FALSE TEACHING(CAWNPIAKNAK HMANLO BIBLE CHUNGAH 15) ======/================== 14 top bible verses fa

FALSE TEACHING(CAWNPIAKNAK HMANLO BIBLE CHUNGAH 15)

======/==================

14 top bible verses fales teaching

***********************************

Cawnpiaknak hmanlo ralring peknak

******************************

1)Ezek 13: 9 Langhnak an hmuhmi ahmaan lomi a simi hna le an mangihnak lih a simi profet hna kha ka kut ka hlerhnawh hna lai. Ka mi hna nih khua an khannak hmun ah khan hmun an ngei lai lo i Israel mi hna min relnak cazin chungah khan khumh an si lai lo i Israel ram zong an ke nih a lam lai lo.

2) JER 23:16 Ralkapbu Bawipa nih

hi bangin a ti:Profet nih an chimmi bia kha ngai hlah u,ruahchannak pakpalawng in nan lung an thawhtertu hna kha an bia ngai hna hlah u;Annih nih an chimmi langhnak kan hmuh an timi cu

anmah lung chungin thil an suaimi chungin a chuakmi a si,Bawipa kaa chungin a chuakmi a si lo.

3)Luke 6:26 Mi vialte nih, an in chimthiam hna tikah nan caah ngaihchia a va si dah; zeicahtiah cuti te cun pei an pupa hna nih khan nal profet kha an rak ti hna cu,” a ti.

4)Matt 24: 24 Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

5)Matt 16:11-12 Nannih kan chimhmi hna hi changreu kong a si lo tiah zeitindah nan hngalh khawh lo ee? Farasi mi le Sadusi mi hna thilnu cu i ralring tuah u,” tiah a ti hna.

12 Kha tikah a zultu pawl nih khan, i ralring u, a kan timi hi changreu rawhnak thilnu kha si loin, Farasi mi hna le Sadusi mi hna cawnpiaknak kha a si, ti kha an hngalh.

6) 2Tim 4:3-4Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.4 Biatak kha an kaltak lai i minung tuanbia tu kha ngaih an duh deuh lai.

7) Lamkaltu 20:28-30 Nanmah lila kha i veng u law nan zohkhenh awkah Thiang Thlarau nih an pekmi hna tuurun kha òha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.29 Ka kal hnuah òih a nungmi cenghngia kha an ra lai i tuurun kha an ngan hna lai lo ti kha ka hngalh.

30 Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

8) 2peter 3:14-18)14 Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u. 15 Kan hawi le kan unau a simi Paul nih ca an kuat hna tikah, Pathian nih a pekmi fimnak in a chim bantukin, Bawipa nih kan cungah lungsaunak a ngeih cu kannih kha khamh a kan duh caah a si. 16 Hi kong a òial tik paoh ah hin a cakuat dihlak chungah a chimmi cu hihi a si ko. Asinain a cakuat chungah khan hngalh awk a harmi thil an um i cu thil hna cu a hrutmi le lungthin reprai a ngei set lomi pawl nih cun, Cathiang chung biadang zong an rak tuah tawn bantuk khan, a si lo ning in a sullam kha an chuahter. Cucaah anmah rawhralnak kha anmah lila nih an tlunter.

17 Sihmanhsehlaw ka hawile hna, nannih nih cun hihi cu nan hngalh cang. Cucaah cun nawlbia zeihmanh ah a rel lomi pawl an palhnak nih khan a pingah an hruai sual hna nakhnga lo le him tein nan umnak hmun ah khan nan um i nan tlak sual nakhnga lo, ralring tein um ko u. 18 Kan Bawipa le kan Khamhtu Jesuh Khrih vel le hngalhnak ah khan òhang ko u. Atu le zungzal tiang khin sunparnak cu amah ta si ko seh! Amen. Original typing: June 28, 1997 Revised:

9 ) 1Johan 4:1-6)A Hmaan le A Hmaanlo Thlarau

4:1 Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.2 Pathian Thlarau a si le si lo cu hitihin nan hngalh khawh lai: Jesuh Khrih cu minung in a ra, tiah a timi paoh kha Pathian sinin a rami Thlarau a ngeimi cu an si.3 Sihmanhsehlaw Jesuh kong ah, cucu a si lo, a timi paoh cu Pathian sinin a rami Thlarau a ngei lomi an si. Cu thlarau cu Khrih Ral sinin a rami a si; a ra lai ti kha nan rak theih cang i atu hi vawlei ah hin a um diam cang.4 Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a òhawng deuh. 5 Annih nih cun vawlei cung thil kong kha an chim i vawlei mi an si caah an bia kha vawlei nih a ngaih.

6 Sihmanhsehlaw kannih cu Pathian mi kan si. Pathian a hngalmi paoh nih cun kan bia kha an ngaih, Pathian mi a si lomi paoh nih cun an ngai lo. Cucaah hihi biatak Thlarau le palhnak thlarau kan thleidan khawhnak lam cu a si.

10) Matt 7:15-20)15 “Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si. 16 Annih cu an theitlai khan nan rak hngalh ko hna lai. Khohmung nih mitsur thei a tlai bal lo i saihmurhling nih theipi a tlai bal lo.17 A ngan a dammi thingkung nih thei òha a tlai i kung chia nih thei òhalo a tlai tawn. 18 A ngan a dammi kung nih theichia a tlai kho lo i a kung a òha lomi nih thei òha a tlai kho ve lo. 19 Thei òha a tlai lomi cu hau i mei chung i paih an si tawn. 20 Cuticun nal profet hna cu an theitlai khan nan hngalh ko hna lai.

11) 2peter 1:12-21)12 Hi thil hi nan hngal ko cang nain le biatak nan hmuhmi chungah fek tein nan dir cang ko nain kan chimh òhan lengmang ko rih hna lai. 13 Ka nun chung paoh cu, hi kong kan hngalhter òhan lengmang hna hi a herh hrimhrimmi a si, tiah ka ruah. 14 Kan Bawipa Jesuh Khrih nih fiang tein a kan chimh bantukin, hi a thi khomi pum hi cu, tuan ah kaa phoih ko lai. 15 Cucaah cun ka thih hnuah hi thil hi nan run philh hna nakhnga lo nan ca i lam serpiak kha kaa zuam khawh chungin kaa zuam lai.Khrih Sunparnak Hmutu Tehte

16 Kan Bawipa Jesuh Khrih òhawnnak in a rat kha, kannih nih kan in chimh hna tikah, mi phuahchommi tuanbia òukòak kha kan i rinhmi an si lo.A lianhngannak kha kan mit hrimhrim in kan hmuh. 17 Sunparnak Cungnung Bik nih, “Hi hi ka dawtmi ka Fapa a si, ka lung a ka tongtu a si,” tiah a ti i Pathian kan Pa nih upatnak le sunparnak a pek tikah khan, cuka hmun ah cun kannih kha kan um. 18 Tlang thiang cung i amah sin kan um lioah, hi aw cu vancung in a run kha kanmah hrimhrim nih kan theih.19 Cucaah cun profet hna nih an rak chimmi bia kha kan zumh chinchin. Cu bia cu nannih zong nih òha tein nan ngaih ahcun a òha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi meiinn bantuk khi, cu bia cu a si. 20 Cun cu pinah hihi philh hlah u. Cathiang chung i a ummi profet bia kha ahohmanh nih anmah tein a sullam an i hngalh kho lo. 21 Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

12) Titus 1;6-16). 6 Cu hna cu: Khrihfa upa cu mawhchiat awk a um lomi an si lai, nupi pakhat lawng a ngeimi an si lai, an fale kha a zumtu a simi an si lai i puarhran lei le nawlngaih lo leiah minthang lomi an si lai, ti kha an si. 7 Khrihfabu hruaitu cu Pathian rian òuantu a si caah mawhchiat awk a um lomi a si lai. Miruamkai a si lai lo, mithintawi a si lai lo, zurit hmang a si lai lo, mi-aukhuan hmang a si lai lo, mihakkau a si lai lo. 8 Khualtlung a dawmi a si lai i thil òha a duhmi a si lai. Amah le amah aa uk khomi, a dingmi, a thiangmi le aa sum khomi a si lai. 9 Cawnpiaknak ahmaanmi aa tlaih pengmi a si lai, cuticun a bia a ngaitu pawl kha cawnpiaknak òha in an lung a thawhter khawh hna lai i cawnpiaknak òha a altu pawl kha an palhnak a langhter khawh lai.10 Uk khawh lomi tam tuk an um i Judah phung in Khrihfa phung i a hung lutmi hna lakah hin an tam khun; an duhduh in bia an chim i mi ruahnak kha a ping a pang ah an kalter. 11 Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awktlak a simi thil, tangka hmuh duh men caah khan a si. 12 “Krit mi cu milihchim, saram bantuk, mithathu, mi-orkhu,” tiah anmah Krit mi lila nih a rak ti hna i 13 an chimmi cu a hmaanmi a si. Cucaah cun fak piin na chimhhrin hna lai. Cuticun a ngan a dammi zumhnak kha an ngei kho lai i 14 Judah mi hna tuanbia òukòak le biatak a hlawmi hna nih an chuahpimi minung nawlbia kha zeihmanh ah an rel ti hna lai lo. 15 A thiangmi caah cun zeizong vialte hi a thiang dih ko, sihmanhsehlaw a hnawmtammi hna le a zum duh lomi hna caah cun, an lungthin le an chiaòha thleidannak kha a thur caah, zeihmanh a thiangmi a um lo. 16 Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil òha tuah dingah an i tlak lo.

13) 2peter 2:1- )Cawnpiaktu Hmaanlo

2:1 Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.2 An ziaza òhalo kha mi tampi nih an i cawn lai i cu hna ruangah cun biatak Lam kha thangchiatnak a hmu lai .3 Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

14) Matt 23:1-29)Phungthiam le Farasi Mi Hna I Ralring Hna U

(Mar 12.38-39; Luk 11.43, 46; 20.45-46)

23:1 Cun Jesuh nih mizapi hna le a zultu hna kha a thawh hna i,2 “Phungbia cawnpiaktu saya hna hi le Farasi mi hna hi, Moses Nawlbia hi a sullam cucu a si, tiah a ti tu an si.3 Cucaah an in chimhmi hna paoh cu nan ngaih le nan zulh a herh. Asinain anmah nawl bel i cawn hlah u, zeicahtiah an chimmi kha an tuah lo.4 Thil kha ritpi in an tom i mi keng cungah an chuan, sihmanhsehlaw annih vial nih cun an kutdong par hmanh in an tawng duh lo.5 Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u! 6 Rawl danghnak hmun ah upatnak hmun i òhut kha an duh i pumhnak inn ah òhutnak hampiak kha an ngen.7 Zatlang lam ah mi nih upatnak kan pe hna seh ti kha an duh i, “Saya, saya,” ti kha an tlaihchan.8 Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.9 un vawlei cungah hin ahohmanh, “Ka Pa,” tiah va ti hna hlah u, zeicahtiah Pa cu pakhat lawnglawng nan ngei i amah cu vancung khua i a ummi i0 “1Hruaitu” ti zong duh hlah u, zeicahtiah Messiah lawnglawng hi nan hruaitu cu a si ko.11 Nan lak i a ngan bik cu nan sal a si awk a si. 12 Mah le mah aa ngantermi cu òhumh an si lai i mi toiah aa dormi cu mi ngan ah ser an si lai,” tiah a ti.

An Depdetnak Kha Jesuh Nih Sual A Phawt(Mar 12.40; Luk 11.39-42, 44, 52; 20.47)

13 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna. Vancung Pennak cu mi kha nan kharkanh hna, asinain nanmah cu nan lut duh òung lo i luh a duhmi zong kha nan awnh fawn òung hna lo.14 (Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Nuhmei kha nan hlen nan hlen hna i an inn kha nan chuh hna, cun zapi hmuh awkah thla kha sau pipi in nan i camter. Hi caah hin pei nan dantatnak kha a fah chinchin lai cu!)15 Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Lungthleng pakhat umter awkah rili kip kha nan tan i ram kip ah nan kal i lungthleng pakhat nan umter tikah cu pa cu, nanmah hell fa nan simi a let hnih ah nan canter.

16 “Lamhruaitu mitcaw hna, nan caah ngaihchia a va si dah! Nan i thawh i, ‘Mi nih Biakinn in chiat a ser ahcun a chiatsernak nih khan a tlai lo, sihmanhsehlaw Biakinn chung i a ummi sui khan chiat a ser ahcun a chiatsernak nih khan a tlaih,’ tiah nan cawnpiak hna.

17 Mitcaw mihrut hna. A zei cu dah a biapi deuh? Sui cu maw asiloah sui a thiantertu Biakinn cu dah?

18 na i thawh hoi i, ‘Mi nih biakòheng in chiat a ser ahcun a chiatsernak nih khan a tlai lo, sihmanhsehlaw biakòheng cung laksawng khan a ser ahcun a tlaih,’ nan ti.19 Nan mit a va caw hringhran dah! A zei cu dah a biapi deuh? Laksawng cu maw, asiloah laksawng a thiantertu biakòheng cu dah?20 Cucaah cun mi nih biakòheng in chiat an ser tikah biakòheng cu le a cung i a ummi thil vialte in chiat an ser a si;21 cun Biakinn in chiat an ser tikah Biakinn cu le a chung i a ummi Pathian in chiat an ser a si.

22 Cun vancung in chiat an ser tikah Pathian bawiòhutdan le a cung i a òhumi in chiat an ser a si.

23 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Tihang òamhnak puòinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel òung lo; hi hna hi pei nan tuah awk a si cu, a dang zong kha daithlanh hlei loin. 24 Lam hruaitu mitcaw hna. Fikfa kha kan i din chih sual lai tiah, heh tiah nan zet, asinain kalauk kha nan lemh òung!25 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna. Nan hrai le nan kheng cu a lenglei kha thiang hirhiar tein nan òawl hna, asinain a chung cu nan firmi thil le mah karkalak huih lungthin he mi nan va chuhmi hna thil in a khat òung.6 Farasi mi mitcaw hna. Hrai chung i a ummi thil cu thianh hmasa hna u law, cucun pei a lenglei zong cu a thian ve lai cu!

27 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna. Si rang an thuhmi thlan bantuk nan si. Lenglei cun aa dawh ko, sihmanhsehlaw a chung cu mithi ruh le a thumi pei a khat cu.

8 Cu bantuk cu nan si, a lenglei cun mi òha ko nan lo, sihmanhsehlaw nan chung cu lih le sualnak in a khat.

Dantatnak Hmuh Ding A Chim(Luk 11.47-51)

29 “Phungbia cawnpiaktu saya hna le Farasi mi hna, nan caah ngaihchia a va si dah! Midepde hna! Profet kha thlan òhaòha nan serpiak hna i mithiang mi hna lungphun kha nan òamh,