Jesuh hlei mindang aum lo(There is no other name) ************************* Lamkalt 17:17 _27)Cucaah

Jesuh hlei mindang aum lo(There is no other name)

*************************

Lamkalt 17:17 _27)Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang. 18 Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai òungmi hi zeidah a chim len ko hnga?” an ti.

A cheu nih, “Ramdangmi hna pathian kong chim dawh a si,” an ti. Hitihin zeicahdah an ti ti ahcun, Paul nih khan Jesuh kong le thawhòhannak kong a chim caah khan a si. 19 Cucaah Paul cu Areopagas an timi pumhnak hmun ah khan an sawm i an chuahpi. An i thawh i, “Na chim lengmangmi cawnpiaknak thar kong hi hngalh kan duh. 20 Na chimmi kan theihmi a cheukhat hi kan caah khuaruahhar a si i an sullam zeidah a si ti kha kan hngalhter law kan duh hnga,” an ti. 21 (Athens khuami hna le khika i a ummi ramdangmi vialte hna cu thil thar bik kong paoh, i chimh i ruah le va ngaihnak ah an caan vialte a hmang dihmi an si).

22 Areopagas i aa pummi hna hmaiah cun Paul cu a dir i, “Athens khuami hna! Nannih cu biaknak lei thil paohpaoh ah zuamnak lungthin a ngei ngaingaimi nan si kha ka hmuh. 23 Zeicahtiah nan khua chung i kaa chawh i nan biaknak hmun kha ka zoh hna tikah biakòheng pakhat cu a cungah “Hngalh lomi Pathian Caah” tiin aa òial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si. 24 Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo. 25 Cuhleiah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo. 26 Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna. 27 Hihi zeicahdah a tuah ti ahcun, amah kha an kawl i an dah lengmang tikah khan a hmuh tal an hmu phum hnga maw ti caah a si. Asinain Pathian cu aho kan sin hmanh hin aa hlat lo; 28 mi a cheukhat nih, “Amah chungah kan nung, kan