ISRAEL LE EGYPT LE RAMCAR KONG============================Bible tuanbia chungah Egypt le Israel ti

ISRAEL LE EGYPT LE RAMCAR KONG ============================ Bible tuanbia chungah Egypt le Israel timi hi khrihfa tam pi nih tuanbia sawhsawh ah kan ruat tawn.Israel le Egypt zeidah a sawh duh tuanbia bang in kan ruat peng nak hnga lo van langhter ka duh.nangmah le keimah nih teh cucu ram ah maw kan ruat peng lai i bible nih teh ram kong maw a chim duh mi a si,khrihfa nih bible nih Egypt le Israel a ti mi cu zeidah a si ti ahcun ram le tuanbia menmen ah ruat loin kanmah le nunning tu kha bible nih a sawh duh mi a si.Egypt ram cu taksa ram taksa in kan nun kan hmang mi kha egypt ti a si i,Israel ti mi cu thlarau ram kanaan ram kha a sawh duh mi a si. 1. Egypt ramah Israel mi saltang lio ah faro siangpahrang pa kut ah a um dih,saltang timi cu duh lo zongin a har tuk mi a si.duhlo zongah hnek peng a si.faro sal ah an tang israel mi hna. Khrihfa zumhtu hna nih vawlei sal ah kan tang ve.vawlei kan nunnak ah taksa pum nih a kan uk tikah vawlei harsatnak le teamtuarnak kan thluak kan ruahnak thinlung vialte kha a uk.cu lam cu lungreitheihnak le buaihbaihnak hnahnawhnak lam a si i Cu nun cu vawlei sal tang nun cu a si. 2. Ramcar timi cu vawlei lei he thlarau lei he kan kalchel kan kirchel laklawh in kan um i kan vaivuan lio i nunsivang in kan um tikah kan vuivaih kan phun kan zaih ,harsatnak kan sin a phan tikah i laklawh nun kan beidongh ttheo tawn lio i ,a harsat bik lio te khi kan vuivaih tikah hruaitu le pathian hna kha kan mawhchiat tawn hna cucu kan nun Ramcar tiah bible nih a sawh duh mi a si. 3. Israel ram ti cu Thlarau ram Pathian nih kanaan ram pathian nih zumhtu a kan kammi ram a si.Nitin kan nunnak ah thlarau ram lei panhin kan kal ciahmah i thlarau e biatak lam kan ti lengmang mi bible nih Israel ram a timi cu a si. Thlarau lei panhin kan kal mi hi kanaan ram panh lio mi cu kan si. I. Egypt ram Chuak tak ================== Egypt ram ah Israel mi an rak um lio ah saltangnak tuar in an hrum ai nak kha pathian nih a thei i chanchuah dingah Moses kha Israel mi hruai dingah a fial.Egypt ram timi cu taksa ram kan um lio kha a si.Taksa ramah vawlei nih a chuahpi mi harsatnak kan hrum aihnak chungah thlarau ram lei panh in kal dingah thiang thlarau hruiahtu dingah fial a si ve cang. Moses nih Egypt chuak tak in Israel lei panh in a hruai hna tikah an hnulei Egypt ral nih an dawi hna i an hmailei ah rili sen pi nih a khamh fawn hna,lam a pit i hnulei kir ah le ral hmailei kal ah le rili sen pi nih a khamh hna tikah an van a san i Israel mi nih moses kha thih dingah maw hika hmunah na kan chuah pi hi nakin cun Egypt ramah saltangnak ahkhan rak um u sihsehlaw a tha deuh lai tiah an rak vuihvai i,an hruaihtu moses kha an mawhchiat. Taksa ram chuahtak in thlarau lei panh in kan kal ahhin kan hnulei ah vawlei ral nih a kan dawi i kan hmailei ah hnabeihdongh nak nih a kan khamh tikah,taksa ramah um u sih law Pathian zohnak um loin vawlei ah duh poah in um kha a nuam deuh ah kan ruat i kan vuihvai ve i,hmailei kan zoh tikah hnabeihdonghnak nih a kan khamh ve.zeituah awk khi kan theih tawn hna lo i kan vuihvai ttheo tawnnak a si. Moses a hnulei ral nih an dawi a hmailei ah Rili sen ngan pi nih a khamh tikah zeitin a tuah tiah cun Pathian bia kha a ngai hmasa i Pathian nih na tthiangtthunh kha hler law samh a tining tein a tuah tikah rili cu Pathian nih a dirter i vawlei ro ah israel mi an kal i Pathian sunpernak lianngannak a langh i faro nih a nung Pathian a si kha a theih. Pathian nih a chim mi ning tein a tuah tikah rili sen pi cu cheuhnih ah aa cheu i ,Israel mi nih vawlei ro ah an kal/phiatkhawh i an phiat dih le cangka tein rili sen pi cu aa peh than tikah Egypt ralkap vialte cu ti nih a fenh dih hna. Kanmah zawng hi taksa ram chuak takin thlarau ram lei kan kal ahhin taksa/pumsa duhnak vawlei sining nih kan hnu ah a kan dawi i kan hmailei ah mithmuh rih lo mi zumhnak kan cuanh mi nih khan a si kho hnga maw lungsivang lungdonghnak nih a kan khamh lio ah le zeituah ding kan theih ti lo lio ah Pathian bia/aw ngai hmasat i Pathian nih a kan chim ning tein kan tuah ah cun khuaruahhar thil ti khawhnak kanmah nih kan tuah kho ti lo mi cungah Pathian aa phuang lai i Pathian nih tawon a lak lai i,kan ral hmaiah a kan dirhkhanh ko lai i a kan khamh lai a sunpernak lianngannak kha kan ral Nih an hmuh ve lai. Pathian nih a tuah khawhnak( 9) 1)Pathian nih a theih a tuah ding thil kha Pathian nih khuaruahar thil a tuah ding a theih caah these ram rili sen lei ah a hruai hna. Kan nun ah hin harnak ton ding kan ttih tuk lio ah khin Pathian nih cu harnak lei cu hrial khawh si loin a kan tonter i cu harnak chungah cu khuaruahar a langhter,cucu kanmah ruahnak lei in Pathian riantuannak a si.kanmah nih kan tuah kho chung poah cu Pathian a cawlhlo kan tuah kho lomi pinlei ah Pathian sunpernaknak a langhnak cu a si.cu caah kanmah nih kan tuah ding cu Pathian bochan i Pathian aw ngai zia thiam a herh bik a si. Exodus 13:18 Phihlik khengtlang vel in a velter deuh hna i thetse ram in Rili Sen lei tu ah khan a kalpi hna. Israel mi cu ral hriamnam tling tein an ngei. 2)Pathian nih a kan hruai Israel mi kha chun ah Bawipa nih an hmaiah minmei tom in a hruai hna,lam hmuhsak hna,annih kha ceunak a pek hna caah chun he zan he an kal kho. Vawlei ah Kan nun hruaitu dingah thiang thlarau lam hmuhsak tu dingah le fimnak a kan pek i a bia in a kan hmuhsak,kan nun a kan congh kan hnu kan hmai i kan sinah a umkal peng caah lam hruaitu cu thiang thlarau a si zungzal. Exodus 13:21-22) Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho.22 Minmei tom cu Israel mi hna hmaiah khan chun ah a um zungzal i mei tom cu zan ah a um zungzal ve. 3) Pathian nih Faro lung a thlengter khawh Siangpahrang Fara kutah thil zeizong a um dih,thil thalo riantuannak in Pathian min sunpernak caah a thleng khawh,cucaah Israel Pathian cu Pathian taktak a si a ti khawh ve.Egypt mi nih Bawipa le pathian a si kha an hngalh. Vawlei kan nunnak zeizong tei kan ngei tikah midang van hai loin kan um hna i ka tuah kho dih ka ti kho dih tiah kan ruahmi le tha lonak kan tuah duhmi vialte zong kha Pathian nih kan lung a thleng khawh dih.sungzatlaknak kan ton hlan le kan rangleng thatha a um lio cu Pathian min le min lo zong kan buaihlo kan tuah kho dih kan ti tawn faro bang rangleng le ralkap vialte rili sen nih a fenh dih hna hnu ah Pathian taktak a um kha a zumh ve bantuk kan si ttheo tawn i Pathian a si kha kan hngalh tawn.kan ngeichia chawva le kan bochan mi le vawlei hlanah Pathian hi kawl hna a min hi hlorh u sih a sunpernak caah,cucu pathian duh mi le Pathian nih a sermi thil vialte khi a mah sunpernak caah a si dih nangmah le keimah zong kan si ve.cu caah Pathian thangthat peng l lawm peng ding hi kan rian a si. Exodus 14:4 Faro cu a lung ka thawnter lai i a dawi hna lai i Faro le a ralkapbu cu ka tei hna lai, cu ka tei hnanak nih khan upatnak a ka hmuhter lai. Izipt mi nih keimah cu Bawipa ka si kha an hngalh lai,” a ti. Israel mi nih cun a chimh hna bang khan an tuah. 4)lam a pit caanah,Pathian a cawlhcanghnak Israel mi Egypt ram in an chuak i Faro rangtum le rangleng mawnghtu ralkap nih an dawi ciammam hna rili kam ah an riahnak ah Baal-zefon hmaiah an phan hna tikah lam a pit.moses kha Israel minih hi bantuk thil a cang lai kan theihcia Egypt sal si ko u sih an ti len moses Pathian nih zei atuah lai ti kha zoh ko u nanmah tuah a hau lo a ti tikah ,Pathian nih moses kha na tthiangthunh hler law rili cungah na kut samh tuah,cun rili kha aa tthen lai i Israel mi cu rili chung khan vawlei ro cungin an kal kho lai. 17 Izipt mi kha an lung ka hahter hna lai i rili chungah cun an dawi hna lai; cun Faro le a ralkapbu vialte le a rangleng hna cu ka tei hna lai i cu ka tei hnanak nih cun upatnak a ka pek lai. Vawlei ah kan Lam a pit lioah tuah ding kan theih ti lo tikah kan kut hler in Pathian kan au ah cun kan cungah khuaruahhar thil lianngannak a sunpernak a langhter i,kan ral hna nih kan sinah Pathian a cawlhcang kha an hmuh kho ve. Exodus 14:9 Izipt mi nih cun an rangtum vialte he, Faro rangleng hna le a mawngtu hna le a ralkap hna he cun an dawi ciammam hna i rili kam i an riahnak Pi-hahiroth pawng Baal-zefon hmaiah khan an hei phak hna. 5) Pathian bochannak Moses cu Pathian aa bochan caah a mah nih ral a doh hau lo,Pathian nih a dohpiak ko hna. Pathian aa bochan mi fa le hna cu an thin nan hungter hna ah cun a caan a za tikah Pathian nih an doh ve hna lai.keimah hrimhrim kan nun ah ka ral kha Keimah nih doh hau loin Pathian nih a ka dohpiak hna ti cu ka nun bak in ka theih fawn,zeicahtiah Pathian pakhat lawnglawng aa bochan mi ka si caah mi zei bantuk minung hman ka bochan hna lo i Pathian bakbak lawnglawng ka bochan kha Pathian nih a theih tikah ka leiah aa ttanh zungzal cu fiang tein ka nun bak in ka hmuh ve,keimah zeihman tuah hau loin. Exodus 14:14 Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti. 6) Hmaiah kal ahau/Hmunhma thawnh a hau,umnak hmun ah um peng loin Pathian nih Moses cu ziah na au len Israel mi kha a hmaiah kal u ti hna tiah a ti. Kan nun ah zei tuah awk kan theih ti lo tikah Pathian au i a aw theihthiam a bia pi tuk mi a si.kan umnak hmun in hmaiah kal ding a si.Pathian aw an theih tikah hmaiah kal ding kha an theih bantuk in kan lam a pit tikah Pathian aw theih i hmaiah kal ding a herh ,Pathian aw theih a herh ,bible siseh ,Rhema Pathian aw theihnak in siseh pathian aw kan theih ah cun hmaiah kal nak lam kan hngalh. Exodus 14:15 Bawipa nih Moses cu, “Zeicahdah na ka auh len ko? Israel mi kha hmaiah kal u, ti hna. 7) Pathian ttawnhnak in a cheu cu a tuah,nain toidornak kha Pathian nih a tu le tu a kan hal hmasat Moses kha pathian nih na tthiangtthunh kha hler law samh rili cu aa cheu lai i israel mi cu vawlei ro cungah an kal lai tiah a tikah, moses nih a tthiangtthunh a samh i rili cu a dirter israel mi cu vawlei ro ah an kal. Pathian aw ngaih ding kha moses a chim hmasa i na tthiangtthunh kha hler law na kut samh a ti hnu ah a tuah taktak ve moses nih mah hnuah pathian tthawnhnak lianngannak a langh ve i,nun himnak an hmuh israel mi hna. kan hram pi cu Pathian a si.Pathian bia kan ngai tikah nunnak thluachuahnak lei a kan hruai.Pathian bia ka ngai hmasa peng a hau i,Pathian nih a kan chim mi kha kan ngai hmasa lai i tuah u a ti ningin kan tuah hnuah Pathian sunpernak tthawnhnak lianngannak a langh ve. Exodus 14:16 Na tthiangtthunh kha hler law rili cungah khan na kut samh tuah, cun rili kha aa tthen lai i Israel mi cu rili chung khan vawlei ro cungin an kal kho lai. 8)Pathian a dir kanmah le kan ral karah Israel bu hmaiah a kal mi vancung mi kha aa tthial hna i ,an hmaiah a um mi minmei tom kha a tthial tikah Israel le Egypt karah an i tong kho taktak lo.vancung mi minmei tom nih a khamh hna. Kan ral hna le kanmah karah vancung mi an um tikah kan ral hna nih a kan tongh kho lo,zeicahtiah kan ral le kanmah karah khamhtu vangcung mi Pathian nih a kan thlapiak caah asi. Ral kan doh mi hi kanmah lawngin kan doh lo vancung mi a kan thlapiak lam hruaihtu dingah.Amah Pathian hrimhrim zong nih a kan dohpiak i lam a kan hruai.zeithluk indah a kan duhdawt i a duhnak kan cunglei pi ah a khat. Exodus 14:19 Israel bu hmaiah a kalmi vancungmi kha aa thial i an hnu in a zulh hna. An hmai i a ummi minmei tom kha aa tthial i an hnuah a um. 9) Pathian cu khuaruahar thil tuah kho tu Pathian cu rili sen in vawlei ro ah israel mi a hruai hna i an ral hna chungin a khamh hna i a mi israel mi cu khamhnak a pek hna.Israel minih an hmuh Egypt ral kha Pathian lianngannak khuaruaharnak in a doh hna kha an hmuh i Bawipa kha an ttih i Bawipa kha zumhnak an ngeih i a sal pa moses zong kha zumhnak an ngeih ve. Kan ral cungah Pathian ttawnhnak lianngannak in ruan a tuan ti kha kan hmuh tikah Pathian kha ka ttih i ka zumh i a hmang mi a mifa zong ka zumh ve hna.keimah mithmuh hrimhrim le ka nun hrimhrim in ka ton mi thil a si tikah Pathian cu ka caah a lianngannak le a riantuannak khuaruahar vialte khi ka ral hna cungah ka hmuh khawh dih i keimah hi zei hlei hen ka si ka ral hna hmaiah Pathian nih a ka ttanh i a ka dirhpi khi ka hmuh tikah Pathian cu lawmh lo le thangthatlo laam loin ka um khawh lonak cu a rak.Alianngannak hi ka cungah a thuk i a san hi zeithil hman nih a doh kho lo.Halluijah! Amen, ti lawng hi ka rian a si ko. Exodus 14:31 Izipt mi hna cungah a liannganmi thawnnak in Bawipa nih rian a tuan ti kha an hmuh i Bawipa kha an tih; Bawipa cungah khan zumhnak an ngei i a sal Moses cung zongah khan zumhnak an ngei ve. II. Ramcar chungah vakvaih ======//============= Ramcar timi cu nun harsat, nun sivangnak ram vawlei lei kal lo pathian ram panh rih fawn lo laklawh ram kha Ramcar vakvaih cu a si. Israel mi kha ramcar chungah an vuivai tikah ramcar chungah an thi dih.Joshua le kaleb lawng an nung. Number 26:63- 65) Joshua le Kaleb An Nung 63 Moab nelrawn, Jordan tiva kam, Jeriko zawn ah Israel mi cu a reltu hna, Moses le tlangbawi Eleazar nih an relmi hna cu mah hna hi an si. 64 Sihmanhsehlaw mah hna lak ah hin Sinai ramlak i Israel mi a rak reltu hna Moses le tlangbawi Aaron nih an rak relmi hna cu pakhat hmanh an i tel lo. 65 Zeitintiah annih cu Bawipa nih, “Ramlak ah an thi lai,” ti ah khan a rak ti. Jefunneh fapa Kaleb le Nun fapa Joshua dah ti lo cu annih lakah pakhat hmanh an taang lo. Pathian nih Israel mi bia a kammi kha an ngai lo an zul lo caah i Pathian nih Egypt ram in a rak hruai hna i an ral kut cungin khuaruahar thil lianngannak thil ti khawhnak he lam a hruai mi hna kha an philh zei an rel lo i an i cinken duhlo tikah Pathian thinhunnak an cungah a tlung.Bawipa nih Israel mi hna hmai in a dawimi hna miphun hna phunglam le Israel siangpahrang hna nih an lakchommi phunglam hna kha an zulh hna.19 Judah mi hna zong nih Bawipa an Pathian nawlbia kha an zul lo, Israel mi nih an chuahpimi phunglam tu kha an zulh deuh.Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.kum 40 an vakvaih ramcar chungah,egypt ruahnak tungthin a ngei mi poah ramcar ah an tih dih,ruak hna cu ramcar chungah an um lai; cun nannih lak i rel ciami vialte, kum kul ri in a cunglei keimah cungah a phunzaimi vialte kha, Psalm 78:10 Pathian sinah bia an i kammi kha an zul lo,a nawlbia kha ngaih an duh lo.11 A tuahmi thil kha an philh hna i khuaruahharnak a langhtermi kha an i cinken lo.12 An pupa hna mithmuh hrimhrim ah khan Pathian nih khuaruahharmi thil pakhat a tuah, Zoan lo ah, Izipt ram ah khan a tuah.13 Rili kha a cheu i a chungin a hruai hna;ti cu vampang bantukin a dirter hna.14 Chun ah khuadawm in a hruai hna i zan ah mei ceu in a hruai hna.15 Ram car chungah khan lung ngan pipi kha a khuai hna i rili ti zat in din awk ti a pek hna;16 lungpang chung khan tiva a chuahter hna i ti cu tiva bangin a luanter.17Sihmanhsehlaw Pathian cungah cun sualnak an tuah lengmang ko i Cungnung Bik kha ramcar chungah cun an doh zungzal ko.18 Kan duhmi rawl cu na kan pek hrimhrim lai tiin Pathian cu an hneksak.19 Pathian cu an thangchiat i,“Pathian nih cun ramcar ah cun cabuai cu a hung kho ngai hnga maw?20 Lungpi cu a tuk i ti cu a chuak hluahmah taktak, asinain rawl cu a kan pe kho ngai hnga maw?A mi cu sa a kan pe kho ngai hnga maw?” an ti.21 Cu an chimmi cu Pathian nih a theih tikah an cungah a thin a hung;a mi cu mei in a hrem hna i an cung i a thinhunnak kha a thang, Ramcar chungah Israel mi kumsawmli an vakvaih Pathian bia Nawlbia an ngai lo ruangah,kum 40 lam an thlau.cu chungah an ruahnak le thinlung a thalo mipoah Egypt lungput ruahnak a ngeih mi poah cu Ramcar ah an thih dih. Khrihfa zumhtu kanmah nun ah Pathian bia Nawlbia kan buar tikah kan vakvai ve i,Cu kan vakvaihnak ah taksa thinlung ruahnak lungput thalo duhfak hakkau lihbia midang sualnak va sawh pengnak,mah vial mifel ngai i hmuh,zerhtiannak mirawihmang keimah ka fim ka thiamsang ka rum keimah keimah timi vialte cu taksa lungput Egypt lungput a chuak tak duh lo mi poah cu Ramcar chungah thih dih a si lai.thih timi cu pumsa kha a si lo thlarau in thih kha a si. 40 Voi zeizat riamruam dik amah kha ramcar chungah khan an doh; voi zeizat riamruam dik a ngaih an chiatter!41 Atu le atu Pathian kha an hneksak,atu le atu Israel Mi Thiang kha a thin an hunter.42 A liannganmi a thawnnak kha an philh;an ral hna kut chungin a khamh hna kha an philh, 56 Asinain Lianngan Bik Pathian kha an doh i an hneksak.A nawlbia kha zulh an duh lo i 57 an pu an pa hna bantuk khan ral thawh hmang le zumh awktlak loin an um ve, aa merhmi likuk in kahmi thal cu a ka a kheng khomi a si lo caah i bochan khawh ding a si lo bantukin annih zong bochan awk a tlakmi an si ve lo. 2siangpahrang 17:7-8)7 Mah hihi hi bang hin a si, zeicahtiah Israel mi nih, Izipt ram chungin le Izipt siangpahrang Faro kut tangin a chuahpitu hna Bawipa an Pathian cungah khan an sual i pathian dang kha an ttih hna i 8 Bawipa nih Israel mi hna hmai in a dawimi hna miphun hna phunglam le Israel siangpahrang hna nih an lakchommi phunglam hna kha an zulh hna.19 Judah mi hna zong nih Bawipa an Pathian nawlbia kha an zul lo, Israel mi nih an chuahpimi phunglam tu kha an zulh deuh. 20 Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna. 1siangpahrang 14: 15 ti chungah phaikung aa hninh lengmang bantuk khin Bawipa nih Israel cu a tuk lai i annih nih an Asherim an i ser hnanak thawngin Bawipa kha a thin an hunter caah, an pupa hna sinah a pekmi hi ram tha chung hin Israel mi cu a phawi hna lai i Zufrates tiva ral ah khin a thek hna lai. 16 Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti. Namber 14: 2 Cun Israel mi vialte nih Moses le Aaron cu an zaihnawh hna; an bu ningin annih sinah, “Izipt ram ah khan rak thi u si law, a tha deuh hnga! Asiloah ramcar chungah hin hei thi dih ko u si law, a tha deuh hnga! Mizapi Caah Moses Thla A Cam 11 Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lakah hmelchunhnak mah vialte ka tuah ko tung?12 Rai in ka hrem hna lai i ka hlawt hna lai, nangmah chung hin annih nakin a ngan deuh le a thawng deuhmi miphun ka ser lai,” tiah a ti.29 Nan ruak hna cu ramcar chungah an um lai; cun nannih lak i rel ciami vialte, kum kul ri in a cunglei keimah cungah a phunzaimi vialte kha, Phungthlukbia 21:19 Nu phunciar sik duh he um nakcun,thetse ram i va um ziar khi a tha deuh. John 6: 49 Nan pupa hna nih manna kha thetse ram ah khan an rak ei taktak, sihmanhsehlaw an thi. Exodus 16: 3 “Bawipa nih Izipt ram ah khan rak kan that lawlaw seh law kan duh deuh hnga. Izipt ram ah khan cun sa um hram ah khan kan thu i kan duh zat in rawl kan ei. Sihmanhsehlaw atu cu hi ramcar chungah hin nan kan chuahpi i rawltam in kan thi dih cang lai,” an ti. Namber 3:4 Sihmanhsehlaw Nadab le Abihu cu, Sinai ram lakah Bawipa hmaiah a thiang lomi mei an pekchanh tikah khan an thi, fa an ngei lo. Cu caah Eleazar le Ithamar nih an pa Aaron a nun lio khan tlangbawi rian cu an tuan. Namber 32:13 Cun Bawipa thinhunnak cu Israel cungah a alh i ramlak ah khan kum 40 a vaihter hna, Bawipa hmai i that lonak a tuahmi chan an thih dih hlantiang. 1korin 10: 5 Asinain a tam deuh nih cun Pathian kha an lawmhter lo i an ruak cu thetse ram hmun kip ah khan aa tthek dih. Hebrew 3:17 Aho cungah dah Pathian kha kum 40 chung a thin a hun? Sualnak a tuahmi, thetse ram i a thimi hna cungah khan a si. Israel mi bang Pathian nih khuaruaharnak thil ti khawhnak le a lianngannak le ka cungah Pathian a sinak a langhter mi vialte zei kan rel lo Judah bang Nawlbia kan ngai lo i ,micheu khat pawl nih church pawl nih anmah lakchommi phunglam le an bu cio nih an chuahpimi phunglam tu kha an zulh deuh tikah khrihfa zumhtu aa ti mi cheukhat tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna. Pathian nakin kanmah church le fellowship le lakchommi phunglam le an bu cio nih an chuahpimi phunglam tu kha an zulh deuh tikah khrihfa zumhtu aa ti mi cheukhat tefa vialte cu Bawipa nih a hlawt i,hrawktu hna kut chungah khan a chanh hna. Pathian lianngannakA Langhter mi kha philh in le nawlbia zul lo nak ah kan um maw ?kan vuivai sual maw ? Kan ruahnak egypt ruahnak lungput chungah kan um sual maw?ramcar chungah kan thih sual nakhnga lo,ramcar chungah thih ti i cu Thlarau lei thihnak kha a si.pumsa thih cu duh thim a ngah lo mi zeipoah thihnak in kan luat kho lo, nain thlarau lam cu duh thimhnak lam a si.zungzal thihnak maw zungzal nunnak dah kan i thim lai? ramcar chungah nun harsatnak chungah vuivai loin Pathian thangthat ko hna u sih a chiakha mi nun ah siseh a thabik mi nun ah siseh vuivai loin kan ton mi cungah Pathian sinah pekchanh in pathian cu lawm ko u sih, cu nun lam cu kanaan ram co luh nak lam cu a si. NA nun hi ramcar chungah a um mi nun a si ah cun nitin tein lunglawmhnak na hmuh kho lai lo,midang thatnak na hmuh kho lai lo,mi kong ceih le mi thangchiat le midang kong ceih a nuam tuk le tha lonak lei poah ah naa nuam khun lai,nangmah le nangmah kha zei a si bik le thil a ti kho bik le ruamkainak in a tha khun in naa hmuh lai , midang soisel,cu bantuk nun na ngei maw na ngei a si ah cun ramcar chung na vakvaih tinak a si i,Egypt ruahnak lungput a si. cu lunglut cu kanaan ram an lut kho lo ramcar ah an thi dih,cu bantuk lungput ruahnak na ngei ah cu thlarau ram kanaan ram na co kho lai lo,naa mer tak duh lo cun cu chungah na thih lai i thlarau ram na phan kho lai lo i,vawlei pum a hmun lo mi le luat khawh a si lo mi pumsa nunnak zong kan sungh chih rih lai. Ramcar nun ah kan tang maw ? III. ISrael Ram panh ==========***** Israel ram cu thlarau ram kamhmi kanaan ram cu a si.kanaan ram pathian nih kammi ram va luh nak dingah raldoh nak lawngte a si.Raldoh loin kanaan ram co khawh a si lo caah Israel mi zong ral an doh peng nak asi. Bible nih Israel ram a chim duh mi cu thlarau ram Pathian kammi kanaan ram kha a si.pathian kammi ram thlarau ram kan kal tikah setan raldoh ding tam pi a um.Israel mi nih kanaan lei panhin an kal lio ah raldoh ding tam piin a um,Cu raldoh lo cun kanaan ram phan khawh a si lo caah an kalnak lam ah phenhtu raldoh pah in an kal hna i cu raldoh in kanaan lei cu an panh ve. Joshua nih Amalek ral a doh i moses nih a kut hler in a hnu ah thla a cam piak moses kut tangMoses nih a ban a hler hna chung paoh cu Israel mi nih khan an tei lengmang hna, sihmanhsehlaw a thumh hna paoh ah cun Amalek mi nih khan an nawr ve tawn hna.Moses cu a ban tha kha a dit tikah Aaron le Hur nih khan lung pakhat an lak i a cungah cun an thutter i annih nih khattelei veve in an dirkamh i a ban kha an doh hna. Ni a tlak tiang a ban cu an doh hna i Joshua nih cun Amalek mi cu a tei dih cikcek hna. 1) Joshua nih Amalek Mi He An I Do ************************************ Exodus 17: Amalek Mi He An I Do 8 Amalek mi kha an ra i Israel mi cu Refidim ah khan an ra tuk hna. 9 Moses nih Joshua kha a thawh i, “Mi tlawmpal in i thim hna law thaizing ah Amalek mi kha va do hna u. Kei tu cu tlangpar ah khan ka dir lai i Pathian nih a ka pekmi thiangthunh kha ka hler lai,” a ti.10 Moses nih a fial bang khan Joshua cu Amalek mi hna doh awkah khan a kal i Moses, Aaron le Hur cu tlangpar ah khan an kai. 11 Moses nih a ban a hler hna chung paoh cu Israel mi nih khan an tei lengmang hna, sihmanhsehlaw a thumh hna paoh ah cun Amalek mi nih khan an nawr ve tawn hna.12 Moses cu a ban tha kha a dit tikah Aaron le Hur nih khan lung pakhat an lak i a cungah cun an thutter i annih nih khattelei veve in an dirkamh i a ban kha an doh hna. Ni a tlak tiang a ban cu an doh hna i 13 Joshua nih cun Amalek mi cu a tei dih cikcek hna. 14 Cun Bawipa nih Moses kha a thawh i, “Hi kong hi philh a si nakhnga lo cauk chungah òial tuah, cun Amalek mi kha a philh in philh an si lai, tiah Joshua kha chim,” tiah a ti. 15 Moses nih biaktheng pakhat a ser i a min ah, “Bawipa cu ka hmelchunhnak puanzar a si,” a ti. 16 Moses nih cun aa thawh i, “Bawipahmelchunhnak puanzar cu i tlaih u! Bawipa nih Amalek mi cu a zungzal in a doh hna lai,” a ti. Thlarau ram panhin kan kal lio ah raldoh ding tampi a um i ,Cu raldoh teihnak kan hmuh nakhnga caah kan ban hler in thlacamnak cu teihnak hmuh a si.thlacam hi satan raldoh teihnak hriamnam thabik a si.thla kan cam lo poah ah kan thazang a der vawlei ruahnak lungput thalo phunzakip kha a tthawnh chinchin i, thlarau nun kan sungh i vawlei nih a kan tei tawn i,thla kan cam poah ah thlarau nun teihnak kan hmuh i taksa pumsa ruahnak lungput thalo nak a zor i,thlarau lei ah thazang a tthawnhter deuh i nun teinak kan hmuh deuh ve tikah thlarau nih a kan hruai ve. 2) Gideon Pathian nih a Auh *************************** Gideon hi pathian nih a au israel mi nih pathian mithmuh ah an sual tikah Pathian thinhunnak a tlung i midian kut chungah kum sarih a pek i kum sarih chung midian kut ah an umnak aihramnak kha pathian nih a theih i ,cu chungah luatnak ding caah Gideon a auh i kha Pathian nih a auh i Midian raldoh awk ah a fial le cu raldoh tikah tuah ding kha Pathian nih a chim i a chim ning tein an tuah tikah teihnak an hmuh.minung 300 kha an timh hna i a raltha mi ttihnak a ngeih lo mi 300 nih ral an doh i ,teihnak an hmuh. Biaceihtu 6:1 Pathian Nih Gideon A Auhnak 6:1 Israel mi nih Bawipa mithmuh i a tha lomi kha an tuah i Bawipa nih Midian kut chungah kum sarih a pek hna.2 Cun Midian kut nih cun Israel cu a tei; Midian ruangah cun Israel mi hna nih tlang i a ummi khor hna le lungkua hna le ralhau hna cu an i ser7 Midian mi hna ruang i Israel mi nih Bawipa sin i an au tikah, 8 Israel mi sinah cun Bawipa nih profet pakhat a thlah;.12 Cun Bawipavancungmi cu a sinah a lang i a sinah, “Bawipa cu na sinah a um, nang a thawng i ralthapa,” tiah a ti.13 Cun Gideon nih anih cu, “Bawipa, kan nawl, Bawipa cu kan sin i a um a si ahcun zeicahdah mah thil vialte nih hin a kan tlunhnawh kun? Kan pupa hna nih, ‘Izipt ram in Bawipa nih a kan chuahpi lo mei,’ ti i kan sin i an ti tawnmi khuaruahhar thil vialte hna cu khuazei ah dah an si kun? Sihmanhsehlaw atu cu Bawipa nih a kan hlonh cang i Midian kut chungah a kan pek cang,” tiah a ti. Biaceihtu 7 Gideon Ralkap Nih Midian An Tei Hna 7:1 Cun Jerubbaal (cucu Gideon) le amah sinah a ummi vialte cu zing tein an tho i Harod tiput pawngah an riak; cun Midian riahhmun cu an chaklei ah, Moreh tlang hram, nelrawn chungah a si. 2 Bawipa nih Gideon cu a chawnh i, “Keimah nih Midian mi cu an kut chung i pek awkah na sin i a ummi hna kha an tam tuk; Israel nih, ‘Keimah kut hrimhrim nih pei a ka khamh tiah,’ tiin ka cung lam ah aa uangthlar sual hnga. 3 Cucaah mizapi hnatheih ah, ‘A thin a phangmi le a tha a thermi paoh inn ah kir hna seh,’ tiah va thanh tuah,” tiah a ti. Cun Gideon nih a hneksak hna; 22,000 an kir i 10,000 an tang.4 Cun Bawipa nih Gideon cu, “Mi cu an tam tuk rih; tiva ah vun kalpi hna law, khika ah keimah nih kan hneksakpiak hna lai; nangmah sinah, ‘Hi pa hi na sinah kal seh,’ ka timi paoh na sinah an kal lai; cun ‘Hi pa hi na sinah kal hlah seh,’ ka timi paoh cu an kal lai lo,” tiah a ti. 5 Cucaah mi cu ti ah cun a vun kalpi hna i Bawipa nih Gideon sinah cun, “Uico nih ti a liah bangin a lei in ti a liakmi paoh cu a dang tein na chiah hna lai; cu bantukin ti din awkah khuk bilmi zong,” tiah a ti. 6 Cun a liah in a liakmi, a kut a kaa i a hun chiami cu 300 an si; sihmanhsehlaw a dang vialte tu nih cun ti din awkah an khuk kha an i bil.7 Cun Bawipa nih Gideon cu, “A liah in a liakmi mi 300 khan nannih cu kan khamh hna lai i Midian mi cu nan kut chungah kan pek hna lai; a dang vialte cu an inn cio ah kal hna seh,” tiah a ti.8 Cucaah mi hna i an thawl le an muko cu an sin khan a lak hna; cun Israel mi a dang vialte cu anmah le an thlam cio ah a kalter hna, sihmanhsehlaw 300 kha cu a umter hna; cun Midian riahhmun cu nelrawn chungah an thlang ah a si. 9 Khi zan thiamthiam ah cun Bawipanih amah cu, “Tho law, an riahhmun cu vung do tuah, zeitintiah na kut chungah kan pek cang.10 Sihmanhsehlaw a kal na tih ahcun, na sinum Purah he khan riahhmun ah cun vung kal u;11 cun annih nih an chimmi kha nan theih lai i cu hnuah cun an riahhmun cu vung doh awkah na kut cu òhawnter an si lai,” tiah a ti. Cun a sinum Purah he khan riahhmun chung i a ummi hriampumi hna ralven buk ah khan an vung kal.12 Cun Midian mi hna le Amalek mi hna le Nichuahlei mi vialte hna cu nel ah cun an tam leiah khaubok zat in an um tengtung ko i an kalauk hna cu rel cawk lo, an tam ning cu rilikam i thetse zat an si.13 Gideon nih a rat tikah, zohhmanh, mipa pakhat nih a hawipa kha a mang a rak chim len ko i, “Zohhmanh, mang pakhat ka manh; cun zohhmanh, barli changreu hlum khat cu Midian mi hna riahhmun ah a rung ril i riahbuk kha a phan i a khen i cucaah cun a tlu, cun a bingtalet in aa let i cucaah riahbuk cu per thlup in a ril ko,” tiah a ti.14 Cun a hawipa nih cun, “Mah hihi zeidang zeidang si loin Israel mi Joash fapa Gideon i a vainam a si ko cu; Pathian nih Midian le ralkapbu vialte cu a kut chungah a pek cang hna,” tiah a leh.15 Gideon nih mang le a sullam kong an i chimh cu a theih tikah Pathian kha a biak; cun Israel riahhmun ah khan a ra kir i, “Tho tuah u, zeitintiah Pathian nih Midian ralkapbu cu nan kut chungah an pek cang hna,” tiah a ti.16 Cun mi 300 kha phu thum ah a cheu hna i an dihlak in an kut chungah muko le thawllawng, a chung i meifar a ummi kha, a pek cio hna.17 Cun annih cu, “Keimah kha ka zoh u law, ka tuah bantukin tuah ve u; riahhmun tonter bik ka phak tikah keimah tuah bantukin nan tuah ve lai.18 Keimah le ka sin i a ummi vialte nih muko kha kan tum tikah, riahhmun velchum i a ummi vialte zong nih muko kha nan rak tum ve lai i, ‘Bawipa ca le Gideon caah,’ tiin nan au lai,” tiah a ti hna.19 Cucaah Gideon le a sinah a ummi 100 hna cu zanven a laifang hramthawk, a cawngtu an i chiah kate ah khan, riahhmun tonter cu an va phan; cun muko kha an tum i an kut i an i putmi thawl cu an den hna.20 Cun phu thum hna nih khan muko kha an tum i thawl kha an khuai hna, an kehlei kut in meifar kha an i put i an orhlei kut in tum awk muko kha an i put; cun, “Bawipa ca le Gideon caah vainam pakhat!” tiah an au.21 Cun riahhmun a velchum khan an umnak hmun cio ah an dir i ralkap vialte cu an le dih; an au i an zamter dih hna.22 Cun muko 300 kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin 23 Cun Israel mi hna cu Naftali le Ahser le Manasseh dihlak chungin an kawh hna i Midian kha an dawi hna.24 Cun Gideon nih Efraim tlangram chung dihlak ah lamkaltu a thlah hna i, “Midian mi doh awkah rung tum tuah u, ti kha rak lakkanh hna u Beth-barah tiangin, cun Jordan zong,” tiah a ti. Cucaah Efraim mi vialte cu an kawh hna i ti kha Beth-barah tiangin an tlaih hna, cun Jordan zong.25 Cun Midian bawi pahnih Oreb le Zeeb kha an tlaih hna; Midian mi an dawi pah hna ah cun, Oreb cu Oreb lung ah an thah i Zeeb cu Zeeb mitsur nennak ah an thah; cun Oreb lu le Zeeb lu cu Gideon sinah Jordan tiva ral ah an rak phorh hna. Thlarau ram panhin kan kal lio ah pathian mithmuh ah kan sual tikah satan ral kut ah kan tang i cu chungin kan aihramnak kha pathian nih a teih i raldoh a herh satan ral doh a herh caah ,cu raldoh nak ding ah cun an thim hna 300,raldoh nak dingah tthawng le raltha dir a herh,minung tam pi si loin minung thim in raldoh awkah cu raldoh awkah nang le kei teh kan dirh kho lai maw?ral kan hmuh le cang ka in a tluk sual ah cun kan sungh lai.thawng le raltha a herh i raldoh caan a si cang ;A hodah a tho lai i a hodah a dirh lai? vawlei kan nun Pathian mithmuh in kan sual tikah kan nun hi tteamttawnnak tteamttawnnak tam pi an um ,mi cheukhat nih sualnak an tuah deuhdeuh tikah an sulnak kha ngaithiam khawh ti lo sualnak bang an ruat tikah lungrawk in sualnak erh tak loin an pah chinchin i nun hrawhralnak tiang kan phan hleiah thlarau thihnak tiang akan phak pi tawn.cu sualnak saltang tteamttawnnak vhungin kan chuak khawhnak ding caah thawng le raltha tein dirh on muko he Pathian biakam chung ah thangthat nak he laam in hlasak law Pathian thangthat hman cu vialte ral cu an zam lai i,Na thlarau kalnak lam kha phenhtu an um ti lai lo i freedom tein na kal kho lai.laam le thangthatnak praise and worship nakin satan tteamttawnnak kha cat lakin laam le thangthatnak in kan teih khawh hlei satan ral cun an zam dih. 3.) Jeriko Rawknak ****************** Jeriko khua kha doh lo ah cun kanaan ram va phak khawh a si lo,Israel mi luh khawh lo dingin an khamh ,pathian nih Joshua kha Jeriko cu a siangpahrang he, a mithawng raltha hna he tiah, na kut chungah kan pek cang Khua cu nan vel lai,ni sarih chung nan vel lai, Khua cu nan vel lai, ralkap vialte nih chel khat an vel lai. Cu bantukin ni ruk nan tuah lai.Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai. Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti. PaThian nih Joshua a chim ning tein a tuah i nuruk chung Jeriko khua chung an vel lio ah daih tein an vel i a ni sarih nak ah muko he an au tikah Jeriko Lungrual vialte a cimh dih. Nitin kan nun ah thlarau lei kan kalnak lam thluangah pathian kammi kanaan ram va phaknak dingah Jeriko lungrual doh a hau mi kan ngei.Jeriko lungrual a sawh duh mi cu zeidah a si tiah thlarau ram panhin na kal nakah midang soiselnak le midang nih na nun an tahnak thawngin le midang soisel nak ruangah Pathian lei kal ningzak nak pawl zong kha Jeriko lungrual a si i,kha ral kha doh a herh a si lo ah cun na nun ah thlarau ram lei kalnak ah phenhtu ngan bik ah aa cang lai,mi soisel a ttih tuk mi le thiam co i cuh tuk nak vialte le keimah ka fim ka din ka fel mitling tiah naa hmuh i midang thalo ah na hmuh pengnak lungput lungthin vialte kha Jeriko lungrual cu a si i,thlarau ram lei kal thiam loin an tuah tu Jeriko lungrual a tlu i acimh khawhnak hnga caah cun holh loin tein na nun kha na vel lai i,midang thalo le soiselnak zong na holh lai lo i ,mah tein nangmah le nangmah nun kha na vel lai i a caan a zat tikah nangmah le nagmah kha nan nun naa hmuh kho tikah Pathian na thangthat kho i,na laam i thangthat nak he na au tikah na nun na nun i phenhtu le ttemttawntu thalo nak vialte a tlu i a cimh dih tikah kanaan ram cawhnuk le khuahliti um nak ram cu na phan a si.Cu ram ah cun azungzal in pathian thangtha duhnak thlarau ram kanaan ram cu a si.Cu nun a phak cang mi nun cu laam lo le Pathian thangtha loin an um kho lo i,an rawl thawh bik cu Pathian biak le laam le thangthat pathian he pehtlai nak thluachauh nun ram kha a si. 6:1 Jeriko khua cu a chunglei he a lenglei he Israel mi hna ruangah cun aa khar khipkhep ko; ahohmanh a chuak a lut an um lo. 2 Cun Bawipa nih Joshua cu a chawnh i, “Zohhmanh, Jeriko cu a siangpahrang he, a mithawng raltha hna he tiah, na kut chungah kan pek cang. 3 Khua cu nan vel lai, ralkap vialte nih chel khat an vel lai. Cu bantukin ni ruk nan tuah lai. 4 Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai. 5 Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti. 6 Cucaah Nun fapa Joshua nih cun tlangbawi cu a auh hna i, “Biakamnak kuang kha i lak u law, Bawipa biakamnak kuang hmaiah khan tlangbawi pasarih nih tuukawng ki muko pasarih i put hna seh,” tiah a ti. 7 Cun mi zapi sinah cun, “Hmaiah kal u; khua kha vel u law, hriam pumi pa kha Bawipa kuang hmaiah lanhter hna u,” tiah a ti.8 Cun Joshua nih mi zapi cu nawl a pek hna bangin, tlangbawi pasarih, tuukawng ki muko pasarih Bawipa hmai i aa putmi hna cu, muko cu tumpah in a hmaiah an kal i Bawipa biakamnak kuang nih cun a zulh hna. 9 Cun muko a tumtu tlangbawi hna hmaiah cun ralthuam in aa thuammi kha an kal i muko an tumpah lengmang lioah cun, hnulei ralveng hna nih cun kuang kha an hun zulh. 10 Sihmanhsehlaw Joshua nih mi hna kha, “Au u, tiah kan ti hna ni hlantiang nan au lai lo, nan aw zong theih awk nan siter lai lo, nan kaa zongin zei bia hmanh nan chuahter lai lo,” tiah nawl a pek hna. 11 Cucaah Bawipa kuang cu khua kha chel khat a velter i riahhmun ah an ra i riahhmun ah cun an riak than.12 Cun Joshua cu zingka tein a tho i tlangbawi hna nih Bawipa kuang kha an zawnh. 13 Cun tlangbawi pasarih Bawipa hmai i tuukawng ki muko pasarih aa putmi hna kha muko hna cu tum pah lengmang in an kal; cun ralthuam in aa thuammi kha an hmaiah an kal i hnulei ralveng hna cu Bawipa kuang hnulei in an ra, tlangbawi hna nih an kalpah in muko cu an tum lengmang.14 Cun a ni hnihnak ni ah cun khua cu chel khat an vel i riahhmun ah an kir than. Cu bantukin ni ruk an tuah.15 Ni sarihnak ni ah cun zingka tein khuafing cah ah an tho i khua cu cu bantuk thiamthiam in chel sarih an vel; cu ni lawngah khua chel sarih an vel cu a si. 16 Cun a voi sarihnak ah cun, tlangbawi nih muko an tum tikah khan, Joshua nih mi zapi hna sinah cun, “Au tuah u; zeitintiah Bawipa nih khua cu an pek cang hna,” a ti. 17 “Cun khua cu le a chung i a ummi thil vialte cu hrawh awkah Bawipa sinah pekchanh an si lai; kannih nih kan thlahmi lamkaltu hna kha a rak thuh hna caah Rahab le amah he a inn chungah a ummi vialte cu an nung lai. 18 Sihmanhsehlaw hrawh awkah pekchanh ciami thil kha nannih nih nan ulh hna lai, cu ti a si lo ahcun, nannih nih nan pekchanh hna tikah khan pekchanhmi thil pakhatkhat kha nan lak sual hnga i Israel riahhmun cu hrawh awk ca thil ah nan ser hnga i a cungah harnak nan tlunter sual hnga. 19 Sihmanhsehlaw sui le ngun vialte le thir le dar umkheng hna cu Bawipa ca thil thiang an si lai; Bawipa chawva chungah an lut ve lai,” tiah a ti 20 Cucaah mi cu an au i muko cu tum an si. Mi nih muko thawng kha an theih cangka tein, mi cu fak piin an au i ralhau cu a tlu, cucaah anmah le an hmai zawn cio khan mi cu khua chungah cun an hung lut i khua cu an lak. 21 Cun khua chungah a ummi vialte cu, nu he pa he, tar he no he, cawtum, tuu le laa he tiah vainam in an sam dih cikcek hna.22 Cun Joshua nih ram a va ngiatu mi pahnih hna sinah khan, “Hlawhhlangnu inn chungah khan va kal u law, minu cu le amah ta a simi vialte cu a sinah chiat nan rak ser bang khan hun chuahpi hna u,” tiah a ti. 23 Cucaah thlingthlatu a rak simi tlangval hna nih khan an va lut i Rahab le a pa le a nu le a òale hna le amah ta a simi vialte kha an chuahpi hna; cun a rualchan vialte kha an chuahpi hna i Israel riahhmun lengah an chiah hna. 24 Cun khua cu mei in an khangh, a chung i a ummi thil vialte he; sui le ngun, thir le dar umkheng belte Bawipa inn chawva sinah an chiah hna. 25 Sihmanhsehlaw hlawhhlangnu Rahab le a pa innchungkhar le amah ta a simi vialte cu Joshua nih a nung in a zuah hna i, Joshua nih Jeriko ngiatthlai awkah a thlahmi lamkaltu hna kha a rak thuh hna caah Israel chungah nihin ni tiang hin a um. 26 Khi tikah Joshua nih chiatser in, “A tho i hi Jeriko khua a sa òhanmi cu Bawipa hmaiah chiatserh si seh. A fater luhloh in a hram lung cu a phum lai i ,A fapa hniang bik luhloh in a kutka cu a bunh hna lai,” tiah a ti hna.27 Cucaah Bawipa cu Joshua sinah a um i cu ram chung vialte ah cun a min a thang. Raldoh tikah mah duhning in raldoh a si lo Pathian nih a caan a za a ti hlan lo cu nan au lai lo voihsarih a tling hlan lo nan au lai lo a voihsarihnak ah nan au lai tiah a ti hna,Jeriko lungrual an doh tikah voihsarih nan velh lai nain daih tein nan um lai a voihsarih nak lawng ah nan auh lai tiah a ti hna tikah a voihsarih nak i muko he an auh tikah Jeriko lungrual a cimh dih i teihnak an hmuh.adang voihruk cu daih tein an velh i,a voihsarihnak ah muko he an au tikah teihnak an hmuh. Thlarau ram kal nak ding ral kan doh tikah ka ral hna hmai ah daih tein kan um lai a caan a za hlan lo, a caan a za tikah teihnak he kan au lai i ral ttemttawnnak lungrual vialte a cimh dih ve lai.