I. Bawipa a thangthattu cu mi thi an si bal lo=============================Laam le Pathian thangth

I. Bawipa a thangthattu cu mi thi an si bal lo ============================= Laam le Pathian thangthat cu mithi mi nih an tuah bal lo mi a si.thlarau nih a uk mi hna cu thlarau nih a hruaih hna i thlarau duh ningin an cawlhcanghnak a si. Pathian a thangthattu cu mithi an si bal lo ; a nungmi lawng lawng nih Pathian an thangthat kho ,laam in siseh na nun in siseh Pathian na thangthat kho lo ah cun mithi na si tinak a si.a laam deuh mi cu misifak deuh lawngte an si nan ti nain a laam kho lo mi pawl khi thlarau misifak an si deuh cucu zeitindah thlarau lei in sifakmi an si .laam le nun in Pathian a thanthat kho lo mi cu pumsa lei a nung i ,thlarau ah mithi an si.A thimi thlarau cu lunglawmhnak a hmu kho lo. keimah hi thlarau lei ka der caan poah le Pathian bia le hla thangthat ka daithlang ah cun le thlacam loin vawlei lei caan ka pek deuh ka ruahnak ka thinlung ka caan kha vawlei lei caan tam deuh ka pek ah cun ka thlarau ngeih a chia i ,lunglawmhnak ka hmuh kho lo ka nun buin mithi bantuk ka si ko.vawlei hi zeihman a nuamnak le lunglawmhnak ka theih kho lo i nun sivang in ka um tawn ; nain ka caan le ka ruahnak ka thinlung bible rel le thangthat thlacam in caan ka hmang ah cun zeibantuk muihnak ah keimah lawngin ka um zawnah ka laam kho i lunglawmhnak tling he caan ka hmang kho fawn.mizei van ka hai fawn lo i 100% lunglawmhnak he vawlei ah caan ka hmang Fawn ko.ka lunglawmhnak ngan bik cu pathian a si 100% caah; ka laam ciammam ah cun midang khi mi zei an si ti ka theih hna lo i ka biak mi Pathian tu lawng kha sunpernak ka pek tikah ka laam mi hi a zoh aa dawh le a chia zawng ka theih kho ve tawn lo. a zoh dawh in laam ti si loin thinlung dihlak le ruahnak dihlak tuin pathian kha sunpernak thangthatnak kan pek caah laam dawh le zohchia kha a bia piin ka chiah lo caah zeitin kan laam hman kan i theih tawn lo nak cu a si. Evi le Adam kha Dum laifang thingkung nan ei lai lo a ti nan ei ah cun nan thi hrimhrim lai a ti ;cun satan nih nan thi lailo a ti tikah ve.Thingtheih an ei tikah pumsa an thi lo i, thlarau tu an ti cucu satan bia kha biahman a si ,Pathian nih nan thi lai a ti mi kha thlarau cu a si ;an thlarau cu a thi taktak cucu biatak a si i, satan bia khi biahman a si i ,satan nih a hleng mi cu biahman in hleng an si.Biatak cu Pathian bia a si i ,cu biatak in thlarau ti rawl cawm a si ve thlarau fa le caah.A laam kho lo mi pawl khi satan bia biahman chungah a nungmi a tlonglenmi an si.A laam kho mi pawl khi pathian biatak chungah thlarau a nung i a tlonglen mi an si.A nungmi thlarau nih cun Sertu Pathian kha thangthat lo le laam loin an um kho hrimhrim lo i daih tein a um kho hrim lo,an chung i a nungmi thlarau kha rivival caah laam loin an um kho lo idaih tein an um kho fawn lo.laam hlah ti i khenhkhamh khenkhamh khawh an si ti lo. minung nih khamh khawh a si fawn hoi lo.an chungah a nungmi thlarau a rivival tuk cang caah khamhkhawh an si lo i an mah tein an um zawngah an laam peng thiamthiam ko. Biahman pumsa nunnak thlarau thihnak ah a um mi nih Pathian kha an i bochan bal lo an mah bantuk minung mirum le chawva le a dangdang tu kha an i bochan deuh pathian kha an bochan kho lo zeicahtiah mithi nih Pathian aa bochan bal lo i an i lawmhnak cu vawlei chawva rumnak a si.A nungmi thlarau biatak nih cun zeizong vial nakin vawlei chawva rumnak nakin in Pathian kha aa bochan deuh i,Pathian he pehtlaih nak kha aa lawmh bik mi a si i an lunglawmhnak nganbik cu Pathian kha a si. Psalm 115:16-18)16 Vancung khi Bawipa ta a si,sihmanhsehlaw vawlei hi cu,mi kha a pek hna.17 Bawipa a thangthattu cu mithi an si lo,holh lo i dai tein umnak hmun ah a vung kalmi nih an thangthat kho lo,18 sihmanhsehlaw kannih a nungmi nih amah cu kan lawmh lai,atu in zungzal tiang kan lawmh lai.Bawipa cu thanghat u!

Psalm 6:5 Mithi khua ah ahohmanh nih an in hngal lo,Sheol ah ahohmanh nih an in thangthat kho lo. Psalm 31:17 Maw Bawipa, nangmah kha kan auh;ka sunghter sawh hlah!Mithalo cu sung hna seh, mithikhua ah dai tein um hna seh. Psalm 88:10 Khuaruahhar na tuahmi hna cu mithi caah maw an si?Mithi cu maw a tho hna in nangmah an thangthatmi cu an si? Selah.11 A fekmi na dawtnak cu thlan chungah maw chim a si i zumhawktlak na sinak cu rawhralnak hmun ah cun dah chim a si?12 Khuaruahharmi thil na tuahmi cu muihnak hmun ah cun maw hmuh an si i na thatnak cu rawhralnak hmun ah cun dah hmuh a si? Psalm 30:9 Ka thihnak cun zei thatnak dah a chuak lai?Thlan i ka va kalnak cun zei miaknak dah a chuak lai?Mithi nih an in thangthat khawh maw?A dong lomi na thatnak cu an chim khawh maw?

Psalm 31:17 Maw Bawipa, nangmah kha kan auh;ka sunghter sawh hlah!Mithalo cu sung hna seh,mithikhua ah dai tein um hna seh. 1 samuel 2:9 “A mithiang hna an ke kha a ven lai;Sihmanhsehlaw mithalo cukhuamui lakah hrawh an si lai;Zeitintiah mi nih teinak an hmuhnak cu zaang thawnnak in a si lai lo. Isaiah 38:18 Mithi khuami nih cun ahohmanh nih an in thangthat kho lo,mithi nih cun zumhawktlak na si kha an i bochan kho lo. Keimah zawng ka hngakchia lio ah laam a duh bak ve lo mi midang an laam i ka hmuh hna hman ka ning an ka zahter ka nu le ka pa le zawng an rak laam ve tawn cu an laammi cu ka rak zahpi ve hna nain nikhat cu ka damlo ciammam i thla 3/4 chung bak dam loin ka rak um i cu lio ahcun ka thawchuahhman khi 1min voikhat lawng ka thaw ka chuah kho i ka it le kaa let kho lo ka zapathal in ka it cun ka sirlei ka herh kho ti lo ,cu lio ahcun kan khuaah rivival a thla ciammam le ngakchia he upa he u.p.c thlu lo A.B.M thlu loin an laam hna le keimah ka tho kho lo aa let hman kaa let kho lo ka ihnak cungah cu lio thawkin ka lungah a chuak laam ka duh tuk i ka laam kho ti lo ka dam lio ah laam ka rak duh lo nain a tu cu laam ka duh tuk nain ka laam kho lo tikah ka tap thluahmah ko.maw Bawipa ka ngaithiam ko law thangthatnak le lianngan sunpernak le upatnak kan pek cang lai tiah ka rak ti i ,Pathian nih a hmang mi dam lo a damter tu nu cu sinah kan innpawngte ka pa nih hawidang zawng an dam cio na dam ve lai a ka ti i, a kakal pi ve ;Sayamah nu nih cun laam sehlaw a dam lai ,A zaw mi a si lo Pathian nih a au mi a si a rak ka ti i ka laam ka laam i ka dam ve.ka hawi le he ramlakah thlacam dingah kan kal tawn i voikhat lio cu thla ka campah hla ka sakpah i a nuam tuk i ka theih i cu vial ahcun thingkung ramkung le lungtakep a sermi vialte aa dawhning hi chimcawk a lo ka hmuh i Pathian nih a ka hmuhsak ka sermi thil vialte nih ka min an hlorh an thangthat anmah le sining cio in keimah an ka thangthat ee ;khi vialte khi zeicahdah ka ser hna tiah cun keimah thangthatnak sunpernak lianngannak le upat nak petu dingah ka sermi hna an si.Nangmah zawng hi keimah thangthat sunper lianngannak petu dingah kan sermi a si tiah Pathian nih a ka hmuhsak i ;Cu thawk in tuni tiang ahhin Pathian thangthatnak laam ti mi cu ka rawl thawh bik a si i ka lunglawmhnak ngan bik le ka lawmhnak tling cu Pathian pakhat lawnglawng a si ve i,zeibantuk hman nih hmunhma a thleng kho ti ve lo ka lawmhnak tling cu Pathian ah a si. Laam ti mi nih nun a ka pemhter i,cu laam nih cun zeitindah ka ruahnak ka thinlung le ka thluak a thianh dih,zeicahtìah thangthatnak laam nih hin ka teihnak ngan bik a si, ka nun in ka pemh i ka theih ; zeibantuk vawlei lungreitheihnak le lungrawknak lungdonghnak ningzahnak mualphonak thinlung buaihtertu thluak buaihtertu ruahnak thalo le midang remhlo midang cungah a thalo nak le bia chiakha chimnak vialte minung sining thinlung ruahnak thluak le harnak vansannak, buaihnak vialte a thurhnawmh mi vialte kha thangthatnak in ka teih i,Jesuh teihnak cu ka teihnak a si ve.ka nunnak uk ,ka nunnak hruaihtu,ka nunnak vengtu le ka lam hmuhsak ka sining vialte kha a kut ah ka chanh i jesuh teihnak kha ka teihnak a si. Cu caah laam loin ka um kho lo,Pathian thangthat loin ka um kho lo i pathian thlarau ngeih ka chiatter mi pawl hi ngaihthiam ka hal peng nak a si.biachiakha le ruahnak thalo,thinlung thalo,thluak thalo, ka nunning thalo,vialte chungin ka chanchuak ko law ka ngaithiam ko tiah ka manh caan poahah thiang thlarau ngaihthiamnak ka hal peng i,Pathian thangthatnak sunper lianngannak le upatnak ka pek i ka laam i ,ka kaa in ka phuang i lunglawmhnak ka pek mi vialte thawngin 100% lawmhnak tling he pathian nih a rak ka um pi i, ka nung kho peng nak a si.muihnak chungah siseh ceunak chungah siseh Pathiang cu ka lawmh peng i cu nih cun nun a ka pemhter i , fim a ka chim tawn i, lam ka pial tikah lam a ka hmuhsak than i, a thiangthlarau hrimhrim in ka tuah dingmi a ka chim i umnak dinghmun a ka hmuhsak ,kalnak dinglam a ka hruai i ka umnak kip ah a ka um pi,ka ralhna kut in a ka chanchuak i,ka theilo mithil kha cu thiang thlarau nih cun fimnak in a ka theihter fawn,ka ralhna hmai ah a min in a ka hlorh i,ka caah a lianngannak in a ka dirhkanh i ka lei ah atanh zungzal (psalm 89); ka saya cawnpiaktu tha bik cu thiangthlarau a si i nun chimhtu zawng cu thiangthlarau cu a si.Amen!Halleluijah.

kan khua tlawnnak vawlei hi, ngaichianak hmun men asi,lawmh ni phan tawn hmansehlaw,ttahnak nih aphan theu tawn,ngeichiatnak le lung donghnak nih aka kulh lio caan ah,a ho nunnak dah hnangam kho lai minung cung i thil phan hi, minung khu khannak si lo jakop pa pathian lawng hi,khua kan khaan piak tuk a si kan tlang bawi jesuh thawngin a mah cu kan pa asi adongh kho lo mi,a dawtnak sunparnak kan pek,na hmai kaa ah khup bil in thangthatnak kan pek, ka fimthiamnak vialte he ngeihchiatnak ka tawn caan le lunglawmh lio caan zong siseh nangmah thangthat hi ka duh bik mi asi.na sunparnak kawl lo in, nang rak in thangthat hlah ning hi thlarau sifah nih hin,khawikaa lam hen a zulh hnga nang pathian nung cu na si,zeizong cung i nawl ngeitu na sin lo ahcun hna angam lo sunparnak kan pek,na hmai kaa ah khup bil in thangthatnak kan pek, ka fimthiamnak vialte he ngeihchiatnak ka tawn caan le lunglawmh lio caan zong siseh nangmah thangthat hi ka duh bik mi asi.

II. Thil zeizong sermi thil dihlak nih Bawipa an thangthat ============================ kan rak ser chan, a kan sertu thangtha i a sunparnak phuang awk ah,amah caah i pek in a sin ah i pum pek in, arian thiang lawng tuan ding kan si ee sunparnak kan pek,na hmai kaa ah khup bil in thangthatnak kan pek, ka fimthiamnak vialte he ngeihchiatnak ka tawn caan le lunglawmh lio caan zong siseh nangmah thangthat hi ka duh bik mi asi. Psalm 148:5 An dihlak in Bawipa min cu thangthat hna seh! Bia a chim i annih cu ser an si;

John 3:16-17) 16 Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai. 17 Zeicahtiah Pathian nih a Fapa cu vawlei cungah hin vawlei biaceihtu si awkah a run thlah tung lo, vawlei khamhtu si awkah pei a run thlah cu. Fapa Jesuh thawngin velhngeihnak innkaa aa hung cang.vawlei misual khamhtu dingah misual mi hna kan caah velhngeihnak innkaa hung lio caan a si.velhngeihnak innka a lut kho tu ding pawl cu Jesuh cu innka a si i Jesuh khrih kong thawngtha lawnglawng in lut kho a si.

Bawipa Pathian Na Tuahmi Thil Vialte Hi Pathian zummi Krihfa Hlaphuahtu, Carl Roberg nih cun, van le vawlei a chung ummi vialte le minung kan sining hna hi a zoh i, "How Great Thou Art" (Zeitluk in dah na lianhngan ko) timi, Pathian thangthat hla hitin a phuah:-

Bawipa Pathian na tuahmi thil vialte hi...Ka ruah tikah ka lung nih a phan lo.. Arfi le khuadawm le khuari hna nih khin...Na thilti khawhnak kha an langhter ko...

Van cu chim lo in, vawleicung thil kan kut nih a tongh i, kan mit nih a hmuh khawhmi hna hmanh hi ruah lengmang tikah khuaruahhar an rak si ko. Zei ah kan rel setsai lomi le kan duh paoh in kan lamh i, biapi tuk ah kan chiah lo mi kan vawleipi hmanh hi, khuaruahhar taktak asi ko. A kong hi cawn le hlathlai len zong ah theih le hngalh khawh ding a rak si lo. Cu nih alanghtermi cu, Pathian thil sermi hna hi, a pelpawi te hmanh kan hngal kho naisai rih hna lo tinak alanghter.

Psalm 8:3-9)3 Nangmah na sermi van le an hmun ciote ah na chiahmi thlapa le arfi hna khi ka zoh tikah, 4 minung hi zeidah a si i na hnakkar ah na tenh?Minung menmen a simi hi zeidah a si i a zawn na ruah?ti hi ka ruat.5 Nangmah lawnglawng hi a cungah a ummi na si i sunparnak le upatnak cu a lu ah na chinh.6 Na sermi thil vialte a uktu ah na ser i zeizong vialte hna dihlak cungah khan na chiah:7 tuu le caw le ramlak saram hna,8 va le nga le rili chung thilnung vialte zong,an dihlak in a tangah na chiah hna.9 Maw Bawipa, kan Bawipa,na lianhngannak cu vawleicung dihlak ah hin a lang ko!

Damnak duh ah kum 30 a zengmipa cu a dam ter.healing power zawng hi a mifa le cungah a pek fawn hna.Jesuh khrih min in damlo a damter hna.zumhtu fa le zawng nih an dam ter kho ve Jesuh khrih min thawnnak thawngin.

Johan 5:12-19)12 Annih nih, “Na ihphah i put law kal aan titu cu ahodah a si?” tiah an ti.13 Sihmanhsehlaw damnak a hmu mipa nih khan aho a si kha a hngal lo, zeicahtiah cuka ah cun mi tampi an i pum i Jesuh cu a rak i zuk diam cang.14 A hnuah khin Jesuh nih cu pa cu biakinn ah khan a hmuh i, “Zohhmanh, atu cu na dam cang. Na sualnak kha ngol hna, cu lo ahcun hi nak thalo deuh nih an tlak sual lai,” tiah a ti.15 Cu tikah mipa cu a va kal i a damtertu kha Jesuh a si tiah Judah upa kha a va chimh hna. 16 Damnak kha Sabbath ni ah a tuah caah Jesuh nih cun Judah mi cu an thin a phawh hna i amah kha ral hram an thawk. 17 Jesuh nih cun annih cu a thawh hna i, “Ka Pa cu rian a tuan zungzal i cucaah kei zong nih ka tuan ve awk a si,” tiah a ti.18 Cu a chimmi ruangah cun Judah upa pawl cu amah thah kha a duhter chinchin hna; Sabbath ni a buar lawng kha si loin Pathian cu ka Pa tiah a kawh caah khan, Pathian tluk ah aa ser tiah an ti. Fapa Nawl Ngeihnak 19 Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

Pathian he aa tongmi fanu le fapa cu vancung lawngah si loin vawlei hrimhrim ah ton a si cang. Biatlam 21:2-4)2 Cun Khua Thiang, Jerusalem thar kha Pathian sinin vancung in a rung tum cu ka hmuh, va ngei lai ngaknu nih a va ding ton awkah aa tamh bantuk khin aa tamh.3 Bawithutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai. 4 An mitthli vialte kha a hnawh dih hna lai. Thihnak a um ti lai lo, ngaihchiatnak le tahnak le fahnak zong a um ti lai lo. Thil hlun vialte cu an lo dih cang,” a ti.

Biatlam 5:13 Cun vancung i a ummi le vawlei cung i a ummi le vawlei toi i a ummi le rili chung i a ummi thilnung vialte nih,“Bawithutdan cung i a thumi le Tuufa cu, thangthatnak, upatnak,sunparnak le thawnnak kha, An cungah zungzal in zungzal tiang um ko seh,”

Biathlam 7:11-12) 11 Vancungmi vialte cu bawithutdan le upa hna le saram nung pali hna vel chum ah khan an dir. Cun bawithutdan hmaiah cun an kun i Pathian kha an biak i12 “Amen! Thangthatnak le sunparnak le fimnak le lunglawmhnak le upatnak le thawnnak le thil ti khawhnak cu zungzal in zungzal tiang kan Pathian ta a si! Amen!” an ti.

Luke 2:13-14)13 Cu cangka cun vancung ralkapbu nganpi cu vancungmi sinah khan an rung lang i Pathian kha hla in an thangthat: 14 “A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

Phungchimtu 1:4)4 Chan khat cu a liam, a dang chan khat a hung chuak ve,sihmanhsehlaw vawlei cu a sining thiamthiam khan a hmun zungzal ko.

Psalm 148:7-14)7 Rili chung thil tihnung hna le rilipi thuk hna, Bawipa cu vawlei ah hin thangthat u!8 Nimtlau le rial, hawhra le khuadawm,a nawl a ngaimi thlichia, nannih nih Bawipa cu thangthat ko u!9 Fing le tlang hna, thingthei kung le tupi hna,amah cu thangthat u! 10 Saram vialte hna, inn zuat saòil le ramlak saram hna,a paw in a lawnmi le vate vialte hna,nan dihlak in amah cu thangthat u.11 Siangpahrang vialte le mi vialte hna, uktu le bawi vialte hna,amah cu thangthat u!12 Tlangval le ngaknu hna,tar le no le ngakchia vialte hna, amah cu thangthat u!13 An dihlak in Bawipa min cu thangthat hna seh!A min cu min dang vialte nakin a ngan deuh;a sunparnak nih van le vawlei a lonh hna.14 A miphun kha miphun thawng ah a ser hna, cucaah a mi vialte nih an thangthat,a dawt ngaingaimi Israel mi nih khan an thangthat.Bawipa cu thangthat u!

III. Pathian kha a sermi thilhna nih aa lawmhter Sermi thil vialte nih kan bawipa cu kan thangthat i kan lawm.cu kan lawmhnak cu misual le miding kan si caah si loin kan sining tein Pathiang sinah kan i phuang i kan thangthat tu kha a si.pathian nih zeiruangah dah van le vawlei thi vialte hi a ser tiah amah pathian kha a sermi thil hna nih thangthat upatnak le sunpernak an pek kha aa lawm bik mi a si.van le vawlei ahhin Bawipa sunpernak in a khat ko mi sertu Pathian thangthat loin cun um khawh a si lo a lianngan tuk hringhran ko.Thingkung saram rili khuazakip le vahramdeng tiang in a um mi sermi vialte nih an sining cio in an thangthat.

1)Sermi thil cungah Bawipa i lawm ko seh Psalm 104:31 Bawipa sunparnak cu zungzal in hmun ko seh,a sermi thil cungah Bawipa cu i lawm ko seh.

Sermi thil cungah Pathian aa lawm kho maw?

1) Genesis 1 ah Tehte 4 Ceunak cu a zoh i aa lawm. Cun ceunak le muihnak cu a then hna i 12 Cucaah cun vawlei cungah cun thingram a phunphun an kho, rawl a vuimi rawlkung hna le thei a tlaimi thingkung hna an si. Pathian nih a tuahmi cu a zoh i a lung a si. 18 chun le zan a uktu hna ding le ceunak le muihnak a òhentu hna dingah a chiah hna. A tuahmi kha a zoh i a lung a si. 21 Cuticun Pathian nih cun rili chung i a ummi sahrang tihnung pipi le ti lak i a tlongmi thilnung a phunphun le va a phunphun kha a ser hna. A tuahmi kha a zoh i a lung a si. 25 Cuticun innzuat satil a phunphun le ramlak saram a phunphun a hme he a ngan he a ser hna. A tuahmi kha a zoh i a lung a si.

2)Tehte psalm 104:31) Tinhmi tawh 31 Bawipa sunparnak cu zungzal in hmun ko seh,a sermi thil cungah Bawipa cu i lawm ko seh.

Number 14:21 sihmanhsehlaw biangai tein, keimah ka nun le vawlei cung vialte Bawipasunparnak in a khah dih lai bantukin,

Hakbakuk 2:14 Sihmanhsehlaw rili cu ti in a khah bantukin vawlei cu Bawipa hngalhnak le sunparnak in a khat lai.

2. Zeiruangah sermi thil cungah Pathian aa lawm a herh

1) pathian aa lawm sermi cungah a riantuan nak thawngin Pathian thinlung a langhter a sunpernak caah Pathiang sunpernak caah cun minung lawng si loin sermi thil lung le thingkung saram kha a hmang ko i,a langhter ko. Psalm 19:Pathian Sunparnak A Sermi Thil Ah A Lang David Hla 19:1 Van nih khin Pathian sunparnak a langhter i a tuahmi thil kha a kan hmuhsak.2 Chun nih a hun changtu chun sinah khan a chim i zan zong nih a hun changtu zan sinah khan a nolh ve.3 Bia siseh holh siseh an hmang lo,aw thawng zong zeihmanh theih a um lo;4 asinain an aw cu vawlei khuazakip ah a thang i an bia cu vanhramdeng a phan.Bawipa nih ni cu van ah khin thlam a sakpiak i 5 nupi thi tlangval a inn in a hung chuah bantuk khin a hung chuak, tlik aa zuammi tlik zuamnak i an hung chuah bantuk khin a hung chuak.6 Vanhramdeng khattelei khin aa thawk i khattelei ah a kal. A linhnak in aa thup khomi thil zeihmanh an um lo.

Bawipa Nawlbia 7 Bawipa phung cu a that a tling, nunnak thar petu a si. Bawipa nawlbia cu bochan awk a tlak,fimnak a baumi fimnak petu a si.8 Bawipa phunglam cu ahmaanmi an si,cu phunglam a zulmi cu an lung aa lawm.A nawlbia cu dinnak leiah a tlingmi an si i hngalhthiamnak lungthin pe khotu an si,9 Bawipa biak cu a tha, cu biaknak cu zungzal in a hmun lai. Bawipa biakhiahnak cu an ding, zungzal in ahmaanmi an si.10 Sui nakin duh deuh awk an si,sui thiang bik phun nak hmanh in duh deuh awk an si,khuaihliti nakin an thlum deuh,khuaihliti thiang bik nakin an thlum deuh.11 Na sal hi hngalhnak an ka pek i ka zulh hna caah laksawng ka hmu 12 Ahohmanh amah sualnak aa hmu khomi an um lo;a thli tein ka tuahmi ka sualnak chungin ka thianh tuah.13 Lenglang sualnak chung zongah ka luh nakhnga lo ka kham law cu sualnak cu keimah uktu siter hna hlah;cu tikah thatnak leiah mitling ka si lai i sualnak tihnung chungin ka luat lai.14 Ka kaa chung bia hna le ka lung chung ruahnak hna cu,nangmah cohlan awktlak si ko hna seh,maw Bawipa, ka lungpi le ka tlantu.

Hebrew 1:3) 3 Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

1korin 8:6 sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

Kolose 1:16 Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le thawnnak thlarau hna zong kha amah thawng cun a ser hna. Pathian nih van le vawlei hi a dihlak in Khrih thawng cun a ser hna i Khrih caah cun a ser hna.

John 1:3 Pathian nih zeizong vialte hi cu Bia thawng cun a ser hna i Bia thawng loin sermi zeihmanh an um lo.

2. pathian nih a sermi cungah aa lawm zeicahtiah sermi thil nih a mah an thangthat

Psalm 148:Van le Vawlei Hna Pathian Thangthat U 1481 Bawipa cu thangthat u! Cung sangpi i a ummi hna, Bawipa cu vancung khin run thangthat u!2 A vancungmi vialte hna,amah cu thangthat u,a vancung ralkap vialte hna,amah cu thangthat tuah u!3 Ni le thla hna, amah cu thangthat u!A ceumi arfi hna, amah cu thangthat u!4 Van sang bik hna, amah cu thangthat u, vancung i a ummi ti hna,amah cu thangthat u!5 An dihlak in Bawipa min cu thangthat hna seh!Bia a chim i annih cu ser an si;6 amah nawl pekmi thawngin annih cu an umnak hmun cio ah khan zungzal in an um i a nawl ngai loin an um lo. 7 Rili chung thil tihnung hna le rilipi thuk hna,Bawipa cu vawlei ah hin thangthat u!8 Nimtlau le rial, hawhra le khuadawm,a nawl a ngaimi thlichia,nannih nih Bawipa cu thangthat ko u!9 Fing le tlang hna, thingthei kung le tupi hna, amah cu thangthat u!10 Saram vialte hna, inn zuat satil le ramlak saram hna,a paw in a lawnmi le vate vialte hna,nan dihlak in amah cu thangthat u.11 Siangpahrang vialte le mi vialte hna,uktu le bawi vialte hna,amah cu thangthat u! 12 Tlangval le ngaknu hna,tar le no le ngakchia vialte hna,amah cu thangthat u!13 An dihlak in Bawipa min cu thangthat hna seh!A min cu min dang vialte nakin a ngan deuh; a sunparnak nih van le vawlei a lonh hna.14 A miphun kha miphun thawng ah a ser hna,cucaah a mi vialte nih an thangthat,a dawt ngaingaimi Israel mi nih khan an thangthat.Bawipa cu thangthat u!

Psalm 104:25 A ngan ngaingai i a kau ngaingaimi rilipi kha na ser, a chungah thilnung a hme he a ngan he a rel rel cawk loin an um; 26 a cungah sangphawlawng kha an kal i a chungah Leviathan rulpi kha lente aa celh,Leviathan cu rili chung rulpi nangmah nih na sermi kha a si.

3. Pathian aa lawm a sermi cungah zeicahtiah sermi thil hna nih tahchunawk a thalo mi fimnak kha an langhter hna

Psalm 104:24 Bawipa, na sermi thil hi an tam hringhran ko!An dihlak in fimnak in na ser hna.Vawlei cu na sermi thil in a khat.14 Satil caah ram na khohter,minung hman awk caah thing na khohter cucaah minung nih cun tirawl kha an cin khawh hna i

Isaiah 40:28 Nan hngal lo maw? Nan thei lo maw?Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

4. Pathian aa lawm a sermi thil cungah zeicahtiah tahchunawk a thalo mi thawnnak an langhter

Isaiah 40:26 Van khi zoh tuah u! Nan hmuhmi arfi khi aho nih dah a ser hna?Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna!A thawnnak cu a lianngan hringhran ko — pakhat hmanh an tlau bal lo!

5.pathian aa lawm sermi cungah a sawh duhmi cu kan mah nak pinlei ah Pathian ah thil tikhawhnak a

Bawipa Pathian na tuahmi thil vialte hi ka ruah tikah ka lung nih aphan lo...." timi hla lengmang asi ko. Psalm104:31-34)31 Bawipa sunparnak cu zungzal in hmun ko seh,a sermi thil cungah Bawipa cu i lawm ko seh.32 Vawlei kha a zoh tikah vawlei cu a ther in a ther,tlang kha a tawngh tikah meikhu kha a chuak.33 Ka nun chung vialte Bawipa cu hla in ka thangthat lai;ka nunnak a um chung ka Pathian thangthatnak hla cu ka sa lai.34 Pathian nih lunglawmhnak a ka pek zat in,ka thangthatnak hla nih amah cu a lunglawmhter ve seh.

Bible cacang 6 Pathian sinah Sermi thil thawngin tonmi thil in ,Pathian theih khawh a si

1) Sermi thil thawnnak Job 12:7-10)7 Van i a zuangmi va hna le saram hna nakin pei nan hngalhnak a tlawm deuh hi. Annih nih an in cawnpiak khawh hna ding tampi a um.8 Vawlei i a ummi saram hna le rili chung i a ummi thilnung hna cu an fimnak kha hal tuah hna u.9 Annih nih an dihlak in Pathian sermi kan si ti kha an hngalh.10 A sermi thil vialte an nunnak a uktu cu Pathian a si i Minung thaw cu a kut chungah a um.

2) Van nih khin Pathian sunparnak a langhter i a tuahmi thil kha a kan hmuhsak

Psalm 19:1-4)Pathian Sunparnak A Sermi Thil Ah A Lang David Hla 19:1 Van nih khin Pathian sunparnak a langhter i a tuahmi thil kha a kan hmuhsak.2 Chun nih a hun changtu chun sinah khan a chim i zan zong nih a hun changtu zan sinah khan a nolh ve.3 Bia siseh holh siseh an hmang lo, aw thawng zong zeihmanh theih a um lo;4 asinain an aw cu vawlei khuazakip ah a thang i an bia cu vanhramdeng a phan. Bawipa nih ni cu van ah khin thlam a sakpiak i

3) Sermi thil pakhatnak ah riantuan hmasa

Rom 1:20)20 an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a thawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo!

4) Anmah le sining cio in thangthatnak an i put Pathian sinah Kan mah le sining tein thangthatnak cu Pathian sinah kan put lai kan sualnak senduk bang a sen, arang ,anak zawngah Kan sining tein i phuang i thangthat nak kan pek lai.kan nun in kan i phuang lai ka hmurkaa in kan i phuang lai.kan sining tein a kan cohlang ko.

Psalm 148:1-6)Van le Vawlei Hna Pathian Thangthat U 148:1 Bawipa cu thangthat u! Cung sangpi i a ummi hna, Bawipa cu vancung khin run thangthat u!2 A vancungmi vialte hna,amah cu thangthat u, a vancung ralkap vialte hna, amah cu thangthat tuah u! 3 Ni le thla hna, amah cu thangthat u!A ceumi arfi hna, amah cu thangthat u!4 Van sang bik hna, amah cu thangthat u,vancung i a ummi ti hna,amah cu thangthat u!5 An dihlak in Bawipa min cu thangthat hna seh!Bia a chim i annih cu ser an si;6 amah nawl pekmi thawngin annih cu an umnak hmun cio ah khan zungzal in an um i a nawl ngai loin an um lo.

5/6) Sining cio le sermi thil cu Pathian thawngin chimhrin an si

Pathian nih a kan cawnpiak kan mah le sining cio in nun a kan chim i ,kan mah nih thangthatnak kan pek ding kha kan rian a si ve.Thangthat dingin a kan chimhrin peng.zeicahtiah sermi sinin thangthat a duh tu Pathian a si.

Psalm 148:7-10)7 Rili chung thil tihnung hna le rilipi thuk hna, Bawipa cu vawlei ah hin thangthat u!8 Nimtlau le rial, hawhra le khuadawm,a nawl a ngaimi thlichia, nannih nih Bawipa cu thangthat ko u!9 Fing le tlang hna, thingthei kung le tupi hna,amah cu thangthat u! 10 Saram vialte hna, inn zuat satil le ramlak saram hna,a paw in a lawnmi le vate vialte hna,nan dihlak in amah cu thangthat u.

isaiah 55:12 “Babilon in lunglawm in nan chuak lai;khuapi chungin daihnak he nan chuak lai.Fing le tlang kha lunglawm in hla an sa lai i thingkung kha lunglawm in an au lai.

Van cu chim lo in, vawleicung thil kan kut nih a tongh i, kan mit nih a hmuh khawhmi hna hmanh hi ruah lengmang tikah khuaruahhar an rak si ko. Zei ah kan rel setsai lomi le kan duh paoh in kan lamh i, biapi tuk ah kan chiah lo mi kan vawleipi hmanh hi, khuaruahhar taktak asi ko. A kong hi cawn le hlathlai len zong ah theih le hngalh khawh ding a rak si lo. Cu nih alanghtermi cu, Pathian thil sermi hna hi, a pelpawi te hmanh kan hngal kho naisai rih hna lo tinak alanghter.

Vawlei kong hi na ruat bal ve dek maw? Hi vawlei pi hi daite in a um mi in na ruah men lai. Asi lo. Kan vawleipi hi van ah vaa a zuan bantuk in pingpalo ah a zuang i aa chawk cuahmah vemi thil menmen a si ko. Hi vawlei hi kum 4.54 billion atar cangmi vawlei asi. Ding tein tah tikah meng 3,959 a sau. Vawlei nih meng million 93 a thlatnak in Nika hi a hel. Vawleipi hi second 1 ah meng 18.5 in a tli i, sumilam 1 ah meng 66,000 tluk in a tli pengmi vawleipi a si. Cu suimilam pakhat ah meng 66,000 in a tlik cuahmah bu ah, nang le kei dai tein kan um khawhmi cu khuaruahhar asi. Kan umnak vawlei pingpalo ah a zuang thluahmah lio

Hi acunglei hmanthlak hi van zoh tuah hmanh. Kan vawleipi hi, arfi le thlapa le adang vawlei tampi lakah, suimilam pakhat ah meng 66,000 in a tli i aa chawk cuahmah ve ko. Arfi, thlapa, adang vawlei 800 renglo le van ah a zuangmi lungtum (asteroid) hna he i pah lo tein aa chawk peng ve ko.

Vancung cu chim lo i, kan lamhmi vawleipi hmanh ah, arfi le thlapa bantuk in aa chawk cuahmah komi le hnin lo tein nang le kei daite in kan ummi ruah hman ah, "Pathian nih a tuahmi vialte hna hi, ruah tikah lung nih a phan lo..." timi kha a tling taktak. Vancung thil cangmi chinchin nih cun an langhter chinchin ko hnga lo maw?

Mifim mi cu an fim deuhdeuh i, Pathian thilser khuaruahhar asinak an hmuh deuhdeuh. Pathian thil ser khuaruahhar asinak cu, American scientist mifim mi hna nih, van ah an hmuhmi vancung thil thar hna nih hin, an langhter khun ko.

Hi American scientist mifim hna cu an fim taktak. An thilti khawhnak a san tuk caah kan ramricu vancung khi asi an ti. Kan phak khawhnak adonghnak ramri cu, "van khi a si" an ti i, "the sky is the limit" tiah an ti. Kan nih kan phak khawh tawk cu van tiang khi asi an ti cu! Chim duhmi cu a donghnak tiang khi kan tii khawhmi ramri asi an ti duhnak asi.

Cu tluk cun an fim, an thiam, an thawng i vancung i thil umtuning hna khi theih le hngalh khawh an i zuam. Vancung a sannak ah an kai deuhdeuh. Thil vialte theih an i zuam deuhdeuh. An kai deuhdeuh le an theih khawh lomi a tam deuhdeuh; an kai deuh deuh an theihlomi a tam deuhdeuh. An kai deuhdeuh, zuamcawhtu thar an ngei deuhdeuh.

Cu zuamcawhtu thil hna theih khawh ding caah, an i zuam deuhdeuh. Cucaah cu vancung thil umtuning theih khawhnak ding caah, minung nih phak khawh lo naqk hmun zongah, "vawlei lem" (cu-tuh) an ser i, vancung a sannak bik thil hmuh khawh an i zuam.

Cu thil hmuh khawhnak ding caah, a tha bik le a sangbik an tuahmi cu, Hubble Space Telescope timi durbing lian taktak pi aa bunhmi, "vawlei-lem" (cu-tuh) hi a si. Hubble Space Telescope cu US cozah nih 1990 kum an sermi a si.

Vawlei A Helnak Hmun: meng 347 a sang Thlah Kum: April 24, 1990 Vacung Arannak: 4.66 meng/second

Tangka Dihmi: 2.5 billion USD

Durbing Alianhnak: 2.4 meters (7.9 ft)

Hubble Space Telescope a rian cu, vawlei in meng million tam tuk in a va hlami, vancung arfi lak khi hman thlak le vawlei ah kuat a si. Hi telescope riantuannak thawng in, US scientist pawl nih cu hlan ah hmuh ballo mi arfi hna le arfi thar aa sem cuahmah mi hna a hmuh hna. Cun "Black hole" kong zong ah tampi ruahnak thar a chuahter.

Hubble Telescope vawlei in meng 347 hlatnak ah aa hel lio

Hi Hubble Space Telescope in an hei zoh tik le hman an hei thlak tikah, a dong kho lo mi thil (universe) an hei hmuh chin lengmang. A dong rua lai tiah ruahmi kha a dong kho ti lo. Cupinah a um rua tiah an rak theih lomi arfi phun dangdang aa dawh taktakmi tampi an hei hmuh hna.

Cu arfi hna cu acheu a runrun in an um; a cheu cu tivachung nga aa dawhmi bantuk in an i dawh. Duh an nung tuk. Cu Hubble Space Telescope nih a thlakmi hmanthlak tlawmpal hi ka van tar.

"Bawipa Pathian na tuahmi thil vialte hi ka ruah tikah ka lung nih aphan lo...." timi hla lengmang asi ko.