Bible nih thihnak=============Satan raldoh timi cu kanmah nun ziaza thalo lungput thalo ruahnak th

Bible nih thihnak ============= Satan raldoh timi cu kanmah nun ziaza thalo lungput thalo ruahnak thalo pathian nih a fih mi nun zia le siasal biak te hna vialte doh kha a si ko.Pathian pehtlaih khawhlo in nun a kan khamhtu ziaza poahpoah le thlarau ram lei lam a phit mi nun zia poahpoah kha satan raldoh cu a si ko. Cu vialte thalo nak ziaza vialte nih Hell ram ah kal pi ding a si cang caah Hell ram kan kal nak hnga lo cu thalo nak ziaza vialte satan raldoh cu nitin tein kan doh awk rian a si ,thlacam nak he kan doh awk a si. Duh thimhnak lam kan ngei hna vawlei kan nun lio ah,Kan pumsa kan thi lai i mi cheu cu zungzal huatnak le ningzahnak chungah hun hlau a si lai.cucu zungzal Hell lei kalnak le harsatnak a si. Acheung zungzal nunnak ah hlau a si lai,cucu vancung ram a si. Daniel 12:2 Leidip chungah a itmi hna lakin tampi cu an hun i thang lai,a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai. 1. BIAKAM HLUN THIHNAK KONG Dinnak cu nunnak lei kal pi a si.dinnak cu a hodah miding cu a si lai,minung nih Nawlbia in dinnak a si ah cun pahra cungah 2/3 lawnglawng kan tuah i a dang pa sarih kan tuah kho lo Nawlbia kan buar thiamthiam i vancung kan phan pi kho lo,micheu nih vawlei ah kan sual tuk i,kan sualnak hi pathian nih ngaihthiam khawh ti loin tiang a sual mi ko in ruat a si i cu zong cu Nawlbia buar thiamthiam,a hodah vancung ram cu a phan khun lai?hi ruangah ruahnak aa thleng kho ti lomi kan um ttheo tawn i,mi tampi kan tlau tawnnak a si lio ah, bible ah kan van hmuh mi cu Abraham cu Pathian a zumhnak Jesuh khrih a zumhnak thawngin midin ah cohlang a si ti kan hmuh tikah ,lam a pit cang mi misual mi le Nawlbia a buar mi vialte kan caah thawngtha le lam a kan hmuhsak thannak a si. Cu caah Vancung ram kan phak nak dingah cun Jesuh khrih Pathian kan zumhnak thawngin misual mi le Nawlbia a zulh kho lomi buar pawl thianhter tu dingah Jesuh khrih thawngtha zumhnak thawngin in thiamco midin ah cohlang kan si,A men!HalelluiJah. Gen 15: 6 Abram nih Bawipa cu a zumh i cu a zumhnak cu Bawipa nih a dinnak ah a cohlanpiak. Dinnak lam cu Jesuh khrih thawngtha zumhnak lam hi dinnak lam cu a si. Hruhnak lam cu vawlei ah fimcuh le keimah tinak le ka fim ka thiam ka rum keimah tinak lam hi vawlei lam kha hruhnak lam cu a si. Phungthlukbia 12:28 Dinnak cu nunnak lei kalnak lam a si, Hruhnak cu thihnak lei kalnak lam a si. Minung ruahnak in na ruah tawnmi lam dik na ti mi le bible zoh loin rian na tuan mi na duhpoah in phuahchom i midang bia va ceih le sual va phawt le na ruahnak ah a hman na ti mi vialte kha thihnak lam menmen a rak si.na tuah hlan ah bible nih zeitin a ti ka ruahmi hi bible nih teh zeitin a ti tiah na kawl i na ruahnak le na nun le midang na va sawh tawnmi bible na zoh lai,bible ah a chimmi bia kha lam dik a si i cu hnu lawngah lam dik na hmuh kho lai. Phungthluk 14:12 Lam dik tiah na ruahmi kha thihnak lei kalnak lam a si kho ko. Vawlei kan pum cu leidip a si caah leidip ah kan kir than lai,thlan hri put in kan kawl i kan hmuh mi vialte leidip kan kir than hlan tiang kan tuan ding a si,nain a hohman kan luat kho lo leidip a si caah thihni a hohman kan theih lo i kan luat kho lo,duh thim a ngah lo cu leidip pumsa cu a luat kho mi kan um lo mirum sifak a hohman kan luat kho lo. Gen 3:19 Rawl na hmuh khawhnak dingah,vawlei i na kir than hlan tiang,thlan hripi puak in na cawl a hau lai;Nangmah cu, cu vawlei cun sermi na si.Leidip na si i leidip ah na kir than lai,” a ti. Nain chan tling kan nunnak ding lam cu kan thlarau tu kha a si i,cucu zungzal thlarau nunnak cu a tu tein kan duh thimnak a herh i ,duh thim khawh a si , a tu tein zungzal nunnak lam cu kan duh thimnak lam a si. Gen 15:15 Nang tu cu chan tling in na nung lai i dai tein na thi lai; khup kha hmuah in na nun hnuah an in vui lai. Daniel 12:2 Leidip chungah a itmi hna lakin tampi cu an hun i thang lai,a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai. 13 Nang cu a donghnak tiangin zumhawktlak tein um ko. Cun na thi lai i chan donghnak caan ah na hmuh awk hnga kha co awkah nang cu na tho te lai,” tiah a ti. Kan thi hnu ah chan donghnak caan ah kan hmuh co awknak lam kha kan tho lai,Hell ram lei kal ding maw na tho than te lai dah vancung ram lei kal ding maw na tho than te lai.a tu tein kan ruat than ta a herh a tu tein vancung kan phak hlan ah vancung ah kan tuah lai ding kha vawlei ah tuah a si lai,vawlei ah Pathian kan thangthat bang in vancung ram ah Pathian kan thangthat te lai nak kha a tu vawlei ah vancung citizen kan ngeih cia cang.cu ve bantuk in Hell ram citizen hi vawlei kan um lio ah nitin na tuah mi cungah a si ve thiamthiam,a caan a um lio ah kan tuah mi hi zeidah a si Hell ram citizen maw vancung ram citizen maw timi hi ruat than ngaingai a herh i Hell ram citizen tuahserhnak ah na um lio sual a si ah cun a caan a um lio vawlei kan nun lio te ah mer tak ko u sihlaw,vancung citizen hi zeidah a si timi kan theih rih lo ah cun kawl cio hna u sih zungzal nunnak caah. Psalm 115:17-18)17 Bawipa a thangthattu cu mithi an si lo,holh lo i dai tein umnak hmun ah a vung kalmi nih an thangthat kho lo 18 sihmanhsehlaw kannih a nungmi nih amah cu kan lawmh lai,atu in zungzal tiang kan lawmh lai.Bawipa cu thangthat u! Psalm 121:8 Atu in zungzal tiang, na chuahlei siseh, na luhlei siseh, an zohkhenh zungzal lai. Minung khuakhannak vialte cu a dong lai,kan khuakhanning in zeihman a si thiam lo,a donghnak in kan phichuak cu Pathian khuakhannak lawnglawng ah a dongh ttheo tawn. Psalm 146:4 An thih tikah leidip ah an kir ko;cu ni ah cun an khuakhannak vialte cu an dong fawn ko. psalm 17:15 Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai. Psalm 49:15 Sihmanhsehlaw kei cu Pathian nih a ka khamh lai;thihnak thawnnak chungin a ka chuah lai. Selah Job 19:25-26)25 Zeicahtiah a ka Tlanhtu a nun kha ka hngalh i Ni hmanung bik ah cun vawlei cungah hin a dir lai;26 Cun ka cuar cu hrawh a si dih tikah ka titsa in Pathian cu ka hmuh lai. Job 38:17 Thihnak kutka hna cu na sinah phuan an si cang maw? A thukmi muihnak kutka a cawngtu hna cu na hmu bal hna maw? Thihnak kutka le muihbak kutka kan phan hlan le kutka cawngtu kan hmuh hna hlan ah vancung ram lei mer in timhtuah nak ngei a herh cang a caan um lio a si.vawlei kan nun lio lawnglawng ah duh thim khawhnak lam a um,thi hnu pinlei duh thimnak khawhnak kan ngei ti lai lo caah a tu hi fak piin ruat than hna u sih. 2. Biakam thar thihnak kong John 11:15 sihmanhsehlaw a sin i ka rak um lo cu nanmah caah a tha, zeicahtiah nan zumh khawh deuh lai, amah sinah cun va kal u sih,” tiah a ti. John 5: ( 4 A zei maw caan ah Bawipa vancungmi kha a vung tum tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.) Pathian nih Fapa Jesuh a thla mi a zumh mi poah cu zungzal nunnak kan zumh lai,(Rom 10: 9) Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai. 10 Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si. 11 Cathiang nih, “Amah a zummi paoh cu ningzahnak an ing lai lo,” tiah a ti. John 3:16 Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai. Kan thi lai i,thlan khan an chuak lai i thatnak a tuahmi kha an tho lai i an nung lai, that lonak a tuahmi kha an tho ve lai i sualphawt an si lai,” tiah a ti. sualphawt kan si nak hnga lo kan pum a thih hlan ah duh thimnak nawl kan ngei,vawlei kan nun chung te ah duh thim khawh kan si thihnak Hell maw a si lo ah zungzal nunnak vancung ram dah,kan pum a thih hnu cu duh thim khawh a si ti lai lo,duh thimnak caan kan ngei lio ah kan sual nak hi merh tak u sihlaw,sualphawt kan sinak hnga lo Pathian panh cang u sih. Kan pum a thihnu cun ngeihchih caan a um ti lai lo i,a thahnem ti lai lo.vawlei kan pum a nung lio te ah caan tha liam ter hlah u sih. 1Johan 2:6 "Pathian chungah kan um, a timi paoh nih cun Jesuh Khrih bantukin kan um awk a si. " John 5:28-29) 28 Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio, 29 cun an thlan khan an chuak lai i thatnak a tuahmi kha an tho lai i an nung lai; that lonak a tuahmi kha an tho ve lai i sualphawt an si lai,” tiah a ti. Hell kongah lungreitheih in um ding a si lo,pathian kan zumh ah cun Jesuh khrih zawng kha kan zumh lai cu zumhnak in Hell chungah luatnak kan hmuh lai,zungzal nunnak vancung ram tu kan co lai kan zumhnak thawng tu in a si lai. John 14:1-2)Jesuh Cu Pa Sin Kalnak Lam A Si 14:1 Khuaruahhar lungrethei in um hlah u. Pathian kha zum u, keimah zong kha ka zum ve u. 2 Ka Pa inn chungah khaan tampi a um ko i cuka i nan caah hmun va timh awkah ka rak kal lai. Cu bantukin si hlah seh law hitihin kan chim hna hnga lo. Jesuh khrih a zumh mi poah cu zungzal nunnak kan hmuh lai Jesuh cu vancung lam a si vancung innka a si i Biatak Pathian zungzal nunnak zong a si. Jesuh a zumh mi poah cu zungzal nunnak kan hmuh lai.Jesuh zumh cu zungzal nunnak hmuh nak lam a si. John 11:25-26)25 Jesuh nih Martha cu, “Keimah hi thawhthannak le nunnak cu ka si. Keimah a ka zummi paoh cu a thih hmanh thi seh law a nung lai;26 Cun ahohmanh a nung i keimah kha a ka zummi cu an thi bal lai lo. Hihi na zum maw?” a ti. Luke 23:43 Cun Jesuh nih cun, “Mah hihi kan chimh: nihin ah Paradis ah keimah sinah na um lai,” a ti. Kan pum a that kho tu ral cu ttih ding a um lo,zeicahtiah vawlei kan pum cu a thi te ding thiamthiam mi zeihman nih luat khawh mi a si lo.pum thihnak cu a luat kho mi kan um lo kan thi dih lai a caan a za tikah kan thih ni belte a hohmanh nih kan theih kho lo.pum thih cu ttih ding a si lo chihkhat khual tlawn mi kan si. Kan thlarau a that kho cu ttih bak ding a si.kan thlarau cu zungzal caah a si cang caah thlarau thih lai cu ttih bak ding a si.Hell mei tili zungzal um thih duh le thi kho lo a si te lai caah ttih bak ding a si.Hell mei kan kal nak hnga lo a tu tein,vawlei kan um lio hrim ah hin Pathian lei merh i Pathian duhnak kawl le kan sualnak ngaihthiamnak kan sinak hnga vawlei thalo nak kal tak cang hna u sih. Matt 10:28 Pum cu a that kho ko nain thlarau a that kho lomi cu va tih hlah u; hell chungah pum he thlarau he a that khotu Pathian tu kha va tih u Filipi 3:20-21) 20 Sihmanhsehlaw kannih cu vancung ram mi kan si i kan Khamhtu Bawipa Jesuh Khrih vancung in a rat lai kha ngangngan ngaiin kan hngak ko. 21 A der i a thi khomi kan pum cu a sunglawimi amah pum bantuk ah khan a kan thlen lai i cu tuahnak ah cun zeizong vialte amah uknak tang i a chiah hnanak thawnnak kha a hman lai. Voikhat kan thi lai i bia ceih kan si kan pum thi kha voi khat thi a si i,bia ceih ni ah na sual cang a kan ti cun Hell mei ah kal ding a si i,Bia ceih ni ah Jesuh zumhnak thawngin luat nak kan hmuh ah cun zungzal nunnak kan hmu lai.Jesuh khrih zumhnak thawngin sualphawtnak in kan luat nak hnga Jesuh nun zoh chih in kan kal awk a si. Hebrew 9:27 Minung hi voi khat kan thi lai i cu hnuah cun Pathian nih bia a kan ceih lai. Rom 6:23 Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si. Lih bia chim le miralchia mirawi hmang le fih awk Biathlam 21:8 Sihmanhsehlaw miralchia le mirawi hmang le fih awk lungthin a ngeimi le lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti. lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti. Cu vialte a tuah mi thih voihnihnak thih ding kan si cang mi nung nih kan ngei dih cio ko ,a hodah vancung a phan kun lai cu vialte cu mikip nih kan ngei ko fawn ,cu caah lungrethei tuk in kan um lio ah Jesuh vawlei ah a thihnak in tlan kan si cang caah a Jesuh kan zumhnak thawngin luat nak kan hmuh lai. Matt 26:29 Hihi kan chimh hna: Ka Pa Pennak chungah nanmah he a thar in ka din than hlantiang hi mitsur hang hi ka ding ti lai lo,” tiah a ti. Biathlam 14:13 Cun vancung in aw pakhat ka theih i, “Hihi tial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An riantuanmi nih khan a zulh hna lai i rian an tuannak cun an i din cang lai,” tiah a leh. lamkaltu 24:15 Mitha mi cu a inn ah mithalo nih an bawh bangin va bawh hlah,a lo zong kha va chut hlah; Kan dih lak in tuahserhnak in le dinfelnak in vancung ram a phan kho ding kan um lo lio ah Jesuh vawlei ah hrin a si a thihnak a velhngeihnak thawng in vacung kan kai i cu caah kan mah nih a mah Jesuh khrih zumh lawnglawng i i tlaih i nitin tein a nun kan cawn i Jesuh hnu zulh rian ka tuan awk rian a si ,cu nih cun Hell mei tili chungin a kan luat ter lai.