Khamhnak le Khamh zumhngamnak na ngeih cang maw =======================///// Khamh mi fa ka si cang

Khamhnak le Khamh zumhngamnak na ngeih cang maw

=======================/////

Khamh mi fa ka si cang tiah zumhngamnaknak na ngeih cang maw?

1) Vulei ah hrin kan si i kan nu pawchung kan um lio ah khan misual cia kan si,sualnak in hrin mi fa kan si caah zeitikhman in mithiang le miding kan si kho lo.bible nih miding pakhat hman an um lo Rom 3:10-12)10 Cathiang nih,“A dingmi ahohmanh an um lo 11 Pathian a hngalmi ahohmanh

an um lo,Pathian a kawlmi ahohmanh an um lo.12 Minung nih an dihlak in Pathian kha an pialtak i

a pingah an kal dih;thatnak a tuahmi ahohmanh an um lo,Cucaah bible ningin minung vialte hi miding kan um lo caah ahodah vanram aco kun lai.cu caah vulei muinak nih akan khuh.

2) Minung kan sualning hi Pathian aum lo kan ti acheuh nih hmur le kaa le thinlung in sualnak ah an thi,acheu nih tuahserhnak le colhcangnak sual in an thi,kanmah palhnak kan i hmuh kho lo,midang sualnak lawng kan hmuh,Cu vialte bible nih cun ahohman miding an si lo akan ti.ahodah miding asi kun lai.

Psalm 14:1-3)Minung Sualning

(Slm 53)

14:1 Mihrut nih cun an i thawh i,

“Pathian a um lo,” an ti.An dihlak in an rawk,thil thalo kha an tuah;

ahmaanmi thil a tuahmi ahohmanh an um lo.2 Minung lakah hin a fimmi le keimah a ka biami an um hnga maw ti hngalh duh ah Bawipa nih vancung khin a run zoh hna.3 Sihmanhsehlaw an dihlak in an tlau cang,an dihlak in an chiatnak aa tluk dih,Pakhat hmanh thil hmaan a tuahmi

an um lo,pakhat taktak hmanh an um lo.

3).Abaraham kha Pathian azumh i cu azumhnak thawng in miding ah acohlang.cu caah vancung pennak le vancung le khamhnak kan hmuh nak hnga caah Pathian zumhnak thawng lawnglawng in asi.

(Genesis 15:6 )Abram nih Bawipa cu a zumh i cu a zumhnak cu Bawipa nih a dinnak ah a cohlanpiak.

Misual mi sualnak senduk bang asen mi zong kha Pathian zumhnak thawng in miding mithiang ah cohlang kan si.

4.Zumhnak kan ti mi cu theihnak in ara mi asi.cu theihnak kan ti mi cu

Pathian bia asi,Cu Pathian bia theihnak cu Jesuh khrih thawngtha asi.Jesuh khrih thawngtha theihnak in zumhnak cu ara mi asi.cu Jesuh khrih thawngtha zumhnak thawngin vancung kan co lai nak asi caah Jesuh khrih theih hi vancung innkaa luhnak theih asi.

(Rom 10:17 )Cucaah zumhnak cu bia theihnak thawng khan a um i bia cu Khrih kong chimnak thawng khan a um.

Kanmah tuahserhnak thawngin khamhnak kan hmuh lai lo Jesuh khrih velngeihnak thisen le a ingnak hmavual vialte kha theih i zumhnak thawngin khamh kan si lai.Jesuh hlei in adang khamh kho tu dang ahohman an um ti lo.

( Efasa 2:8 )Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

(Lamkal 4:12 )Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

John 17: 3 Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

John 14:6 Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

John 6:35 Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a tam lai lo i keimah a ka zummi cu ahohmanh an ti a hal lai lo.

1Tim 2:5 Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,

Philipi 2:9 Hi ruangah hin cunglei

a sannak bik hmun ah khin Pathian nih a cawi i min vialte lak i min cungnung bik kha a pek;.

Jesuh lam le biatak le nunnak lam asi.Jesuh cu cungnung bik asi.Jesuh pakhat lawnglawng minung le Pathian karah remnak ser kho tu asi.Jesuh khrih hngalh cu zungzal nunnak asi.Jesuh khrih thawngtha theih le zumh cu zumhnak chungah kal le khamhnak chung ah miding mithiang cohlannak asi.Cu cu kan mah tuahsernak that le thatlo ah asi loin Jesuh zumhnak thawng tu in vancung ram kan co lai.

Johan 10:1 “Biatak kan chimh hna: tuukawm chungah innka in a lut lo i kaa dang in a kaimi cu mifir le damiah an si.

John 10:10 Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

( Johan10:9) Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai. INNKA CU JESUH asi.Jesuh cu tuukawm asi.Jesuh cu lam le Biatak le nunnak asi.Raithawi ti mi cu ngaihthiam nak caah asi.sualnak ngaihthiam nak caah Raithawih nak hi tuah asi tawn.cucu sathi ngaihthiam nak kha asi.Tuukawm cu Jesuh asi.Jesuh cu Vulei mi sual ngaihthiam nak caah Tuukawm bantuk in vulei ah Raithawih asi.

Jesuh Pathian chungah innka alut mi mipoah cu nunnak le duhdim nak an hmuh lai i,Kaadang pathian le Bawipa chungah innka alut mi poah cu hrawhnak thihnak lam asi.

( Johan10:9) Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.10 Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

Jesuh loin adang lam in vancung phaknak lam le khamhnak lam aum aum lo.

Khamnak le Zumhngamnak na ngeih

======////======

GENESIS Sernak Kong

1:1-2) A hramthawk ah, Pathian nih van le vawlei a ser hna tikah,a 2 vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian thawnnak cu aa chawk.

1korin 12:13 Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

Efasa 1:13-14)13 Nannih zong cuticun nan si ve: khamhnak an phorhtu hna Thawngtha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si. 14 Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangthat ko u sih!

John 14:15-17)Thiang Thlarau Nan Hmuh Lai

15 “Nan ka dawt ahcun ka nawlbia kha nan zulh hna lai. 16 Ka Pa kha ka hal lai i Bawmtu a dang, an pek hna lai i a zungzal in an umpi hna lai. 17 Amah cu biatak phuangtu Thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw amah cu nan sinah a um i nan chung i a nun caah nannih nih cun nan hngalh.

26 sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

John16: 7_11)7 Sihmanhsehlaw biatak kan chimh hna: ka kal hi nan caah a tha deuh, zeicahtiah keimah ka kal lo ahcun Bawmtu kha nan sinah a ra kho lai lo. Ka kal ahcun amah cu nan sinah ka ratter lai. 8 A rat tikah vawleicung mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiang tein a hngalhter hna lai. 9 Keimah an ka zumh lo caah hin sualnak kong ah an palh; 10 cun kei cu ka Pa sinah ka kal lai i nan ka hmuh ti lai lo caah hin, zeidah a ding timi kong ah an palh; 11 cun hi vawlei uktupa hi a bia ceih a si cang caah hin biaceihnak kong ah an palh.

Rom 8:26 Cu bantuk thiamthiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

Isaiah 11:2 A mi kha a uk khawh hna nakhnga Bawipa thawnnak nih amah cu fimnak le hngalhnak le thiamnak a pek lai.Bawipa duhnak kha zeidah a si ti a hngalh lai i

Bawipa cu a tih lai.

1korin 12:1-11)Thiang Thlarau Laksawng

12:1 Thiang Thlarau sinin kan hmuhmi laksawng kong ah hngalhter kan duhmi hna a um. 2 Nannih cu lawkihmi nan si lioah khan nunnak a ngei lomi siasal nih a rak in uk hna kha nan hngalh i cu siasal nih cun a ping ah an hruai zungzal hna. 3 Cucaah cun Pathian Thlarau i a hruaimi hna nih cun, “Jesuh cu chiat ko seh,” an ti kho bal lo i, Thiang Thlarau i a hruai hna dah ti lo ahcun, “Jesuh cu Bawipa a si,” an ti kho bal pek lo.4 Thlarau laksawng hi a phunphun in a um, sihmanhsehlaw cu laksawng vialte a petu hna cu Thlarau thiamthiam kha a si. 5 Rian tuan hi a ning tampi a um, sihmanhsehlaw a rian kan tuanmi cu Bawipa thiamthiam kha a si ko. 6 Rian tuan khawhnak hi a phunphun in a um, sihmanhsehlaw cu bantuk tuan khawhnak a petu hna cu Pathian thiamthiam kha a si ko. 7 Thlarau kan chung i a um kha phun khatkhat in a lang cio i cucu kan dihlak ca i thatnak ding caah khan a si. 8 Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek. 9 Cu Thlarau thiamthiam nih cun pakhat cu zumhnak a pek i pakhat cu damter khawhnak thawnnak a pek. 10 Pakhat cu khuaruahhar tuah khawhnak a pek; cun pakhat cu Pathian bia chim thiamnak a pek i pakhat cu Thlarau sinin a rami laksawng a si maw si lo ti thleidan khawhnak a pek. Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek. 11 Hi thil vialte a tuahtu hi Thlarau pakhat a si, a duhning bantukin mi kha laksawng phun dangdang cio a pek hna.

1korin 3:16-17)16 Pathian biakinn nan si kha nan hngalh i Pathian Thlarau nan chung i a um zong kha nan hngalh. 17 Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.

Ikorin 6:19 Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si;

1 korin 2:7-13)7 ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si. 8 Hi vawlei a uktu hna nih hin, cu fimnak cu an rak hngal lo. Rak hngal hna seh law cu, sunparnak Bawi kha vailam ah an rak khenh hnga lo.9 Sihmanhsehlaw Cathiang nih,

“Ahohmanh nih an hmuh bal lomi

le an theih bal lomi,

A si kho lai, tiah ahohmanh nih

a ruah in an ruah bal lomi,

Kha thengte kha Pathian nih

amah a dawtu hna ca i

a timhmi cu a si,”

a ti bang khan a si taktak. 10 Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna. 11 Minung cu a chung i a ummi amah a thlarau nih khan a konglam cu a dihumnak in a hngalh; cu bantukin Pathian zong cu Pathian Thlarau lawnglawng nih a konglam kha a dihumnak in a hngalh ve. 12 Kannih kan hmuhmi Thlarau cu hi vawlei thlarau hi a si lo, Pathian nih a kan pekmi vialte cu kan hngalh khawh nakhnga, Pathian nih a run thlahmi Thlarau cu kan hmuh cang.

13 Cucaah Thlarau a ngeimi hna sinah thlarau lei biatak kha a sullam kan chim tikah minung cawnpiakmi bia kha hmang loin Thlarau cawnpiakmi bia tu kha kan hman.

2korin 3: 17 Hi zawn i “Bawipa,” a timi hi Thlarau a si i Bawipa Thlarau a umnak hmun paoh ah luatnak a um.

Lamkaltu 5:3-5)

3 Peter nih anih cu a rak thawh i, “Ananias, zeicahdah Satan cu na lung kha na ukter i na lo man in na hmuhmi tangka a cheu kha naa chiah i Thiang Thlarau sinah lih na chim?4 Na thil cu na zuar hlanah khan nangmah ta a si, cun na zuar hnu zongah khan a man cu nangmah ta a si thiamthiam ko. A si kun ahcun, zeicahdah cu bantuk thil tuah awkah cun na lung chungin na rak ruah? Minung sinah lih na chim a si tung lo, Pathian sinah pei lih na chim a si cu,” tiah a ti.5 Cu bia cu Ananias nih a theih tikah aa teng bak ko i cu thawng a theimi paoh cu tihnak in an khat dih.

Efasa 4: 30 Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

Rom 15 :30 Kan Bawipa Jesuh Khrih le Thiang Thlarau pekmi dawtnak in kan nawl hna: keimah caah Pathian sinah thla rak cam lengmang ve u.

Matt 28:19 Cucaah khuazakip ah va kal u law miphun vialte kha a ka zultu ah va ser hna u; Pa le Fapa le Thiang Thlarau min in tipilnak va pe hna u law,

2korin 13:13 Bawipa Jesuh Khrih vel le Pathian dawtnak le Thiang Thlarau he i hawikomhnak cu nan dihlak sinah um ko seh.

Galati 5:22-23)22 Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, thatnak, zumhawktlakmi sinak,23 toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

Thiangthlarau hmaiah

Psalm 139:7 Na thlarau sin hin khuazei ah dah ka zam khawh lai?

Na hmaika hin khuazei ah dah

kaa thuh khawh lai?8 Vancung ah khin hung kai ning tiah,cuka ah cun na rak um ko lai,mithi khua ah khin vung it ning tiah,cuka zongah cun na rak um thiamthiam ko lai.9 Nichuahlei ah khin lo diam in hei zuang hnik ning law,asiloah nitlaklei a hlatnak bik hmun zongah khin hei um hnik ning law,10 cuka zongah cun a ka hruaitu dingah nangmah na rak um Thiamthiam ko lai,a ka bawmtu dingah na rak um thiamthiam ko lai.

Rom 8;9 Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

1korin 2: 14 Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

reminder

Rom 14:17 Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

Bonus

Lamkaltu 1;: 8 Asinain Thiang Thlarau nan cung i a tlun tikah cun, thawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.