnak chungah Nan thih ko Lai tiah a ti.cucu a sullam cu Jesuh khrih nih (Jehovah)pa Pathian ka si kha Nan zumh lo ahcun na sualnak chungah Nan thih ko lai(,Jehovah ) pa Pathian kha Jesuh khrih a si timi zumh lo hi khamh co lo,sualnak chungin luat lo a si,pa Pathian hi Jesuh khrih a si timi zumh lomi cu sualnak chungah an thih ko rih,cucu bible nih fiang tein a kan hmuhsak.Khamhmi fa na si le si lo,sualnak chungah tlanh/luat na si le si lo cu pa Pathian cu Jesuh khrih a si timi zumh le zumh lo ahhin sualnak chungin luat le luat lo a um timi bible nih fiang tein a chim fawn.pa Pathian cu Jesuh khrih a si timi zumhnak chungah khamhnak/sual luatnak a um caah Pa Pathian cu Jesuh khrih a si timi na zumh lawnglawng ah khamhnak na hmuh or vawlei sualnak in na luat bible nih fiang tein a chim.pa Pathian cu Jesuh khrih a si timi zumh lo cu sual thihnak chungah a luat lo mi Nan caah zeitin na zumhning a si timi cu Bible ah mah le mah tein I zoh ko hna u sih,khamh co timi zong hi mah duh le ruahning in a CO mi si loin Pathian Bia ningin a co mi khamhnak kha a herh,Pa Pathian cu Jesuh khrih a si timi zumhnak ah khamhnak cu a um ko caah a Biapi ngaingai mi a si.Bible Bia ningin khamhnak co hi a Biapi mi a si.

(Rom 8:23 -24)Cucaah Jesuh nih cun, “Nannih cu hika tanglei vawlei mi hi nan si, kei cu cunglei in a rami ka si. Nannih cu hi vawlei hi nan umnak a si, kei cu a si lo.

24 Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

3). Jesuh khrih nih Biakam hlun chungah tialmi cu Amah Kong an tial timi fiang tein a chim:

Bible Chung ah pa Pathian chan (Jehovah) in a langh Lio ah Pathian cu hmuh khawh a si lo caah tlang cung ah mei,minmei bantuk in ton a si mi Moses sinah keimah cu keimah ka si ko a ti tu Pathian Kong Moses le prophet Pawl nih can in an rak tial an tial mi Cauk cu bible hi a si.cu Lio ahcun Jesuh khrih a chuak rih lo,an rak tial mi cu Pa Pathian Kong le Jesuh khrih Kong kha a si cu an tialmi dih lak cu Jesuh khrih nih keimah Kong an tial tiin fiang tein a chim.cucaah Bible dihlak in tialmi vialte hi Pa Pathian zong kha Jeuh khrih a si caah bible dihlak hi Jesuh khrih Kong lawngte tial mi a si.(Luke 24:25-27)

25 Cun Jesuh nih cun a thawh hna i, “Nan va hrut thiam dah! Profet nih an chimmi zumh kha nan vaa harh hringhran dah. 26 Messiah nih hi thil vialte kha a sunparnak chung i a luh hlanah a in awk a herh a si lo maw?” tiah a ti. 27 Cun Jesuh nih Cathiang chungah, Moses cauk hna thawk in profet hna tialmi cauk hna tiang, amah kong aa tialmi vialte kha fiang tein a chimh hna.

4). Khamhnak timi cu Kan kaa in Jesuh cu Bawipa a si tiin auh/chimnak a um

Khamhnak timi cu Jesuh cu Bawipa a si to auh/chim le Kan lei cung le Kan lung chungah a um ko,Kan lung in Kan zumh I remnak Kan hmuh,Kan kaa in Kan chim/auh I khamhnak Kan hmuh.Jesuh khrih a zumhmi poah cu ning tahnak Kan ing Lai lo.Jesuh khrih a zumhmi poah cu misual Kan ah mi ding Kan si ah ningzah nak Kan ing Lai lo,Jesuh khrih zumhnak ah thleidan mi misual sual lo timi um loin khamhnak Kan hmuh la.

Asinain, Jesuh khrih cu an zumh lo ahcun zeitindah a min cu an auh khawh lai? Cun bia kha an theih lo ahcun zeitindah an zumh khawh lai? Cun bia cu chimh an si lo ahcun zeitindah an theih khawh lai? Jesuh khrih a zumhmi cu Kan kaa hrimhrim nih Jesuh Bawipa tiah auh/chim le lung chungin zumhnak ah khamhnak hmuh a si.Jesuh khrih Bawipa tiah auh/chim lo,lung chungah zumh cu mi poah cu khamhnak Nan hmuh Lai lo bible nih fiang tein a kan chim.(Rom 10:8-15) Zumhnak thawngin Pathian he i remnak kong ah chimmi cu hiti tu hin a si. “Pathian bia cu nan pawngte ah a um ko, nan lei cung le nan lung chungah a um ko,” — hi bia hi zumhnak bia a si kan timi bia cu a si. 9 Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai. 10 Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si. 11 Cathiang nih, “Amah a zummi paoh cu ningzahnak an ing lai lo,” tiah a ti. 12 A zummi paoh, a ti, zeicahtiah Judah mi le Jentail mi tiin i thleidannak zeihmanh a um lo; Pathian cu kan dihlak Bawipa a si i amah a zummi paoh cu thluachuahnak tampi in a pek ko hna. 13 Cathiang nih, “Bawipa min a aumi paoh cu khamh an si lai,” a ti bangin a si taktak ko.

14 Asinain, an zumh lo ahcun zeitindah a min cu an auh khawh lai? Cun bia kha an theih lo ahcun zeitindah an zumh khawh lai? Cun bia cu chimh an si lo ahcun zeitindah an theih khawh lai? 15 Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngtha a chimtu hna ke cu a vaa dawh dah,” a ti bantuk khan a si taktak.

Khamh na co, si le si lo cu a cung ah Kan langhter mi hna chunga mah le mah in khamh na si le si lo cu bible in I zoh ko ,minung cu mah le mah hleng kho mi Kan si nain Pathian cu hlen khawh a si lo caah zeitin Pathian na zumh I zeitin Jesuh khrih na zumh ?na zumhnak le khamhnak na hmuh le hmuh lo cu bible in nanmah le nanmah kha I bii cang.nanmah na piangthar le kei ka piathar to hna kha a hau lo.Bible in mah le mah tu I zohi, I check ko hna u sih.hnu lei caan na zumhnak zeitin ?a tu ka zumhnak teh zeitin ka sersiam Lai I, zeitin dah ka zumh Lai timi kha ruat cang hna u sih.

Bible dang tein rel a duh mi nih relchih te uh.

(Exodus 3:11-35)

Moses nih khan Pathian cu, “Faro sinah va kal i Israel mi Izipt ram in chuahpitu dingah cun kei cu ka tlak lo,” a ti. 12 Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

13 Moses nih Pathian cu a thawh i, “Israel mi hna sinah ka va kal i, ‘Nan pupa hna Pathian nih nan sinah a ka thlah,’ ka va ti hna tikah, ‘Ahodah a min a si?’ tiah an rak ka hal lai, cu tikah zei a si ti ah dah ka leh hna lai?” a ti. 14 Pathian nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna lai,” a ti. 15 Cun Pathian nih Moses cu a thawh than i, “Israel mi cu, ‘Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

Rom 8:23-24)21 Jesuh nih annih cu a thawh than hna i, “Kei cu ka kal lai; nan ka kawl lai, sihmanhsehlaw nannih cu nan sualnak chungah nan thi lai. Ka kalnak hmun ah nannih cu nan ra kho lai lo,” tiah a ti hna.

22 Cucaah Judah upa hna nih cun, “ ‘Ka kalnak hmun ah nan ra kho lai lo,’ a ti. Keimah le keimah kaa that lai a ti duhnak maw a si hnga?” an ti.

23 Cucaah Jesuh nih cun, “Nannih cu hika tanglei vawlei mi hi nan si, kei cu cunglei in a rami ka si. Nannih cu hi vawlei hi nan umnak a si, kei cu a si lo.

24 Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

25 Annih nih, “Aho ka si na ti dah cu?” tiah an hal.

Jesuh nih cun, “A hramthawk tein kan chimh lengmangmi hna kha hen ta.

26 Nanmah kong ah hin bia chim awk tampi ka ngei — nanmah sual phawt zong hi. Sihmanhsehlaw a ka thlahtu nih cun biatak kha a chim i vawlei ka chimhmi hi amah sinin ka theihmi bia cu a si,” tiah a leh hna.

27 A kan chimhmi hi Pa kong kha a si ti awk an hngal lo.

28 Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

29 A ka thlahtu cu ka sinah a um i a duhmi kha ka tuah zungzal caah a ka kaltak bal lo,” tiah a ti.

30 Hi bia a chimmi a theimi mi tampi nih Jesuh kha an zumh.

Rom 1: Khrih Jesuh sal le Pathian nih a Thawngtha chim awkah a thim i a auhmi lamkaltu keimah Paul nih ca kan kuat hna.

2 Cu Thawngtha cu Pathian nih hlanpi in a profet hna sinin a rak kan kamh i Cathiang chung i a rak i tialmi kha a si i

3 cucu a Fapa kan Bawipa Jesuh Khrih kong kha a si. Minung lei in ti ahcun David hrinsor a si,4 thlarau lei in le a thiannak kong in ti ahcun, thawnnak nganpi in thihnak in thawhter a sinak nih khan Pathian Fapa a si kha a langhter.

Hebrew 12:Pathian Kan Pa

12:1 Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

2 Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawithutdan orhlei kamah khan a hung thu cang.

3 A inmi thil kha ruat hna hmanh u, misual mi nih kha tlukin an huatnak a in peng ko kha ruat hmanh u. Cucaah cun lungdong in maw ngol sual lai u ci.

4 Zeicahtiah sualnak nan dohnak ah hin thihnak tiang ngaingai cu nan ing rih lo.

5 Pathian nih a fale bantukin an chawnhnak hna, lung thawnnak bia kha nan philh cang dahra? “Ka fapa, Bawipa nih an chimhhrin tikah zeirello in um hlah, an sik tikah na lung dong hlah.

6 Zeicahtiah Bawipa nih a dawtmi hna cu dan a tat tawn hna i fa i a cohlanmi hna cu a chimhhrin tawn hna,” tiah pei a um kha.

7 Harnak nan inmi cu nan pa nih an pekmi hna harnak a si ti bantukin ing ko u, zeicahtiah nan innak nih khan, Pathian nih a fale bantukin an ti hna, ti kha a langhter. Fa a simi paoh cu a pa nih a velh bal lomi aho tal an um maw?

8 A fale dang vialte kha dan a tat hna i nannih cu dan an tat tung hna lo ahcun, nannih cu fa taktak si loin lakfa nan si ti sullam tu a si hnga.

9 Minung kan pale kong hi ruat hmanh u, an kan chimhhrin i kan upat hna, cucaah cun nunnak kan hmuh nakhnga, thlarau lei kan Pa chinchin cu zeitluk in dah a bia kan ngaih chinchin awk a si.

10 Minung kan pale nih cun anmah nih ahmaan ti i an hmuhning in an kan chimhhrin i caan tawite ca lawng a si tawn; sihmanhsehlaw Pathian nih a kan chimhhrin cu kanmah ca tha dingah le a thiannak kha kan i hrawm khawh ve nakhnga caah a si.

11 Dantatnak kan in tikah kan in lioah cun kan lung a kan lawmhtertu si loin kan ngaih a kan chiattertu a si. Sihmanhsehlaw cu bantuk dantatnak innak nih a chimhhrinmi hna cu daihnak laksawng dinnak nunnak kha an hmu.

21 An hmuhmi cu tih a nun tuk caah Moses nih, “A ther in ka ther i ka thin a phang,” a ti.

22 Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

23 Pathian fapa upa bikbik, vancung ah an min aa tial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

24 Biakamnak thar a sertu Jesuh sin le Abel thisen nih a chimmi thil nakin a let tam piin a tha deuhmi thil kong a chimtu a thletmi a thisen sin kha nan phan cang.

25 Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

26 Kha lioah khan a aw nih vawlei cu a hninh, sihmanhsehlaw atu i bia a kan kammi cu, “Vawlei lawng hi si ti loin van zong voi khat cu ka hninh than lai,” ti hi a si. 27 “Voi khat cu ka hninh than lai,” ti bia nih hin, sermi thil cu hninh le thial an si lai ti kha fiang tein a langhter i hninh khawh lomi thil kha a hmun lai.

28 Cucaah cun kannih nih hninh khawh lomi pennak kha kan hmuh caah i lawm u sih.

29 Kannih kan Pathian cu mi kangh a hmangmi mei a si caah upatnak le tihnak in amah duhning tein bia u sih law amah cungah cun i lawm u sih.