20 bible muinak chung hna beidong um lio ******************************** Pathian nih kan caah atinh

20 bible muinak chung hna beidong um lio

********************************

Pathian nih kan caah a tinh mi hi kan hngalh kho tawn lo tikah beidong nak a chuak tawn.vawlei ah timtuah nak le tinhnak kan ngeih mi thil a sin a pit lo tikah kan hna bei a dong tawn.Prophet Isaiah zong hrem a si lio ah lunghna bei a dong cu lio ah Pathian nih a hnemnak bia a si.kan caah vanchiat nak a si rua kan ti mi khi thluachuah nak le nunnak lam a si tawn.Pathian tu kha hngatchan le bochannak tu in kan kal kha pathian nih a duh mi a si.

Vawlei ah minung nih kan herh mi hnangam nak le duh mi thil kan kawl nain vawlei cungah um mi thilri chawva nih hnangam nak a kan pe kho lo i;Cu hna nak cu mirum sifak thlu loin kawl mi a si i,mirum le mi cheu mi vawlei ah nu lei in pa lei in zuu le sualnak ah nuamnak phunkip an kawl nain an hmuh kho lo..

Lunglawmh nak taktak cu pathian hi a si.

Jeremiah 29:11 Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin hmailei ruahchannak le thluachuahnak caah a si lai.

Jeremiah 17:7 Sihmanhsehlaw keimah kha a ka bochan i a ka hngatchanmi cuthluachuahnak ka pek lai.

Bible nih Lungsaunak le lungthin thawnnak ati mi cu kan i ruahchanmi Pathian kha zohchih i,Amah Pathian bia bible kha kan ke caah meiin le thiangthlarau kha asi mi Pathian bia kha saya tha bik ah i serh i,lungsau le lungthawnnak in karhlang asi.

Rom 15:4-5)4 Cathiang nih lungsaunak le lungthin thawnnak a kan pekmi thawngin ruahchannak kha kan ngeih khawh nakhnga Cathiang chung i aa tialmi vialte cu kanmah cawnpiaknak caah a si.

5 Khrih Jesuh lam hmuhsakmi nan zulhnak thawngin nannih lakah lungthin khahnak a um khawh nakhnga, lungsaunak le lungthin thawnnak hram Pathian nih in bawm ko hna seh.

Rom 15:13 Thiang Thlarau thawnnak thawngin nan i ruahchannak cu a than lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

Rom 12:12 Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

Rom 52-5)2 Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam. 3 Cun harnak kan inmi zongah hin kan i lawm ko, zeicahtiah harnak nih cun in khawhnak kha a kan ngeihter i 4 in khawhnak nih cun ziaza a kan ngeihter i ziaza nih cun ruahchannak kha a kan ngeihter; ruahchannak nih cun a kan deuh lo, 5 zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

Rom 8:24_25)24 Zeicahtiah ruahchannak in pei khamh kan si cu; sihmanhsehlaw kan i ruahchanmi cu kan mit in kan hmuh ahcun, cucu ruahchannak taktak cu a si hnga lo. Mit in hmuh komi cu aho nih dah an i ruahchan bal? 25 Sihmanhsehlaw kan mit in kan hmuh lomi kha kan i ruahchan ahcun, cucu lungsau in kan hngah a langhnak a si.

Bawipa aa bochan mi cu thazang thar an ngei mupi nih thliachia lakah thazang a lak,thlichia a hrang tikah a thawng deuh,cu ve bantuk in vulei harnak thlichia le tilet atho tikah kan thazang kan laknak ding cu Kan Pathian asi ve.Jesuh khrih nih tangdoi nun a ngei mi nun le lungput a ngei mi hi a mah a zumhtu hna nih kan zulh ding lam cu a si.Pathian kan i bochan cun vulei harnak le thlichia nih a kan den tikah kan tha a baa lai lo i,kan thin a phang lai lo huphenhtu Pathian kan ngei caah Pathiang ah a tling dih ti mi lung hnangam nak le daih nak le lunglaqmh nak in kan tei khawh lai.

Isaiah 40:31 Sihmanhsehlaw Bawipa aa bochanmi cu thazang thar an la.Mupi bangin an zuang lai;

an tlik tikah an baa lai lo,an kal tik zongah an tha a di lai lo.

Isaiah 41:10 Na thin phang hlah — na sinah ka um ko,Keimah cu na Pathian ka si —zeihmanh tih hlah.

Kan thawnter lai i kan bawmh lai;

kan huhphenh lai i kan khamh lai.

Vulei ah ruahchan ding an um lo minung le a dang sui ngun chawva le inn le lo,vulei hi a ning piin co ko hman u sihlaw nunnak kan sung tung ah cun a thathnem lo.cu caah bochan thlak le ruahchan nak tha bik cu Pathian lawnglawng a si i, himnak duh ah a dangdang thil kan kawl vulei bawi maw ,hriamnam maw ral phunzakip chungin himnak hmuh kan duh nain himnak a um lo.kan himnak cu Pathian tili ral ral phungzakip in khamh kho tu Pathian pakhat lawnglawng kan ngeih.cu caah kan i ruahchannak le himnak cu Pathian sin tu ah kawl u sih.

Psalm 39:7 Cu ti a si caah cun, Bawipa, zeidah kaa ruahchan khawhmi a um?Nangmah lawnglawng hi kaa ruahchanmi na si.

Psalm 31:24 Bawipa cungah a ruahchannak a chiami vialte hna,

lungthawng le thazang thawng in

um ko u!

Deutro 31:6 Cun amah sin i a tuan ve dingah cun Dan phun chung mi Ahisamak fapa Oholiab kha ka thim cang fawn. Cun zungthiam dang vialte kha thiamnak phunphun ka pek hna i cucaah ser awk tiah kan chimhmi vialte kha an ser khawh hna lai.

Hebrew 11:1Zumhnak

11:1 Zumhnak ngeih kan ti hi, kan i ruahchanmi kan hmuh theo lai ti kan zumh le a taktak le a ngaingai a simi thil kan mit in kan hmuh khawh lomi hi an um ko ti kan zumh hi a si.

Phungthuk bia 13:12 Ruahchannak cu a nikhua rauhter tikah hin lung a fak,sihmanhsehlaw saduhthahmi cu a tlin tikah hin nunnak thingkung a si.

Phungthlukbia23: 18 Cu bantukin na tuah ahcun hmailei ah ceunak na hmuh lai i na nun khua zong a sau lai.

1peter 1:3 Ruahchannak Nung

3 Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu ruahchannak nung in kan khat i

1peter 3:15 Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

mark 9:23 Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zeipaoh a si kho ko,” tiah a ti.

Lungthin dihlak le ruahnk dihlak in Pathian kan bochan i kan kawl ah cun himnak le daihnak le lomhnak le hnangamnak asi..cu vialte cu vulei cung minung vialte nih an kawl i an hmuh kho lo mi asi ,cu vialte aum nak cu Pathian ah atling.