I .Pathian sunparnak -part (1) Vawlei rumnak hi pangpar bang a tilh kho caah na rumnak,sui

I .Pathian sunparnak -part (1)

Vawlei rumnak hi pangpar bang a tilh kho caah na rumnak,sui ngun chawva kha Pathian ta a si timi hi theih zungzal a herh.pathia. Nih a duh lo ahcun rumnak zong a tilh kho dih.Zumhtu mirum cu Pathian thluachuah pek mi a si caah rumnak chawva kha Pathian ta a sinak kha theih a herh ve.

(Jem 1:10) zumtu mirum cu Pathian nih tumchuknak a pek tikah i lawm seh. Zeicahtiah mirum cu ramlak pangpar a par a tilh bangin an til lai.

(Isaiah 43:7 )Annih cu keimah mi an si i

keimah sunparnak petu dingah

ka sermi an si,” a ti.

Pathian nih vawlei ah a kan sernak cu a mah sunparnak pek awkah a si.ka hngakchia Lio ah ramlak ah thlacam kan Kal hna I cu Lio ahcun Pathian nih a ka hmuhsak mi cu sermi thil vialte khi keimah sunparnak caah ka ser dih an mah le umnak hmunhma cio ah zoh in an I dawh dih khi vialte zong kha keimah sunparnak caah ka ser,ka sermi thil vialte nih sunparnak pek kha ka duh cucaah nanmah zong keimah sunparnak caah kan sermi mi na si tiah thla ka cam Lio Bak cu thing le ram lungtakep an mah hmunhma cio in zoh dawh ning vialte kha a ka hmuhsak cu vialte cu Pathian nih keimah sunparnak caah ka sermi mi hna a si tiah Pathian nih a ka ti.

Unau nanmah le keimah zong hi Pathian sunparnak caah sermi kan si,na dirhmun na umnak hmun,na level dotdot na tuah khawhmi thil Tete kha na umnak hmun tein Pathian sunparnak kha pe ko,midang dirhmun hna khi vaa chit duhnak thinlung ngei hlah ,na dirhmun tein Pathian sunparnak pe ko,midinfel tuk a si tiah dinfel vaa chit Len hla,misual a si tiah va namneh I,cung va kai Len hla na dirhmun a chia bik siseh ,a tha Bik siseh na phan zawnah Pathian kha sunparnak pe ko.vawlei ah bang le kei thing lung sermi thil vialte khi Pathian sunparnak petu ding ah sermi kan si.Pathian sunparnak pek thiam lo hi Pathian nih ser hnawhchan ngei lomi an si caah Pathian sunparnak pe thiam tu na sual lo ahcun serhnawchan a um lo tinak a si.nanmah le keimah cu a chia bik dirhmun siseh,atha bik dirhmun siseh kan phannak poah in Pathian sunparnak pe kha kan Rian a si I cucu serhnawchan mi kan si timi theih hi a Bia pi tuk khrihfa zumhnak chungah.

( 2korin 4:7) Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ̣thawnnak hi kanmah ta si loin Pathian ta a si ti kha a langhter.

Kan pumsa hi cu tlak um bantuk men kan si,nikhat hnu nikhat a zor I a set thluamah mi kan pumsa a si,pumsa cu a zorh chin lengmang hmansehlaw thlarau cu a thawng chinchin ve,thil tikhawhnak cu kanmah pumsa si loin Pathian ta a si to kha a langh.

Keimah timi thinlung,ruahnak keimah kan to Chung poah cu pathian thil tikhawhnak a langhkhawh lo,cu lioah Pathian thil tikhawhnak langh sehlaw Pathian si loin kanmah tuah/tikhawhnak tu a langh lai.keimah timi a thih hnu ah Pathian thil tikhawhnak cu kan cungah a langh khawhnak a si.Abraham tar hnu ah fa hrinmi cu Pathian thil tikhawhnak a si.

Salm 19:1-4)

Pathian Sunparnak A Sermi Thil Ah A Lang

David Hla

19:1 Van nih khin Pathian sunparnak

a langhter i a tuahmi thil kha a kan hmuhsak.

2 Chun nih a hun changtu chun sinah khan a chim i zan zong nih a hun changtu zan

sinah khan a nolh ve.3 Bia siseh holh siseh an hmang lo,aw thawng zong zeihmanh

theih a um lo;4 asinain an aw cu vawlei

khuazakip ah a thang i an bia cu vanhramdeng a phan.Bawipa nih ni cu van ah khin thlam a sakpiak i.,

Vancung ah Pathian nih a sunparnak a langhnak kha a kan hmuhsak tiah David Siangpahrang pa nih a chim mi Bia a si.Siangpahrang David Pathian sunparnak a hmuhnak Kong a chimmi a si ,Bia siseh, aw siseh,holh siseh a hmang lo I a aw cu vanhramdeng tiang a phan mi thiang thlarau cu vawlei ah zumhtu mifa hna nun a tongh I,thinlung,ruahnak a tongh khawh dih,Kan pum Chung le Biakinn vawlei cu a hninh dih ko,cucu thiang thlarau riantuannak a si.thiang thlarau cu a si.cu thiang thlarau hmai ah mi zeihman thup khawh a si lo.(Salm 73:24 )Ka kalnak dingah khan lungthin na ka cheuh i a donghnak ah cun upatnak he na ka cohlan lai.

Thiang thlarau nih cun Kan kalnak ding kha lungthin a kan cheuh,a kan cawnpiak,lam a kan hmuhsak,lam Kan pial tikah lam a kan hmuhsak than I,nun lam a kan chim tu cu thiang thlarau cu a si.

(Salm 37:20 )Sihmanhsehlaw mịthalo cu

an thi lai;Bawipa ral cu ramlak pangpar

bantukin an lo lai;meikhu bantukin an ̣ttian lai.

Pathian sunparnak pe duh loin vawlei ah na ngeihchia chawva le rumnak kha midang fahnak petu le tha lonak ca'h lawngah a hmang Peng a si ahcun thihnak lam a si,vawlei rumnak cu ram lak pangpar bang in a trip/ lo khi mi a si,meikhu bangin a ttian dih Vawlei suingun chawva phorhlawt pi tlak a um hrimhrim lo,a lo/ttil kho mi a tian kho mi vawlei ah Kan lungthin dih dongh tiah hmang loin kan caan a cheu te hi Pathian pek veu sih.(Salm 49:17 )a thih tikah zeihmanh aa phorh kho hlei lai lo,a chawva nih thlan ah an zul kho lai lo.

Kan thih tikah zeihman kan I phorh kho Lai lo,chawva nih thlam a kan zul kho Lai lo,vawlei thilri chawhlawn suingun cu vawlei ah a ciam dih ding a si.nunnak chaw tu I khawng ding a si.Pathian nih zeidah a duh timi hi Kan theih a herh.kan caan hi a duh sunparnak,upat thangthat nak le a sin ah lawmhnak Bia chim a duh zungzal Peng tu Pathian a si.

(1korin 13:12 )Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

Vancung Kan phak tikah Pathian cu hmaiton tein Kan hmuh Lai.vawlei Pathian cu a Lianngan tuk mi Pathian a si caah a cheuchum lawnglawng Kan hngalh khawh nain vancung ah cun hngalhnak a tling bantukin Pathian Kan hngalhnak zong a tling be lai.

(Isaiah 42:8 )“Keimah lawnglawng hi Bawipa

na Pathian cu ka si.Ka sunparnak hi pathian dang ahohmanh hrawm ka duh hna lo i

ka thangthatnak hi siasal zeihmanh hrawm ka duh hna lo.

Pathian sunparnak cu a hohman a hrawm duh hna lo,Jesuh khrih cu sunparnak cu pek a si,Minung nih thangthatnak Kan pek mi hi Pathian lawnglawng a si awk a si mirum/minthang,phaisa,inn,lo thatha hna thangthatnak na pek kha Pathian nih a duh lo,zeicahtiah thangthatnak cu siasal hrawm a duh hna lo.a sermi thil sinin thangthatnak pek a duh tu Pathian a si ,cucu sunparnak le thangthat nak cu Kan biakmi Pathian lawnglawng Kan pek awk a si.(Rom 1:21-25) 21 Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat. 22 Annih nih cun, kan fim, an ti, sihmanhsehlaw mihrut an si; 23 thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.24 Cuticun minung cu, cu bantuk mihrut cu an si caah, Pathian nih khan, an lungthin nih tuah a duhmi thil fihnung kha a tuahter ko hna i pakhat le pakhat cungah ningzak thil kha an tuah. 25 Pathian kong i biatak kha lih ah an thlen; Sertu kha bia loin sermi thil tu kha an biak hna, Sertu cu pei zungzal in thangthat awk a simi cu a si cu! Amen.

Pathian cu kan hngalh ko nain pek awk a simi thangthatnak le upatnak, sunparnak le conghlawmhnak kha kan pek duh fawn lo.Pakpalawng a simi thil muihnak tuin khat,mifim ngaingai le mi dinfel ngaingai ah Kan I ruat nain muihnak nih a khuhmi mi hrut le misual tu Kan rak si deuh.

Pathian cu thih a thiam lomi Pathian a simi Pathian kha thangthat duh loin,a mah Pathian nih a sermi thil hna sui ngun chawva ,inn,lo thatha,phaisa,rumnak sermi thil tu kha Kan lawmh I Pathian cu kan thangthat duh lo,sermi milem cu hna cu Kan biak hna I Kan lawmh hna Kan upat thangthat I, sunparnak kan pek hna.cu vialte tha lonak Kan tuah mi vialte cu a kan tuah ter ko I Pakhat le Pakhat cungah fihnung thil ningzaknak kha Kan tuah I,Pathian biak duh loin sermi thil milem,siasal hna cu Kan biak.kan/Nan teh Pathian maw Kan biak I ,a mah Pathian nih a sermi thil timi hi kan nun ah I zoh than tuah hna u sih.zungzal in thangthat tlak,upat tlak , sunparnak pek I conghlawmh tlak Pathian tu hi lawmh ko u sih.Mi cheukhat nih Biakinn hna Phan ahcun Nupi that VA tha na ton Lai timi zumhnak in Pathian biak si loin Biak awktlak zumh awktlak Pathian a si caah Pathian hi Bia hna u sih.nupi tha VA tha ton duh ah le mirum le mifel si duh ruangah Pathian Bia mi si loin Biak awktlak le zumh awktlak thih pi tlak ,thih hnawhphu Pathian a si caah Pathian a biak mi zumhtu si hram u sih.

II. Pathian sunparnak

=================

Pathian sunparnak timi cu a phun in a langhkhawh,Nun Zia,theih khawh,(Isaiah 6:2 )A velchum ah cun mei bantuk a simi thilnung kha an dir i thla paruk cio an ngei. Cu thilnung hna nih cun an hmai kha an thla pahnih cun an i huh cio, an pum kha a dang pahnih in an i huh i a dang pahnih cu zuannak ah an hman hna.

Exodus 16:7-10)7 zinglei ah Bawipa sunparnak kha nan hmuh lai. Amah cung i nan phunhrannak kha a theih. Asi, nan phunhran kha amah cung i nan phunhran a si, zeicahtiah kannih cu phunhranhnawh awktlak kan si tung lo,” an ti hna. 8 Cun Moses nih aa thawh i, “Zanlei ah ei awk sa an petu hna le zinglei ah nan duh tawk in ei awk rawl an petu hna cu Bawipa a si lai, zeicahtiah a cung i nan phunnak le nan zainak liangluang kha a theih. Nan kan zaihnawh len ko cu, zaihnawh awk tlak kan si maw? Nan kan zaihnawh cu Bawipa cung i nan zai pei a si cu,” a ti hna.9 Moses nih Aaron cu, “Mi zapi kha, ‘Bawipa nih nan phunzainak kha a theih caah ra u law Bawipa hmaiah cun ra dir u,’ ti hna,” tiah a ti. 10 Aaron nih mi zapi cu bia a chimh lio hna ah ramcar lei kha an hoih i cu lioah cun khulrang in Bawipa sunparnak cu vandawm in a rung lang.

(Exodus 40:34) Pumhnak thlam cu minmei nih a huh i Bawipa sunparnak kha a chung cu a khat.(2chanrelnak 5:14) caah tlangbawi hna cu riantuan awkah khan dir awk an si nain minmei ruangah cun an dir kho lo; zeicahtiah Pathian inn cu Bawipa sunparnak kha a khat.

Exodus 33:18-19)18 Moses nih cun, “Na sunparnak ka hmuhter tuah,” tiah a hal. 19 Bawipa nih cun, “Kaa dawhnak vialte kha na hmai in ka lanhter duahmah hna lai i na theih hngan hrimhrim ah ka min cu Bawipa a si ti kha ka chim lai. Zaangfah ka duhmi kha ka zaangfah hna lai i vel ngeih ka duhmi kha vel ka ngeih ko hna lai,” a ti.(Rom 1:20-23)

20 an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a òhawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo! 21 Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat. 22 Annih nih cun, kan fim, an ti, sihmanhsehlaw mihrut an si; 23 thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.

(Isaiah 43:7) Annih cu keimah mi an si keimah sunparnak petu dingah ka sermi an si,” a ti.( Genesis 1:27) Cuticun Pathian nih minung cu amah mui lo in a ser, minung cu Pathian mui in a ser hna. Mipa le minu kha a ser hna.

(Hebrew 1: 3 )Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

Minung le sermi vialte hi Pathian nih zeicah ah a kan Serh timi Kan theih hi a Biapi tuk cucu Pathian nih keimah sunparnak petu dingah ka sermi a si tiah a ti caah sermi thil vialte nanmah le keimah nih Pathian cu sunparnak kan pek awk a si.(Isaiah 43:7) Annih cu keimah mi an si i keimah sunparnak petu dingah ka sermi an si,” a ti.( Genesis 1:27) Cuticun Pathian nih minung cu amah mui lo in a ser, minung cu Pathian mui in a ser hna. Mipa le minu kha a ser hna.kan sualnak thianhpiak tu cu Jesuh khrih kha a si,

Bia cu Pathian a si,Bia cu minung he khua a rak sa I Bia cu Pathian a si I,Pathian cu minung he khua a rak sa tu cu a hodah a si Jesuh khrih kha a si.fapa Jesuh khrih cu sunparnak le vel he a khat mi a si I, sunparnak cu fapa ngeihchunte lawnglawng pek a si.

(Johan 1:1 )Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.14 Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.(Kolose 1:15 )Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

1.) Bible ningin:Jesuh khrih cu pathian sunparnak

(Gen 1:27 )Cuticun Pathian nih minung cu amah mui lo in a ser, minung cu Pathian mui in a ser hna. Mipa le minu kha a ser hna.

Minung kha Pathian mui lo in sermi Kan si,mipa le minu timi cu Adam le Eve kha Pathian mui lo in sermi minung an si I,Jesuh khrih kha cu minung mui lo in a si cucu Jesuh khrih sunparnak a si.(John 14:7-9)

7 Atu cu nan ka hngalh cang caah ka Pa zong kha nan hngalh lai; atu thawk hin nannih nih amah cu nan hngalh cang; nan hmuh cang,” tiah a ti hna.8 Filip nih khan, “Bawipa, na Pa cu kan hmuhsak law cu vial cu kan herhmi a si ko,” tiah a ti.9 Jesuh nih, “Nan sinah saupi ka um ko cang, asinain na ka hngal rih lo maw, Filip? Keimah a ka hmutu paoh nih cun ka Pa kha an hmuh ve ko, cucaah zeicahdah na Pa cu kan hmuhsak, na ka ti?13 Pa sunparnak cu Fapa thawngin a langh khawh nakhnga, ka min in nan halmi paoh cu kan tuahpiak hna lai.

Jesuh khrih nih Zulhtu hna kha chim hna : a tu cu pathian nan hngalh cang Nan hmuh cang

tiah a ti duh nak kha a mah Jesuh khrih kha an hmuh I an hngalh mi kha a chim duh mi a si ko,

Jesuh khrih an hmuh an hngalh mi kha a chim duh mi a si ko caah Pa sunparnak timi Pathian cu Jesuh khrih loin na hmuh khawh a si lo caah vancung zong ah Jesuh khrih loin pa cu hmuh khawh a si lai lo,Jesuh khrih chungah pa cu hmuh a si Lai I,pa sunparnak chungah Jesuh khrih cu hmuh a si ve Lai.Jesuh min in Kan Hal mi poah cu tuah piak Kan si Lai.vancung ah Jesuh khrih mipum Kan hmuh Lai I ,mipum dang a um ti Lai lo,pa sunparnak timi Pa Pathian cu Jesuh khrih mipum chungah hmuhsak le hngalhter a si bantuk in pa sunparnak timi ceunak chungah ah ceunnak nih a khuh ve Lai.fapa Jesuh khrih thawngin nunnak Kan ngei I,Jesuh khrih nih Pathian sunparnak cu a langhter cang I, a Lim cang Jesuh khrih mipum dah locun a dang mipum in Pathian hmuh khawh a si lo.Jesuh khrih mipum hmuhnak le hngalhnak kha Pa sunparnak Pathian ceunak cu a si ko.

(1Johan 4: 9) Pathian nih a kan dawtnak a langhterning cu hitihin a si: a Fapa ngeihchun kha vawlei ah hin a run thlah i amah thawngin nunnak kan ngei lai.( Johan 17: 4) Vawlei cungah na sunparnak cu ka langhter cang; na ka fialmi rian cu ka lim cang.

2. Jesuh khrih cu Pathian sunparnak Biaceihtu a si.

1korin 4:4-6

4 Ka chiatha thleidannak hi a thiang ko, asinain cuti in a thiang ko ti tikah hin ka sual lo tinak a si lo. Ka cung i bia a khiaktu cu Bawipa kha a si. 5 Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangthatnak kha Pathian sinin an hmuh cio te lai.6 Ka u le ka nau hna, nanmah thatnak ding caah hi thil vialte hi Apollo le keimah kong in kan chimh hna. Hi bantukin kanmah pahnih kong tahchunhnak ah kan lakpiak hna cu, “Phung leng lonh hlah u,” ti tawnmi kha a sullam nan hngalh khawh nakhnga caah a si. Ahohmanh thangthat hlei hna hlah u, ahohmanh namh hlei hna hlah u.

Nangmah cu mithiang na si le si lo e,misual na si si lo timi cu minung le minung in biaceih ding Kan Rian a si lo Pathian a rat tikah lawngah a donghnak biaceitu tu Bawipa lawnglawng a si.minung nih nanmah na thiang thiang lo,na sual sual lo timi Biaceihtu Rian Kan tuan tawnmi khi Bible nih a kan thiah mi Rian a si lo , Biaceihtu cu a mah Pathian lawnglawng asi.minung nih lungthli tein an rak i tinhmi le a muihnak ah an thuhmi an biathliruk vialte kha pathian nih cun a phuan dih hna lai i cu tikah cun mi vialte nih hmuh awk an i tlakmi thangthatnak kha Pathian sinin an hmuh cio te lai,cu tikah ahcun na thup khi te Lai lo caah Paul nih korin khrihfa Buu kha a cawnpiak hna

Apollo le keimah hi "Phung leng lonh hlah u,” ti tawnmi kha a sullam nan hngalh khawh nakhnga caah a si, Ahohmanh thangthat hlei hna hlah u, ahohmanh namh hlei hna hlah u.

Cucaah Minung Phung long in thangthat hlei awk a si lo i,a hohman namh hlei awk a si lo,cu vialte na lung biathliruk cu Pathian nih a theih ko ,Nan/Kan mah he aa tlakmi ningin Pathian sinin na hmuh than te Lai.

III. Pathian Sunparnak lam pali

----+-------++++++++++

(John 1:13 )Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.

Pathian fa kan can cu minung vawlei phung ningin a si lo,Pathian hrimhrim kha ka Pa cu a si Lai.pathian hrimhrim kan pa sinak dingah Zumhnak a herh cu zumhnak cu Jesuh khrih thawngtha theihnak in a rami a si.

1. ) Zumhnak in Pathian sunparnak

Lamkaltu 7:55 Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh.

Steven nih a hmuhmi Pathian sunparnak cu Jesuh khrih Pathian tthawnnak a thug timi kha a chim duhmi a si,Jesuh khrih a laifang (center) zong a si zeizong vialte Biaceihtu cu Jesuh khrih a si lai I,Bawi thutdan ah a thuhmi cu Jesuh khrih thiamthiam a si lai,cucu Jesuh khrih cu nungnak thingkung nunnak cerhti cu a si Lai.Cu Jesuh khrih in nunnak tiva to cu a luannak cu a si I Cucaah Jesuh khrih cu nunnak to a ding mi poah cu an thi to Lai lo,zungzal nunnak an hmuh Lai.

. (Exodus 24:17 )Israel mi nih cun Bawipa sunparnak cu tlang cung i a kangmi mei in an hmuh.

Moses sinaih tlangcung a Kai Lio ah Israel mi nih Pathian sunparnak cu a kangmi mei in an hmuh,Pathian sunparnak ka cungah a tlung tikah midang nih ceunak in an rak hmuh cucu sunparnak cu a si.

(Habakuk 3:4 )A ceunak cu ni ceunak bantuk a si,Amah sin cun ceunak kha an chuak;Cu hna hnulei ah cun a thawnnak kha aa thup.

Pathian cu ceunak a si Biakam hlun I a mi hna kha ceunak/tthawnnak in lam a hruai hna.

Ceunak,Mei,minmei te Pawl cu an sinah ah Pathian sunparnak cu a langhnak a si.(Exodus 13:21) Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho.

Pathian sunparnak cu a mifa hna caah a si I,a mi Israel mi umnak ah ceunak a um ko Lio ah,zumh lo tu caah cun Ni thum Chung khua mui I hmuh kho loin an um.pathian sunparnak na hmuh Bal ve maw na nun ah Pathian sunparnak timi hi a mifa hna sinah hmuhsak a si cucu Israel mi/zumhtu nih an hmuh I,Izpt mi zumh lo tu nih an hmuh lo.(Exodus10:23) Izipt mi cu pakhat le pakhat an i hmu kho lo i ni thum chung ahohmanh an inn in a chuak kho an um lo. Asinain Israel mi an umnak ah khan cun ceunak a um ko.

2 ) .Pumsa hrimhrim in Pathian hmai ah Pathian sunparnak kan hmuh kho maw? Um,Hmuh khawh!

Thlacam in sunparnak

A tu hi kan inmi temhinnak te hna vawlei ah Kan duhduh in Kan tlong Leng ngam lo I Pathian sinah ah Nitin in Kan sual phuan in thla Kan camnak cu hmailei ah Kan sin I a phuan te Lai mi sunparnak tahchunh tlak lo,Pathian nih a fale a phuan hna lai cu sermi thil vialte nih ngangngan ngaiin an hngak ko,cucu a chim duhmi cu Kan ruahchan mi hngak kha a si.zumhnak cu Kan rauhchanmi kha ngangngan ngaiin an hngak ko kha a si.kan ruahchanmi cu zeidah a si vancung Jerusalem khualipi kha a si,Vancung Jerusalem khualipi cu Pathian cu a si.(Rom 8:18 )Atu caan i kan inmi temhinnak hi cu hmailei i kan sin i phuan a si te laimi sunparnak he cun tahchunh awktlak ah ka rel lo. 19 Pathian nih a fale a phuan hna lai cu sermi thil vialte nih ngangngan ngaiin an hngak ko

Exodus 33:18 Moses nih cun, “Na sunparnak ka hmuhter tuah,” tiah a hal.

Lamkaltu 2:1-4)

1 Pentekos ni kha a phak tikah zumtu vialte cu hmunkhat ah an i pum. 2 Chikkhatte ah khin van in aw pakhat a rung i a thawng cu thlitu fak piin a hrangmi thawng bantuk a si i an òhutnak inn kha a khat dih. 3 Cun meizik he aa lomi leiòe an hung chuah kha an hmuh hna i cuka i a ummi hna an dihlak cungah khan lei cu pakhat cio ah an i fu. 4 Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.

Pathian sunparnak cu penticos Lio ah a rung tummi thiang thlarau riantuannak holh theih lo kha a si.zumhnak thawngin cu Pathian sunparnak hmuh khawh a si,Jesuh nih Martha kha na zumh ahcun sunparnak na hmuh Lai timi cu a tta pa Lazaruh A Thawhter nak Kong a si ,a thi I an vuihnak nili hnu ah thawhter dingah Jesuh a rat tikah na zumh ahcun na tta pa a nung Lai tinak a si ,cucu sunparnak cu a si.(John 11:40) Jesuh nih Martha cu, “Na zumh ahcun Pathian sunparnak na hmuh lai, tiah ka rak in ti lo maw?” tiah a ti.

Efesa 1:17-18)

15 Bawipa Jesuh nan zumhnak le Pathian mi hna nan dawtnak ka rak theih thawkte khan, 16 nanmah ruang i Pathian lawmh cu a ngol in ka ngol lo. Ka thlacamnak ah kan philh hna lo. 17 Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai. 18 Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

Pathian sunparnak hmuh awk ah thlacam hi kan dai thlan ding a si lo,thla Kan cam tikah thlarau nih a kan fimter,Pathian nih kan sinah a phuan dingmi Kan hngalh Lai,Kan I ruahchanmi cu zeidah a si timi Kan hngalh Lai.

3 ) Timhlamhnak in sunparnak

Rom 5:5 zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

Thian thlarau in timhlamhnak Kan ngeih hrimhrim Lai,Pathian nih a dawtnak in akan toih a kan pek mi thiang thlarau thawngin a si.cu thiang thlarau cu Kan cohlang a herh.Thiang thlarau na nun ah na cohlang lo ahcun thiang thlarau cu na nun ah Rian a tuan kho lo Lai lo I,a cawlhcang kho Lai lo caah na cohlang a herh I,na conghlawmh a herh I,a ngei na chiatter lo a herh,thing thlarau ralchan lo dingah bible nih a kan cawnpiak. thiang thlarau a ngeih na chiatter ahcun na nun ah a cawlhcang kho Lai lo I Rian a tuan kho Lai lo.

Pathian sunparnak caah tonnak in tling tein Pathian sunparnak na hmuh ah cun thiang thlarau Timhlamhnak na ngei hrimhrim Lai.

(Galati 5:6 )Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a tuanmi zumhnak kha a si.

Jesuh khrih he kan I pehtlaihnak thawngin mizei na si le si lo,mi thiang na si le si lo,misual na si le si lo kha sullam a ngei hlei lo,a Biapi a simi cu dawtnak in Rian a tuanmi zumhnak kha a si.khrih he kan I pehtlaihnak in dawtnak I riantuannak kha a Biapi bik a si misual le miding ,minak le midang kha sullam a ngei hlei lo khrih in a rami dawtnak tuin riantuan kha a Biapi mi a si.

4 ) Tuahnak/Karhlangnak in sunparnak

2korin 3:18 Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa riaṇtuannak cu a si.

Pathian nih kan sualnak a thiangter cang thleidannak a um ti lo,hmai khuhnak a puan a cheuh cang,misual mi hna sualphawtnak cu vailam thisen ah Jesuh khrih pum hrim kha thlet a si cang,Kan sualnak hmai khuhnak kha Jesuh khrih thawngin a cheu dih cang,sual phuhrumnak um lo le ningzaknak ngei loin Jesuh khrih Kan zumhnak thawngin miding ah cohlang/thiamcoter kan SI cang.

(1korin 3:16) Pathian biakinn nan si kha nan hngalh i Pathian Thlarau nan chung i a um zong kha nan hngalh.

Kan pum hi Biakinn a si I Kan chungah Pathian thlarau a um,cucu Kan pum cu Biakinn a si khoika Kan kalnak poah ah Kan pum Biakinn si kha philh hlah u sih,Biakinn mizapi tonnak Biakinn laawngah Pathian thangthat nak tuah I mi hmaiah a piangthar tuk mi bantuk in hmunhma dang phak tikah Pathian le thian lo hman their to lo,Biakinn a phanmi khi mifel ngaingai ah ruat ,a phan lomi khi misual ngai ah ruat timi ruahnak te Pawl kha si loin Horkuang le innkhaan chungah le na umnak poah in Pathian a bia kho tu zumhtu si kha a Biapi bik a si.cuti cun Pathian cu Kan hmaizah khamh a si liomi hna caah Ni fate in Bawipa nih a bu chungah a kan luhter lengmang nak a si. ( Lamkaltu 2:47 )Pathian kha an thangthat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.

(Efesa 6:15) nan kedan caah daihnak Thawngtha chim thathawhnak kha i danh u.

Kedan cu Kan ke a fak lo dingah le Kan ke a fak lo ding harnak a kan pe lo kedan cu Kan hman mi a si,cucu minung Kan nunnak ah harsatnak le buaihbaihnak vawlei hnahnawhnak vialte Kan teih khawhnak ding caah Daihnak thawngtha/Jesuh khrih thawngtha chim kha thathawhnak in hman ding kha a si.a theihtu caah fahnak le harnak Daihnak a si bantuk in a chimtu caah a si ve ,cucaah Jesuh khrih thawngtha na theihnak hi vawlei harsat le buiahnak, hnahnawhnak,fahnak vialte daihtertu thawngtha a si caah Jesuh khrih thawngtha hi na man caan poahpoah ah rel le chim nak thathawhnak taktak in ttang ko hna u sih.A men.

IV. (Exposing glory of God)Pathian sunparnak hmuh/theih khawhnak chimnak cu Jesuh khrih nun

==={=================================

Pathian sunparnak cu Jesuh khrih in hmuhsak le langhter a si ko.

(Salm 72:19) A sunglawimi a min cu zungzal in

thang̣hat ko u,a sunparnak cu vawleicung

dihlak ah khat seh.Amen, Amen.

(Salm 19: Van nih khin Pathian sunparnak

a langhter i a tuahmi thil kha a kan hmuhsak.

20 Hihi Jesse fapa David thlacamnak

an donghnak a si.(Isaiah 6: 3 )Pakhat le pakhat kha an i chawn i,“A thiang, a thiang, a thiang,Ralkapbu Bawipa cu a thiang!Vawlei cung vialte hi a sunparnak

in a khat dih,” an ti.

David Siangpahrang pa nih Pathian min a sunlawinak cu a thangthat,a Sunparnak vawlei dihlak a khatnak cu a nun in a theih I, a hmuhsak nak Kong kha a chim mi a si.

(Kolose 1:13-20)

13 Zeicahtiah amah nih cun muihnak thawnnak chung khan a kan chuah i a dawtmi a Fapa pennak chungah khan him tein a kan luhpi i 14 a Fapa thawng cun luatnak kan hmu i kan sualnak cu ngaihthiam kan si.Khrih le A Riantuannak 15 Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si. 16 Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le thawnnak thlarau hna zong kha amah thawng cun a ser hna. Pathian nih van le vawlei hi a dihlak in Khrih thawng cun a ser hna i Khrih caah cun a ser hna. 17 Zeizong vialte hlanah a rak um cang i amah nih cun zeizong vialte hi i thenthek dih loin a funtom dih hna. 18 Khrih cu a pum a simi Khrihfabu lu kha a si; Khrih cu fater, thihnak in thawhter hmasa bikmi kha a si, thihnak in thawhter a si cu zeizong vialte ah hin pakhatnak a si zungzal nakhnga caah a si. 19 Fapa nih Pathian sinak tlamtling tein a chungah a ngeih cu Pathian biakhiahnak thawngin a si. 20 Cucaah a Fapa thawng cun Pathian nih van le vawlei cu a dihlak in amah sin i kirter than kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi than hna.

Fapa thawngin zeizong te hmuhsak Kan si I,hmuh khawhmi thil ,hmuh khawh lo thil le tharau ,zeizong vialte fapa thawngin ser a si.

Fapa Jesuh khrih thawngin misual mi zong kha miding ah cohlang kan si I zungzal nunnak ah a kan luh pi cucaah Jesuh khrih zumh kha Kan Rian a si.(Habakkuk 2:16) Upatnak si loin ningzahnak in khuh nan si ve lai,nanmah zong cu zuri sawn in nan sawn ve lai.Bawipa nih nan dantatnak hrai kha an dinter hna lai i nan thangthat upatnak kha ningzahnak ah a cang lai.

Kan sual ningzaknak kha a kan khuh piak I dantatnak Kan inn ding hrai kha a dinter I, Kan ningzaknak le dantatnak hrai cu Upatnak le thangthatnak in a kan cohlang nak cu Jesuh khrih Kong Kan theih I Kan zumhnak thawngin a si.Pathian nih vawlei le Rili cu Bawipa hngalhnak le sunparnak in a khat,Pathian hngalhnak le sunparnak vawlei Rili a khah in akhat mi langhter le hmuhsaknak vialte Kan hmuh khawh lo sual ahcun a poi taktak mi a si.

Hmuh khawhnak lungthin,ruahnak,mit,hnar theihnak Pathian sinah Hal hna u sih.

(Habakuk 2:14) Sihmanhsehlaw rili cu ti in

a khah bantukin vawlei cu Bawipa hngalhnak le

sunparnak in a khat lai.

Vailam tahnak hmelchunhnak

Jesuh khrih a hrin a si Lai nak le vailam tah a si Lai nak ,mi vialte nih an theih Lai I a sunparnak a langhnak an hmuh Lai nak kha a si.Khamhtu a chuak Lai Lai vawlei misual vialte khamh awkah a min cu zungzal in thangthat a si lainak le vawlei ah sunparnak in a khat lainak ,Bawipa hngalhnak kha van le vawlei ah a khat lainak,Bawipa cu vawlei mi vialte Siangpahrang a si lainak Kong kha Pathian mi fa a si mi hna prophet Pawl nih an rak chimmi vialte cu Vailam Jesuh khrih tahnak ah a thi mi hi a si.(Nambar 14:21 )sihmanhsehlaw biangai tein, keimah ka nun le vawlei cung vialte Bawipa sunparnak in a khah dih lai bantukin,(Salm 22:27) Miphun vialte nih Bawipa cu an hngalh camcin lai,vawleicung khuazakip in amah leiah an i mer lai;miphun zakip nih an biak lai.(Isaiah 11:9 )Zion Tlang, Pathian tlang thiang cungah cun thil tihnung le thil thalo zeihmanh a um lai lo.Rili cu ti in a khah bantukin hi ram cu Bawipa hngalhnak in a khat lai.(Isaiah 40:5 )Cun Bawipa sunparnak cu a lang lai i mi vialte nih an hmuh lai.Hi biakamnak cu Bawipa hrimhrim nih a tuahmi a si,” a ti.

(Jeremiah 31:34 )Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An that lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.(Ezekiel 47:5) Dong 1,000 a vun tah than i tilianpi ah a cang i ka tan kho ti lo, zeicahtiah ti cu a thang tuk cang i a thuh leiah leuhnak tlak a simi a si cang; tan khawh lomi tilianpi ah a cang cang. (Micah 2:9 )Ka mi hna nu hna cu an duh vemi an inn khan nan dawi hna i An fale hna cu ka thluachuahnak kha nan lakkanh hna.(Habakuk 2:5 )Rumnak hi hlen a hmang,mihakkau hi an i porhlaw i dai zirziar in an um kho lo.Thihnak bantuk an si — khim ti an ngei lo.Cucaah cun ram khat hnu ram khat an tuk hna i an tei hna i an mi kha an sinah an pumh hna.(Zephaniah 3:9) Khi tikah mi vialte kha hmur thiang ka pek hna lai i Bawipa min cu an auh lai i lungkhat tein a rian an tuan lai.(Zachariah 14: 9) Cun Bawipa cu vawlei cung vialte siangpahrang a si lai; cu ni ah cun Bawipa lawnglawng cu Bawipa a si lai i a min lawnglawng cu min a si lai.(Salm 22:27) Miphun vialte nih Bawipa cu an hngalh camcin lai,vawleicung khuazakip in amah leiah an i mer lai;miphun zakip nih an biak lai.(Salm 67:1 )Maw Pathian, vawleicung mi vialte nih na duhnak kha an hngalh i, Selah 2 miphun vialte nih na khamhnak kha an hngalh nakhnga,

kan zaangfah law thluachuahnak kan pe ko,

kan cungah na hmai tlanter ko.(Salm 72:19) A sunglawimi a min cu zungzal in thang̣hat ko u,a sunparnak cu vawleicung dihlak ah khat seh.Amen, Amen.

Pathian sunparnak hmuhsak le langhter a sinak van le vawlei ah Kan hmuh I Kan theih Kan hngalh dih ko,kha vialte kha Pathian sunparnak hmuhsak Kan si cu a si ko.