Dawtnak a sullam(love meaning) *************************

Dawtnak a sullam(love meaning)

*********************************

Dawtnak ti mi cu nitin tein kan hman mi minung pakhat le pakhat dawt le lawmhternak le bia i ruahnak i lawmhter le thil duh mi tlinhter piak bantuk le vawlei chawva thilri le rumnak dawt le Pathian dawt a si.

Biakam hlun ah a um dih;

(1)Biakam hlun dawt nak kong

(2)minung le minung dawt.(3)minung nih Vawlei Rumnak le Chawva thilri dawt

(4)minung nih Pathian dawt

(5)Biakam thar dawt nak kong

Bible Biakam hlun ah cun Pathian dawt ti cu a mah Pathian (focus) tonnak laifang bak zoh in Israel mi kha Moses hmang in lam ahruaih hna a si.minung nih Pathian caah dawtnak ,minung nih minung caah dawtnak,minung nih vawlei rumnak le chawva thilri caah dawtnak tiin a um.Biakam hlun bible chung ah thil zeizong te kan kan hmuh dih minung le minung innpa le pathian na dawt lai ti mi hi artlang in an kal ttih. Bible nih dawtnak a ngan bik .

Matt 22:36 Aa thawh i, “Saya, Phungbia chungah hin zei nawlbia dah a ngan bikmi a si?” tiah a hal.

Levitical 19;18 Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi Bawipa cu ka si.

Deutro 5:5 Bawipa na Pathian cu na lungthin dihlak le na ruahnak dihlak le na thawnnak dihlak in na dawt lai.

Matt 22: 40 Moses Nawlbia vialte le profet hna cawnpiaknak vialte cu, hi nawlbia pahnih chungah hin an i khumh dih,” tiah a ti.

1)Pathian dawtnak(God's love)

*******************************

Biakam hlun ah Pathian lianngan nak le khuaruahhar in Israel mi a hruai hna.Israel mi tuanbia chungah ahramk in adongh tiang Pathian lianngannak le athawnhnak khuaruahhar in ahruai hna cucu Pathian dawtnak cu a si.

Isaiah 43:7 Annih cu keimah mi an si i keimah sunparnak petu dingah ka sermi an si,” a ti.

Isaiah 49:3 A ka thawh i,“Israel, nangmah cu ka sal na si;nangmah ruangah mi nih an ka thangthat lai,” a ti.

2) Minung nih Pathian dawt(Man's

love for God)

**********************************

Pathian dawt ti mi cu amah Pathian kha(focus) he tonnak in zohchih, Pathian thinlung dihlak le ruahnak dihlak in i sehchih kha asi.A zeidang thil nak in amah thawngtha le cathiang rel duhnak thinlung Pathian kha thuk deuh in theih duh nak thinlung ngeih mi kha Pathian dawt ti cu a si ko.Amah Pathian hrim kan (Passion)mi kha Pathian dawt ti cu a si.Thlacam duh nak, bible rel duh nak ,Amah thangthat,amah Pathian hrim ah 100% in lawmh,Cu vialte chungah lunglawmh nak taktak he Pathian he tonnak angeih kho mi kha Pathian dawt a si.

Psalm 145:20 Amah a dawtu cu an dihlak in a huhphenh hna,sihmanhsehlaw mithalo cu

a hrawh dih hna lai.

Psalm 5:11 Nangmah ah himnak a hmumi cu an i lawm lai i lawmhnak in hla an sa zungzal lai.Nangmah an dawmi cu na huhphenh hna,nangmah thawngin lawmhnak taktak an hmu.

Psalm 69:36 a sal hna an tefa nih an co lai i amah a dawmi kha cuka ah cun an um lai.

Psalm 119:132 Na dawtmi hna cu na merhnawh hna i an cungah

zaangfahnak na ngeih bantukin

kei zong ka merhnawh ve law

ka zaangfah ve ko sawh.

Isaiah 56:6-7)6 Cun Bawipa nih a mi hna chung i aa tel vemi, amah a daw i a rian a tuanmi, Sabbath kha a ul i a biakamnak kha tha tein a zulmi ramdangmi kha a thawh hna i, 7 “Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biaktheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

3) Minung nih minung dawt (Man's love for man)

************************************

Minung nih minung dawt ti mi cu bible ah kan hmuh bantuk in na innpa kha nangmah naa dawt bantuk in na dawt lai ti asi.cucu Kan pawngkam a um mi minung pawl kha dawt ding ah le kan miphun hawi sin ah phu hlam lo ding a kan fial ve bible nih,Cucu minung le minung dawtnak ti cu asi.

Matt 22:39 A hun changtu biapi bik nawlbia cu, cu bantuk thiamthiam cu a si i, ‘Na innpa cu nangmah naa dawt bantukin na dawt lai,’ ti hi a si.

Levitical 19:18 Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi Bawipa cu ka si.34 Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

4) Minung nih vawlei Rumnak le chawva thilri dawt(Man's love for things )

********************************

Minung nih vawlei chawva le thilri dawt ti a um i Rumnak ngeihchia chawva le suingun hlawn thil a phun dawt ti a um ve.mi cheu nih cu vawlei rumnak chawva a dawt mi hna cu a dang pawl zeihman rel loin vulei rumnak a dawt mi le vulei cung rumnak le thilri kha Pathian bantuk in a daw mi an um ve i ; cucu Vawlei chawva le rumnak thilri dawtnak cu a si.

Gen 27:4 Cun ka duh tawnmi rawl kha thaw tein ka chuanpiak law ra ka pe. Ka ei lai i ka thih hlanah ka thluachuahnak hmanung bik cu kan pek lai,” a ti.

2chanrelnak 26:10 Cun chimram le nelrawn ah khan satil run tampi a ngeih caah ramlak ah khan innsang a sak hna i tikhor tampi a cawh hna, cun lothlawh a duh ngaingaimi a si caah tlangram le vawlei thatnak hmun ah khan lothlo le mitsur nengtu kha a chiah hna.

Psalm 34:12 Nun nuam tein nun le chan saupi le lunglawm in nun cu nan duh maw? Psalm112:1MithaLunglawmhnak

112:1 Bawipa cu thangthat u!

Bawipa a tihmi cu milunglawm an si.A nawlbia zulh a nuam in

a theimi cu milunglawm an si.

Psalm 119:35 Na nawlbia chungah khan lunglawmhnak ka hmuh caah na nawlbia lam cu ka zulhter ko.36 Rumnak nakin na nawlbia zulh kha ka duhter deuh.37 Santlailo thil kha biapi i ka rel sual nakhnga lo ka bawm,bia na ka kamh bang khan ka cungah thatnak tuah ko.97 Zeitluk in dah na phunglam cu ka duh,chun nitlak cu lawng cu ka ruat ko.140 Zeitluk in dah na biakam cu a hmaan!Zeitluk in dah na sal nih ka duh!

Psalm 40:8 Ka Pathian, zeitluk in dah na duhnak tuah cu ka duh! Na cawnpiaknak cu ka lung chungah kaa chiah hna,”tiah kan leh.16 Nangmah sinah a rami vialte cu lunglawm le thanuam in um hna seh.Na khamhnak a duhmi vialte nih,“Bawipa cu a lianngan hringhran ko,” ti zungzal hna seh.

5) Biakam thar dawtnak kong (Love in new testament)

************************************

Biakam thar ah cun minung hi kan sual tuk cang caah Pathian he ral kan si lio ah zeihman a tuah kho lomi kan si lio ah,cu caan thengte ah mitholo mi kan caah khrih kha a thi.Pathian nih vawlei a dawt tuk hringhran caah a fapa ngeihchunhte kha a pek,cucaah amah a zumh mi poah cu an thi lai lo,zungzal nunnak an ngeih lai.cucu dawtnak a si.

John 14:9 Jesuh nih, “Nan sinah saupi ka um ko cang, asinain na ka hngal rih lo maw, Filip? Keimah a ka hmutu paoh nih cun ka Pa kha an hmuh ve ko, cucaah zeicahdah na Pa cu kan hmuhsak, na ka ti?

Kolose 2: 9 Zeicahtiah Pathian sining cu tling khitkhet tein Khrih a minung sinak ah khan a um i

Hebrew 1:3 Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, thawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a thu.

John 1:1Nunnak Bia

(Gen 1.1—2.4a)

1:1 Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.

John 20:28 Thomas nih cun, “Ka Bawipa le ka Pathian,” tiah a ti.

Rom 5:6-11)6 Zeihmanh a tuah kho lomi kan si ko lioah khan, cu caan thengte ah cun mithalo mi kan caah Khrih kha a thi. 7 Mi tha caah cun thih ngamh zong an um phum hnga nain a dingmi ca i thih cu a harmi thil a si. 8 Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi. 9 A thihnak hmanh nih Pathian he a kan remter ahcun zeitluk in dah Pathian thinhunnak chung cun amah nih cun a kan khamh chinchin lai. 10 Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai. 11 Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

Efesa 1:7 Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

Efesa 2: 10 Kannih cu Pathian kutchuak kan si i Pathian nih thil tha tuah dingah a rak kan tinh bantukin Khrih he kan i pehtlaihnak thawngin thil òha cu kan tuah khawh nakhnga a kan ser thanmi kan si.18 Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

Titus 2:14 Kannih cu that lonak chungin chanh awkah le amah ta a simi mithiang si awkah le thatnak tuah a duhmi siter awkah, kan caah a nunnak kha a pek.

John 3: 16 Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

Dawt nak ti mi hi a tawi nak in ka van langhter duh mi cu; Pathian dawt , le minung dawt ,vawlei rumnak le chawva thilri dawt,nunnak pek in dawt,Israel mi kha Pathian nih dawt nak in a huphenh nak in dawt ti mi kha a cung lei in ka van tial mi kha a si.

Kan mah nih teh zeizah kan dawt ve ?Vawlei rumnak le chawva thilri maw , minung maw kan dawt hna maw ,Pathian maw kan dawt ?kan dawt mi thil hi kan i fiang cang maw?dawt nak teh kan thleidan thiam maw ? kan mah tein i zoh than tuah hna u sih ti kan sawm hna.