Hrinthan nak timi sullam===================Ti le thlarau in hrinthan lomi cu vancung pennak ah lut

Hrinthan nak timi sullam =================== Ti le thlarau in hrinthan lomi cu vancung pennak ah lut kho ding a si lo i,bible cawnpiak ningin Ti timi sullam cu Jesuh kha a sawh duh mi a si i,thlarau timi cu Jesuh thih ni 50 hnu ah penticos ni thlarau toihnak i rian tuannak le lamkaltu hna cungah thiang thlarau riantuannak vialte i Jesuh thlarau na zumh lo poah ah cun vancung pennak lut nak lam a um lo,cu lam cu pakhat lawnglawng a si.Ti le thlarau in Hrinthan timi a fiang lomi caah a tawinak in ka van langhter.Ti timi Jesuh vawlei ah a nunning le thlarau timi Jesuh thih hnu ni 50 hnu ah thlarau in zumhtu mi hna a toih hna i thiang thlarau in a langh i zumhtu le zulhtu hna he thiang thlarau riantuannak cu hmuh a si ,thiang thlarau zulhtu hna he riantuannak le zumhtu mi hna sinah cawlhcanghnak vialte kha Ti le thlarau in Hrinthannak lam cu a si. Cu lam cu Jesuh kong lam kha a si ko i,Jesuh vawlei ah a nunzia zulh in Jesuh thih hnu ah a thiang thlarau riantuannak kha cohlang in kan nun pi ah cun cucu ti le thlarau hrinthan cu a si ko.cu lam cu Jesuh khrih lawnglawng in kawl khawhnak lam pakhat lawnglawng a um.(Jonhan 10:1,9) “Biatak kan chimh hna: tuukawm chungah innka in a lut lo i kaa dang in a kaimi cu mifir le damiah an si.9 Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai. Cu Lam Jesuh kong lam loin a dang in ti le thlarau hrinthannak a kawl mi cu mifir le damiah an si tiah bible nih a kan cawnpiak.cu caah nangmah le keimah teh ti le thlarau in hrinthannak lam cu zeitindah kan kawl cio hna? Hrinthan timi hi a Tu le Tu kan lungfianh lo i, Kan i palh tawn,original nih a sawh duh mi cu pumsa Hrinthan si loin thlarau in Hrinthan kha a si. thiang thlarau cohlang I nunthar nak tharchuah nak kha a chim duh mi a si.Eden Dumah original Adam Sualnak Kong Kan hmuh( Genis 3)Adam cu pathian biakam nawlbia a buar caah,Ro vialte zeirel lonak a chuahter kha upat lonak a chuak, Eden Dumah Adam sualnak thawngin Pathian he ral an si cang caah thlarau kha thianhter nak Hrinthan a herhnak cu a si.kan thlarau Hrinthan thianhterh nak lam Pathian nih a kan serpiak hi a si.Mah hrinthannak thianhterh nak lam cu Pathian nih man loin duh thimnak lam in a Kan serpiak,duh thimnak Kan ngei.Thlarau in Hrinthannak lam a um nain cu lam cu a duh mi nih thimh i kal mi lam a si i,a duh mi nih nih zulhkhawh a si. Hrinthan timi cu Jesuh khrih hnu zulhtu tinak kha a si.Jesuh khrih keneh hnu zulhtu hna khi hrinthan tinak cu a si. Hrinthan timi hi pakhatnak ah Nicodemus sinah Jesuh nih a Rak chim mi aum khoika ah a chim tiah ahcun John 3:1:23) pathian pennak cu Hrinthan lo mi nih an hmuh kho lai lo,Jesuh nih a hrilfiah (Jonhan 3:6 )ah minung nih hrin mi cu mining fa an si I,Thlarau nih hrin mi cu thlarau fa an si. Nicodemus nih aa ngeihmi miphun kha Hrinthan si loin in a Mah pumpak ngei a si. Pathian laksawng cu mining Kan quality thil tikhawhnak khi Hrinthan tinak a si lo,Nain Pathian velhngeihnak in a Ra mi tu khi hrinthan cu a si deuh.(Titus 3:5) 5 cu a kan khamhnak cu hriṇthannak ti thawng le Thiang Thlarau nih mi tharter khawhnak a ngeihmi ̣thawnnak thawngin a si.Kan Mah thianghlimnak in a si lo.Thiang thlarau in tharter khawhnak thawngin Hrinthannak cu a ra mi a si,thiang thlarau in ttawl kan si ,khamh Kan sinak a si. nunthar/Hrinthan timi cu Pathian ceunak Thiang thlarau in a langh kha a si I,Biaknak lei ah phunglam le a Lu bik cungcuanh bik in thutdirh khi Hrinthan ti a si lo.Biaknak lei phunglam lei lu bik si le cungcuanh bik hna khi mi piangthar ah a ruat mi kan kan tam pi tawn lai. Hrinthan timi cu zeitin a rat lai? 1.Pathian le fapa Jesuh khrih na zumh lai,Jesuh khrih na cohlang hlanah na zumh hmasa lai. 2.Jesuh khrih kha na pumpak hrimhrim in khamhtu ah naa ser lai. 3.na Sualnak naa ngeihchih lai. 4.Khrihfa Buu ah pehtlaihnak na tuah lai. 5.Tipil nak na ing lai I, 6.Thiang thlarau a rat lio mi kha na thinlung in na cohlang lai. Zeitindah Kan Hrinthan lai ________________________ Hrinthan a ratnak cu Kan nun hlun vialte kha kaltak in Jesuh khrih nunthar in Kan nun awk a si.Jesuh khrih hnu zulhtu Kan si.minung nih Jesuh khrih hnu zulh Kan I har tuk nain Jesuh khrih cu a fawi tein a Rian a lim khawh. Pathian na ton hlanah Jesuh khrih kha na cohlang hmasa lai cu hnu Hrinthan cu a si I,Pathian na ton khawh lai.Hrinthan na duh ah cun khrihfa Buu in I thangh law ,Jesuh khrih nun lam kha kalpi nunpi I zuam na zuam khawh chungin,Cun I pum law thlacam le Bible in na tthang lai. Khamhnak /Hrinthannak timi cu zeidah a si. Hrinthan timi sullam le Hrinthan timi sullam cu pumsa in si loin thlarau in tonmi tharchuahnak kha hrinthan ti cu a si.Thlarau in tonmi tharchuaknak timi cu Jesuh khrih kha thinlung dihlak ruahnak dihlak in zumhnak chungah i phumhin karhlangnak chungah va lut khi a si.Mah thlarau in tonmi tharchuaknak Hrinthannak lam lei kal pitu cu a si i,Pathian he pumpak tein pehtlaihnak Hrinthan thlarau tonmi in hrinthan cu a si. Bible original chungah Jewish pharisee ,Nicodemus hna zong an lung a fiang kho lo timi kan hmuh. John 3:3-5) 3 Jesuh nih cun, “Biatak tein kan chimh: Ahohmanh hrin than a si lo ahcun Pathian Pennak kha a hmu kho lai lo,” tiah a leh.4 Nikodemu nih cun, “Zeitindah patling a si cangmi cu hrin thanb cu a si khawh lai? A nu paw chungah cun lut than in hrin than cu a si kho bal lai lo,” tiah a leh.5 Jesuh nih cun, “Biatak tein kan chimh: ahohmanh ti le Thlarau in hrin a si lo ahcun Pathian Pennak chungah cun a lut kho lai lo. Zeitindah Hrinthan cu a si lai Jesuh kha ka khamhtu le tlanhtu a si tiah a zumhmi cu khamh an si lai.(Rom 3:23 zeicahtiah mi vialte cu kan sual dih cio ko i Pathian sunparnak kha kan bau dih cio ko. Rom 6:23 Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si. Rom 5:8 Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi. 1Korin 15:3-6)3 Ka rak hmuhmi kha nannih kan pek chin hna i cucu a biapi ngaingaimi a si. Cucu zeidah a si tiah, Cathiang chungah a rak i tial bang khan Khrih cu kan sualnak caah a thi;4 cun Cathiang chung thiamthiam ah a tial rih bantukin, an vui i ni thumnak ni ah thawhter a si; 5 cun Peter sinah khan a lang i lamkaltu hleihnih an dihlak sinah khan a lang fawn,6 cun a zultu 500 ringlo sinah kha voi khatte ah a lang i a cheu cu an thi cang nain a tam deuh cu an nung rih; Hrin than Kan timi cu Kan pum kha si loin Ka thlarau Tu kha a si,cucu thinlung thleng kha a si.Adang dawt kha si loin Pathian kha thinlung ruahnak dihlak in dawt I pathian duhning in Jung kha I zuam a si. Hrinthan timi sullam cu pumsa kha si loin thlarau kha a si,cu thlarau cu thinlung thleng kha a si.cu thinlung thleng timi cu pumsa nih a duh mi thil vialte sualnak phunphun phaisa chawva hakkaunak vulei pumsa nih a duh mi vialte kaltak merh takin in,Pathian sinah Kan ruahnak dihlak le Kan thinlung dihlak in Kan dawt I,Pathian duhning in nung I panh kha a si. Nain zeitin a si lai hrinthan cu? Pakhatnak Kan lung fiang a hau mi cu mining Kan sining in a chuak mi pawl kha a si.cucu pathian mithmai ah sualnak problem Kan ngeih dih.Jesuh nih achim thinlung in I thank ding kha a si.cu problem cu sualnak kha a si.cu sualnak chungah cun Kan tla I zeitindah Kan chuak than khawh lai. Kan Sualnak Kan van theihthan tikah,Kan thinlung chungah a ngan bik in a nan cang tikah Kan problem Sualnak cu Kan I thianh kho lo I,Kan thinlung kha Harnak a pek I Kan thinlung thazang a Der I misual Ka si tiah nun beidonghnak in Kan um ttheo tawn I think piin thinlung rawknak Kan phan tawn I,zeihmanh nih hnem khawh lo le lung si khawh lonak a chuah pi. Jesus khrih Kan nun ah a nung ahcun vancung ah zungzal nunnak le ruahchannak he Kan nung kho I Kan dirh kho vawlei zongah Jesuh khrih thawnnak in Ka dirh khawh. Nicodemus le Jesuh ____&________________ Bible chungah Nicodemus a um,amah cu Biaknak lei hruaitu le mitha pa a si.Nicodemus nih Jesuh bia a hal vancung phaknak dingah zeidah Ka tiah a herh tiah lai a ti.Jesuh nih Nicodemus cu (Jonhan 3:77 ‘Hrin than nan si hrimhrim awk a si,’ ka ti tikah na khuaruahhar hlah.). (Janhan 3:3)Jesuh nih cun, “Biatak tein kan chimh: Ahohmanh hrin than a si lo ahcun Pathian Pennak kha a hmu kho lai lo,” tiah a leh. Jesus nih a chim Nicodemus cu lenglai in zeitluk hmanin thatnak va tha hmansehlaw a bia pi\thahnemnak a um lo vancung phaknak ding caah,thinlung chunglei hrimhrim in thlen a herh.chunglei thlennak lawnglawng in pathian he ton khawh le thiang thlarau ngeih/ puaih khawh a si ,cu nih cun new life nuntharnak/Hrinthan timi cu a si. Cucaah zeidah Kan tiah a herh? Pakhatnak ah Kan sual Kan phuan a herh,Kan sual Kan phuan ta locun pathian ta Kan si kho lo I,a pennak chungah Kan um kho lo.sual ngeihchih in sual ngaithiamnak Kan hal lai.sualnak ngeihchih buin Pathian sinah Kan I merh lai.adonghnak ah Jesuh nun kha Kan nun ah nun pi dingin Kan hal lai.cu Jesuh khrih nun Kan nunah Rak nung dingin Kan hal tikah Pathian thiang thlarau kha Kan thinlung chungah a kal I,(God's spirit penatrates in our heart).lam a Kan hruai I,a Kan bawm.cucu Hrinthan cu a si.Thinlung thar le nunnak that a Kan pek. Defination Jesuh nih fiang tein a chim khrihfa mi nih vancung pennak an hmuh duh ah cun Hrinthan hrimhrim a herh tiah a ti. Jesuh nih raltha taktak ngan taktak in in a chim Nicodemus kha na Hrinthan lo cun vancung pennak na hmuh kho lai lo.ti le thlarau in Hrinthan lomi cu Pathian pennak chungah an lut kho lai lo.minung nih hrin mi cu mining fa an si I ,thlarau nih hrin mi cu thlarau fa an si. Jonhan 3:3_6)3 Jesuh nih cun, “Biatak tein kan chimh: Ahohmanh hrin than a si lo ahcun Pathian Pennak kha a hmu kho lai lo,” tiah a leh.4 Nikodemu nih cun,“Zeitindah patling a si cangmi cu hrin thanb cu a si khawh lai? A nu paw chungah cun lut than in hrin than cu a si kho bal lai lo,” tiah a leh.5 Jesuh nih cun, “Biatak tein kan chimh: ahohmanh ti le Thlarau in hrin a si lo ahcun Pathian Pennak chungah cun a lut kho lai lo.6 Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si. Jesuh nih Hrinthan nak a timi cu a vuihnihnak Hrinthan nak kha a si.Mah a chim duh mi thiang thlarau in theihternak le nunthar le ruahnak lungput thar theihduhnak thar kha an si. Zeiruangah dah Hrinthan cu Kan herh? Hrinthan Kan si hlan ahcun Kan minung sinak nih a Kan UK /hruai I cucu pumsa duhnak tiah auh a si.mi tampi nih Kan Mah ruahning le duhning in sungphiatnak Kan tuah I,Kan kal tawn I,cucu pumsa hruaihnak a si I,Jesuh khrih hruaihnak a si lo.pumsa hruaihnak nih thathutnak, entainak ,lungdiriam lonak,thilrit,Hakkaunak thlarau thatlo tampi a chuahter I,Sualnak lam a Kan zawhter tu a si. Jesuh khrih kha na pathian le Bawipa le lam hmuhsak tu lam hruaitu le khamhtu le na Bawipa pathian siangpahrang ah na ser hmasat a herh.Jesuh kha minung sawhsawh le Fapa sawhsawh men ah na ruat chung poahpoah cu Ti timi Jesuh in hrinthan na si rih lo,A pahnihnak ah Jesuh a thih i ni 50 hnu ah penticos zumhtu hna sinah a rak langhmi thiang thlarau riantuannak le zulhtu lamkaltu hna nih an rak auh pi mi Jesuh thiang tharau thawnnak le thil tikhawhnak le riantuan cawlhcang ning vialte an rak auh pi mi na zumh lo i na cohlang lo a si ah cun thlarau in hrinthan mi fa na si kho lo i,cu lam hna pahnih cu Ti le thlarau in hrinthan timi cu a si.na theih fiang cang maw?vancung pennak ah lutnak lamna hngal cang maw? Nangmah le nangmah kha i check ding a si midang va check len loin cucu vancungpennak lam hmuhsak nak cu a si ko!Amen.